EUR-Lex Access to European Union law
This document is an excerpt from the EUR-Lex website
Document 32021D1775
Council Implementing Decision (EU) 2021/1775 of 5 October 2021 amending Implementing Decision (EU) 2018/789 authorising Hungary to introduce a special measure derogating from Article 193 of Directive 2006/112/EC on the common system of value added tax
Deċiżjoni ta’ Implimentazzjoni tal-Kunsill (UE) 2021/1775 tal-5 ta’ Ottubru 2021 li temenda d-Deċiżjoni ta’ Implimentazzjoni (UE) 2018/789 li tawtorizza lill-Ungerija tintroduċi miżura speċjali li tidderoga mill-Artikolu 193 tad-Direttiva 2006/112/KE dwar is-sistema komuni ta’ taxxa fuq il-valur miżjud
Deċiżjoni ta’ Implimentazzjoni tal-Kunsill (UE) 2021/1775 tal-5 ta’ Ottubru 2021 li temenda d-Deċiżjoni ta’ Implimentazzjoni (UE) 2018/789 li tawtorizza lill-Ungerija tintroduċi miżura speċjali li tidderoga mill-Artikolu 193 tad-Direttiva 2006/112/KE dwar is-sistema komuni ta’ taxxa fuq il-valur miżjud
ST/11645/2021/INIT
ĠU L 360, 11.10.2021, p. 110–111
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
11.10.2021 |
MT |
Il-Ġurnal Uffiċjali tal-Unjoni Ewropea |
L 360/110 |
DEĊIŻJONI TA’ IMPLIMENTAZZJONI TAL-KUNSILL (UE) 2021/1775
tal-5 ta’ Ottubru 2021
li temenda d-Deċiżjoni ta’ Implimentazzjoni (UE) 2018/789 li tawtorizza lill-Ungerija tintroduċi miżura speċjali li tidderoga mill-Artikolu 193 tad-Direttiva 2006/112/KE dwar is-sistema komuni ta’ taxxa fuq il-valur miżjud
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra d-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (1), u b’mod partikolari l-ewwel subparagrafu tal-Artikolu 395(1) tagħha,
Wara li kkunsidra l-proposta mill-Kummissjoni Ewropea,
Billi:
(1) |
L-Artikolu 193 tad-Direttiva 2006/112/KE jipprevedi li kwalunkwe persuna taxxabbli li twettaq provvista taxxabbli ta’ oġġetti jew servizzi, bħala regola ġenerali, hija responsabbli mill-ħlas tat-taxxa fuq il-valur miżjud (VAT) lill-awtoritajiet tat-taxxa. |
(2) |
Id-Deċiżjoni ta’ Implimentazzjoni tal-Kunsill (UE) 2018/789 (2) awtorizzat lill-Ungerija tintroduċi miżura li tidderoga mill-Artikolu 193 tad-Direttiva 2006/112/KE fir-rigward tal-persuna responsabbli mill-ħlas tal-VAT f’każjiet fejn ċerti provvisti jitwettqu minn persuna taxxabbli soġġetta għal likwidazzjoni jew għal kwalunkwe proċedura oħra li tistabbilixxi l-insolvenza tagħha b’manjiera legali (“il-miżura speċjali”). |
(3) |
Permezz ta’ ittra irreġistra mal-Kummissjoni fit-18 ta’ Frar 2021, l-Ungerija ressqet talba lill-Kummissjoni biex l-awtorizzazzjoni li tapplika għall-miżura speċjali tiġi estiża sal-31 ta’ Diċembru 2026 (“it-talba”). Flimkien mat-talba l-Ungerija ppreżentat rapport, inkluż rieżami tal-miżura speċjali. |
(4) |
Skont it-tieni subparagrafu tal-Artikolu 395(2) tad-Direttiva 2006/112/KE, il-Kummissjoni, permezz tal-ittri tddatati 7 ta’ April 2021, bagħtet it-talba lill-Istati Membri l-oħra. Permezz ta’ ittra ddatata 8 ta’ April 2021, il-Kummissjoni nnotifikat lill-Ungerija li kellha l-informazzjoni kollha meħtieġa sabiex tikkunsidra t-talba. |
(5) |
