Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021R1449

    Regolament ta’ Implimentazzjoni tal-Kummissjoni (UE) 2021/1449 tat-3 ta’ Settembru 2021 li jemenda r-Regolament ta’ Implimentazzjoni (UE) Nru 540/2011 rigward l-estensjoni tal-perjodi tal-approvazzjoni tas-sustanzi attivi 2-Fenilfenol (inkluż il-melħ tiegħu, bħall-melħ sodju), 8-idrossikwinolina, amidosulfuron, bifenox, chlormequat, chlorotoluron, clofentezine, clomazone, cypermethrin, daminozide, deltamethrin, dikamba, etofenprox, fenoxaprop-P, fenpropidin, fludioxonil, flufenacet, fosthiazate, indoxacarb, lenacil, MCPA, MCPB, nicosulfuron, żjut tal-paraffin, żejt tal-paraffin, penconazole, picloram, propaquizafop, prosulfocarb, kwiżalofop-P-etil, kwiżalofop-P-tefuril, kubrit, tetraconazole, tri-allate, triflusulfuron, u tritosulfuron (Test b’rilevanza għaż-ŻEE)

    C/2021/6452

    ĠU L 313, 6.9.2021, p. 20–24 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2021/1449/oj

    6.9.2021   

    MT

    Il-Ġurnal Uffiċjali tal-Unjoni Ewropea

    L 313/20

    REGOLAMENT TA’ IMPLIMENTAZZJONI TAL-KUMMISSJONI (UE) 2021/1449

    tat-3 ta’ Settembru 2021

    li jemenda r-Regolament ta’ Implimentazzjoni (UE) Nru 540/2011 rigward l-estensjoni tal-perjodi tal-approvazzjoni tas-sustanzi attivi 2-Fenilfenol (inkluż il-melħ tiegħu, bħall-melħ sodju), 8-idrossikwinolina, amidosulfuron, bifenox, chlormequat, chlorotoluron, clofentezine, clomazone, cypermethrin, daminozide, deltamethrin, dikamba, etofenprox, fenoxaprop-P, fenpropidin, fludioxonil, flufenacet, fosthiazate, indoxacarb, lenacil, MCPA, MCPB, nicosulfuron, żjut tal-paraffin, żejt tal-paraffin, penconazole, picloram, propaquizafop, prosulfocarb, kwiżalofop-P-etil, kwiżalofop-P-tefuril, kubrit, tetraconazole, tri-allate, triflusulfuron, u tritosulfuron

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-ewwel paragrafu tal-Artikolu 17 tiegħu,

    Billi:

    (1)

    Il-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusa li ġew approvati skont ir-Regolament (KE) Nru 1107/2009.

    (2)

    Ir-Regolament ta’ Implimentazzjoni tal-Kummissjoni (UE) 2020/1511 (3) estenda l-perjodu ta’ approvazzjoni tas-sustanzi attivi chlorotoluron, clomazone, cypermethrin, daminozide, deltamethrin, fludioxonil, flufenacet, fosthiazate, indoxacarb, MCPA, MCPB, u prosulfocarb sal-31 ta’ Ottubru 2021, tas-sustanza attiva tritosulfuron sat-30 ta’ Novembru 2021, u tas-sustanzi attivi amidosulfuron, bifenox, clofentezine, dikamba, difenokonażol, diflufenican, fenoxaprop-P, fenpropidin, lenacil, nicosulfuron, żjut tal-paraffin, picloram, kubrit u triflusulfuron sal-31 ta’ Diċembru 2021. Ir-Regolament ta’ Implimentazzjoni tal-Kummissjoni (UE) 2020/2104 (4) estenda l-perjodu tal-approvazzjoni tas-sustanza attiva żejt tal-paraffin sal-31 ta’ Diċembru 2021. Ir-Regolament ta’ Implimentazzjoni tal-Kummissjoni (UE) 2017/555 (5) estenda l-perjodu tal-approvazzjoni tas-sustanzi attivi chlormequat, propaquizafop u kwiżalofop-P-etil sat-30 ta’ Novembru 2021, u tas-sustanzi attivi 2-fenilfenol (inkluż il-melħ tiegħu bħall-melħ tas-sodju), dimethachlor, etofenprox, penconazole, tetraconazole u tri-allate sal-31 ta’ Diċembru 2021. Ir-Regolament ta’ Implimentazzjoni tal-Kummissjoni (UE) 2017/1530 (6) estenda l-perjodu tal-approvazzjoni tas-sustanza attiva kwiżalofop-P-tefuril sat-30 ta’ Novembru 2021.

