Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020R1304

    Regolament Delegat tal-Kummissjoni (UE) 2020/1304 tal-14 ta’ Lulju 2020 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward tal-elementi minimi li għandhom jiġu vvalutati mill-ESMA meta tivvaluta t-talbiet ta’ CCPs ta’ pajjiżi terzi għal konformità komparabbli u l-modalitajiet u l-kundizzjonijiet ta’ din il-valutazzjoni (Test b’rilevanza għaż-ŻEE)

    C/2020/4895

    ĠU L 305, 21.9.2020, p. 13–26 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2020/1304/oj

    21.9.2020   

    MT

    Il-Ġurnal Uffiċjali tal-Unjoni Ewropea

    L 305/13

    REGOLAMENT DELEGAT TAL-KUMMISSJONI (UE) 2020/1304

    tal-14 ta’ Lulju 2020

    li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward tal-elementi minimi li għandhom jiġu vvalutati mill-ESMA meta tivvaluta t-talbiet ta’ CCPs ta’ pajjiżi terzi għal konformità komparabbli u l-modalitajiet u l-kundizzjonijiet ta’ din il-valutazzjoni

    (Test b’rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (1), u b’mod partikulari l-Artikolu 25a(3) tiegħu,

    Billi:

    (1)

    Skont l-Artikolu 25a tar-Regolament (UE) Nru 648/2012, kontroparti ċentrali ta’ pajjiż terz (CCP) li hija sistemikament importanti jew li x’aktarx issir sistemikament importanti għall-istabbiltà finanzjarja tal-Unjoni jew ta’ wieħed jew aktar mill-Istati Membri tagħha (CCP tal-Grad 2) tista’ titlob lill-Awtorità Ewropea tat-Titoli u s-Swieq (AETS) biex tivvaluta jekk il-konformità tas-CCPs tal-Grad 2 mal-qafas applikabbli tal-pajjiż terz tistax titqies li tissodisfa l-konformità mar-rekwiżiti stabbiliti fl-Artikolu 16 fit-Titoli IV u V tar-Regolament (UE) Nru 648/2012 (konformità komparabbli), u biex tadotta deċiżjoni skont dan.

    (2)

    Il-konformità komparabbli tippreserva l-istabbiltà finanzjarja tal-Unjoni u tiżgura kundizzjonijiet ekwi bejn CCPs tal-Grad 2 u CCPs awtorizzati fl-Unjoni filwaqt li tnaqqas il-piżijiet amministrattivi u regolatorji għal dawk is-CCPs tal-Grad 2. Għalhekk, jenħtieġ li l-valutazzjoni tal-konformità komparabbli tivverifika jekk il-konformità ta’ CCP tal-Grad 2 mal-qafas ta’ pajjiżi terzi tissodisfax b’mod effettiv il-konformità ma’ kwalunkwe wieħed mir-rekwiżiti stabbiliti fl-Artikolu 16, it-Titolu IV u V tar-Regolament (UE) Nru 648/2012. Għalhekk dan ir-Regolament għandu jindika l-elementi li għandhom jiġu evalwati mill-AETS fl-evalwazzjoni ta’ talba ta’ CCP tal-Grad 2 għal konformità komparabbli. Meta twettaq dik il-valutazzjoni, l-AETS għandha tqis ukoll il-konformità ta’ dik is-CCP ma’ kwalunkwe rekwiżit f’atti delegati jew ta’ implimentazzjoni li jkomplu jispeċifikaw dawk l-elementi, inklużi dawk ir-rekwiżiti relatati mar-rekwiżiti ta’ marġni, kontrolli tar-riskju ta’ likwidità u rekwiżiti kollaterali.

    (3)

    Fil-valutazzjoni tagħha dwar jekk il-konformità mal-qafas applikabbli tal-pajjiż terz tissodisfax il-konformità mar-rekwiżiti stabbiliti fl-Artikolu 16, it-Titolu IV u V tar-Regolament (UE) Nru 648/2012, l-AETS tista’ tikkunsidra wkoll ir-rakkomandazzjonijiet żviluppati mill-Kumitat dwar l-Infrastrutturi tal-Pagamenti u tas-Swieq u l-Organizzazzjoni Internazzjonali tal-Kummissjonijiet tat-Titoli.

    (4)

    Jenħtieġ li l-AETS twettaq valutazzjoni dettaljata biex tiddetermina jekk għandhiex tingħata CCP tal-Grad 2 komparabbli għat-Titolu IV tar-Regolament (UE) Nru 648/2012. Kwalunkwe rifjut potenzjali ta’ konformità komparabbli fir-rigward ta’ dan it-Titolu IV jista’ jkollu impatt fuq il-valutazzjoni tal-ekwivalenza mwettqa mill-Kummissjoni skont l-Artikolu 25(6) ta’ dan ir-Regolament. Għaldaqstant, jenħtieġ li l-AETS tinforma lill-Kummissjoni fejn ikollha l-intenzjoni li ma tagħtix konformità komparabbli fir-rigward ta’ dan it-Titolu.

    (5)

    Meta CCP tal-Grad 2 tkun daħlet f’arranġament tal-interoperabbiltà ma’ CCP awtorizzata skont l-Artikolu 14 tar-Regolament (UE) Nru 648/2012, dan l-arranġament jikkostitwixxi rabta diretta u, għalhekk, mezz ta’ kontaġju dirett, lil CCP fl-Unjoni. Għal tali arranġamenti, jenħtieġ li l-ESMA twettaq valutazzjoni dettaljata biex tiddetermina jekk għandhiex tingħata konformità komparabbli mat-Titolu V ta’ dan ir-Regolament. Arranġament ta’ interoperabbiltà bejn CCP tal-Grad 2 u CCP ta’ pajjiż terz ma jikkostitwixxix rabta diretta ma’ CCP fl-Unjoni iżda jista’, taħt ċerti ċirkostanzi, jiffunzjona bħala mezz ta’ kontaġju indirett. Għal dawn l-arranġamenti, jenħtieġ li l-AETS twettaq valutazzjoni dettaljata biss fejn l-impatt ta’ dan l-arranġament fuq l-istabbiltà finanzjarja tal-Unjoni jew ta’ wieħed jew aktar mill-Istati Membri tagħha jiġġustifikah.

    (6)

    Peress li wieħed mill-objettivi ta’ konformità komparabbli huwa li jitnaqqas il-piż amministrattiv u regolatorju għal CCPs tal-Grad 2, konformità komparabbli ma għandhiex tiġi rrifjutata biss minħabba li CCP tal-Grad 2 tapplika, taħt il-qafas applikabbli tal-pajjiż terz, eżenzjonijiet li huma komparabbli ma’ dawk stabbiliti fil-paragrafi 4 u 5 tal-Artikolu 1 tar-Regolament (UE) Nru 648/2012. Il-valutazzjoni ta’ konformità komparabbli jenħtieġ li tikkunsidra wkoll il-punt sa fejn din, jekk ma tingħatax, tista’ jirriżulta f’impossibbiltà li s-CCP tal-Grad 2 tikkonforma mar-rekwiżiti kemm tal-Unjoni kif ukoll ta’ pajjiżi terzi fl-istess ħin.

