EUR-Lex Access to European Union law
This document is an excerpt from the EUR-Lex website
Document 32021R1069
Council Regulation (EU) 2021/1069 of 28 June 2021 amending Regulation (EU) 2020/1579 as regards certain fishing opportunities in the Baltic Sea, and amending Regulation (EU) 2021/92 as regards certain fishing opportunities for 2021 in Union and non-Union waters
Regolament tal-Kunsill (UE) 2021/1069 tat-28 ta’ Ġunju 2021 li jemenda r-Regolament (UE) 2020/1579 f’dak li għandu x’jaqsam ma’ ċerti opportunitajiet tas-sajd fil-Baħar Baltiku, u li jemenda r-Regolament (UE) 2021/92 f’dak li għandu x’jaqsam ma’ ċerti opportunitajiet tas-sajd għall-2021 fl-ilmijiet tal-Unjoni u f’dawk li mhumiex tal-Unjoni
Regolament tal-Kunsill (UE) 2021/1069 tat-28 ta’ Ġunju 2021 li jemenda r-Regolament (UE) 2020/1579 f’dak li għandu x’jaqsam ma’ ċerti opportunitajiet tas-sajd fil-Baħar Baltiku, u li jemenda r-Regolament (UE) 2021/92 f’dak li għandu x’jaqsam ma’ ċerti opportunitajiet tas-sajd għall-2021 fl-ilmijiet tal-Unjoni u f’dawk li mhumiex tal-Unjoni
ST/9810/2021/INIT
ĠU L 230, 30.6.2021, p. 5–9
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force
30.6.2021 |
MT |
Il-Ġurnal Uffiċjali tal-Unjoni Ewropea |
L 230/5 |
REGOLAMENT TAL-KUNSILL (UE) 2021/1069
tat-28 ta’ Ġunju 2021
li jemenda r-Regolament (UE) 2020/1579 f’dak li għandu x’jaqsam ma’ ċerti opportunitajiet tas-sajd fil-Baħar Baltiku, u li jemenda r-Regolament (UE) 2021/92 f’dak li għandu x’jaqsam ma’ ċerti opportunitajiet tas-sajd għall-2021 fl-ilmijiet tal-Unjoni u f’dawk li mhumiex tal-Unjoni
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea u b’mod partikolari l-Artikolu 43(3) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Ir-Regolament tal-Kunsill (UE) 2020/1579 (1) jistabbilixxi l-opportunitajiet tas-sajd għall-2021 għal ċerti stokkijiet tal-ħut u għal ċerti gruppi ta’ stokkijiet tal-ħut applikabbli fil-Baħar Baltiku. Fit-28 ta’ Mejju 2021, il-Kunsill Internazzjonali għall-Esplorazzjoni tal-Baħar (ICES) ippubblika parir xjentifiku rivedut dwar il-qabdiet għall-aringa fil-Golf ta’ Bothnia għall-2021. Il-parir jaġġorna ċ-ċifra għall-qbid u jgħolli l-livell tal-parir għal dak ta’ rendiment massimu sostenibbli (MSY) kategorija 1. L-opportunitajiet tas-sajd għall-aringa fil-Golf ta’ Bothnia jenħtieġ li jiġu aġġustati skont dan, u għaldaqstant ir-Regolament (UE) 2020/1579 jenħtieġ li jiġi emendat skont dan. |
(2) |
Ir-Regolament tal-Kunsill (UE) 2021/92 (2) jistabbilixxi għall-2021 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni. |
(3) |
Skont il-parir tal-ICES tat-13 ta’ April 2021, jenħtieġ li bejn l-1 ta’ Lulju 2021 u t-30 ta’ Ġunju 2022 ma jinqabdux iktar minn 106 715 tunnellata ta’ laċċa kaħla (Sprattus sprattus) fid-diviżjoni 3a tal-ICES (Kattegat/Iskagerrak), u fis-subżona 4 tal-ICES (fil-Baħar tat-Tramuntana). Għalhekk jenħtieġ li l-opportunitajiet tas-sajd għal-laċċa kaħla għal dak il-perijodu jiġu stabbiliti għal 87 186 tunnellata fl-ilmijiet tal-Unjoni tad-diviżjoni 2a tal-ICES u tas-subżona 4 tal-ICES, u għal 19 529 tunnellata fid-diviżjoni 3a tal-ICES, f’konformità mar-rendiment massimu sostenibbli. |
