This document is an excerpt from the EUR-Lex website
Document 32020R1713
Commission Implementing Regulation (EU) 2020/1713 of 16 November 2020 amending Implementing Regulation (EU) 2019/1382 amending certain Regulations imposing anti-dumping or anti-subsidy measures on certain steel products subject to safeguard measures
Regolament ta’ Implimentazzjoni tal-Kummissjoni (UE) 2020/1713 tas-16 ta’ Novembru 2020 li jemenda r-Regolament ta’ Implimentazzjoni (UE) 2019/1382 li jemenda ċerti Regolamenti li jimponu miżuri anti-dumping jew antisussidji fuq ċerti prodotti tal-azzar soġġetti għal miżuri ta’ salvagwardja
Regolament ta’ Implimentazzjoni tal-Kummissjoni (UE) 2020/1713 tas-16 ta’ Novembru 2020 li jemenda r-Regolament ta’ Implimentazzjoni (UE) 2019/1382 li jemenda ċerti Regolamenti li jimponu miżuri anti-dumping jew antisussidji fuq ċerti prodotti tal-azzar soġġetti għal miżuri ta’ salvagwardja
C/2020/7872
ĠU L 384, 17.11.2020, p. 6–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.11.2020 |
MT |
Il-Ġurnal Uffiċjali tal-Unjoni Ewropea |
L 384/6 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1713
tas-16 ta’ Novembru 2020
li jemenda r-Regolament ta’ Implimentazzjoni (UE) 2019/1382 li jemenda ċerti Regolamenti li jimponu miżuri anti-dumping jew antisussidji fuq ċerti prodotti tal-azzar soġġetti għal miżuri ta’ salvagwardja
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2015/477 tal-Parlament Ewropew u tal-Kunsill tal-11 ta’ Marzu 2015 dwar il-miżuri li l-Unjoni tista’ tieħu relattivament għall-effett ikkombinat ta’ miżuri kontra d-dumping jew kontra s-sussidji ma’ miżuri ta’ salvagwardja (1),
Billi:
|
(1) |
Bir-Regolament ta’ Implimentazzjoni (UE) 2019/159 (2), il-Kummissjoni imponiet miżuri ta’ salvagwardja fir-rigward ta’ ċerti prodotti tal-azzar għal perjodu ta’ tliet snin. Dawn il-miżuri jieħdu l-forma ta’ kwoti tariffarji applikabbli għal perjodi speċifiċi, li permezz tagħhom ikun dovut dazju tariffarju ’l fuq mill-kwota ta’ 25 % meta l-importazzjonijiet jaqbżu livell limitu speċifikat li jkun jikkorrispondi mal-livell medju ta’ importazzjonijiet fis-snin 2015 sa 2017. |
|
(2) |
Permezz tar-Regolament ta’ Implimentazzjoni (UE) 2019/1382 (3), il-Kummissjoni stabbiliet mekkaniżmu li jipprevjeni l-applikazzjoni simultanja ta’ dan id-dazju tariffarju ’l fuq mill-kwota ma’ miżuri anti-dumping u/jew kompensatorji applikabbli wkoll għal xi wħud mill-prodotti tal-azzar. |
|
(3) |
Għal dan il-għan, l-anness tar-Regolament ta’ Implimentazzjoni (UE) 2019/1382 elenka l-miżuri anti-dumping u antisussidji kollha fuq prodotti li kienu wkoll soġġetti għall-miżuri ta’ salvagwardja f’dak iż-żmien, u speċifika d-dazju antidumping u/jew antisussidji li jenħtieġ li japplika ladarba t-tariffa ’l fuq mill-kwota ssir applikabbli. |
|
(4) |