    (7)

    Id-deċiżjoni tal-AETS dwar jekk għandhiex tingħata konformità komparabbli jenħtieġ li tkun ibbażata fuq il-valutazzjoni mwettqa fiż-żmien tal-adozzjoni ta’ din id-deċiżjoni. Sabiex l-AETS tivvaluta mill-ġdid id-deċiżjoni tagħha kull meta jseħħu żviluppi rilevanti, inklużi bidliet fir-regoli interni u fil-proċeduri tas-CCP, is-CCP tal-Grad 2 jenħtieġ li tinnotifika lill-AETS dwar kwalunkwe żvilupp bħal dan.

    (8)

    Ir-Regolament (UE) 2019/2099 tal-Parlament Ewropew u tal-Kunsill (2), li daħħal l-Artikolu 25a fir-Regolament (UE) Nru 648/2012, beda japplika fl-1 ta’ Jannar 2020. Sabiex jiġi żgurat li dak l-artikolu ikun kompletament operattiv, dan ir-Regolament jenħtieġ li jidħol fis-seħħ b’urġenza,

    ADOTTAT DAN IR-REGOLAMENT:

    Artikolu 1

    Proċedura għas-sottomissjoni ta’ talba għal konformità komparabbli

    1.   It-talba motivata msemmija fl-Artikolu 25a(1) tar-Regolament (UE) Nru 648/2012 għandha tiġi ppreżentata jew sal-iskadenza stabbilita mill-AETS fin-notifika li tinforma lis-CCP ta’ pajjiż terz li hija ma tkunx ikkunsidrata bħala CCP ta’ Grad 1 jew fi kwalunkwe mument wara li CCP ta’ pajjiż terz tkun ġiet rikonoxxuta mill-AETS bħala CCP tal-Grad 2 f’konformità mal-Artikolu 25(2b).

    Is-CCP tal-Grad 2 għandha tinforma lill-awtorità kompetenti tagħha dwar is-sottomissjoni msemmija fl-ewwel subparagrafu.

    2.   It-talba motivata msemmija fil-paragrafu 1 għandha tispeċifika:

    (a)

    ir-rekwiżiti li għalihom is-CCP tal-Grad 2 titlob konformità komparabbli;

    (b)

    ir-raġunijiet għaliex il-konformità tas-CCP tal-Grad 2 mal-qafas applikabbli tal-pajjiż terz tissodisfa l-konformità mar-rekwiżiti rilevanti stabbiliti fl-Artikolu 16 u t-Titoli IV u V tar-Regolament (UE) Nru 648/2012;

    (c)

    il-mod kif is-CCP tal-Grad 2 tkun konformi ma’ kwalunkwe kondizzjoni stabbilita għall-applikazzjoni tal-att ta’ implimentazzjoni msemmi fl-Artikolu 25(6) tar-Regolament (UE) Nru 648/2012.

    Għall-finijiet tal-punt (b), is-CCP tal-Grad 2 għandha tipprovdi, fejn rilevanti, l-evidenza msemmija fl-Artikolu 5.

    3.   Is-CCP tal-Grad 2 għandha, fuq talba tal-AETS, tinkludi fit-talba motivata msemmija fil-paragrafu 1:

    (a)

    dikjarazzjoni mill-awtorità kompetenti tagħha li tikkonferma li s-CCP tal-Grad 2 tkun ta’ reputazzjoni u ta’ kapaċità tajba;

    (b)

    fejn meħtieġ, fir-rigward tar-rekwiżiti stabbiliti fl-Artikolu 16 u t-Titolu V tar-Regolament (UE) Nru 648/2012, traduzzjoni tal-qafas applikabbli rilevanti tal-pajjiż terz f’lingwa komunement użata fil-finanzi.

    4.   L-AETS għandha tivvaluta, fi żmien 30 jum tax-xogħol mill-wasla ta’ talba motivata ppreżentata skont il-paragrafu 1, jekk dik it-talba motivata tkunx kompluta. L-AETS għandha tistabbilixxi skadenza sa meta s-CCP tal-Grad 2 jkollha tipprovdi informazzjoni addizzjonali meta t-talba ma tkunx kompluta.

    5.   L-AETS għandha tiddeċiedi jekk tagħtix konformità komparabbli għar-rekwiżiti inklużi fit-talba motivata fi żmien 90 jum tax-xogħol minn meta tasal talba motivata kompleta ppreżentata skont il-paragrafu 4 ta’ dan l-Artikolu.

    L-AETS tista’ tipposponi din id-deċiżjoni meta t-talba motivata jew l-informazzjoni addizzjonali msemmija fil-paragrafu 4 ma jiġux ippreżentati fil-ħin u l-valutazzjoni ta’ din it-talba tista’, b’riżultat ta’ dan, iddewwem id-deċiżjoni tal-ESMA dwar ir-rikonoxximent tas-CCP ta’ pajjiż terz jew ir-rieżami tar-rikonoxximent tagħha.

    6.   CCP tal-Grad 2 li għaliha l-AETS ma tkunx tat konformità komparabbli għal rekwiżit wieħed jew aktar ma tistax tippreżenta talba motivata ġdida kif imsemmi fil-paragrafu 1 fir-rigward ta’ dawn ir-rekwiżiti, sakemm ma jkunx hemm bidla rilevanti għall-qafas applikabbli tal-pajjiż terz jew għall-mod kif din is-CCP tikkonforma ma’ dan il-qafas.

    Artikolu 2

    Konformità komparabbli fir-rigward tal-Artikolu 16 tar-Regolament (UE) Nru 648/2012

    1.   L-AETS għandha tagħti konformità komparabbli fir-rigward tal-Artikolu 16(1) tar-Regolament (UE) Nru 648/2012 meta l-kapital ta’ CCP tal-Grad 2, inkluż il-qligħ u r-riżervi miżmuma, ikollu kapital inizjali permanenti u disponibbli ta’ mill-inqas EUR 7,5 miljun.

    2.   L-ESMA għandha tagħti konformità komparabbli fir-rigward tal-Artikolu 16(2) tar-Regolament (UE) Nru 648/2012 meta l-kapital ta’ CCP tal-Grad 2, inkluż il-qligħ u r-riżervi miżmuma, ikun il-ħin kollu ogħla minn jew ugwali għas-somma ta’:

    (a)

    ir-rekwiżiti kapitali tas-CCP għall-istralċ jew ir-ristrutturar tal-attivitajiet tagħha;

    (b)

    ir-rekwiżiti kapitali tas-CCP għal riskji operazzjonali u legali;

    (c)

    ir-rekwiżiti kapitali tas-CCP għal riskji tal-kreditu, tal-kontroparti u tas-suq li ma jkunux diġà koperti mir-riżorsi finanzjarji speċifiċi msemmija fl-Artikoli minn 41 sa 44 tar-Regolament (UE) Nru 648/2012 jew riżorsi finanzjarji speċifiċi komparabbli meħtieġa mill-ordni ġuridiku tal-ġuriżdizzjoni domiċiljari tas-CCP;

    (d)

    ir-rekwiżiti kapitali tas-CCP għar-riskju tan-negozju.

    Għall-finijiet tal-ewwel subparagrafu, l-AETS għandha tikkalkula r-rekwiżiti kapitali skont ir-rekwiżiti kapitali speċifiċi stabbiliti fil-qafas applikabbli tal-pajjiż terz, jew, meta dan il-qafas ma jipprevedix xi wieħed minn dawn ir-rekwiżiti kapitali, f’konformità mar-rekwiżiti rilevanti stabbiliti fl-Artikoli minn 2 sa 5 tar-Regolament ta’ Delega tal-Kummissjoni (UE) Nru 152/2013 (3).

