This document is an excerpt from the EUR-Lex website
Document 32020R1739
Commission Implementing Regulation (EU) 2020/1739 of 20 November 2020 amending and correcting Implementing Regulation (EU) 2020/761 as regards the quantities available for tariff rate quotas for certain agricultural products included in the WTO schedule of the Union following the withdrawal of the United Kingdom from the Union, a tariff quota for poultrymeat originating in Ukraine and a tariff quota for meat of bovine animals originating in Canada
Regolament ta’ Implimentazzjoni tal-Kummissjoni (UE) 2020/1739 tal-20 ta’ Novembru 2020 li jemenda u jikkoreġi r-Regolament ta’ Implimentazzjoni (UE) 2020/761 fir-rigward tal-kwantitajiet disponibbli għall-kwoti tariffarji għal ċerti prodotti agrikoli inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni, kwota tariffarja għal-laħam tat-tjur li joriġina mill-Ukrajna u kwota tariffarja għal-laħam tal-annimali bovini li joriġina mill-Kanada
Regolament ta’ Implimentazzjoni tal-Kummissjoni (UE) 2020/1739 tal-20 ta’ Novembru 2020 li jemenda u jikkoreġi r-Regolament ta’ Implimentazzjoni (UE) 2020/761 fir-rigward tal-kwantitajiet disponibbli għall-kwoti tariffarji għal ċerti prodotti agrikoli inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni, kwota tariffarja għal-laħam tat-tjur li joriġina mill-Ukrajna u kwota tariffarja għal-laħam tal-annimali bovini li joriġina mill-Kanada
C/2020/7956
ĠU L 392, 23.11.2020, p. 9–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
23.11.2020 |
MT |
Il-Ġurnal Uffiċjali tal-Unjoni Ewropea |
L 392/9 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1739
tal-20 ta’ Novembru 2020
li jemenda u jikkoreġi r-Regolament ta’ Implimentazzjoni (UE) 2020/761 fir-rigward tal-kwantitajiet disponibbli għall-kwoti tariffarji għal ċerti prodotti agrikoli inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni, kwota tariffarja għal-laħam tat-tjur li joriġina mill-Ukrajna u kwota tariffarja għal-laħam tal-annimali bovini li joriġina mill-Kanada
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-punt (a) tal-ewwel paragrafu tal-Artikolu 187 tiegħu,
Billi:
(1) |
Ir-Regolament Delegat tal-Kummissjoni (UE) 2020/760 (2) u r-Regolament ta’ Implimentazzjoni tal-Kummissjoni (UE) 2020/761 (3) jistabbilixxu r-regoli għall-ġestjoni tal-kwoti tariffarji tal-importazzjoni u l-esportazzjoni għall-prodotti agrikoli ġestiti minn sistema ta’ liċenzji tal-importazzjoni u l-esportazzjoni u jissostitwixxu u jħassru għadd ta’ atti li fetħu dawn il-kwoti u jipprevedu regoli speċifiċi. |
(2) |
Ir-Regolament ta’ Implimentazzjoni tal-Kummissjoni (UE) 2019/386 (4), li jistabbilixxi r-regoli f’dak li jirrigwarda t-tqassim tal-kwoti tariffarji għal ċerti prodotti agrikoli inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni, jistabbilixxi li, mill-jum li fih japplika l-Artikolu 1(2) tar-Regolament (UE) 2019/216 tal-Parlament Ewropew u tal-Kunsill (5), il-kwantitajiet tal-kwoti tariffarji stabbiliti fir-Regolamenti li jiftħu l-kwoti tariffarji rispettivi għal ċerti prodotti agrikoli jiġu sostitwiti bil-kwantitajiet il-ġodda li jirriżultaw mit-tqassim, kif stabbilit fit-tielet kolonna tal-Annessi I u II tar-Regolament ta’ Implimentazzjoni (UE) 2019/386. Sabiex jiġi żgurat li l-kwantitajiet tal-kwoti tariffarji stabbiliti fir-Regolament ta’ Implimentazzjoni (UE) 2020/761 ikunu konsistenti mal-kwantitajiet il-ġodda tal-kwoti tariffarji li jirriżultaw mit-tqassim kif stabbilit fit-tielet kolonna tal-Anness I tar-Regolament ta’ Implimentazzjoni (UE) 2019/386, jenħtieġ li l-kwantitajiet tal-kwota tariffarja rilevanti stabbiliti fl-Annessi II, III, IV, VI, VIII, IX, X u XII tar-Regolament ta’ Implimentazzjoni (UE) 2020/761 jiġu emendati skont dan. |