    (3)

    L-approvazzjoni tas-sustanza attiva 8-idrossikwinolina se tiskadi fil-31 ta’ Diċembru 2021 f’konformità mar-Regolament ta’ Implimentazzjoni tal-Kummissjoni (UE) Nru 993/2011 (7).

    (4)

    L-applikazzjonijiet għat-tiġdid tal-approvazzjoni ta’ dawk is-sustanzi ġew ippreżentati f’konformità mar-Regolament ta’ Implimentazzjoni tal-Kummissjoni (UE) Nru 844/2012 (8).

    (5)

    Billi l-valutazzjoni ta’ dawk is-sustanzi attivi ddewmet għal raġunijiet li ma kinux fil-kontroll tal-applikanti, x’aktarx li l-approvazzjonijiet ta’ dawk is-sustanzi attivi se jiskadu qabel ma tkun ittieħdet deċiżjoni dwar it-tiġdid tagħhom. Għalhekk jeħtieġ li l-perjodi ta’ approvazzjoni tagħhom jiġu estiżi.

    (6)

    Barra minn hekk, hija meħtieġa estensjoni tal-perjodu ta’ approvazzjoni tas-sustanzi attivi 2-fenilfenol (inkluż il-melħ tiegħu bħall-melħ tas-sodju), 8-idrossikwinolina, amidosulfuron, clofentezine, clomazone, daminozide, fenoxaprop-P, fludioxonil, flufenacet, lenacil, triflusulfuron, u tritosulfuron, biex jingħata biżżejjed żmien biex titwettaq valutazzjoni dwar il-proprjetajiet ta’ tfixkil tas-sistema endokrinali ta’ dawk is-sustanzi attivi f’konformità mal-proċedura stabbilita fl-Artikoli 13 u 14 tar-Regolament ta’ Implimentazzjoni (UE) Nru 844/2012.

    (7)

    F’każijiet meta l-Kummissjoni tkun se tadotta Regolament li jipprevedi li l-approvazzjoni ta’ sustanza attiva msemmija fl-Anness ta’ dan ir-Regolament ma tiġġeddidx minħabba li ma jkunux ġew issodisfati l-kriterji għall-approvazzjoni, il-Kummissjoni trid tiffissa d-data ta’ skadenza li tkun l-istess data ta’ qabel ma sar dan ir-Regolament, jew fid-data tad-dħul fis-seħħ tar-Regolament, dejjem jekk l-approvazzjoni tas-sustanza attiva ma tiġġeddidx, skont liema data tiġi l-aħħar. Rigward il-każijiet meta l-Kummissjoni tkun se tadotta Regolament li jipprevedi t-tiġdid ta’ sustanza attiva msemmija fl-Anness ta’ dan ir-Regolament, il-Kummissjoni tfittex li tistabbilixxi, skont iċ-ċirkostanzi, l-aktar data ta’ applikazzjoni qrib possibbli.

    (8)

    Għalhekk jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

    (9)

    Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DAN IR-REGOLAMENT:

    Artikolu 1

    L-Anness tar-Regolament ta’ Implimentazzjoni (UE) Nru 540/2011 huwa emendat f’konformita mal-Anness ta’ dan ir-Regolament.

    Artikolu 2

    Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-3 ta’ Settembru 2021.