    Artikolu 3

    Konformità komparabbli fir-rigward tat-Titolu IV tar-Regolament (UE) Nru 648/2012

    1.   L-AETS għandha tagħti konformità komparabbli fir-rigward tar-rekwiżiti stabbiliti fit-Titolu IV tar-Regolament (UE) Nru 648/2012 meta:

    (a)

    is-CCP tal-Grad 2 tikkonforma mar-rekwiżiti msemmija fl-att ta’ implimentazzjoni msemmi fl-Artikolu 25(6) ta’ dak ir-Regolament, jekk ikun hemm;

    (b)

    Is-CCP tal-Grad 2 tikkonforma mal-elementi rilevanti kollha stabbiliti fl-Anness I ta’ dan ir-Regolament.

    2.   Qabel ma l-AETS tadotta deċiżjoni li ma tagħtix konformità komparabbli, hija għandha:

    (a)

    tivverifika, mal-awtorità kompetenti ta’ dik is-CCP, il-fehim tagħha tal-qafas applikabbli tal-pajjiż terz u l-mod li bih is-CCP tal-Grad 2 tikkonforma ma’ dan il-qafas,

    (b)

    tinforma lill-Kummissjoni b’dan.

    Artikolu 4

    Konformità komparabbli fir-rigward tat-Titolu V tar-Regolament (UE) Nru 648/2012

    1.   Meta CCP tal-Grad 2 tkun daħlet f’arranġament ta’ interoperabbiltà ma’ CCP awtorizzata skont l-Artikolu 14 tar-Regolament (UE) Nru 648/2012, l-AETS għandha tagħti konformità komparabbli fir-rigward tar-rekwiżiti stipulati fit-Titolu V ta’ dan ir-Regolament meta s-CCP tal-Grad 2 tkun konformi mal-elementi rilevanti kollha stabbiliti fl-Anness II ta’ dan ir-Regolament.

    2.   Meta CCP tal-Grad 2 tkun daħlet f’arranġament ta’ interoperabbiltà ma’ CCP ta’ pajjiż terz, l-AETS għandha tagħti konformità komparabbli fir-rigward tar-rekwiżiti stipulati fit-Titolu V tar-Regolament (UE) Nru 648/2012 sakemm l-impatt ta’ dan l-arranġament fuq l-istabbiltà finanzjarja tal-Unjoni jew ta’ wieħed jew aktar mill-Istati Membri tagħha ma jiġġustifikax il-valutazzjoni ta’ jekk tingħatax konformità komparabbli skont il-paragrafu 1.

    Artikolu 5

    Eżenzjonijiet u rekwiżiti inkompatibbli

    1.   L-ESMA ma għandhiex tirrifjuta konformità komparabbli fir-rigward tar-rekwiżiti stabbiliti fl-Artikolu 16 u t-Titoli IV u V tar-Regolament (UE) Nru 648/2012 għas-sempliċi raġuni li s-CCP tal-Grad 2 tapplika eżenzjoni taħt il-qafas applikabbli tal-pajjiż terz li tkun komparabbli ma’ kwalunkwe minn dawk stabbiliti fil-paragrafi 4 u 5 tal-Artikolu 1 ta’ dan ir-Regolament. Is-CCP tal-Grad 2 għandha tipprovdi evidenza li l-eżenzjoni mill-Unjoni u dik mill-pajjiż terz ikunu komparabbli.

    2.   Meta l-konformità ma’ rekwiżit speċifiku stabbilit fl-Artikolu 16 jew fit-Titoli IV jew V tar-Regolament (UE) Nru 648/2012 timplika ksur tal-qafas applikabbli tal-pajjiż terz, l-AETS għandha tagħti konformità komparabbli fir-rigward ta’ dan ir-rekwiżit biss meta s-CCP tal-Grad 2 tipprovdi evidenza li:

    (a)

    jkun impossibbli li jkun hemm konformità ma’ dan ir-rekwiżit mingħajr ksur ta’ dispożizzjoni obbligatorja tal-qafas applikabbli tal-pajjiż terz;

    (b)

    il-qafas applikabbli tal-pajjiż terz effettivament jilħaq l-istess għanijiet bħall-Artikolu 16 u t-Titoli IV u V tar-Regolament (UE) Nru 648/2012;

    (c)

    tikkonforma mal-qafas applikabbli tal-pajjiż terz.

    Artikolu 6

    Bidliet għall-qafas applikabbli tal-pajjiż terz

    CCP tal-Grad 2 li tkun ingħatat konformità komparabbli għandha tinnotifika lill-AETS bi kwalunkwe bidla fil-qafas applikabbli tal-pajjiż terz tagħha u għar-regoli u l-proċeduri interni tagħha. L-AETS għandha tinforma lill-Kummissjoni dwar dawk in-notifiki.

    Artikolu 7

    Id-dħul fis-seħħ

    Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, l-14 ta’ Lulju 2020.

    Għall-Kummissjoni

    Il-President

    Ursula VON DER LEYEN

    (1)  ĠU L 201, 27.7.2012, p. 1.

    (2)  Ir-Regolament (UE) 2019/2099 tal-Parlament Ewropew u tal-Kunsill tat-23 ta’ Ottubru 2019 li jemenda r-Regolament (UE) Nru 648/2012 fir-rigward tal-proċeduri u l-awtoritajiet involuti għall-awtorizzazzjoni ta’ CCPs u r-rekwiżiti għar-rikonoxximent ta’ CCPs ta’ pajjiżi terzi (ĠU L 322, 12.12.2019, p. 1).

    (3)  Ir-Regolament ta’ Delega tal-Kummissjoni (UE) Nru 152/2013 tad-19 ta’ Diċembru 2012 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta’ standards tekniċi regolatorji dwar rekwiżiti kapitali għall-kontropartijiet ċentrali (ĠU L 52, 23.2.2013, p. 37).

    ANNESS I

    ELEMENTI IMSEMMIJA FL-ARTIKOLU 3(1)

    Dispożizzjoni tal-liġi tal-Unjoni

    L-elementi imsemmija fl-Artikolu 3(1)

    Kapitolu 1: Rekwiżiti organizzattivi

    Dispożizzjonijiet ġenerali

    L-Artikolu 26(1) tar-Regolament (UE) Nru 648/2012

    Is-CCP ta’ pajjiż terz ikollha:

    (a)

    arranġamenti robusti ta’ governanza, inkluża struttura organizzattiva ċara b’linji ta’ responsabbiltà definiti sew, trasparenti u konsistenti;

    (b)

    proċessi effettivi għall-identifikazzjoni, għall-ġestjoni, għall-monitoraġġ u għar-rapportar tar-riskji li tkun skoperta għalihom jew tista’ tkun skoperta għalihom;

    (c)

    mekkaniżmi adegwati ta’ kontroll intern, inklużi proċeduri ta’ amministrazzjoni u kontabilistiċi sodi.

    L-Artikolu 26(2) tar-Regolament (UE) Nru 648/2012

    Is-CCP ta’ pajjiż terz stabbiliet politiki u proċeduri li huma effettivi biżżejjed sabiex jiżguraw il-konformità mal-qafas rilevanti ta’ pajjiżi terzi, inkluża l-konformità ma’ dak il-qafas mill-maniġers u l-impjegati tagħha.