(3) |
Wara d-diskussjonijiet bejn l-Unjoni u r-Renju Unit, intlaħaq ftehim dwar kwantitajiet ġodda għal erba’ kwoti tariffarji fis-settur tar-ross. Għalhekk huwa xieraq ukoll li jiġu emendati l-kwantitajiet għall-kwoti tariffarji skont in-numri tal-ordni 09.4127, 09.4128, 09.4129 u 09.4130 stabbiliti fl-Anness III tar-Regolament ta’ Implimentazzjoni (UE) 2020/761. |
(4) |
Ir-Regolament ta’ Implimentazzjoni tal-Kummissjoni (UE) 2020/94 (6) jemenda r-Regolament ta’ Implimentazzjoni (UE) 2015/2078 (7) li jiftaħ u fih previst l-amministrazzjoni ta’ kwoti tariffarji tal-importazzjoni tal-Unjoni għal-laħam tat-tjur li joriġina fl-Ukrajna, sabiex jitqiesu l-kwantitajiet tal-kwota tariffarja u l-kodiċijiet NM li saru disponibbli skont Ftehim fil-forma ta’ Skambju ta’ Ittri bejn l-Unjoni Ewropea u l-Ukrajna li jemenda l-preferenzi kummerċjali għal-laħam tat-tjur u l-preparazzjonijiet tal-laħam tat-tjur previsti fil-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u l-Ukrajna, min-naħa l-oħra, approvat bid-Deċiżjoni tal-Kunsill (UE) 2019/2145 (8) (“il-Ftehim”). Huwa għalhekk xieraq li jiġu emendati l-kwantità u l-kodiċijiet tan-NM tal-kwota tariffarja fin-numru tal-ordni 09.4273 stabbiliti fl-Anness XII tar-Regolament ta’ Implimentazzjoni (UE) 2020/761 sabiex jitqiesu l-kwantitajiet tal-kwota tariffarja u l-kodiċijiet tan-NM magħmula disponibbli skont il-Ftehim. |
(5) |
Jeħtieġ li jiġi kkoreġut żball editorjali fl-Anness VIII tar-Regolament ta’ Implimentazzjoni (UE) 2020/761 fir-rigward tad-deskrizzjoni tal-prodott għal kwota tariffarja fuq il-laħam tal-annimali bovini li joriġina mill-Kanada. |
(6) |
Għalhekk jenħtieġ li r-Regolament ta’ Implimentazzjoni (UE) 2020/761 jiġi emendat u kkoreġut skont dan. |
(7) |
Sabiex tiġi żgurata ċ-ċertezza tad-dritt u sabiex il-kwantitajiet riveduti tal-kwoti tariffarji japplikaw għall-applikazzjonijiet għal-liċenzji li jistgħu jitressqu għall-kwoti tariffarji b’perjodu tal-kwota tariffarja li jibda mill-1 ta’ Jannar 2021, jenħtieġ li dan ir-Regolament jidħol fis-seħħ b’urġenza fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
(8) |
Il-miżuri previsti f’dan ir-Regolament huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Emendi għar-Regolament ta’ Implimentazzjoni (UE) 2020/761
Ir-Regolament ta’ Implimentazzjoni (UE) 2020/761 huwa emendat kif ġej:
(1) |
L-Annessi II, III, IV, VI, VIII, IX u X huma emendati skont kif stipulat fl-Anness I ta’ dan ir-Regolament; |
(2) |
L-Anness XII huwa emendat skont kif stipulat fl-Anness II ta’ dan ir-Regolament. |
Artikolu 2
Korrezzjoni fir-Regolament ta’ Implimentazzjoni (UE) 2020/761
Fl-Anness VIII tar-Regolament ta’ Implimentazzjoni (UE) 2020/761, għan-numru tal-ordni 09.4281, id-deskrizzjoni tal-prodott “Laħam ta’ annimali bovini, minbarra l-bison, frisk jew imkessaħ” tinbidel b’“Laħam ta’ annimali bovini, eskluż il-bison, iffriżat jew mod ieħor”.
Artikolu 3
Dħul fis-seħħ
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-20 ta’ Novembru 2020.
Għall-Kummissjoni
Il-President
Ursula VON DER LEYEN
(1) ĠU L 347, 20.12.2013, p. 671.