    Għall-Kummissjoni

    Il-President

    Ursula VON DER LEYEN

    (1)  ĠU L 309, 24.11.2009, p. 1.

    (2)  Ir-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (ĠU L 153, 11.6.2011, p. 1).

    (3)  Ir-Regolament ta’ Implimentazzjoni tal-Kummissjoni (UE) 2020/1511 tas-16 ta’ Ottubru 2020 li jemenda r-Regolament ta’ Implimentazzjoni (UE) Nru 540/2011 fir-rigward tal-estensjoni tal-perjodi ta’ approvazzjoni tas-sustanzi attivi amidosulfuron, bifenox, chlorotoluron, clofentezine, clomazone, cypermethrin, daminozide, deltametrina, dikamba, difenokonażol, diflufenican, fenoxaprop-P, fenpropidin, fludioxonil, flufenacet, fosthiazate, indoksakarb, lenacil, MCPA, MCPB, nicosulfuron, żjut tal-paraffin, picloram, prosulfocarb, kubrit, triflusulfuron u tritosulfuron (ĠU L 344, 19.10.2020, p. 18).

    (4)  Ir-Regolament ta’ Implimentazzjoni tal-Kummissjoni (UE) 2020/2104 tal-15 ta’ Diċembru 2020 li jemenda r-Regolament ta’ Implimentazzjoni (UE) Nru 540/2011 fir-rigward tal-estensjoni tal-perjodu ta’ approvazzjoni tas-sustanza attiva żejt tal-paraffin (ĠU L 425, 16.12.2020, p. 93).

    (5)  Ir-Regolament ta’ Implimentazzjoni tal-Kummissjoni (UE) 2017/555 tal-24 ta’ Marzu 2017 li jemenda r-Regolament (UE) Nru 540/2011 fir-rigward tal-estensjoni tal-perjodi ta’ approvazzjoni ta’ diversi sustanzi attivi elenkati fil-Parti B tal-Anness tar-Regolament ta’ Implimentazzjoni (UE) Nru 686/2012 (il-programm ta’ tiġdid AIR IV) (ĠU L 80, 25.3.2017, p. 1).

    (6)  Ir-Regolament ta’ Implimentazzjoni tal-Kummissjoni (UE) 2017/1530 tas-7 ta’ Settembru 2017 li jemenda r-Regolament ta’ Implimentazzjoni tal-Kummissjoni (UE) Nru 540/2011 fir-rigward tal-estensjoni tal-perjodu ta’ approvazzjoni tas-sustanza attiva kwiżalofop-p-tefuril (ĠU L 232, 8.9.2017, p. 4).

    (7)  Ir-Regolament ta’ Implimentazzjoni tal-Kummissjoni (UE) Nru 993/2011 tas-6 ta’ Ottubru 2011 li japprova s-sustanza attiva 8-idrossikwinolina, f’konformita mar-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti u li jemenda l-Anness tar-Regolament ta’ Implimentazzjoni tal-Kummissjoni (UE) Nru 540/2011 (ĠU L 263, 7.10.2011, p. 1).

    (8)  Ir-Regolament ta’ Implimentazzjoni tal-Kummissjoni (UE) Nru 844/2012 tat-18 ta’ Settembru 2012 li jistabbilixxi d-dispożizzjonijiet meħtieġa għall-implimentazzjoni tal-proċedura ta’ tiġdid għas-sustanzi attivi, kif previst fir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta’ prodotti għall-protezzjoni tal-pjanti (ĠU L 252, 19.9.2012, p. 26).

