This document is an excerpt from the EUR-Lex website
Document 32021D0660
Commission Decision (EU) 2021/660 of 19 April 2021 amending Decision (EU) 2020/491 on relief from import duties and VAT exemption on importation granted for goods needed to combat the effects of the COVID-19 outbreak during 2020 (notified under document C(2021) 2693)
Deċiżjoni tal-Kummissjoni (UE) 2021/660 tad-19 ta’ April 2021 li temenda d-Deċiżjoni (UE) 2020/491 dwar l-eżenzjoni mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 matul l-2020 (notifikata bid-dokument C(2021) 2693)
Deċiżjoni tal-Kummissjoni (UE) 2021/660 tad-19 ta’ April 2021 li temenda d-Deċiżjoni (UE) 2020/491 dwar l-eżenzjoni mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 matul l-2020 (notifikata bid-dokument C(2021) 2693)
C/2021/2693
ĠU L 140, 23.4.2021, p. 10–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
23.4.2021 |
MT |
Il-Ġurnal Uffiċjali tal-Unjoni Ewropea |
L 140/10 |
DEĊIŻJONI TAL-KUMMISSJONI (UE) 2021/660
tad-19 ta’ April 2021
li temenda d-Deċiżjoni (UE) 2020/491 dwar l-eżenzjoni mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 matul l-2020
(notifikata bid-dokument C(2021) 2693)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2009/132/KE tad-19 ta’ Ottubru 2009 li tiddetermina l-kamp ta’ applikazzjoni tal-Artikolu 143(b) u (c) tad-Direttiva 2006/112/KE dwar l-eżenzjoni mit-taxxa fuq il-valur miżjud fuq l-importazzjoni finali ta’ ċerti oġġetti (1), u b’mod partikolari l-ewwel paragrafu tal-Artikolu 53,
Wara li kkunsidrat ir-Regolament tal-Kunsill (KE) Nru 1186/2009 tas-16 ta’ Novembru 2009 li jistabbilixxi sistema Komunitarja ta’ eżenzjonijiet mid-dazju doganali (2), u b’mod partikolari l-ewwel paragrafu tal-Artikolu 76 tiegħu,
Billi:
|
(1) |
Id-Deċiżjoni tal-Kummissjoni (UE) 2020/491 (3) kif emendata bid-Deċiżjoni (UE) 2020/1573 (4) teżenta mid-dazji fuq l-importazzjoni u teżenta mit-taxxa fuq il-valur miżjud (‘VAT’) fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 sat-30 ta’ April 2021. |
|
(2) |
Fit-3 ta’ Marzu 2021, il-Kummissjoni kkonsultat lill-Istati Membri f’konformità mal-premessa (5) tad-Deċiżjoni (UE) 2020/491 dwar jekk kinitx meħtieġa estensjoni oħra, u wara dan l-Istati Membri talbu għal estensjoni tal-eżenzjoni. |
|
(3) |
L-importazzjonijiet li jsiru mill-Istati Membri skont id-Deċiżjoni (UE) 2020/491 kienu ta’ benefiċċju biex l-organizzazzjonijiet tal-Istat jew l-organizzazzjonijiet approvati mill-awtoritajiet kompetenti fl-Istati Membri jingħataw aċċess għall-mediċini meħtieġa, għall-apparat mediku u għat-tagħmir protettiv personali li hemm nuqqas tagħhom. L-istatistika dwar il-kummerċ fir-rigward ta’ tali merkanzija tindika li l-importazzjonijiet relatati magħhom qegħdin jonqsu iżda għadhom sinifikanti. Minkejja l-bidu tat-tilqim fl-Istati Membri kollha u l-għadd ta’ miżuri li ttieħdu biex il-virus ma jinfirixx, l-għadd ta’ infezzjonijiet tal-COVID-19 fl-Istati Membri għadu ta’ riskju għas-saħħa pubblika. Issa li l-Istati Membri għadhom jirrapportaw nuqqas ta’ merkanzija meħtieġa fil-ġlieda kontra l-pandemija tal-COVID-19, jenħtieġ li l-perjodu tal-applikazzjoni tal-eżenzjoni mid-dazji fuq l-importazzjonijiet u tal-eżenzjoni mill-VAT, previst fid-Deċiżjoni (UE) 2020/491, jiġi estiż. |
|
(4) |
B’konsegwenza ta’ dan, jenħtieġ li l-iskadenza biex l-Istati Membri jirrapportaw fir-rigward tal-issodisfar tal-obbligi tad-Deċiżjoni (UE) 2020/491 tiġi estiża wkoll. |
|
(5) |
Fil-25 ta’ Marzu 2021, l-Istati Membri ġew ikkonsultati dwar l-estensjoni mitluba f’konformità mal-ewwel paragrafu tal-Artikolu 76 tar-Regolament (KE) Nru 1186/2009 u mal-ewwel paragrafu tal-Artikolu 53 tad-Direttiva 2009/132/KE. |
|
(6) |
Għaldaqstant, id-Deċiżjoni (UE) 2020/491 jenħtieġ li tiġi emendata skont dan, |
ADOTTAT DIN ID-DEĊIŻJONI:
Artikolu 1
Id-Deċiżjoni (UE) 2020/491 hija emendata kif ġej:
|
(1) |
fl-Artikolu 2, il-parti introduttorja hija sostitwita b’dan li ġej: “L-Istati Membri għandhom jikkomunikaw l-informazzjoni li ġejja lill-Kummissjoni, sa mhux aktar tard mit-30 ta’ April 2022:”; |
|
(2) |
fl-l-Artikolu 3, l-ewwel paragrafu huwa sostitwit b’dan li ġej: “L-Artikolu 1 għandu japplika għall-importazzjonijiet li jsiru mit-30 ta’ Jannar 2020 sal-31 ta’ Diċembru 2021.”. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, id-19 ta’ April 2021.
Għall-Kummissjoni
Paolo GENTILONI
Membru tal-Kummissjoni
(1) ĠU L 292, 10.11.2009, p. 5.
(2) ĠU L 324, 10.12.2009, p. 23.
(3) Id-Deċiżjoni tal-Kummissjoni (UE) 2020/491 tat-3 ta’ April 2020 dwar l-eżenzjoni mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 matul l-2020 (ĠU L 103I, 3.4.2020, p. 1).
(4) Id-Deċiżjoni tal-Kummissjoni (UE) 2020/1573 tat-28 ta’ Ottubru 2020 li temenda d-Deċiżjoni (UE) 2020/491 dwar l-eżenzjoni mid-dazji fuq l-importazzjoni u l-eżenzjoni mill-VAT fuq l-importazzjonijiet tal-merkanzija meħtieġa biex jiġu miġġielda l-effetti tat-tifqigħa tal-COVID-19 matul l-2020, (ĠU L 359, 29.10.2020, p. 8).