(2) Ir-Regolament Delegat tal-Kummissjoni (UE) 2020/760 tas-17 ta’ Diċembru 2019 li jissupplimenta r-Regolament (UE) Nru 1308/2013 tal-Parlament Ewropew u tal-Kunsill fir-rigward tar-regoli għall-amministrazzjoni tal-kwoti tariffarji tal-importazzjoni u l-esportazzjoni soġġetti għal liċenzji u li jissupplimenta r-Regolament (UE) Nru 1306/2013 tal-Parlament Ewropew u tal-Kunsill fir-rigward tad-depożitu ta’ garanziji fl-amministrazzjoni tal-kwoti tariffarji (ĠU L 185, 12.6.2020, p. 1).
(3) Ir-Regolament ta’ Implimentazzjoni tal-Kummissjoni (UE) 2020/761 tas-17 ta’ Diċembru 2019 li jistabbilixxi regoli għall-applikazzjoni tar-Regolamenti (UE) Nru 1306/2013, (UE) Nru 1308/2013 u (UE) Nru 510/2014 tal-Parlament Ewropew u tal-Kunsill fir-rigward tas-sistema ta’ ġestjoni tal-kwoti tariffarji bil-liċenzji (ĠU L 185, 12.6.2020, p. 24).
(4) Ir-Regolament ta’ Implimentazzjoni tal-Kummissjoni (UE) 2019/386 tal-11 ta’ Marzu 2019 li jistabbilixxi r-regoli f’dak li jirrigwarda t-tqassim tal-kwoti tariffarji għal ċerti prodotti agrikoli inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni u f’dak li jirrigwarda l-liċenzji tal-importazzjoni maħruġa u d-drittijiet tal-importazzjoni allokati fil-qafas ta’ dawk il- kwoti tariffarji (ĠU L 70, 12.3.2019, p. 4).
(5) Ir-Regolament (UE) 2019/216 tal-Parlament Ewropew u tal-Kunsill tat-30 ta’ Jannar 2019 dwar it-tqassim tal-kwoti tariffarji inklużi fl-iskeda tad-WTO tal-Unjoni wara l-ħruġ tar-Renju Unit mill-Unjoni, u li jemenda r-Regolament tal-Kunsill (KE) Nru 32/2000 (ĠU L 38, 8.2.2019, p. 1).
(6) Ir-Regolament ta’ Implimentazzjoni tal-Kummissjoni (UE) 2020/94 tat-22 ta’ Jannar 2020 li jemenda r-Regolament ta’ Implimentazzjoni tal-Kummissjoni (UE) 2015/2078 rigward il-kwoti tariffarji għal-laħam tat-tjur li joriġina mill-Ukrajna u li jidderoga minn dak ir-Regolament ta’ Implimentazzjoni għas-sena tal-kwoti 2020 (ĠU L 18, 23.1.2020, p. 1).
(7) Ir-Regolament ta’ Implimentazzjoni tal-Kummissjoni (UE) 2015/2078 tat-18 ta’ Novembru 2015 li jiftaħ u fih previst l-amministrazzjoni ta’ kwoti tariffarji tal-importazzjoni tal-Unjoni għal-laħam tat-tjur li joriġina fl-Ukrajna (ĠU L 302, 19.11.2015, p. 63).
(8) Id-Deċiżjoni tal-Kunsill (UE) 2019/2145 tal-5 ta’ Diċembru 2019 dwar il-konklużjoni, f’isem l-Unjoni, tal-Ftehim fil-forma ta’ skambju ta’ ittri bejn l-Unjoni Ewropea u l-Ukrajna li jemenda l-preferenzi kummerċjali għal-laħam tat-tjur u preparati tal-laħam tat-tjur previsti fil-Ftehim ta’ Assoċjazzjoni bejn l-Unjoni Ewropea u l-Komunità Ewropea tal-Enerġija Atomika u l-Istati Membri tagħhom, minn naħa waħda, u l-Ukrajna, min-naħa l-oħra (ĠU L 325, 16.12.2019, p. 41).
ANNESS I
L-Annessi II, III, IV, VI, VIII, IX u X tar-Regolament ta’ Implimentazzjoni (UE) 2020/761 huma emendati kif ġej:
(1) |
fl-Anness II, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(2) |
fl-Anness III, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(3) |
fl-Anness IV, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(4) |
fl-Anness VI, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(5) |
fl-Anness VIII, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(6) |
fl-Anness IX, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(7) |
fl-Anness X, għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
ANNESS II
L-Anness XII tar-Regolament ta’ Implimentazzjoni (UE) 2020/761 huwa emendat kif ġej:
(1) |
għan-numri tal-ordni elenkati fil-kolonna tax-xellug, il-kwantitajiet jiġu sostitwiti bil-kwantitajiet stabbiliti fil-kolonna tal-lemin:
|
(2) |
it-tabella li tikkonċerna n-numru tal-ordni 09.4273 tiġi sostitwita b’dan:
|