This document is an excerpt from the EUR-Lex website
Document 32020R2151
Commission Implementing Regulation (EU) 2020/2151 of 17 December 2020 laying down rules on harmonised marking specifications on single-use plastic products listed in Part D of the Annex to Directive (EU) 2019/904 of the European Parliament and of the Council on the reduction of the impact of certain plastic products on the environment (Text with EEA relevance)
Ir-Regolament ta’ Implimentazzjoni tal-Kummissjoni (UE) 2020/2151 tas-17 ta’ Diċembru 2020 li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent (Test b’rilevanza għaż-ŻEE)
Ir-Regolament ta’ Implimentazzjoni tal-Kummissjoni (UE) 2020/2151 tas-17 ta’ Diċembru 2020 li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent (Test b’rilevanza għaż-ŻEE)
C/2020/9199
ĠU L 428, 18.12.2020, p. 57–67
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 18/12/2020
18.12.2020 |
MT |
Il-Ġurnal Uffiċjali tal-Unjoni Ewropea |
L 428/57 |
IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/2151
tas-17 ta’ Diċembru 2020
li jistabbilixxi regoli dwar l-ispeċifikazzjonijiet armonizzati ta’ mmarkar għall-prodotti tal-plastik li jintużaw darba biss elenkati fil-Parti D tal-Anness tad-Direttiva (UE) 2019/904 tal-Parlament Ewropew u tal-Kunsill dwar it-tnaqqis tal-impatt ta’ ċerti prodotti tal-plastik fuq l-ambjent
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/904 tal-Parlament Ewropew u tal-Kunsill tal-5 ta’ Ġunju 2019 dwar it-tnaqqis tal-impatt ta’ ċerti prodotti tal-plastik fuq l-ambjent (1), u b’mod partikolari l-Artikolu 7(2) tagħha,
Billi:
(1) |
Id-Direttiva (UE) 2019/904 tistabbilixxi rekwiżiti ġenerali dwar l-immarkar ta’ ċerti prodotti tal-plastik li jintużaw darba biss li spiss jintremew b’mod inadegwat. L-immarkar għandu jinforma lill-konsumaturi bil-preżenza ta’ plastik fil-prodott; bil-mezzi għar-rimi tal-iskart li għandhom jiġu evitati għal dak il-prodott; u bl-impatt negattiv fuq l-ambjent li jirriżulta mir-rimi bl-addoċċ jew minn mezzi oħra inadegwati għar-rimi tal-iskart tal-prodott. |
(2) |
Id-Direttiva (UE) 2019/904 tirrikjedi li l-Kummissjoni tistabbilixxi speċifikazzjonijiet armonizzati għall-immarkar ta’ prodotti tal-plastik li jintużaw darba biss elenkati fil-Parti D tal-Anness tagħha. Jenħtieġ li l-ispeċifikazzjonijiet armonizzati għall-pożizzjoni, id-daqs u d-disinn tal-immarkar iqisu l-gruppi differenti ta’ prodotti koperti. Il-format, il-kuluri, ir-riżoluzzjoni minima u d-daqs tat-tipa li għandhom jintużaw, jenħtieġ li jiġu speċifikati sabiex jiġi żgurat li kull element tal-immarkar ikun viżibbli għalkollox. |
(3) |
Il-Kummissjoni evalwat l-immarkar eżistenti identifikat permezz ta’ stħarriġ online tal-partijiet ikkonċernati u ta’ ħarsa ġenerali tas-suq sabiex tifhem il-mekkaniżmu ta’ valutazzjoni u r-rekwiżiti wara l-immarkar u l-impatt tagħhom. |
(4) |
Il-Kummissjoni ikkonsultat gruppi rappreżentattivi ta’ konsumaturi u wettqet test fuq il-post biex taċċerta li l-immarkar ikun effettiv u jinftiehem malajr u b’hekk tiġi evitata informazzjoni qarrieqa. |
(5) |
Il-miżuri previsti f’dan ir-Regolament huma f’konformità mal-opinjoni tal-Kumitat stabbilit bl-Artikolu 39 tad-Direttiva 2008/98/KE tal-Parlament Ewropew u tal-Kunsill (2). |
ADOTTAT DAN IR-REGOLAMENT:
Artikolu 1
Imballaġġ
Għall-finijiet ta’ dan ir-Regolament, “imballaġġ” tfisser imballaġġ għall-bejgħ u imballaġġ ta’ prodotti fi gruppi kif iddefinit fil-punt 1 tal-Artikolu 3 tad-Direttiva 94/62/KE tal-Parlament Ewropew u tal-Kunsill (3).
