This document is an excerpt from the EUR-Lex website
Document 32021D0579
Council Decision (CFSP) 2021/579 of 8 April 2021 amending Decision (CFSP) 2019/615 on Union support for activities leading up to the 2020 Review Conference of the Parties to the Treaty on the Non-Proliferation of Nuclear Weapons (NPT)
Deċiżjoni tal-Kunsill (PESK) 2021/579 tat-8 ta’ April 2021 li temenda d-Deċiżjoni (PESK) 2019/615 dwar l-appoġġ tal-Unjoni għall-attivitajiet li jwasslu għall-Konferenza ta’ Reviżjoni tal-2020 tal-Partijiet għat-Trattat dwar in-Nonproliferazzjoni ta’ Armi Nukleari (TNP)
Deċiżjoni tal-Kunsill (PESK) 2021/579 tat-8 ta’ April 2021 li temenda d-Deċiżjoni (PESK) 2019/615 dwar l-appoġġ tal-Unjoni għall-attivitajiet li jwasslu għall-Konferenza ta’ Reviżjoni tal-2020 tal-Partijiet għat-Trattat dwar in-Nonproliferazzjoni ta’ Armi Nukleari (TNP)
ST/6793/2021/INIT
ĠU L 123, 9.4.2021, p. 21–21
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 15/01/2022
|
9.4.2021 |
MT |
Il-Ġurnal Uffiċjali tal-Unjoni Ewropea |
L 123/21 |
DEĊIŻJONI TAL-KUNSILL (PESK) 2021/579
tat-8 ta’ April 2021
li temenda d-Deċiżjoni (PESK) 2019/615 dwar l-appoġġ tal-Unjoni għall-attivitajiet li jwasslu għall-Konferenza ta’ Reviżjoni tal-2020 tal-Partijiet għat-Trattat dwar in-Nonproliferazzjoni ta’ Armi Nukleari (TNP)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 31(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fil-15 ta’ April 2019 il-Kunsill adotta d-Deċiżjoni (PESK) 2019/615 (1). |
|
(2) |
Fid-29 ta’ Ġunju 2020 il-Kunsill adotta d-Deċiżjoni (PESK) 2020/906 (2), li emendat id-Deċiżjoni (PESK) 2019/615. |
|
(3) |
Id-Deċiżjoni (PESK) 2019/615 tipprevedi perijodu ta’ implimentazzjoni ta’ 24 xahar, li jibda fid-data tal-konklużjoni tal-ftehim ta’ finanzjament imsemmi fl-Artikolu 3(3) tagħha, għall-attivitajiet imsemmija fl-Artikolu 1 tagħha (“il-perijodu ta’ implimentazzjoni”). |
|
(4) |
L-Uffiċċju tan-Nazzjonijiet Uniti għall-Affarijiet ta’ Diżarm (UNODA) talab estensjoni addizzjonali tal-perijodu ta’ implimentazzjoni sal-15 ta’ Ottubru 2021 minħabba l-kriżi dinjija tal-COVID-19 u s-sospensjoni temporanja tal-attivitajiet imsemmija fl-Artikolu 1 tad-Deċiżjoni (PESK) 2019/615. |
|
(5) |
L-attivitajiet imsemmija fl-Artikolu 1 tad-Deċiżjoni (PESK) 2019/615 jistgħu jitkomplew sal-15 ta’ Ottubru 2021 mingħajr ebda konsegwenza fir-rigward tar-riżorsi finanzjarji. |
|
(6) |
Għalhekk jenħtieġ li d-Deċiżjoni (PESK) 2019/615 tiġi emendata skont dan, |
ADOTTA DIN ID-DEĊIŻJONI:
Artikolu 1
Fl-Artikolu 5 tad-Deċiżjoni (PESK) 2019/615, il-paragrafu 2 huwa sostitwit b’dan li ġej:
“2. Din id-Deċiżjoni għandha tiskadi fil-15 ta’ Ottubru 2021.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-8 ta’ April 2021.
Għall-Kunsill
Il-President
A. P. ZACARIAS
(1) Id-Deċiżjoni tal-Kunsill (PESK) 2019/615 tal-15 ta’ April 2019 dwar l-appoġġ tal-Unjoni għall-attivitajiet li jwasslu għall-Konferenza ta’ Reviżjoni tal-2020 tal-Partijiet għat-Trattat dwar in-Nonproliferazzjoni ta’ Armi Nukleari (TNP) (ĠU L 105, 16.4.2019, p. 25).
(2) Id-Deċiżjoni tal-Kunsill (PESK) 2020/906 tad-29 ta’ Ġunju 2020 li temenda d-Deċiżjoni (PESK) 2019/615 dwar l-appoġġ tal-Unjoni għall-attivitajiet li jwasslu għall-Konferenza ta’ Reviżjoni tal-2020 tal-Partijiet għat-Trattat dwar in-Nonproliferazzjoni ta’ Armi Nukleari (TNP) (ĠU L 207, 30.6.2020, p. 36).