Fis-6 ta’ Ottubru 2020, permezz tar-Regolament ta’ Implimentazzjoni (UE) 2020/1408 (4), il-Kummissjoni imponiet miżuri anti-dumping definittivi fuq l-importazzjonijiet ta’ ċerti pjanċi u kojls tal-azzar inossidabbli llaminati bis-sħana li joriġinaw mill-Indoneżja, mir-Repubblika tal-Poplu taċ-Ċina u mit-Tajwan. |
|
(5) |
Kif iddikjarat fil-premessa (310) tar-Regolament ta’ Implimentazzjoni (UE) 2020/1408, il-mekkaniżmu li jipprevjeni l-applikazzjoni simultanja tal-miżuri japplika għal dawn il-prodotti peress li huma wkoll soġġetti għal miżuri ta’ salvagwardja (prodott numru 8). Jenħtieġ għalhekk li l-anness tar-Regolament ta’ Implimentazzjoni (UE) 2019/1382 jiġi emendat sabiex jinkludi r-Regolament ta’ Implimentazzjoni (UE) 2020/1408. |
|
(6) |
Il-miżuri previsti f’dan ir-Regolament huma skont l-opinjoni tal-Kumitat tal-Istrumenti għad-Difiża tal-Kummerċ, |
ADOTTAT DAN IR-REGOLAMENT:
Artikolu 1
Ir-Regolament ta’ Implimentazzjoni ta’ Implimentazzjoni (UE) 2019/1382 huwa emendat kif ġej:
|
(1) |
Fl-Anness 1.B “Lista tar-regolamenti li jimponu miżuri anti-dumping u antisussidji fuq il-prodotti soġġetti għall-miżura ta’ salvagwardja”, jiżdied il-paragrafu li ġej: “19. IR-REGOLAMENT TA’ IMPLIMENTAZZJONI TAL-KUMMISSJONI (UE) 2020/1408 tas-6 ta’ Ottubru 2020 li jimponi dazju anti-dumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ ċerti pjanċi u kojls tal-azzar inossidabbli llaminati bis-sħana li joriġinaw mill-Indoneżja, mir-Repubblika tal-Poplu taċ-Ċina u mit-Tajwan, ĠU L 325, 7.10.2020, p. 26.” |
|
(2) |
Fl-Anness 2 “Rati ta’ dazji anti-dumping u/jew kompensatorji applikabbli sakemm ikun applikabbli dazju ta’ salvagwardja fuq l-istess prodott”, jiżdied l-ANNESS 2.18 li ġej: “ ANNESS 2.18 Ir-Regolament ta’ Implimentazzjoni tal-Kummissjoni (UE) 2020/1408 tas-6 ta’ Ottubru 2020 li jimponi dazju anti-dumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ ċerti pjanċi u kojls tal-azzar inossidabbli llaminati bis-sħana li joriġinaw mill-Indoneżja, mir-Repubblika tal-Poplu taċ-Ċina u mit-Tajwan, ĠU L 325, 7.10.2020, p. 26.
|
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta’ Novembru 2020.
Għall-Kummissjoni
Il-President
Ursula VON DER LEYEN
(1) ĠU L 83, 27.3.2015, p. 11.
(2) Ir-Regolament ta' Implimentazzjoni tal-Kummissjoni (UE) 2019/159 tal-31 ta' Jannar 2019 li jimponi miżuri definittivi ta' salvagwardja kontra l-importazzjonijiet ta' ċerti prodotti tal-azzar (ĠU L 31, 1.2.2019, p. 27).
(3) Ir-Regolament ta’ Implimentazzjoni tal-Kummissjoni (UE) 2019/1382 tat-2 ta’ Settembru 2019 li jemenda ċerti Regolamenti li jimponu miżuri anti-dumping jew antisussidji fuq ċerti prodotti tal-azzar soġġetti għal miżuri ta’ salvagwardja (ĠU L 227, 3.9.2019, p. 1).
(4) Ir-Regolament ta’ Implimentazzjoni tal-Kummissjoni (UE) 2020/1408 tas-6 ta’ Ottubru 2020 li jimponi dazju anti-dumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ ċerti pjanċi u kojls tal-azzar inossidabbli llaminati bis-sħana li joriġinaw mill-Indoneżja, mir-Repubblika tal-Poplu taċ-Ċina u mit-Tajwan (ĠU L 325, 7.10.2020, p. 26).