Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32021R0967

    Regolament ta’ Implimentazzjoni tal-Kummissjoni (UE) 2021/967 tas-16 ta’ Ġunju 2021 dwar it-tiġdid tal-awtorizzazzjoni tal-kelat manganiż tal-analogu idrossilat tal-metjonina bħala addittiv fl-għalf għall-ispeċijiet kollha tal-annimali, u li jħassar ir-Regolament (UE) Nru 350/2010 (Test b’rilevanza għaż-ŻEE)

    C/2021/4227

    ĠU L 214, 17.6.2021, p. 41–43 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2021/967/oj

    17.6.2021   

    MT

    Il-Ġurnal Uffiċjali tal-Unjoni Ewropea

    L 214/41

    REGOLAMENT TA’ IMPLIMENTAZZJONI TAL-KUMMISSJONI (UE) 2021/967

    tas-16 ta’ Ġunju 2021

    dwar it-tiġdid tal-awtorizzazzjoni tal-kelat manganiż tal-analogu idrossilat tal-metjonina bħala addittiv fl-għalf għall-ispeċijiet kollha tal-annimali, u li jħassar ir-Regolament (UE) Nru 350/2010

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,

    Billi:

    (1)

    Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fl-għalf tal-annimali u r-raġunijiet u l-proċeduri għall-għoti u għat-tiġdid ta’ tali awtorizzazzjoni.

    (2)

    Il-kelat manganiż tal-analogu idrossilat tal-metijonina ġie awtorizzat għal 10 snin bħala addittiv tal-għalf għall-ispeċijiet kollha tal-annimali bir-Regolament tal-Kummissjoni (KE) Nru 350/2010 (2).

    (3)

    F’konformità mal-Artikolu 14(1) tar-Regolament (KE) Nru 1831/2003, tressqet applikazzjoni għat-tiġdid tal-awtorizzazzjoni tal-kelat manganiż tal-analogu idrossilat tal-metijonina bħala addittiv fl-għalf għall-ispeċijiet kollha tal-annimali fil-kategorija tal-addittivi “addittivi nutrittivi”. Mal-applikazzjoni ntbagħtu d-dettalji u d-dokumenti meħtieġa skont l-Artikolu 14(2) tar-Regolament (KE) Nru 1831/2003.

    (4)

    Fl-opinjoni tagħha tat-30 ta’ Settembru 2020 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li fil-kundizzjonijiet tal-użu proposti, il-kelat manganiż tal-analogu idrossilat tal-metijonina ma għandux effett negattiv fuq is-saħħa tal-annimali, fuq is-sikurezza tal-konsumaturi jew fuq l-ambjent. Għall-addittiv, l-Awtorità kkonkludiet ukoll riskju għall-inalazzjoni mill-utent u li huwa sensitizzatur tal-ġilda. Għalhekk, il-Kummissjoni tqis li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv. Il-prova tal-effikaċja tal-addittiv, li fuqha ssejset l-awtorizzazzjoni inizjali, ma tinbidilx fi proċedura tat-tiġdid. L-Awtorità vverifikat ukoll ir-rapport dwar il-metodu tal-analiżi fl-addittiv tal-għalf, fl-għalf sottomess mil-Laboratorju ta’ Referenza stabbilit bir-Regolament (KE) Nru 1831/2003.

    (5)

    Il-valutazzjoni tal-kelat manganiż tal-analogu idrossilat tal-metijonina turi li l-kundizzjonijiet għall-awtorizzazzjoni, kif stipulati fl-Artikolu 5 tar-Regolament (KE) Nru 1831/2003, huma sodisfatti. Għaldaqstant, l-awtorizzazzjoni ta’ dan l-addittiv jenħtieġ tiġġedded.

    (6)

    B’konsegwenza tat-tiġdid tal-awtorizzazzjoni tal-kelat manganiż tal-analogu idrossilat tal-metijonina bħala addittiv tal-għalf, jenħtieġ li jitħassar ir-Regolament (UE) Nru 350/2010.

    (7)

    Billi ma hemmx ħtieġa minħabba xi raġunijiet ta’ sikurezza li jiġu applikati minnufih il-bidliet fil-kundizzjonijiet tal-awtorizzazzjoni tal-kelat manganiż tal-analogu idrossilat tal-metijonina , jixraq li jingħata perjodu ta’ tranżizzjoni biex il-partijiet ikkonċernati jkunu jistgħu jitħejjew biex jissodisfaw ir-rekwiżiti l-ġodda li jirriżultaw mit-tiġdid tal-awtorizzazzjoni.

    (8)

    Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

    ADOTTAT DAN IR-REGOLAMENT:

    Artikolu 1

    L-awtorizzazzjoni tal-addittiv speċifikat fl-Anness, li jappartjenu għall-kategorija tal-addittivi “addittivi nutrittivi” u mill-grupp funzjonali “komposti tal-oligoelementi”, hi mġedda, soġġetta għall-kundizzjonijiet stabbiliti f’dak l-Anness.

    Artikolu 2

    1.   Il-kelat manganiż tal-analogu idrossilat tal-metijonina u t-taħlitiet lesti minn qabel li fihom minnu, li jiġu prodotti u ttikkettati qabel is-7 ta’ Jannar 2022 f’konformità mar-regoli li kienu japplikaw qabel is-7 ta’ Lulju 2021 jistgħu jibqgħu jitqiegħdu fis-suq u jintużaw sakemm jispiċċaw l-istokkijiet eżistenti.

    2.   Il-materjali tal-għalf u l-għalf kompost li fihom il-kelat manganiż tal-analogu idrossilat tal-metijonina, li jkunu magħmulin u tikkettati qabel is-7 ta’ Lulju 2022 f’konformità mar-regoli li kienu japplikaw qabel is-7 ta’ Lulju 2021 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti, jekk ikunu maħsuba għall-annimali li jipproduċu l-ikel.