    L-Artikolu 26(3) u (4) tar-Regolament (UE) Nru 648/2012.

    Is-CCP ta’ pajjiż terz għandha:

    (a)

    żżomm u topera struttura organizzattiva li tiżgura l-kontinwità u l-funzjonament ordnat fit-twettiq tas-servizzi u l-attivitajiet tagħha;

    (b)

    tħaddem sistemi, riżorsi u proċeduri xierqa u proporzjonali;

    (c)

    żżomm separazzjoni ċara bejn il-linji tar-rapportar għall-immaniġġjar tar-riskju u dawk għal operazzjonijiet oħra tas-CCP.

    L-Artikolu 26(5) tar-Regolament (UE) Nru 648/2012

    Is-CCP ta’ pajjiż terz, timplimenta u żżomm politika ta’ rimunerazzjoni li tippromwovi l-immaniġġjar tar-riskji sod u effikaċi u li ma toħloqx inċentivi għar-rilassament tal-istandards tar-riskji.

    Il-paragrafi 6, 7 u 8 tal-Artikolu 26 tar-Regolament (UE) Nru 648/2012

    Is-CCP ta’ pajjiż terz għandha:

    (a)

    iżżomm sistemi tat-teknoloġija informatika b’mod adegwat li jitrattaw mal-kumplessità, il-varjetà u t-tip ta’ servizzi u attivitajiet imwettqa sabiex jiġu żgurati standards għolja ta’ sigurtà u l-integrità u ż-żamma tal-kunfidenzjalità tal-informazzjoni;

    (b)

    tagħmel disponibbli pubblikament l-arranġamenti ta’ governanza tagħha, ir-regoli li jirregolaw is-CCP, u l-kriterji ta’ ammissjoni għal sħubija ta’ kklerjar;

    (c)

    hija soġġetta għal verifiki frekwenti u indipendenti, li r-riżultati tagħhom jiġu kkomunikati lill-bord tiegħu u jsiru disponibbli lill-awtorità kompetenti tiegħu.

    Diriġenza għolja u l-bord

    L-Artikolu 27(1) tar-Regolament (UE) Nru 648/2012

    Il-maniġment superjuri ta’ CCP ta’ pajjiż terz għandu jkollu reputazzjoni tajba u għandu jkollha esperjenza biżżejjed sabiex tiżgura l-immaniġġjar sod u prudenti tas-CCP.

    Il-Paragrafi 2 u 3 tal-Artikolu 27 tar-Regolament (UE) Nru 648/2012

    Is-CCP ta’ pajjiż terz ikollha bord b’numru suffiċjenti ta’ membri indipendenti li jkollhom rwoli u responsabbiltajiet ċari, rappreżentazzjoni adegwata ta’ membri tal-ikklerjar u klijenti, u mekkaniżmi li jindirizzaw kwalunkwe kunflitt ta’ interess potenzjali fi ħdan is-CCP biex jiżguraw immaniġġar tajjeb u prudenti tas-CCP.

    Kumitat għar-Riskju

    L-Artikolu 28 tar-Regolament (UE) Nru 648/2012

    Is-CCP ta’ pajjiż terz għandha:

    (a)

    iżżomm korp li jagħti pariri lill-bord, indipendentement minn kwalunkwe influwenza diretta mill-maniġment ta’ dik is-CCP, dwar żviluppi li jkollhom impatt fuq il-ġestjoni tar-riskju tas-CCP, filwaqt li jiżgura r-rappreżentanza tal-membri tal-ikklerjar tagħha, il-membri indipendenti tal-bord u r-rappreżentanti tal-klijenti tagħha;

    (b)

    mekkaniżmi fis-seħħ biex jinforma minnufih lill-awtorità kompetenti rilevanti tal-pajjiż terz dwar kwalunkwe deċiżjoni li fiha l-bord jiddeċiedi li ma jsegwix il-parir ta’ dak il-korp.

    Żamma ta' Reġistri

    L-Artikolu 29(1) tar-Regolament (UE) Nru 648/2012

    Il-Kontroparti ċentrali għandha żżomm, għal perjodu ta’ mill-inqas għaxar snin, ir-rekords kollha dwar is-servizzi u l-attività pprovduti sabiex tippermetti lill-awtorità kompetenti li timmonitorja l-konformità tal-kontroparti ċentrali mal-qafas rilevanti ta’ pajjiżi terzi.

    L-Artikolu 29(2) tar-Regolament (UE) Nru 648/2012

    Is-CCP tal-pajjiż terz iżomm, għal perjodu ta’ mill-inqas minn għaxar snin wara t-terminazzjoni ta’ kuntratt, l-informazzjoni kollha dwar il-kuntratti kollha li tkun ipproċessat b’tali mod li jippermetti l-identifikazzjoni tat-termini oriġinali ta’ transazzjoni qabel l-ikklerjar minn dik is-CCP;

    L-Artikolu 29(3) tar-Regolament (UE) Nru 648/2012

    Fuq talba, is-CCP ta’ pajjiż terz tagħmel disponibbli lil kwalunkwe awtorità rilevanti ta’ pajjiż terz, ir-rekords dwar is-servizzi u l-attività pprovduti, l-informazzjoni dwar il-kuntratti kollha li tkun ipproċessat u l-informazzjoni kollha dwar il-pożizzjonijiet ta’ kuntratti kklerjati, irrispettivament mill-post fejn twettqu t-tranżazzjonijiet.

    Azzjonisti u membri b’parteċipazzjoni kwalifikanti

    L-Artikolu 30(1) tar-Regolament (UE) Nru 648/2012

    Is-CCP ta’ pajjiż terz tinforma lill-awtorità kompetenti tagħha bl-identitajiet tal-azzjonisti jew membri li jikkwalifikaw il-parteċipazzjonijiet azzjonarji u bl-ammonti ta’ dawk il-parteċipazzjonijiet.

    Il-Paragrafi 2 u 4 tal-Artikolu 30 tar-Regolament (UE) Nru 648/2012

    L-azzjonisti jew il-membri li għandhom parteċipazzjonijiet azzjonarji kwalifikanti f’CCP ta’ pajjiż terz:

    (a)

    huma adatti,b’kont meħud tal-ħtieġa li tiġi żgurata l-ġestjoni soda u prudenti ta’ dik is-CCP;

    (b)

    ma jeżerċitawx influwenza li tista’ tkun ta’ preġudizzju għall-immaniġjar sod u prudenti tas-CCP.

    L-Artikolu 30(3) tar-Regolament (UE) Nru 648/2012

    Rabtiet mill-qrib bejn is-CCP ta’ pajjiż terz u persuni fiżiċi jew ġuridiċi oħrajn ma jipprevjenux l-eżerċizzju effettiv tal-funzjonijiet superviżorji tal-awtorità kompetenti tal-pajjiż terz.

    L-Artikolu 30(5) tar-Regolament (UE) Nru 648/2012

    Il-liġijiet, ir-regolamenti jew id-dispożizzjonijiet amministrattivi ta’ pajjiż terz li jirregolaw persuna fiżika jew ġuridika jew iżjed minn persuna waħda li magħha/magħhom is-CCP ikollha konnessjonijiet mill-qrib, jew diffikultajiet involuti fl-infurzar tagħhom, jipprevjenu l-eżerċizzju effikaċi tal-funzjonijiet superviżorji tal-awtorità kompetenti.