    ANNESS

    Il-Parti A tal-Anness tar-Regolament ta’ Implimentazzjoni (UE) Nru 540/2011 hija emendata kif ġej:

    (1)

    id-data ta’ skadenza tal-approvazzjoni tat-8-idrossikwinolina fis-sitt kolonna tar-ringiela 18, hija sostitwita bil-“31 ta’ Diċembru 2022”;

    (2)

    id-data ta’ skadenza tal-approvazzjoni tad-Deltamethrin fis-sitt kolonna tar-ringiela 40, hija sostitwita bil-“31 ta’ Ottubru 2022”;

    (3)

    id-data ta’ skadenza tal-approvazzjoni tal-Flufenacet fis-sitt kolonna tar-ringiela 65, hija sostitwita bil-“31 ta’ Ottubru 2022”;

    (4)

    id-data ta’ skadenza tal-approvazzjoni tal-Fosthiazate fis-sitt kolonna tar-ringiela 69, hija sostitwita bil-“31 ta’ Ottubru 2022”;

    (5)

    id-data ta’ skadenza tal-approvazzjoni tal-Chlorotoluron fis-sitt kolonna tar-ringiela 102, hija sostitwita bil-“31 ta’ Ottubru 2022”;

    (6)

    id-data ta’ skadenza tal-approvazzjoni taċ-Cypermethrin fis-sitt kolonna tar-ringiela 103, hija sostitwita bil-“31 ta’ Ottubru 2022”;

    (7)

    id-data ta’ skadenza tal-approvazzjoni tad-Daminozide fis-sitt kolonna tar-ringiela 104, hija sostitwita bil-“31 ta’ Ottubru 2022”;

    (8)

    id-data ta’ skadenza tal-approvazzjoni tal-MCPA fis-sitt kolonna tar-ringiela 107, hija sostitwita bil-“31 ta’ Ottubru 2022”;

    (9)

    id-data ta’ skadenza tal-approvazzjoni tal-MCPB fis-sitt kolonna tar-ringiela 108, hija sostitwita bil-“31 ta’ Ottubru 2022”;

    (10)

    id-data ta’ skadenza tal-approvazzjoni tal-Indoxacarb fis-sitt kolonna tar-ringiela 119, hija sostitwita bil-“31 ta’ Ottubru 2022”;

    (11)

    id-data ta’ skadenza tal-approvazzjoni tal-Prosulfocarb fis-sitt kolonna tar-ringiela 160, hija sostitwita bil-“31 ta’ Ottubru 2022”;

    (12)

    id-data ta’ skadenza tal-approvazzjoni tal-Fludioxonil fis-sitt kolonna tar-ringiela 161, hija sostitwita bil-“31 ta’ Ottubru 2022”;

    (13)

    id-data ta’ skadenza tal-approvazzjoni tal-Clomazone fis-sitt kolonna tar-ringiela 162, hija sostitwita bil-“31 ta’ Ottubru 2022”;

    (14)

    id-data ta’ skadenza tal-approvazzjoni tal-Amidosulfuron fis-sitt kolonna tar-ringiela 169, hija sostitwita bil-“31 ta’ Diċembru 2022”;

    (15)

    id-data ta’ skadenza tal-approvazzjoni tan-Nicosulfuron fis-sitt kolonna tar-ringiela 170, hija sostitwita bil-“31 ta’ Diċembru 2022”;

    (16)

    id-data ta’ skadenza tal-approvazzjoni tal-Clofentezine fis-sitt kolonna tar-ringiela 171, hija sostitwita bil-“31 ta’ Diċembru 2022”;

    (17)

    id-data ta’ skadenza tal-approvazzjoni tad-Dikamba fis-sitt kolonna tar-ringiela 172, hija sostitwita bil-“31 ta’ Diċembru 2022”;

    (18)

    id-data ta’ skadenza tal-approvazzjoni tad-Difenokonażol fis-sitt kolonna tar-ringiela 173, hija sostitwita bil-“31 ta’ Diċembru 2022”;

    (19)

    id-data ta’ skadenza tal-approvazzjoni tal-Lenacil fis-sitt kolonna tar-ringiela 176, hija sostitwita bil-“31 ta’ Diċembru 2022”;

    (20)

    id-data ta’ skadenza tal-approvazzjoni tal-Picloram fis-sitt kolonna tar-ringiela 178, hija sostitwita bil-“31 ta’ Diċembru 2022”;

