This document is an excerpt from the EUR-Lex website
Document 32021D2099
Political and Security Committee Decision (CFSP) 2021/2099 of 25 November 2021 extending the mandate of the Head of Mission of the European Union CSDP Advisory Mission in the Central African Republic (EUAM RCA) (EUAM RCA/1/2021)
Deċiżjoni tal-Kumitat Politiku u ta’ Sigurtà (PESK) 2021/2099 tal-25 ta’ Novembru 2021 li testendi l-mandat tal-Kap tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) (EUAM RCA/1/2021)
Deċiżjoni tal-Kumitat Politiku u ta’ Sigurtà (PESK) 2021/2099 tal-25 ta’ Novembru 2021 li testendi l-mandat tal-Kap tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) (EUAM RCA/1/2021)
ST/13609/2021/INIT
ĠU L 428, 30.11.2021, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 08/08/2022
|
30.11.2021 |
MT |
Il-Ġurnal Uffiċjali tal-Unjoni Ewropea |
L 428/1 |
DEĊIŻJONI TAL-KUMITAT POLITIKU U TA’ SIGURTÀ (PESK) 2021/2099
tal-25 ta’ Novembru 2021
li testendi l-mandat tal-Kap tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) (EUAM RCA/1/2021)
IL-KUMITAT POLITIKU U TA’ SIGURTÀ,
Wara li kkunsidra t-Trattat dwar l-Unjoni Ewropea, u b’mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill (PESK) 2019/2110 tad-9 ta’ Diċembru 2019 dwar il-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) (1), u b’mod partikolari l-Artikolu 8(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Skont id-Deċiżjoni (PESK) 2019/2110, il-Kumitat Politiku u ta’ Sigurtà (KPS) huwa awtorizzat, f’konformità mat-tielet paragrafu tal-Artikolu 38 tat-Trattat, li jieħu d-deċiżjonijiet rilevanti bl-għan li jeżerċita l-kontroll politiku u d-direzzjoni strateġika tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA), inkluż id-deċiżjoni tal-ħatra ta’ Kap tal-Missjoni. |
|
(2) |
Fis-17 ta’ Diċembru 2019, il-KPS adotta d-Deċiżjoni (PESK) 2019/2189 (2) li taħtar lis-Sur Paulo SOARES bħala Kap tal-Missjoni ta’ EUAM RCA mid-9 ta’ Diċembru 2019 sat-8 ta’ Diċembru 2020. |
|
(3) |
Fl-24 ta’ Novembru 2020, il-KPS adotta d-Deċiżjoni (PESK) 2020/1774 (3) li testendi l-mandat tas-Sur Paulo SOARES bħala Kap tal-Missjoni ta’ EUAM RCA mid-9 ta’ Diċembru 2020 sat-8 ta’ Diċembru 2021. |
|
(4) |
Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ppropona li l-mandat tas-Sur Paulo SOARES bħala l-Kap tal-Missjoni ta’ EUAM RCA jiġi estiż ulterjorment mid-9 ta’ Diċembru 2021 sat-8 ta’ Awwissu 2022, |
ADOTTA DIN ID-DEĊIŻJONI:
Artikolu 1
Il-mandat tas-Sur Paulo SOARES bħala Kap tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) huwa b’dan estiż mid-9 ta’ Diċembru 2021 sat-8 ta’ Awwissu 2022.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Għandha tapplika mid-9 ta’ Diċembru 2021.
Magħmul fi Brussell, il-25 ta’ Novembru 2021.
Għall-Kumitat Politiku u ta' Sigurtà
Il-President
D. PRONK
(1) ĠU L 318, 10.12.2019, p. 141
(2) Id-Deċiżjoni tal-Kumitat Politiku u ta’ Sigurtà (PESK) 2019/2189 tas-17 ta’ Diċembru 2019 dwar il-ħatra tal-Kap tal-Missjoni għall-Missjoni ta’ Konsulenza tal-PSDK tal-Unjoni Ewropea fir-Repubblika Ċentru-Afrikana (EUAM RCA) (EUAM RCA/1/2019) (ĠU L 330, 20.12.2019, p. 51).
(3) Id-Deċiżjoni tal-Kumitat Politiku u ta’ Sigurtà (PESK) 2020/1774 tal-24 ta’ Novembru 2020 li testendi l-mandat tal-Kap tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA) (EUAM RCA/1/2020) (ĠU L 398, 27.11.2020, p. 22).