(4) |
Sa ma jingħata l-parir xjentifiku għall-perijodu mill-1 ta’ Lulju 2021 sat-30 ta’ Ġunju 2022, ir-Regolament (UE) 2021/92 stabbilixxa qabda totali permissibbli (TAC) ta’ żero għall-inċova (Engraulis encrasicolus) fis-subżoni 9 u 10 tal-ICES u fl-ilmijiet tal-Unjoni taż-żona 34.1.1 tal-Kumitat tas-Sajd għall-Atlantiku Ċentrali tal-Lvant. L-ICES ser joħroġ il-parir tiegħu għal dak l-istokk fi tmiem Ġunju tal-2021. Sabiex ikun żgurat li l-attivitajiet tas-sajd ikunu jistgħu jitkomplew sa ma tiġi stabbilita t-TAC abbażi tal-aħħar parir xjentifiku, jenħtieġ li tiġi stabbilita TAC proviżorja ta’ 5 744 tunnellata, abbażi tal-qabdiet li saru fit-tielet kwart tal-2020. |
(5) |
In-numri fil-punt 6 tal-Anness VI għar-Regolament (UE) 2021/92 jenħtieġ li jiġu emendati sabiex jirriflettu l-ftehimiet konklużi bejn xi Stati Membri biex temporanjament jittrasferixxu bejniethom, esklużivament għas-sena 2021, ċerti ammonti ta’ input u kapaċità għat-trobbija tat-tonn. Dawk il-bidliet ġew innotifikati lill-Kummissjoni Internazzjonali għall-Konservazzjoni tat-Tonn tal-Atlantiku (ICCAT) permezz ta’ pjan emendat tal-Unjoni dwar it-trobbija tal-ħut u ma jaffettwawx il-kapaċità totali tat-trobbija tal-ħut u l-kapaċità ta’ input tal-Unjoni fiż-Żona tal-Konvenzjoni tal-ICCAT. |
(6) |
Il-limiti ta’ qbid previsti fir-Regolament (UE) 2020/1579 japplikaw mill-1 ta’ Jannar 2021. Għalhekk, jenħtieġ li d-dispożizzjonijiet introdotti minn dan ir-Regolament emendatorju li jikkonċernaw il-limiti ta’ qbid għall-aringa fil-Golf ta’ Bothnia, japplikaw ukoll minn dik id-data. It-tali applikazzjoni retroattiva hija mingħajr preġudizzju għall-prinċipji taċ-ċertezza legali u tal-protezzjoni tal-aspettattivi leġittimi billi l-opportunitajiet tas-sajd ikkonċernati għadhom ma ġewx eżawriti. |
(7) |
Jenħtieġ li dan ir-Regolament jidħol fis-seħħ fil-jum ta’ wara l-pubblikazzjoni tiegħu sabiex jippermetti li l-istaġun tas-sajd għal-laċċa kaħla u l-inċova jibda fil-ħin fl-1 ta’ Lulju 2021, |
ADOTTA DAN IR-REGOLAMENT:
Artikolu 1
Emenda tar-Regolament (UE) 2020/1579
Ir-Regolament (UE) 2020/1579 huwa emendat kif stabbilit fil-Parti A tal-Anness għal dan ir-Regolament.
Artikolu 2
Emenda tar-Regolament (UE) 2021/92
Ir-Regolament (UE) 2021/92 huwa emendat kif stabbilit fil-Partijiet B u C tal-Anness għal dan ir-Regolament.
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
L-Artikolu 1 għandu japplika mill-1 ta’ Jannar 2021.
L-Artikolu 2 għandu jibda japplika mill-1 ta’ Lulju 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, it-28 ta’ Ġunju 2021.
Għall-Kunsill
Il-President
M. do C. ANTUNES
(1) Regolament tal-Kunsill (UE) 2020/1579 tad-29 ta’ Ottubru 2020 li jistabbilixxi l-opportunitajiet tas-sajd għall-2021 għal ċerti stokkijiet tal-ħut u għal gruppi ta’ stokkijiet tal-ħut applikabbli fil-Baħar Baltiku u li jemenda r-Regolament (UE) 2020/123 fir-rigward ta’ ċerti opportunitajiet tas-sajd f’ilmijiet oħra (ĠU L 362, 30.10.2020, p. 3).