    (21)

    id-data ta’ skadenza tal-approvazzjoni tal-Bifenox fis-sitt kolonna tar-ringiela 180, hija sostitwita bil-“31 ta’ Diċembru 2022”;

    (22)

    id-data ta’ skadenza tal-approvazzjoni tad-Diflufenican fis-sitt kolonna tar-ringiela 181, hija sostitwita bil-“31 ta’ Diċembru 2022”;

    (23)

    id-data ta’ skadenza tal-approvazzjoni tal-Fenoxaprop-P fis-sitt kolonna tar-ringiela 182, hija sostitwita bil-“31 ta’ Diċembru 2022”;

    (24)

    id-data ta’ skadenza tal-approvazzjoni tal-Fenpropidin fis-sitt kolonna tar-ringiela 183, hija sostitwita bil-“31 ta’ Diċembru 2022”;

    (25)

    id-data ta’ skadenza tal-approvazzjoni tat-Tritosulfuron fis-sitt kolonna tar-ringiela 186, hija sostitwita bit-“30 ta’ Novembru 2022”;

    (26)

    id-data ta’ skadenza tal-approvazzjoni tal-Chlormequat fis-sitt kolonna tar-ringiela 276, hija sostitwita bit-“30 ta’ Novembru 2022”;

    (27)

    id-data ta’ skadenza tal-approvazzjoni tal-Propaquizafop fis-sitt kolonna tar-ringiela 278, hija sostitwita bit-“30 ta’ Novembru 2022”;

    (28)

    id-data ta’ skadenza tal-approvazzjoni tal-Kwiżalofop-P u tal-Kwiżalofop-P-tefuril fis-sitt kolonna tar-ringiela 279, hija sostitwita bit-“30 ta’ Novembru 2022”;

    (29)

    id-data ta’ skadenza tal-approvazzjoni tad-Dimethachlor fis-sitt kolonna tar-ringiela 284, hija sostitwita bil-“31 ta’ Diċembru 2022”;

    (30)

    id-data ta’ skadenza tal-approvazzjoni tal-Etofenprox fis-sitt kolonna tar-ringiela 285, hija sostitwita bil-“31 ta’ Diċembru 2022”;

    (31)

    id-data ta’ skadenza tal-approvazzjoni tal-Penconazole fis-sitt kolonna tar-ringiela 287, hija sostitwita bil-“31 ta’ Diċembru 2022”;

    (32)

    id-data ta’ skadenza tal-approvazzjoni tat-Tri-allate fis-sitt kolonna tar-ringiela 288, hija sostitwita bil-“31 ta’ Diċembru 2022”;

    (33)

    id-data ta’ skadenza tal-approvazzjoni tat-Triflusulfuron fis-sitt kolonna tar-ringiela 289, hija sostitwita bil-“31 ta’ Diċembru 2022”;

    (34)

    id-data ta’ skadenza tal-approvazzjoni tal-Kubrit fis-sitt kolonna tar-ringiela 292, hija sostitwita bil-“31 ta’ Diċembru 2022”;

    (35)

    id-data ta’ skadenza tal-approvazzjoni tat-Tetraconazole fis-sitt kolonna tar-ringiela 293, hija sostitwita bil-“31 ta’ Diċembru 2022”;

    (36)

    id-data ta’ skadenza tal-approvazzjoni taż-Żjut tal-paraffin fis-sitt kolonna tar-ringiela 294, hija sostitwita bil-“31 ta’ Diċembru 2022”;

    (37)

    id-data ta’ skadenza tal-approvazzjoni taż-Żejt tal-paraffin fis-sitt kolonna tar-ringiela 295, hija sostitwita bil-“31 ta’ Diċembru 2022”;

    (38)

    id-data ta’ skadenza tal-approvazzjoni tat-2-Fenilfenol (inkluż il-melħ tiegħu, bħall-melħ sodju) fis-sitt kolonna tar-ringiela 299, hija sostitwita bil-“31 ta’ Diċembru 2022”;
    Top