    L-Artikolu 31(1) tar-Regolament (UE) Nru 648/2012

    Is-CCP ta’ pajjiż terz tinnotifika lill-awtorità kompetenti tagħha dwar kwalunkwe bidla fil-maniġment tagħha u fil-qafas tal-pajjiż terz tiżgura li jittieħdu miżuri xierqa fejn il-kondotta ta’ membru tal-bord ta’ bord ta’ CCP ta’ pajjiż terz x’aktarx li tkun ta’ preġudizzju għall-ġestjoni soda u prudenti tas-CCP.

    Kunflitt ta' Interess

    L-Artikolu 33(1) tar-Regolament (UE) Nru 648/2012

    CCP ta’ pajjiż terz għandha żżomm u topera arranġamenti effettivi u amministrattivi effettivi bil-miktub sabiex tidentifika u timmaniġja kwalunkwe konflitti ta’ interess potenzjali bejnha, inklużi l-maniġers, l-impjegati, jew kwalunkwe persuna b’kontroll dirett jew indirett jew konnessjonijiet mill-qrib, u l-membri tal-ikklerjar tagħhom jew il-klijenti tagħhom magħrufa lis-CCP.

    L-Artikolu 33(2) tar-Regolament (UE) Nru 648/2012

    Fejn l-arranġamenti tas-CCP ta’ pajjiż terz li jimmaniġġjaw il-kunflitti ta’ interess ma jkunux biżżejjed biex jiżguraw, b’fiduċja raġonevoli, li r-riskji ta’ ħsara għall-interessi ta’ membru tal-ikklerjar jew klijent jiġu evitati, dik is-CCP tiżvela lill-membri tal-ikklerjar u, fejn il-klijenti jkunu magħrufa lil dik is-CCP, lil dawk il-klijenti, in-natura ġenerali jew is-sorsi ta’ kunflitti ta’ interess qabel ma jiġu aċċettati tranżazzjonijiet ġodda minn dawk il-membri tal-ikklerjar.

    L-Artikolu 33(3) tar-Regolament (UE) Nru 648/2012

    Meta s-CCP ta’ pajjiż terz tkun impriża prinċipali jew sussidjarja, l-arranġamenti ta’ dik is-CCP li jimmaniġjaw il-kunflitti ta’ interess għandhom jikkunsidraw ukoll kwalunkwe ċirkostanzi, li s-CCP hi jew għandha tkun konxja minnhom, li jistgħu jagħtu lok għal konflitt ta’ interess li joħroġ b’konsegwenza tal-istruttura u l-attivitajiet tan-negozju ta’ impriżi oħra li magħhom għandha relazzjoni ta’ impriża prinċipali jew sussidjarja.

    L-Artikolu 33(5) tar-Regolament (UE) Nru 648/2012

    Is-CCP ta’ pajjiż terz għandha tieħu l-passi raġonevoli kollha għall-prevenzjoni ta’ kwalunkwe użu ħażin tal-informazzjoni miżmuma fis-sistemi tagħha u għandha tipprevjeni l-użu ta’ dik l-informazzjoni għal attivitajiet tan-negozju oħra.

    Il-Kontinwità tan-Negozju

    L-Artikolu 34(1) tar-Regolament (UE) Nru 648/2012

    CCP ta’ pajjiż terz jimplimenta u jżomm fis-seħħ politika ta’ kontinwità tan-negozju adegwata u pjan ta’ rkupru minn diżastru bl-għan li tiżgura l-preservazzjoni tal-funzjonijiet tagħha, l-irkupru fil-ħin tal-operazzjonijiet u t-twettiq tal-obbligi tas-CCP, li tal-inqas għandu jippermetti l-irkupru tat-tranżazzjonijiet kollha fil-waqt tat-taqlib sabiex jippermetti li s-CCP tkompli topera b’ċertezza u tikkompleta s-saldu fid-data skedata.

    L-Artikolu 34(2) tar-Regolament (UE) Nru 648/2012

    Is-CCP ta’ pajjiż terz għandha timplimenta u żżomm proċedura adegwata li tiżgura s-saldu f’waqtu u ordinat jew it-trasferiment tal-assi u tal-pożizzjonijiet tal-klijenti u tal-membri tal-ikklerjar fil-każ li tkun irtirata l-awtorizzazzjoni.

    Esternalizzazzjoni

    L-Artikolu 35 tar-Regolament (UE) Nru 648/2012

    Meta testernalizza l-funzjonijiet operattivi, is-servizzi jew l-attivitajiet , is-CCP ta’ pajjiż terz tiżgura li, f’kull ħin:

    (a)

    l-esternalizzazzjoni ma tirriżultax fid-delega tar-responsabilità;

    (b)

    ir-relazzjoni u l-obbligi tas-CCP lejn il-membri tal-ikklerjar tagħha jew meta rilevanti lejn il-klijenti tagħhom ma jinbidlux;

    (c)

    l-esternalizzazzjoni ma twaqqafx l-eżerċizzju tal-funzjonijiet superviżorji u ta’ sorveljanza;

    (d)

    l-esternalizzazzjoni ma twassalx sabiex il-kontroparti ċentrali tiċċaħħad mis-sistemi u kontrolli neċessarji għall-immaniġġjar tar-riskji li tiffaċċja;

    (e)

    il-fornitur tas-servizz jimplimenta rekwiżiti ekwivalenti tal-kontinwità tan-negozju għal dawk li għandhom jiġu ssodisfati;

    (f)

    il-kontroparti ċentrali iżżomm il-kompetenza u r-riżorsi meħtieġa biex tevalwa l-kwalità tas-servizzi pprovduti u l-adegwatezza organizzattiva u kapitali tal-fornitur tas-servizz u biex tissorvelja l-funzjonijiet esternalizzati b’mod effikaċi u timmaniġja r-riskji assoċjati mal-esternalizzazzjoni u tissorvelja dawn il-funzjonijiet u timmaniġja dawk ir-riskji fuq bażi kontinwa;

    (g)

    is-CCP jkollha aċċess dirett għall-informazzjoni rilevanti tal-funzjonijiet esternalizzati;

    (h)

    il-fornitur tas-servizz jipproteġi kwalunkwe informazzjoni kunfidenzjali relatata mas-CCP u l-membri tal-ikklerjar u l-klijenti tagħha.

    Kapitolu 2: Regoli tal-Kondotta tan-Negozju

    Dispożizzjonijiet ġenerali

    L-Artikolu 36(1) tar-Regolament (UE) Nru 648/2012

    Is-CCP ta’ pajjiż terz , meta tipprovdi servizzi lill-membri tal-ikklerjar tagħha, u fejn rilevanti, lill-klijenti tagħhom, għandha taġixxi b’mod ġust u professjonali skont l-aħjar interessi ta’ tali membri tal-ikklerjar u klijenti u l-immaniġġjar tajjeb tar-riskji.

    L-Artikolu 36(2) tar-Regolament (UE) Nru 648/2012

    Is-CCP ta’ pajjiż terz għandu jkollha regoli aċċessibbli, trasparenti u ġusti biex tittratta l-ilmenti fil-pront.

