EUR-Lex Access to European Union law
This document is an excerpt from the EUR-Lex website
Document 32020R1588
Commission Delegated Regulation (EU) 2020/1588 of 25 June 2020 amending Annex I to Regulation (EU) 2017/821 of the European Parliament and of the Council by establishing volume thresholds for tantalum or niobium ores and concentrates, gold ores and concentrates, tin oxides and hydroxides, tantalates and carbides of tantalum
Regolament Delegat tal-Kummissjoni (UE) 2020/1588 tal-25 ta’ Ġunju 2020 li jemenda l-Anness I għar-Regolament (UE) 2017/821 tal-Parlament Ewropew u tal-Kunsill billi jistabbilixxi limiti ta’ volum għal minerali u konċentrati tat-tantalju jew nijobju, minerali u konċentrati tad-deheb, ossidi u idrossidi tal-landa, tantalati, u karburi tat-tantalju
Regolament Delegat tal-Kummissjoni (UE) 2020/1588 tal-25 ta’ Ġunju 2020 li jemenda l-Anness I għar-Regolament (UE) 2017/821 tal-Parlament Ewropew u tal-Kunsill billi jistabbilixxi limiti ta’ volum għal minerali u konċentrati tat-tantalju jew nijobju, minerali u konċentrati tad-deheb, ossidi u idrossidi tal-landa, tantalati, u karburi tat-tantalju
C/2020/4164
ĠU L 360, 30.10.2020, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
30.10.2020 |
MT |
Il-Ġurnal Uffiċjali tal-Unjoni Ewropea |
L 360/1 |
REGOLAMENT DELEGAT TAL-KUMMISSJONI (UE) 2020/1588
tal-25 ta’ Ġunju 2020
li jemenda l-Anness I għar-Regolament (UE) 2017/821 tal-Parlament Ewropew u tal-Kunsill billi jistabbilixxi limiti ta’ volum għal minerali u konċentrati tat-tantalju jew nijobju, minerali u konċentrati tad-deheb, ossidi u idrossidi tal-landa, tantalati, u karburi tat-tantalju
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/821 tal-Parlament Ewropew u tal-Kunsill tas-17 ta’ Mejju 2017 li jistabbilixxi obbligi tad-diliġenza dovuta tal-katina tal-provvista għall-importaturi tal-Unjoni ta’ landa, tantalu u tungstenu, il-minerali tagħhom, u deheb li joriġinaw minn żoni affettwati minn kunflitti u ta’ riskju għoli (1), u b’mod partikolari l-Artikolu 1(4) tiegħu,
Billi:
(1) |
L-Anness I tar-Regolament (UE) 2017/821 fih lista ta’ minerali u metalli fil-kamp ta’ applikazzjoni ta’ dak ir-Regolament u jistabbilixxi ċerti limiti annwali ta’ volum ta’ importazzjonijiet fir-rigward ta’ dawk il-minerali u l-metalli. |
(2) |
Skont l-Artikolu 1(3) tar-Regolament (UE) 2017/821, dak ir-Regolament ma japplikax għal importaturi tal-Unjoni fejn il-volum annwali ta’ importazzjoni tagħhom ta’ kull wieħed mill-minerali jew metalli kkonċernati jkun anqas mil-limiti stabbiliti fl-Anness I ta’ dak ir-Regolament. Dawk il-limiti huma stabbiliti f’livell li jiżgura li mhux inqas minn 95 % tal-volumi totali importati fl-Unjoni ta’ kull mineral u metall ikunu soġġetti għall-obbligi tal-importaturi tal-Unjoni stipulati fir-Regolament. |
(3) |
Fiż-żmien meta ġie adottat ir-Regolament fl-2017, ma kienx hemm kodiċijiet tan-Nomenklatura Magħquda diżaggregati b’mod suffiċjenti fir-rigward ta’ ħames minerali u metalli speċifiċi elenkati fl-Anness I. Bħala riżultat, id-data dwar l-importazzjoni fir-rigward ta’ dawk il-minerali u l-metalli ma kinitx disponibbli u għalhekk għad iridu jiġu stabbiliti ħames limiti ta’ volum fl-Anness I. |
(4) |
Skont l-Artikolu 1(4) tar-Regolament (UE) 2017/821, il-Kummissjoni għandha tistabbilixxi l-limiti ta’ volum li għad iridu jiġu stabbiliti fl-Anness I billi tadotta att delegat, skont l-Artikoli 18 u 19 tar-Regolament (UE) 2017/821, sabiex temenda l-Anness I. Jekk dan ikun fattibbli, l-att delegat għandu jiġi adattat sal-1 ta’ April 2020 iżda mhux aktar tard mill-1 ta’ Lulju 2020. |
(5) |
Ir-Regolament (UE) 2017/821 ħoloq ħames sottodiviżjonijiet tat-Tariffa Integrata ġdida tal-Komunitajiet Ewropej (“TARIC”) li jikkorrispondu għall-ħames minerali u l-metalli b’limiti li għad iridu jiġu stabbiliti, li fir-rigward tagħhom l-awtoritajiet doganali tal-Istati Membri ġabru data doganali minn meta r-Regolament daħal fis-seħħ f’Ġunju 2017. |
(6) |
Skont l-Artikolu 18 tar-Regolament (UE) 2017/821, il-Kummissjoni għandha toqgħod fuq l-informazzjoni dwar l-importazzjoni għal kull importatur tal-Unjoni pprovduta mill-Istati Membri għas-sentejn ta’ qabel, u għalhekk għall-2018 u l-2019. |
(7) |
L-Anness I għar-Regolament (UE) 2017/821 jenħtieġ għalhekk li jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness I tar-Regolament (UE) 2017/821 huwa emendat skont l-Anness ta’ dan ir-Regolament Delegat.
Artikolu 2
Dan ir-Regolament Delegat għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament Delegat għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Ġunju 2020.
Għall-Kummissjoni
Il-President
Ursula VON DER LEYEN
ANNESS
L-Anness I għar-Regolament (UE) 2017/821 huwa emendat kif ġej:
(1) |
fil-“Parti A: Minerali”, it-tabella hija emendata kif ġej:
|
(2) |
fil-“Parti B: Metalli”, it-tabella hija emendata kif ġej:
|