(2) Regolament tal-Kunsill (UE) 2021/92 tat-28 ta’ Jannar 2021 li jistabbilixxi għall-2021 l-opportunitajiet tas-sajd għal ċerti stokkijiet tal-ħut u ċerti gruppi ta’ stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni (ĠU L 31, 29.1.2021, p. 31).
ANNESS
PARTI A
Fl-Anness għar-Regolament (UE) 2020/1579, it-tabella tal-opportunitajiet tas-sajd għall-aringa fis-subdiviżjonijiet 30-31 tal-ICES hija sostitwita b’dan li ġej:
“Speċi: |
Aringa Clupea harengus |
Żona: |
Suddiviżjonijiet 30-31 (HER/30/31.) |
|
Finlandja |
96 321 |
|
TAC analitika” |
|
Żvezja |
21 164 |
|
||
|
||||
Unjoni |
117 485 |
|
||
|
||||
TAC |
117 485 |
|
PARTI B
L-Anness IA tar-Regolament (UE) 2021/92 huwa emendat kif ġej:
(1) |
it-tabella tal-opportunitajiet tas-sajd għal-laċċa kaħla u għall-qabdiet inċidentali marbutin magħha fl-ilmijiet tal-Unjoni tad-diviżjoni 3a tal-ICES hija sostitwita b’dan li ġej:
|
(2) |
it-tabella tal-opportunitajiet tas-sajd għal-laċċa kaħla u għall-qabdiet inċidentali marbutin magħha fl-ilmijiet tar-Renju Unit u tal-Unjoni tas-subżona 4 tal-ICES u fl-ilmijiet tar-Renju Unit fid-diviżjoni 2a tal-ICES hija sostitwita b’dan li ġej:
|
(3) |
it-tabella tal-opportunitajiet tas-sajd għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF hija sostitwita b’dan li ġej:
|
PARTI C
Fl-Anness VI għar-Regolament (UE) 2021/92, il-punt 6 huwa sostitwit b’dan li ġej:
“6. |
Il-kapaċità massima tat-trobbija u tat-tismin tat-tonn għal kull Stat Membru u l-ammont massimu ta’ tonn maqbud fis-selvaġġ li kull Stat Membru jista’ jalloka lill-farms tiegħu fil-Lvant tal-Atlantiku u fil-Mediterran. Tabella A
Tabella B (8)
|
(1) Sa 5 % tal-kwota tista’ tkun qabdiet inċidentali tal-merlangu u tal-merluzz tal-linja sewda (OTH/*03 A.). Flimkien, il-qabdiet inċidentali tal-merlangu u tal-merluzz tal linja sewda li jingħaddu mal-kwota skont din id-dispożizzjoni u l-qabdiet inċidentali ta’ dawk l-ispeċijiet li jingħaddu mal-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu d-9 % tal-kwota.
(2) Din il-kwota tista’ tinqabad biss mill-1 ta’ Lulju 2021 sat-30 ta’ Ġunju 2022. Jistgħu jsiru trasferimenti ta’ din il-kwota lejn ir-Renju Unit u l-ilmijiet tal-Unjoni taż-żoni 2a u 4. Madankollu, il-Kummissjoni u r-Renju Unit għandhom ikun mgħarrfa minn qabel bit-tali trasferimenti.”
(3) Il-kwota tista’ tinqabad biss mill-1 ta’ Lulju 2021 sat-30 ta’ Ġunju 2022.
(4) Sa 2 % tal-kwota tista’ tkun qabdiet inċidentali tal-merlangu (OTH/*2AC4C). Flimkien, il-qabdiet inċidentali tal-merlangu li jingħaddu mal-kwota skont din id-dispożizzjoni u l-qabdiet inċidentali ta’ dawk l-ispeċijiet li jingħaddu mal-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu d-9 % tal-kwota.
(5) Inkluż iċ-ċiċċirell.
(6) Din il-kwota jista’ jkun fiha sa 4 % ta’ qabdiet inċidentali tal-aringi.”
(7) Il-kwota tista’ tinqabad biss mill-1 ta’ Lulju 2021 sat-30 ta’ Settembru 2021.”
(8) Il-kapaċità tat-trobbija fil-Portugall ta’ 500 tunnellata hija koperta mill-kapaċità mhux użata tal-Unjoni mniżżla fit-Tabella A.”.