    Rekwiżiti tal-parteċipazzjoni

    Il-Paragrafi 1 u 2 tal-Artikolu 37 tar-Regolament (UE) Nru 648/2012

    Is-CCP ta’ pajjiż terz tistabbilixxi kategoriji ta’ membri tal-ikklerjar ammissibbli u kriterji ta’ ammissjoni nondiskriminatorji, trasparenti u oġġettivi biex jiġi żgurat aċċess ġust u miftuħ għas-CCP u biżżejjed riżorsi finanzjarji u kapaċità operazzjonali ta’ membri tal-ikklerjar, li jippermettu lis-CCP li tikkontrolla r-riskju li tkun esposta għalih, u timmonitorja fuq bażi kontinwa li dawk il-kriterji jiġu ssodisfati.

    L-Artikolu 37(3) tar-Regolament (UE) Nru 648/2012

    Ir-regoli tas-CCP ta’ pajjiż terz għall-membri tal-ikklerjar għandhom jippermettulha tiġbor l-informazzjoni bażika rilevanti ħalli tidentifika, timmonitorja u timmaniġġja l-konċentrazzjonijiet rilevanti ta’ riskju marbut mal-forniment ta’ servizzi lill-kjlienti.

    Il-Paragrafi 4 u 5 tal-Artikolu 37 tar-Regolament (UE) Nru 648/2012

    Is-CCP ta’ pajjiż terz ikollha proċeduri oġġettivi u trasparenti għas-sospensjoni u l-ħruġ ordnat ta’ membri tal-ikklerjar li ma jibqgħux jissodisfaw il-kriterji ta’ ammissjoni u tista’ tiċħad l-aċċess biss għal membri tal-ikklerjar li jissodisfaw il-kriterji ta’ ammissjoni fejn debitament ġustifikat bil-miktub u abbażi ta’ analiżi tar-riskju komprensiva.

    L-Artikolu 37(6) tar-Regolament (UE) Nru 648/2012

    L-obbligi addizzjonali speċifiċi għall-membri tal-ikklerjar, bħall-parteċipazzjoni f’irkantijiet ta’ pożizzjoni ta’ membru tal-ikklerjar inadempjenti, huma proporzjonali għar-riskju li jitressaq mill-membru tal-ikklerjar u ma jirrestrinġux il-parteċipazzjoni għal ċerti kategoriji ta’ membri tal-ikklerjar.

    Trasparenza

    L-Artikolu 38(1) tar-Regolament (UE) Nru 648/2012

    Is-CCP ta’ pajjiż terz tiżvela pubblikament il-prezzijiet u t-tariffi assoċjati ma’ kull servizz ipprovdut, inklużi skontijiet u ribassi u l-kundizzjonijiet li jibbenefikaw minn dak it-tnaqqis, u tippermetti lill-membri tal-ikklerjar tagħha u, fejn rilevanti, lill-klijenti tagħhom, aċċess separat għas-servizzi speċifiċi pprovduti.

    L-Artikolu 38(2) tar-Regolament (UE) Nru 648/2012

    CCP ta’ pajjiż terz għandha tiżvela lill-membri tal-ikklerjar u l-klijenti r-riskji assoċjati mas-servizzi pprovduti.

    L-Artikolu 38(3) tar-Regolament (UE) Nru 648/2012

    CCP ta’ pajjiż terz għandha tiżvela lill-membri tal-ikklerjar tagħha l-informazzjoni dwar il-prezz użata għall-kalkolu tal-espożizzjonijiet tagħha fi tmiem il-jum lill-membri tal-ikklerjar tagħha u tiżvela pubblikament il-volum tat-transazzjonijiet ikklerjati għal kull klassi ta’ strumenti ikklerjata mis-CCP fuq bażi aggregata.

    L-Artikolu 38(4) tar-Regolament (UE) Nru 648/2012

    CCP ta’ pajjiż terz għandha tiżvela pubblikament ir-rekwiżiti operattivi u tekniċi marbutin mal-protokolli tal-komunikazzjoni li jkopru l-format tal-kontenut u tal-messaġġ li tuża fl-interazzjoni ma’ terzi, inklużi ir-rekwiżiti operattivi u tekniċi marbutin mal-aċċess ta’ postijiet ta’ negozjar tas-CCP.

    Il-Paragrafi 6 u 7 tal-Artikolu 38 tar-Regolament (UE) Nru 648/2012

    Is-CCP ta’ pajjiż terz tipprovdi lill-membri tal-ikklerjar tagħha b’informazzjoni dwar il-mudelli ta’ marġni inizjali li tuża, u tispjega kif il-mudelli joperaw u tiddeskrivi s-suppożizzjonijiet u l-limitazzjonijiet ewlenin ta’ dawk il-mudelli.

    Segregazzjoni u Portabilità

    L-Artikolu 39 tar-Regolament (UE) Nru 648/2012

    Is-CCP ta’ pajjiż terz iżżomm rekords u kontijiet separati għal kull membru tal-ikklerjar, tissegrega l-assi u l-pożizzjonijiet tal-membru tal-ikklerjar mill-assi u l-pożizzjonijiet tal-klijenti tal-membru tal-ikklerjar, u tipprovdi biżżejjed protezzjoni għall-assi u l-pożizzjonijiet ta’ kull membru tal-ikklerjar u ta’ kull klijent, kif ukoll għażla ta’ segregazzjoni tal-pożizzjonijiet u l-assi u tal-opzjonijiet ta’ portabilità lil kull klijent, inkluż segregazzjoni tal-klijenti individwali.

    Kapitolu 3: Rekwiżiti prudenzjali

    Immaniġjar tal-iskoperturi

    L-Artikolu 40 tar-Regolament (UE) Nru 648/2012

    Is-CCP ta’ pajjiż terz iżżomm politiki u mekkaniżmi xierqa biex timmaniġġja, fuq bażi ta’ kważi ħin reali, skoperturi fl-istess jum għal bidliet f’daqqa fil-kundizzjonijiet tas-suq u f’pożizzjonijiet.

    Rekwiżiti tal-marġini

    L-Artikolu 41(1) tar-Regolament (UE) Nru 648/2012

    Is-CCP ta’ pajjiż terz timponi, titlob u tiġbor marġini biex tillimita l-iskoperturi ta’ kreditu tagħha mill-membri tal-ikklerjar tagħha u, fejn rilevanti, minn CCPs li magħhom għandha arranġamenti ta’ interoperabbiltà, u li CCP timmonitorja b’mod regolari u, jekk ikun meħtieġ, tirrevedi l-livell tal-marġnijiet tagħha biex tirrifletti l-kundizzjonijiet attwali tas-suq b’kont meħud ta’ kwalunkwe effett potenzjalment proċikliku ta’ tali reviżjonijiet. Dawn il-marġini għandhom ikunu biżżejjed:

    (a)

    biex ikopru skoperturi potenzjali li jistgħu jseħħu sal-likwidazzjoni tal-pożizzjonijiet rilevanti;

    (b)

    biex ikopru telf li jirriżulta minn mill-inqas 99 % tal-movimenti ta’ skoperturi fuq perjodu ta’ żmien xieraq.

    Dawk il-marġni jiżguraw li CCP tikkollateralizza b’mod sħiħ l-iskoperturi tagħha mal-membri tal-ikklerjar kollha tagħha, u, fejn rilevanti, ma’ CCPs li magħhom għandha arranġamenti ta’ interoperabbiltà, mill-inqas fuq bażi ta’ kuljum.