Artikolu 2
Speċifikazzjonijiet armonizzati ta’ mmarkar
1. L-ispeċifikazzjonijiet armonizzati ta’ mmarkar għall-assorbenti sanitarji (pads) u għat-tampuni u l-applikaturi tat-tampuni huma stabbiliti fl-Anness I.
2. L-ispeċifikazzjonijiet armonizzati ta’ mmarkar għall-wet wipes, jiġifieri wipes imxarrbin minn qabel tal-kura personali u għal użu domestiku huma stabbiliti fl-Anness II.
3. L-ispeċifikazzjonijiet armonizzati ta’ mmarkar għall-prodotti tat-tabakk bil-filtri u filtri mqiegħda fis-suq għal użu flimkien mal-prodotti tat-tabakk huma stabbiliti fl-Anness III.
4. L-ispeċifikazzjonijiet armonizzati ta’ mmarkar għat-tazez għax-xorb huma stabbiliti fl-Anness IV.
Artikolu 3
Lingwi
It-test informattiv tal-immarkar għandu jinkiteb bil-lingwa uffiċjali jew bil-lingwi tal-Istat Membru jew tal-Istati Membri fejn il-prodott tal-plastik li jintuża darba biss jitqiegħed fis-suq.
Artikolu 4
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mit-3 ta’ Lulju 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Diċembru 2020.
Għall-Kummissjoni
Il-President
Ursula VON DER LEYEN
(1) ĠU L 155, 12.6.2019, p. 1.
(2) Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).
(3) Id-Direttiva tal-Parlament Ewropew u tal-Kunsill 94/62/KE tal-20 ta’ Diċembru 1994 dwar l-imballaġġ u l-iskart mill-imballaġġ (ĠU L 365, 31.12.1994, p. 10).
ANNESS I
Speċifikazzjonijiet armonizzati ta’ mmarkar għal assorbenti sanitarji (pads), u għal tampuni u applikaturi tat-tampuni
1.
L-imballaġġ tal-assorbenti sanitarji (pads), b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tal-assorbenti sanitarji (pads) li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
2.
L-imballaġġ tat-tampuni u tal-applikaturi tat-tampuni, b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tat-tampuni u tal-applikaturi tat-tampuni li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
3.
L-immarkar stabbilit fil-punti 1 u 2 għandu jikkonforma mar-rekwiżiti stabbiliti f’dan il-punt.
a. |
Pożizzjoni tal-immarkar L-immarkar għandu jitqiegħed orizzontalment fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, skont liema jkun jidher l-aktar ċar. Meta l-immarkar tad-daqs minimu ma jkunx jista’ joqgħod fl-intier tiegħu fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, jista’ jitqiegħed parzjalment fuq żewġ naħat tal-imballaġġ, jiġifieri fuq quddiem u fuq in-naħa ta’ fuq, jew fuq quddiem u fil-ġenb, skont liema jkun jidher l-aktar ċar. Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tal-imballaġġ, jista’ jiddawwar 90° u jitqiegħed vertikalment. Il-kaxxi tal-immarkar ma għandhomx ikunu separati. Meta jinfetaħ l-imballaġġ skont kwalunkwe istruzzjoni, l-immarkar jenħtieġ li ma jitqattax u li jkun jista’ jibqa’ jinqara. |
b. |
Daqs tal-immarkar L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “IL-PRODOTT FIH IL-PLASTIK”, imqiegħda taħt iż-żewġ kaxxi tal-istess daqs. Il-proporzjon bejn l-għoli u t-tul tal-immarkar għandu jkun 1:2. Meta l-erja tan-naħa ta’ quddiem jew tal-wiċċ ta’ fuq ta’ barra tal-imballaġġ li fuqha jitqiegħed l-immarkar tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2). |
c. |
Disinn tal-immarkar Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa. It-test informattiv “IL-PRODOTT FIH IL-PLASTIK” għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq l-imballaġġ, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv f’lingwi addizzjonali jitqiegħed fil-kaxxa rettangolari s-sewda, jistgħu jsiru derogi mid-daqs massimu meħtieġ tal-immarkar. Għandhom jintużaw il-kuluri li għandhom il-kodiċijiet tal-kuluri li ġejjin:
|
ANNESS II
Speċifikazzjonijiet armonizzati ta’ mmarkar għal wet wipes
1.
L-imballaġġ tal-wet wipes (jiġifieri wipes imxarrbin minn qabel tal-kura personali u għal użu domestiku), b’erja tas-superfiċje ta’ 10 cm2 jew aktar, għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tal-imballaġġ tal-wet wipes li jitqiegħdu fis-suq qabel l-4 ta’ Lulju 2022 jista’ jitwaħħal permezz ta’ stikers.
2.
