ANNESS

DIKJARAZZJONI TA’ INDIPENDENZA U TA’ NUQQAS TA’ KUNFLITT TA’ INTERESSI

Jien, is-sottoskritt, ...................................., niddikjara li ħadt nota tal-Artikolu 6(3) tar-Regolament (UE, Euratom) Nru 1141/2014 tal-Parlament Ewropew u tal-Kunsill dwar l-istatut u l-finanzjament tal-partiti politiċi Ewropej u l-fondazzjonijiet politiċi Ewropej u ser neżerċita l-funzjonijiet tiegħi ta’ Direttur tal-Awtorità għall-partiti politiċi Ewropej u l-fondazzjonijiet politiċi Ewropej (l-“Awtorità”) b’mod kompletament indipendenti u f’konformità totali mar-regoli ta’ dak ir-Regolament. Meta nkun qed naġixxi f’isem l-Awtorità, jien mhux ser nitlob jew nieħu struzzjonijiet minn kwalunkwe istituzzjoni jew gvern, jew minn kwalunkwe korp, uffiċċju jew aġenzija oħrajn. Jien ser nastjeni minn kwalunkwe att li huwa inkompatibbli man-natura tad-dmirijiet tiegħi.

Niddikjara li, sa fejn naf jien, ma ninsabx f’sitwazzjoni ta’ kunflitt ta’ interessi. Jeżisti kunflitt ta’ interessi fejn l-eżerċizzju imparzjali u oġġettiv tal-funzjonijiet ta’ Direttur tal-Awtorità jkun kompromess minħabba raġunijiet li jinvolvu l-familja, il-ħajja personali, l-affinità politika, nazzjonali, filosofika jew reliġjuża, l-interess ekonomiku jew kwalunkwe interess ieħor kondiviż ma’ xi riċevitur ta’ finanzjament taħt ir-Regolament (UE, Euratom) Nru 1141/2014. B’mod partikolari, niddikjara li m’iniex membru tal-Parlament Ewropew, ma għandi l-ebda mandat elettorali u m’iniex, u qatt ma kont, impjegat ta’ xi partit politiku Ewropew jew ta’ xi fondazzjoni politika Ewropea.