EUR-Lex Access to European Union law
This document is an excerpt from the EUR-Lex website
Document 32021D2267
Commission Implementing Decision (EU) 2021/2267 of 17 December 2021 laying down the format for reporting data and information on the collected post-consumption waste of tobacco products with filters and of filters marketed for use in combination with tobacco products (Text with EEA relevance)
Deċiżjoni ta’ Implimentazzjoni tal-Kummissjoni (UE) 2021/2267 tas-17 ta’ Diċembru 2021 li tistabbilixxi l-format għar-rapportar tad-data u l-informazzjoni dwar l-iskart miġbur wara l-konsum tal-prodotti tat-tabakk bil-filtri u tal-filtri kkumerċjalizzati għall-użu flimkien mal-prodotti tat-tabakk (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2021/2267 tas-17 ta’ Diċembru 2021 li tistabbilixxi l-format għar-rapportar tad-data u l-informazzjoni dwar l-iskart miġbur wara l-konsum tal-prodotti tat-tabakk bil-filtri u tal-filtri kkumerċjalizzati għall-użu flimkien mal-prodotti tat-tabakk (Test b’rilevanza għaż-ŻEE)
C/2021/9295
ĠU L 455, 20.12.2021, p. 32–36
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.12.2021 |
MT |
Il-Ġurnal Uffiċjali tal-Unjoni Ewropea |
L 455/32 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2021/2267
tas-17 ta’ Diċembru 2021
li tistabbilixxi l-format għar-rapportar tad-data u l-informazzjoni dwar l-iskart miġbur wara l-konsum tal-prodotti tat-tabakk bil-filtri u tal-filtri kkumerċjalizzati għall-użu flimkien mal-prodotti tat-tabakk
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent (1), u b’mod partikolari l-Artikolu 13(4) tagħha, it-tielet subparagrafu tiegħu,
Billi:
|
(1) |
Id-Direttiva (UE) 2019/904 tirrikjedi li l-Istati Membri jirrapportaw d-data dwar l-iskart miġbur wara l-konsum tal-prodotti tat-tabakk b’filtri u ta’ filtri kkummerċjalizzati għall-użu flimkien mal-prodotti tat-tabakk skont l-Artikolu 13(1)(f) ta’ dik id-Direttiva, lill-Kummissjoni. Id-data trid tkun akkumpanjata minn rapport ta’ verifika tal-kwalità. |
|
(2) |
Id-data dwar l-ammonti ta’ skart wara l-użu ta’ prodotti tat-tabakk b’filtri u ta’ filtri kkummerċjalizzati għall-użu flimkien ma’ prodotti tat-tabakk miġbura permezz ta’ sistemi pubbliċi għall-ġbir tal-iskart u attivitajiet ta’ tindif taż-żibel skont l-Artikolu 13(1)(f) tad-Direttiva (UE) 2019/904 għandha tiġi rrappurtata mill-Istati Membri abbażi tal-piż totali tagħhom f’tunnellati. Ir-rapport ta’ verifika tal-kwalità li jkun ma’ dik id-data għandu jiġi pprovdut f’format li jiżgura li tiġi pprovduta deskrizzjoni tal-metodoloġiji u tas-sorsi tad-data applikati għall-kejl u l-verifika ta’ din id-data. |
|
(3) |
Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 39 tad-Direttiva 2008/98/KE tal-Parlament Ewropew u tal-Kunsill (2), |
ADOTTAT DIN ID-DEĊIŻJONI:
Artikolu 1
Rapportar tad- data
L-Istati Membri għandhom jirrapportaw id-data msemmija fl-Artikolu 13(1), il-punt (f), tad-Direttiva (UE) 2019/904 fil-format stabbilit fl-Anness I ta’ din id-Deċiżjoni.
Huma għandhom jissottomettu ir-rapport ta’ verifika tal-kwalità msemmi fl-Artikolu 13(2) ta’ dik id-Direttiva fir-rigward ta’ dik id-data fil-format stabbilit fl-Anness II ta’ din id-Deċiżjoni.
Artikolu 2
Id-dħul fis-seħħ
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-17 ta’ Diċembru 2021.
Għall-Kummissjoni
Il-President
Ursula VON DER LEYEN
(1) ĠU L 155, 12.6.2019, p. 1.
(2) Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).
