This document is an excerpt from the EUR-Lex website
Document 32021R0723
Commission Delegated Regulation (EU) 2021/723 of 26 February 2021 supplementing Regulation (EU) 2019/787 of the European Parliament and of the Council as regards the setting up of a public register listing the bodies appointed by each Member State to supervise the ageing processes for spirit drinks
Regolament Delegat tal-Kummissjoni (UE) 2021/723 tas-26 ta’ Frar 2021 li jissupplimenta r-Regolament (UE) 2019/787 tal-Parlament Ewropew u tal-Kunsill fir-rigward l-istabbiliment ta’ reġistru pubbliku li jelenka l-korpi maħtura minn kull Stat Membru biex jissorveljaw il-proċessi ta’ invekkjament għal xorb spirituż
Regolament Delegat tal-Kummissjoni (UE) 2021/723 tas-26 ta’ Frar 2021 li jissupplimenta r-Regolament (UE) 2019/787 tal-Parlament Ewropew u tal-Kunsill fir-rigward l-istabbiliment ta’ reġistru pubbliku li jelenka l-korpi maħtura minn kull Stat Membru biex jissorveljaw il-proċessi ta’ invekkjament għal xorb spirituż
C/2021/1194
ĠU L 155, 5.5.2021, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
5.5.2021 |
MT |
Il-Ġurnal Uffiċjali tal-Unjoni Ewropea |
L 155/1 |
REGOLAMENT DELEGAT TAL-KUMMISSJONI (UE) 2021/723
tas-26 ta’ Frar 2021
li jissupplimenta r-Regolament (UE) 2019/787 tal-Parlament Ewropew u tal-Kunsill fir-rigward l-istabbiliment ta’ reġistru pubbliku li jelenka l-korpi maħtura minn kull Stat Membru biex jissorveljaw il-proċessi ta’ invekkjament għal xorb spirituż
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/787 tal-Parlament Ewropew u tal-Kunsill tas-17 ta’ April 2019 dwar id-definizzjoni, id-deskrizzjoni, il-preżentazzjoni u t-tikkettar ta’ xorb spirituż, l-użu tal-ismijiet ta’ xorb spirituż fil-preżentazzjoni u t-tikkettar ta’ oġġetti tal-ikel oħra, il-protezzjoni ta’ indikazzjonijiet ġeografiċi ta’ xorb spirituż, l-użu ta’ alkoħol etiliku u distillati ta’ oriġini agrikola f’xorb alkoħoliku, u li jħassar ir-Regolament (KE) Nru 110/2008 (1), u b’mod partikolari l-Artikolu 19(2) tiegħu,
Billi:
|
(1) |
L-Artikolu 13(6) tar-Regolament (UE) 2019/787 jirrikjedi li l-operazzjonijiet tal-invekkjament tax-xorb spirituż isiru taħt superviżjoni tat-taxxa ta’ Stat Membru jew superviżjoni li tipprovdi garanziji ekwivalenti. |
|
(2) |
Għal dan il-għan, kull Stat Membru għandu jaħtar il-korpi responsabbli biex jissorveljaw tali proċessi ta’ invekkjament u jinformaw lill-Kummissjoni b’dan sabiex tkun tista’ tistabbilixxi reġistru pubbliku li jelenka dawk il-korpi maħtura. |
|
(3) |
Għal dan il-għan, huwa xieraq li jiġu stabbiliti regoli dwar l-istabbiliment ta’ dan ir-reġistru pubbliku. |
|
(4) |
Jenħtieġ li dan ir-Regolament japplika mill-25 ta’ Mejju 2021, f’konformità mal-Artikolu 51(3) tar-Regolament (UE) 2019/787, |
ADOTTAT DAN IR-REGOLAMENT:
Artikolu 1
Reġistru pubbliku li jkun fih il-lista tal-korpi maħtura biex jissorveljaw il-proċessi ta’ invekkjament għal xorb spirituż
1. Abbażi tan-notifiki magħmula mill-Istati Membri f’konformità mal-Artikolu 1(1) tar-Regolament ta’ Implimentazzjoni tal-Kummissjoni (UE) 2021/724 (2), il-Kummissjoni għandha tfassal u taġġorna lista ta’ korpi maħtura biex jissorveljaw il-proċessi ta’ invekkjament għal xorb spirituż.
2. Il-Kummissjoni għandha tistabbilixxi reġistru pubbliku li jkun fih il-lista tal-korpi maħtura biex jissorveljaw il-proċessi ta’ invekkjament. Dan ir-reġistru għandu jkun fil-forma ta’ data elettronika aċċessibbli pubblikament.
Artikolu 2
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-25 ta’ Mejju 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-26 ta’ Frar 2021.
Għall-Kummissjoni
Il-President
Ursula VON DER LEYEN
(1) ĠU L 130, 17.5.2019, p. 1.
(2) Ir-Regolament ta’ Implimentazzjoni tal-Kummissjoni (UE) 2021/724tat-3 ta’ Marzu 2021 li jistabbilixxi r-regoli għall-applikazzjoni tar-Regolament (UE) 2019/787 tal-Parlament Ewropew u tal-Kunsill fir-rigward tal-komunikazzjonijiet li jridu jsiru mill-Istati Membri lill-Kummissjoni fir-rigward tal-korpi maħtura biex jissorveljaw il-proċessi ta’ invekkjament għax-xorb spirituż u l-awtoritajiet kompetenti responsabbli biex jiżguraw il-konformità ma’ dak ir-Regolament (Ara paġna 3 ta’ dan il-Ġurnaf Uffiċjali).