L-Ungerija ssostni li l-persuni taxxabbli f’likwidazzjoni jew soġġetti għal proċedimenti ta’ insolvenza ta’ spiss ma jħallsux il-VAT dovuta lill-awtoritajiet tat-taxxa. Fl-istess ħin, ix-xerrej, li huwa persuna taxxabbli bid-dritt għat-tnaqqis, jista’ xorta jnaqqas il-VAT mġarrba, u dan għandu impatt negattiv fuq il-baġit u jippermetti li tiġi ffinanzjata l-likwidazzjoni. L-Ungerija irreġistrat ukoll każijiet ta’ frodi fejn kumpanniji f’likwidazzjoni joħorġu fatturi fittizji lil kumpanniji attivi u jnaqqsu b’mod sostanzjali t-taxxa pagabbli mingħajr kwalunkwe garanzija li l-emittent iħallas il-VAT dovuta. |
(6) |
Il-punt (g) tal-Artikolu 199(1) tad-Direttiva 2006/112/KE jippermetti li l-Istati Membri jistipulaw li l-persuna responsabbli għall-ħlas tal-VAT tkun il-persuna taxxabbli li lilha ssirilha l-provvista ta’ proprjetà immobbli mibjugħa mid-debitur tas-sentenza fi proċedura ta’ bejgħ obbligatorju (“il-mekkaniżmu tar-reverse charge”). Il-miżura speċjali tippermetti lill-Ungerija testendi l-applikazzjoni tal-mekkaniżmu tar-reverse charge għal provvisti oħra minn persuni taxxabbli soġġetti għal proċedimenti ta’ insolvenza, jiġifieri l-provvista ta’ oġġetti kapitali u l-provvista ta’ oġġetti u servizzi oħra b’valur tas-suq miftuħ li jaqbeż il-HUF 100 000. |
(7) |
Abbażi tal-informazzjoni mogħtija mil-Ungerija, l-applikazzjoni tal-mekkaniżmu tar-reverse charge fuq dawk it-tipi ta’ tranżazzjonijiet kienet effettiva biex tissimplifika l-ġbir tat-taxxa u biex tipprevjeni l-evażjoni tat-taxxa. L-implimentazzjoni tal-miżura speċjali llimitat it-telf għad-dħul pubbliku u ġġenerat dħul baġitarju addizzjonali. Barra minn hekk, l-effetti ekonomiċi tal-pandemija tal-COVID-19 jistgħu jwasslu għal żieda qawwija fl-għadd ta’ likwidazzjonijiet fil-futur qrib, u dan jenfasizza l-ħtieġa li l-miżura speċjali tiġi estiża. |
(8) |
Id-deroga mitluba jenħtieġ li tkun limitata fiż-żmien iżda xorta waħda għandha tipprovdi lill-amministrazzjoni tat-taxxa bi żmien biex tintroduċi miżuri konvenzjonali oħra, qabel ma l-miżura speċjali tiskadi, biex tindirizza l-problema u tnaqqas it-telf għall-baġit pubbliku, b’mod partikolari dak marbut ma’ prattiki frawdolenti, sabiex b’hekk estensjoni ulterjori ttal-miżura speċjali ssir waħda superfluwa. Id-deroga li tippermetti l-użu tal-mekkaniżmu tar-reverse charge tingħata biss f’każijiet eċċezzjonali għal oqsma frodulenti speċifiċi u tintuża biss bħala l-aħħar alternattiva. Għaldaqstant, l-awtorizzazzjoni jenħtieġ li tiġi estiża biss sal-31 ta’ Diċembru 2024. |
(9) |
Il-miżura speċjali mhi se jkollha l-ebda impatt negattiv fuq ir-riżorsi proprji tal-Unjoni li jirriżultaw mill-VAT. |
(10) |
Għaldaqstant, id-Deċiżjoni ta’ Implimentazzjoni (UE) 2018/789 jenħtieġ li tiġi emendata skont dan, |
ADOTTA DIN ID-DEĊIŻJONI:
Artikolu 1
Fl-Artikolu 2 tad-Deċiżjoni ta’ Implimentazzjoni (UE) 2018/789, it-tieni paragrafu huwa sostitwit b’dan li ġej:
“Din id-Deċiżjoni għandha tiskadi fil-31 ta’ Diċembru 2024.”.
Artikolu 2
Din id-Deċiżjoni għandha ssir effettiva fid-data tan-notifika tagħha.
Artikolu 3
Din id-Deċiżjoni hija indirizzata lill-Ungerija.
Magħmul fil-Lussemburgu, il-5 ta’ Ottubru 2021.
Għall-Kunsill
Il-President
A. ŠIRCELJ
(1) ĠU L 347, 11.12.2006, p. 1.
(2) Id-Deċiżjoni ta’ Implimentazzjoni tal-Kunsill (UE) 2018/789 tal-25 ta’ Mejju 2018 li tawtorizza lill-Ungerija biex tapplika miżura speċjali li tidderoga mill-Artikolu 193 tad-Direttiva 2006/112/KE dwar is-sistema komuni ta’ taxxa fuq il-valur miżjud (ĠU L 134, 31.5.2018, p. 10).