L-immarkar għandu jikkonforma mar-rekwiżiti stabbiliti f’dan il-punt.
a. |
Pożizzjoni tal-immarkar L-immarkar għandu jitqiegħed orizzontalment fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, skont liema jkun jidher l-aktar ċar. Meta l-immarkar tad-daqs minimu ma jkunx jista’ joqgħod fl-intier tiegħu fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, jista’ jitqiegħed parzjalment fuq żewġ naħat tal-imballaġġ, jiġifieri fuq quddiem u fuq in-naħa ta’ fuq, jew fuq quddiem u fil-ġenb, skont liema jkun jidher l-aktar ċar. Fejn ma jkunx possibbli li l-immarkar jitqiegħed orizzontalment minħabba l-forma jew id-daqs tal-imballaġġ, jista’ jiddawwar 90° u jitqiegħed vertikalment. Il-kaxxi tal-immarkar ma għandhomx ikunu separati. Meta jinfetaħ l-imballaġġ skont kwalunkwe istruzzjoni, l-immarkar jenħtieġ li ma jitqattax u li jkun jista’ jibqa’ jinqara. |
b. |
Daqs tal-immarkar L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “IL-PRODOTT FIH IL-PLASTIK” imqiegħda taħt iż-żewġ kaxxi tal-istess daqs. Il-proporzjon bejn l-għoli u t-tul tal-immarkar għandu jkun 1:2. Meta l-erja tan-naħa ta’ quddiem jew tal-wiċċ ta’ fuq ta’ barra tal-imballaġġ li fuqha jitqiegħed l-immarkar tkun inqas minn 65 cm2, id-daqs minimu tal-immarkar għandu jkun 1,4 cm x 2,8 cm (3,92 cm2). Fil-każijiet l-oħrajn kollha, l-immarkar għandu jkopri mill-inqas 6 % tal-erja tas-superfiċje li jitqiegħed fuqha. Id-daqs massimu meħtieġ tal-immarkar għandu jkun ta’ 3 cm x 6 cm (18-il cm2). |
c. |
Disinn tal-immarkar Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa. It-test informattiv “IL-PRODOTT FIH IL-PLASTIK” għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq in-naħa ta’ quddiem jew fuq il-wiċċ ta’ fuq ta’ barra tal-imballaġġ, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq l-imballaġġ, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas 5 pt u massimu ta’ 14-il pt. Meta t-test informattiv f’lingwi addizzjonali jitqiegħed fil-kaxxa rettangolari s-sewda, jistgħu jsiru derogi mid-daqs massimu meħtieġ tal-immarkar. Għandhom jintużaw il-kuluri li għandhom il-kodiċijiet tal-kuluri li ġejjin:
|
ANNESS III
Speċifikazzjonijiet armonizzati ta’ mmarkar għal prodotti tat-tabakk bil-filtri u filtri mqiegħda fis-suq għal użu flimkien mal-prodotti tat-tabakk
1.
Pakkett individwali kif definit fil-punt 30 tal-Artikolu 2 tad-Direttiva 2014/40/KE (“pakkett individwali”) u ppakkjar estern kif definit fil-punt 29 tal-Artikolu 2 tad-Direttiva 2014/40/KE (“ippakkjar estern”) għall-prodotti tat-tabakk bil-filtri b’erja tas-superfiċje ta’ 10 cm2 jew aktar; u l-imballaġġ għall-filtri mqiegħda fis-suq għal użu flimkien mal-prodotti tat-tabakk b’erja tas-superfiċje ta’ 10 cm2 jew aktar għandu jkollu l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar ta’ pakkett individwali u tal-imballaġġ estern għall-prodotti tat-tabakk bil-filtri u l-imballaġġ għall-filtri kummerċjalizzati għal użu flimkien mal-prodotti tat-tabakk li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
2.
L-immarkar għandu jikkonforma mar-rekwiżiti stabbiliti f’dan il-punt.
a. |
Pożizzjoni tal-immarkar
|
ANNESS IV
Speċifikazzjonijiet armonizzati ta’ mmarkar għal tazez għax-xorb
1.
It-tazez għax-xorb magħmula parzjalment mill-plastik għandu jkollhom l-immarkar stampat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li turi l-linja rqiqa bajda madwar l-immarkar b’kuntrast mal-paġna bajda. |
Permezz ta’ deroga mill-ewwel sentenza ta’ dan il-punt, l-immarkar tat-tazez għax-xorb magħmula parzjalment mill-plastik u li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
2.