    L-Artikolu 41(2) tar-Regolament (UE) Nru 648/2012

    Is-CCP ta’ pajjiż terz għandha tadotta mudelli u parametri fid-determinazzjoni tar-rekwiżiti tal-marġini tagħha li jaqbdu l-karatteristiċi tar-riskju tal-prodotti klerjati u li jikkunsidraw l-intervall bejn il-ġbir tal-marġini, il-likwidità tas-suq u l-possibilità ta’ bidliet tul id-durata tat-transazzjoni.

    L-Artikolu 41(3) tar-Regolament (UE) Nru 648/2012

    Is-CCP ta’ pajjiż terz għandha ssejjaħ u tiġbor il-marġini fuq bażi ta’ kuljum, tal-inqas meta jinqabżu l-livelli limitu predefiniti.

    L-Artikolu 41(4) tar-Regolament (UE) Nru 648/2012

    Is-CCP ta’ pajjiż terz tikkalkula, issejjaħ u tiġbor marġini li huma adegwati biex ikopru r-riskju li joħroġ mill-pożizzjonijiet reġistrati f’kull kont fir-rigward ta’ strumenti finanzjarji speċifiċi, jew għal portafoll ta’ strumenti finanzjarji sakemm il-metodoloġija użata tkun prudenti u robusta.

    Fond tal-Inadempjenza u Riżorsi Finanzjarji Oħra

    Il-Paragrafi 1 u 4 tal-Artikolu 42 tar-Regolament (UE) Nru 648/2012

    Is-CCP ta’ pajjiż terz għandha:

    (a)

    żżomm fond wieħed jew aktar ta’ inadempjenza prefinanzjati biex tkopri telf li jaqbeż it-telf li għandu jiġi kopert minn marġnijiet, li jirriżultaw mill-inadempjenza, inkluż il-ftuħ ta’ proċedura ta’ insolvenza, ta’ membru tal-ikklerjar wieħed jew aktar;

    (b)

    tistabbilixxi ammont minimu li d-daqs tal-fond tal-inadempjenza m’għandu fl-ebda ċirkostanzi jinżel taħtu.

    L-Artikolu 42(2) tar-Regolament (UE) Nru 648/2012

    CCP ta’ pajjiż terz għandha tistabbilixxi d-daqs minimu tal-kontribuzzjonijiet għall-fond tal-inadempjenza u l-kriterji għall-kalkolu tal-kontribuzzjonijiet tal-membri tal-ikklerjar singoli. Il-kontribuzzjonijiet għandhom ikunu proporzjonali għall-iskoperturi ta’ kull membru tal-ikklerjar.

    l-Artikoli 42(3) u 43(2) tar-Regolament (UE) Nru 648/2012

    Is-CCP ta’ pajjiż terz tiżviluppa xenarji ta’ kundizzjonijiet tas-suq estremi iżda plawsibbli, inklużi l-aktar perjodi volatili li jkunu ġew esperjenzati mis-swieq li għalihom dik is-CCP tipprovdi s-servizzi tagħha, u firxa ta’ xenarji futuri potenzjali, b’kont meħud tal-bejgħ għall-għarrieda ta’ riżorsi finanzjarji u tnaqqis rapidu fil-likwidità tas-suq, u l-fond tal-inadempjenza ta’ dik is-CCP jippermettilha, f’kull ħin, li tkun tista’ tirreżisti l-inadempjenza ta’ mill-inqas iż-żewġ membri tal-ikklerjar li għalihom għandha l-akbar skoperturi taħt kundizzjonijiet tas-suq estremi iżda plawsibbli.

    L-Artikolu 43(1) tar-Regolament (UE) Nru 648/2012

    Il-fond tal-inadempjenza ta’ CCP ta’ pajjiż terz iżomm biżżejjed riżorsi finanzjarji prefinanzjati biex ikopri telf potenzjali li jaqbeż it-telf li għandu jiġi kopert bil-marġni. Dawk ir-riżorsi finanzjarji ffinanzjati minn qabel jinkludu riżorsi ddedikati tas-CCP, huma liberament disponibbli għas-CCP u ma jintużawx biex jissodisfaw ir-rekwiżiti kapitali.

    L-Artikolu 43(3) tar-Regolament (UE) Nru 648/2012

    Is-CCP ta’ pajjiż terz tiżgura li l-iskoperturi tal-membri tal-ikklerjar lejn dik is-CCP ikunu limitati.

    Kontrolli tar-riskju tal-likwidità

    L-Artikolu 44(1) tar-Regolament (UE) Nru 648/2012

    Is-CCP ta’ pajjiż terz għandha:

    (a)

    jkollha aċċess għal likwidità adegwata fi kwalunkwe ħin biżżejjed biex tkopri l-bżonnijiet ta’ likwidità tagħha ta’ kuljum u filwaqt li jitqies ir-riskju ta’ likwidità mill-inadempjenza ta’ mill-anqas żewġ membri tal-ikklerjar li jkollha l-akbar ammont ta’ esponiment għalihom:

    (b)

    tikseb il-linji tal-kreditu meħtieġa jew arranġamenti simili sabiex tkopri l-bżonnijiet ta’ likwidità tagħha f’każ li r-riżorsi finanzjarji għad-dispożizzjoni tagħha ma jkunux disponibbli minnufih;

    (c)

    tiżgura li membru tal-ikklerjar, impriża prinċipali jew kumpanija sussidjarja ta’ dak il-membru tal-ikklerjar flimkien ma għandhomx jipprovdu iżjed minn 25 % tal-linji tal-kreditu meħtieġa minn dik is-CCP.

    Kaskata tal-inadempjenza

    Il-Paragrafi 1 u 2 tal-Artikolu 45 tar-Regolament (UE) Nru 648/2012

    Is-CCP ta’ pajjiż terz tuża l-marġnijiet li jkunu ġew assenjati minn membru tal-ikklerjar inadempjenti qabel riżorsi finanzjarji oħra biex jiġi kopert it-telf u minn hemm’ il quddiem, meta l-marġnijiet stazzjonati minn dak il-membru tal-ikklerjar ma jkunux biżżejjed biex ikopru t-telf imġarrab mis-CCP, il-kontribuzzjoni għall-fond tal-inadempjenza ta’ dak il-membru tal-ikklerjar biex ikopri dak it-telf.

    Il-Paragrafi 3 u 4 tal-Artikolu 45 tar-Regolament (UE) Nru 648/2012

    Is-CCP ta’ pajjiż terz għandha:

    (a)

    tuża l-kontribuzzjonijiet għall-fond tal-inadempjenza tal-membri tal-ikklirjar mhux inadempjenti u kwalunkwe riżorsa finanzjarja oħra li hija parti mill-kaskata tal-inadempjenza tiegħu biss wara li jkun eżawrixxa l-kontribuzzjonijiet tal-membru tal-ikklerjar inadempjenti u r-riżorsi proprji tiegħu;

    (b)

    m’għandhiex tuża l-marġini li ddaħħlu minn membri tal-ikklerjar mhux inadempjenti biex tkopri t-telf riżultanti mill-inadempjenza ta’ membru tal-ikklerjar ieħor.