ANNESS I
FORMAT GĦAR-RAPPORTAR TAD-DATA
Il-format għar-rapportar dwar l-iskart wara l-konsum tal-prodotti tat-tabakk bil-filtri u l-filtri kkumerċjalizzati għall-użu flimkien mal-prodotti tat-tabakk miġbura bħala żibel u permezz tas-sistemi pubbliċi tal-ġbir tal-iskart skont l-Artikolu 13(1), il-punt (f) tad-Direttiva (UE) 2019/904.
|
1 |
2 |
|
|
(tunnellati) |
|
Il-piż totali tal-iskart wara l-konsum tal-prodotti tat-tabakk bil-filtri u l-filtri kkumerċjalizzati għall-użu flimkien mal-prodotti tat-tabakk miġbura bħala żibel u permezz tas-sistemi pubbliċi tal-ġbir tal-iskart skont l-Artikolu 13(1), il-punt (f) tad-Direttiva (UE) 2019/904. |
|
ANNESS II
FORMAT GĦAR-RAPPORT TA’ VERIFIKA TAL-KWALITÀ
I. Informazzjoni ġenerali
|
|
||
|
|
||
|
|
||
|
|
||
|
|
||
|
|
||
|
|
||
|
|
II. Deskrizzjoni tal-istituzzjonijiet involuti fil-ġbir tad-data
|
Isem l-istituzzjoni |
Deskrizzjoni tar-responsabbiltajiet ewlenin |
|
|
|
|
|
|
|
Żid ir-ringieli skont kif meħtieġ |
|
III. Deskrizzjoni tal-metodi użati
Deskrizzjoni tal-metodi u s-sorsi tad-data użati għall-kejl tal-piż tal-iskart wara l-konsum tal-prodotti tat-tabakk bil-filtri u l-filtri kkumerċjalizzati għall-użu flimkien mal-prodotti tat-tabakk miġbura bħala żibel u permezz tas-sistemi pubbliċi tal-ġbir tal-iskart skont l-Artikolu 13(1), il-punt (f) tad-Direttiva (UE) 2019/904.
|
3.1 |
Is-sorsi tad-data u l-metodi għall-kalkolu u s-sehem fit-total.
Spjega kif il-piż tal-iskart ta’ wara l-konsum imsemmi fl-ewwel paragrafu ta’ dan il-kapitolu tkejjel u kif tqiesu l-umdità u r-residwi tal-karta u tat-tabakk. Spjega l-approċċ meħud biex jiġi żgurat kampjunar rappreżentattiv tal-iskart miġbur. Indika f’liema sena twettqet l-analiżi tal-kompożizzjoni tal-iskart u taż-żibel.
|
||||||||||
|
3.2 |
Deskrizzjoni tal-metodi użati għad-determinazzjoni tal-fatturi ta’ konverżjoni u l-applikazzjoni tagħhom.
F’każ li l-piż tal-iskart ta’ wara l-konsum imsemmi fl-ewwel paragrafu ta’ dan il-kapitolu jiġi ddeterminat permezz tad-determinazzjoni tal-għadd totali ta’ skart ta’ wara l-konsum tal-prodotti tat-tabakk bil-filtri u l-filtri kkumerċjalizzati għall-użu flimkien mal-prodotti tat-tabakk, speċifika l-fattur ta’ konverżjoni użat.
|
||||||||||
IV. Sistema għall-verifika u għall-kontroll tad-data
|
4.1 |
Spjegazzjoni tal-ambitu u l-validità tal-ġbir tad-data dwar tal-iskart wara l-konsum tal-prodotti tat-tabakk bil-filtri u l-filtri kkumerċjalizzati għall-użu flimkien mal-prodotti tat-tabakk miġbura bħala żibel u permezz tas-sistemi pubbliċi tal-ġbir tal-iskart skont l-Artikolu 13(1), il-punt (f) tad-Direttiva (UE) 2019/904.
|
|
4.2 |
Differenzi mid-data rrapportata għas-snin preċedenti.
Bidliet sinifikanti fil-metodu tal-kalkolu użat għas-sena ta’ referenza attwali meta mqabbel mal-metodu użat għas-snin ta’ referenza preċedenti, jekk hemm (b’mod partikolari r-reviżjonijiet retrospettivi, il-karatteristiċi tagħhom u jekk għandux jiġi sinjalat waqfien fis-serje għal sena speċifika).
|
V. Kunfidenzjalità
Ġustifikazzjoni biex ma jiġux ippubblikati partijiet speċifiċi ta’ dan ir-rapport ta’ verifika tal-kwalità fejn dan ikun meħtieġ u l-elenkar tal-partijiet li jeħtieġ jinżammu.
|
|
|
Żid ir-ringieli skont kif meħtieġ |
VI. Siti web, dokumenti ta’ referenza u pubblikazzjonijiet nazzjonali ewlenin
Jekk jogħġbok ipprovdi l-isem u l-url tas-siti, dokumenti ta’ referenza u pubblikazzjonijiet ewlenin relatati ma’ dan il-ġbir ta’ data.
|
|
|
Żid ir-ringieli skont kif meħtieġ |