It-tazez għax-xorb magħmulin kompletament mill-plastik għandu jkollhom jew l-immarkar stampat li ġej jew l-immarkar imnaqqax/imbuzzat li ġej:
Nota |
: |
il-linja s-sewda madwar l-immarkar mhijiex parti minnu. L-uniku għan tagħha huwa li tipprovdi kuntrast mal-paġna l-bajda. |
Permezz ta’ deroga mill-ewwel sentenza ta’ dan il-punt, l-immarkar tat-tazez għax-xorb magħmula kompletament mill-plastik u li jitqiegħdu fis-suq qabel l-4 ta’ Lulju 2022, jista’ jitwaħħal permezz ta’ stikers.
Nota |
: |
il-linja s-sewda madwar l-immarkar u l-isfond il-griż mhumiex parti minnu. L-uniku għan tagħha huwa li tipprovdi kuntrast mal-paġna l-bajda. |
3.
L-immarkar għat-tazez għax-xorb magħmulin parzjalment mill-plastik għandu jikkonforma mar-rekwiżiti stabbiliti f’dan il-punt.
a. |
Pożizzjoni tal-immarkar
|
b. |
Daqs tal-immarkar L-immarkar għandu jkun magħmul minn żewġ kaxxi, waħda ħamra u waħda blu tal-istess daqs, li jitqiegħdu ħdejn xulxin, u kaxxa sewda rettangolari li jkun fiha t-test informattiv “IL-PRODOTT FIH IL-PLASTIK” imqiegħda taħt iż-żewġ kaxxi tal-istess daqs. Il-proporzjon bejn l-għoli u t-tul tal-immarkar għandu jkun 1:2. Għat-tazez b’volum ta’ inqas minn 500 ml, id-daqs minimu tal-immarkar għandu jkun ta’ 1,4 cm x 2,8 cm (3,92 cm2). Għat-tazez b’volum ta’ 500 ml jew aktar, id-daqs minimu tal-immarkar għandu jkun ta’ 1,6 cm x 3,2 cm (5,12 cm2). |
c. |
Disinn tal-immarkar Id-disinn tal-immarkar għandu jiġi riprodott mingħajr ma jiżdied l-ebda effett, u mingħajr ma jiġu aġġustati l-kuluri jew jiġi mmanipulat jew estiż l-isfond. L-immarkar għandu jkun riprodott b’riżoluzzjoni minima ta’ 300 tikka għal kull pulzier meta jiġi stampat fid-daqs proprju. L-immarkar għandu jkun imdawwar b’linja bajda rqiqa. It-test informattiv “IL-PRODOTT FIH IL-PLASTIK” għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar. Meta t-test informattiv jiġi tradott f’lingwa oħra jew f’diversi lingwi uffiċjali tal-Istati Membri, it-test informattiv tradott għandu jitqiegħed jew qrib l-immarkar, jew ġewwa l-kaxxa rettangolari s-sewda, taħt l-ewwel lingwa, u għandu jkun jidher ċar fiż-żewġ każijiet. F’każijiet eċċezzjonali minħabba restrizzjonijiet mil-lat ta’ spazju fuq il-wiċċ ta’ barra tat-tazza, it-test informattiv tradott f’lingwa oħra jew f’diversi lingwi uffiċjali tal-Istati Membri jista’ jitqiegħed x’imkien ieħor fuq it-tazza, qrib kemm jista’ jkun tal-immarkar u fejn ikun jidher ċar. It-test informattiv tradott għandu jkun b’ittri kapitali u bit-tipa Helvetica Bold. Id-daqs tat-tipa għandu jkun mill-inqas ta’ 5 pt għat-tazez ta’ inqas minn 500 ml u ta’ 6 pt għat-tazez ta’ 500 ml jew aktar. Meta t-test informattiv f’lingwi addizzjonali jitqiegħed fil-kaxxa rettangolari sewda, huma possibbli derogi mid-daqs massimu meħtieġ tal-immarkar. Għandhom jintużaw il-kuluri li għandhom il-kodiċijiet tal-kuluri li ġejjin:
|
4.
L-immarkar tat-tazez għax-xorb magħmulin kollha kemm huma mill-plastik għandu jikkonforma mar-rekwiżiti stabbiliti f’dan il-punt
a. |
Pożizzjoni tal-immarkar
|
b. |
Daqs tal-immarkar L-immarkar għandu jkollu forma rettangolari u l-proporzjon bejn l-għoli u t-tul huwa ta’ 1:2. Għat-tazez b’volum ta’ inqas minn 500 ml, id-daqs minimu tal-immarkar għandu jkun ta’ 1,4 cm x 2,8 cm (3,92 cm2). Għat-tazez b’volum ta’ 500 ml jew aktar, id-daqs minimu tal-immarkar għandu jkun ta’ 1,6 cm x 3,2 cm (5,12 cm2). |
c. |
Disinn tal-immarkar
|