    3.   Il-materjali tal-għalf u l-għalf kompost li fihom il-kelat manganiż tal-analogu idrossilat tal-metijonina, li jkunu magħmulin u tikkettati qabel is-7 ta’ Lulju 2023 f’konformità mar-regoli li kienu japplikaw qabel is-7 ta’ Lulju 2021 jistgħu jibqgħu jitqiegħdu fis-suq u jintużaw sakemm jispiċċaw il-ħażniet eżistenti, jekk dawn ikunu maħsuba għall-annimali li ma jipproduċux l-ikel.

    Artikolu 3

    Ir-Regolament (UE) Nru 350/2010 huwa mħassar.

    Artikolu 4

    Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-16 ta’ Ġunju 2021.

    Għall-Kummissjoni

    Il-President

    Ursula VON DER LEYEN

    (1)  ĠU L 268, 18.10.2003, p. 29.

    (2)  Ir-Regolament tal-Kummissjoni (UE) Nru 350/2010 tat-23 ta' April 2010 li jikkonċerna l-awtorizzazzjoni tal-kelat manganiż tal-analogu idrossilat tal-metjonina bħala addittiv għall-ispeċi kollha tal-annimali (ĠU L 104, 24.4.2010, p. 34).

    (3)  EFSA Journal 2020;18(11):6281.

    ANNESS

    Numru ta’ identifikazzjoni tal-addittiv

    Isem id-detentur tal-awtorizzazzjoni

    Addittiv

    Kompożizzjoni, formula kimika, deskrizzjoni, metodu analitiku

    Speċi jew kategorija tal-annimali

    Età massima

    Kontenut minimu

    Kontenut massimu

    Dispożizzjonijiet oħra

    Tmiem il-perjodu ta’ awtorizzazzjoni

    Kontenut tal-element (Mn) f’mg/kg tal-għalf komplet b’kontenut ta' ndewwa ta’ 12 %

    Kategorija ta’ addittivi nutrittivi. Grupp funzjonali: komposti tal-oligoelementi

    3b510

    -

    Kelat manganiż tal-analogu idrossilat tal-metijonina

    Karatterizzazzjoni tal-addittiv:

    Kelat manganiż tal-analogu idrossilat tal-metijonina li fih 14 % manganiż u 76 % aċidu (2-idrossi-4-metiltijo) butanojku.

    Kontenut massimu ta’ nikil: 170 ppm.

    Għamla solida.

    Metodu analitiku  (1):

    Għall-kwantifikazzjoni tal-kontenut ta’ analogu idrossi tal-metijonina fl-addittiv tal-għalf:

    —

    Trimetrija, titrazzjoni potenzjometrija wara r-reazzjoni ta' ossidoriduzzjoni;

    Għall-kwantifikazzjoni tat-total ta’ manganiż fl-addittiv tal-għalf u fit-taħlitiet lesti minn qabel:

    —

    Spettrometrija tal-Assorbiment Atomiku,AAS (EN ISO 6869); jew

    —

    Spettrometrija tal-Emissjoni Atomika bi Plażma Akkoppjata Induttivament, ICP-AES (EN 15510); jew

    —

    Spettrometrija tal-Emissjoni Atomika bi Plażma Akkoppjata Induttivament wara d-diġestjoni tal-pressjoni, ICP-AES (EN 15621);

    Għall-kwantifikazzjoni tat-total ta’ manganiż fil-materjali tal-għalf u fl-għalf kompost:

    —

    Spettrometrija tal-Assorbiment Atomiku, AAS (Regolament tal-Kummissjoni (KE) Nru 152/2009, Anness IV-C); jew

    —

    Spettrometrija tal-Assorbiment Atomiku,AAS (EN ISO 6869); jew

    —

    Spettrometrija tal-Emissjoni Atomika bi Plażma Akkoppjata Induttivament, ICP-AES (EN 15510); jew

    —

    Spettrometrija tal-Emissjoni Atomika bi Plażma Akkoppjata Induttivament wara d-diġestjoni tal-pressjoni, ICP-AES (EN 15621).

    L-ispeċijiet kollha

    -

    -

    Ħut: 100 (total)

    Speċijiet oħra: 150 (total)

    1.

    L-addittiv għandu jiġi inkorporat fl-għalf fil-forma ta’ taħlita lesta minn qabel.

    2.

    Il-Kelat manganiż tal-analogu idrossilat tal-metijonina jista’ jitqiegħed fis-suq u jintuża bħala addittiv li jikkonsisti minn preparazzjoni.

    3.

    Għall-utenti tal-addittiv u tat-taħlitiet lesti minn qabel, l-operaturi tan-negozju tal-għalf għandhom jistabbilixxu proċeduri operattivi u miżuri organizzattivi xierqa biex jindirizzaw ir-riskji potenzjali mill-inalazzjoni, mill-kuntatt mal-ġilda jew mill-kuntatt mal-għajnejn, b’mod partikolari minħabba l-kontenut ta’ metalli tqal fosthom in-nikil. Meta r-riskji ma jistgħux jitnaqqsu għal livell aċċettabbli permezz ta’ dawk il-proċeduri u l-miżuri, l-addittiv u t-taħlitiet lesti minn qabel għandhom jintużaw b’tagħmir protettiv personali xieraq.

    Is-7 ta’ Lulju 2031.

    (1)  Id-dettalji tal-metodi analitiċi huma disponibbli fl-indirizz li ġej tal-Laboratorju ta’ Referenza: https://ec.europa.eu/jrc/en/eurl/feed-additives/evaluation-reports

    Top