    Rekwiżiti tal-kollateral

    L-Artikolu 46 tar-Regolament (UE) Nru 648/2012

    Is-CCP ta’ pajjiż terz taċċetta biss kollateral likwidu ħafna b’riskju ta’ kreditu u tas-suq minimu biex tkopri l-iskopertura inizjali u kontinwa tagħha għall-membri tal-ikklerjar tagħha, u tapplika telf impost adegwat għal valuri tal-assi li jirriflettu l-potenzjal għall-valur tagħhom li jonqos matul l-intervall bejn l-aħħar rivalutazzjoni tagħhom u ż-żmien sa meta jistgħu raġonevolment jiġu preżunti li ġew likwidati, b’kont meħud tar-riskju ta’ likwidità wara l-inadempjenza ta’ parteċipant fis-suq u r-riskju ta’ konċentrazzjoni fuq ċerti assi li jistgħu jirriżultaw fl-istabbiliment tal-kollateral aċċettabbli u l-haircuts rilevanti.

    Politika tal-Investiment

    L-Artikolu 47(1) tar-Regolament (UE) Nru 648/2012

    Is-CCP ta’ pajjiż terz jinvesti r-riżorsi finanzjarji tiegħu biss fi flus kontanti jew fi strumenti finanzjarji likwidi ħafna b’riskju minimu tas-suq u ta’ kreditu, u l-investimenti tiegħu jkunu jistgħu jiġu likwidati malajr b’effett negattiv minimu fuq il-prezz.

    L-Artikolu 47(3) tar-Regolament (UE) Nru 648/2012

    Is-CCP ta’ pajjiż terz tiddepożita strumenti finanzjarji stazzjonati bħala marġni jew bħala kontribuzzjonijiet għall-fond tal-inadempjenza ma’, fejn disponibbli, operaturi ta’ sistemi ta’ saldu tat-titoli li jiżguraw il-protezzjoni sħiħa ta’ dawk l-istrumenti finanzjarji, jew ma’ istituzzjonijiet finanzjarji awtorizzati oħra li jużaw arranġamenti alternattivi b’sigurtà għolja.

    L-Artikolu 47(4) tar-Regolament (UE) Nru 648/2012

    Id-depożiti ta’ flus kontanti ta’ CCP għandhom jitwettqu permezz ta’ arranġamenti sikuri ħafna ma’ istituzzjonijiet finanzjarji awtorizzati jew inkella permezz tal-użu tal-faċilitajiet permanenti ta’ depożiti tal-banek ċentrali jew mezzi kumparabbli oħrajn provduti mill-banek ċentrali.

    L-Artikolu 47(5) tar-Regolament (UE) Nru 648/2012

    Meta tiddepożita l-assi ma’ parti terza, is-CCP ta’ pajjiż terz:

    (a)

    għandha tiżgura li l-assi li jappartjenu lill-membri tal-ikklerjar ikunu identifikabbli b’mod separat mill-assi li jappartjenu lis-CCP u mill-assi li jappartjenu lil dak it-terz permezz ta’ kontijiet b’titoli differenti fil-kotba tat-terz jew kwalunkwe miżuri ekwivalenti oħrajn li jilħqu l-istess livell ta’ protezzjoni.

    (b)

    għandu jkollha aċċess minnufih għall-istrumenti finanzjarji meta dan ikun meħtieġ.

    L-Artikolu 47(6) tar-Regolament (UE) Nru 648/2012

    Is-CCP ta’ pajjiż terz ma jinvestix il-kapital tiegħu jew l-ammonti li jirriżultaw minn marġni, kontribuzzjonijiet tal-fond ta’ inadempjenza, likwidità jew riżorsi finanzjarji oħra, fit-titoli tagħha stess jew dawk tal-impriża prinċipali tagħha jew tas-sussidjarja tagħha.

    L-Artikolu 47(7) tar-Regolament (UE) Nru 648/2012

    Is-CCP ta’ pajjiż terz għandha tikkunsidra l-iskoperturi tar-riskju tal-kreditu globali tagħha għal individwi b’obbligazzjoni meta tagħmel id-deċiżjonijiet tal-investiment tagħha u għandha tiżgura li l-iskoperturi tar-riskju globali tagħha għal kwalunkwe individwu b’obbligazzjoni tibqa’ skont limiti ta’ konċentrazzjoni aċċettabbli.

    Proċeduri ta’ inadempjenza

    L-Artikolu 48(1) tar-Regolament (UE) Nru 648/2012

    Is-CCP ta’ pajjiż terz ikollha fis-seħħ proċeduri li għandhom jiġu segwiti meta membru tal-ikklerjar ma jikkonformax mar-rekwiżiti ta’ parteċipazzjoni tas-CCP jew meta dak il-membru tal-ikklerjar ikun iddikjarat inadempjenti jew mis-CCP jew minn parti terza.

    L-Artikolu 48(2) tar-Regolament (UE) Nru 648/2012

    Is-CCP ta’ pajjiż terz għandha tieħu azzjoni minnufih biex iżżomm telf u pressjonijiet ta’ likwidità li jirriżultaw minn inadempjenzi u għandha tiżgura li l-għeluq totali ta’ kwalunkwe pożizzjonijiet tal-membru tal-ikklerjar ma jfixkilx l-operazzjonijiet tagħha jew jesponi l-membri tal-ikklerjar mhux inadempjenti għal telf li ma jistax jiġi antiċipat jew ikkontrollat.

    L-Artikolu 48(3) tar-Regolament (UE) Nru 648/2012

    Il-qafas ta’ pajjiż terz jiżgura li s-CCP ta’ pajjiż terz tinforma fil-pront lill-awtorità kompetenti tagħha qabel ma tiġi ddikjarata jew skattata l-proċedura ta’ inadempjenza.

    L-Artikolu 48(4) tar-Regolament (UE) Nru 648/2012

    Is-CCP ta’ pajjiż terz jivverifika li l-proċeduri ta’ inadempjenza tiegħu huma infurzabbli.

    Il-paragrafi 5, 6 u 7 tal-Artikolu 48 tar-Regolament (UE) Nru 648/2012

    Is-CCP ta’ pajjiż terz għandha:

    (a)

    taġixxi f’konformità mar-regoli ta’ protezzjoni tal-kollateral u pożizzjonijiet tal-kontijiet tal-klijent applikabbli fil-pajjiż terz;

    (b)

    timplimenta proċeduri li jiffaċilitaw it-trasferiment tal-pożizzjonijiet u tal-kollateral tal-klijenti f’konformità mar-regoli applikabbli fil-pajjiż terz.

    Rieżami ta’ mudelli, ittestjar tal-istress u ttestjar retrospettiv

    L-Artikolu 49(1) tar-Regolament (UE) Nru 648/2012

    Is-CCP ta’ pajjiż terz għandha:

    (a)

    regolarment teżamina l-mudelli u l-parametri adottati biex jiġu kkalkolati r-rekwiżiti tal-marġini, il-kontribuzzjonijiet tal-fond tal-inadempjenza, ir-rekwiżiti tal-kollateral u mekkaniżmi oħra tal-kontroll tar-riskju tagħha.

    (b)

    tissoġġetta dawk il-mudelli għal testijiet tal-istress rigorużi u frekwenti biex tiġi vvalutata r-reżiljenza tagħhom f’kundizzjonijiet tas-suq estremi iżda plawsibbli;

    (c)

    twettaq testijiet retrospettivi biex jivvaluta l-affidabbiltà tal-metodoloġija adottata;

    (d)

    tikseb jew validazzjoni indipendenti jew validazzjoni mill-awtorità kompetenti tiegħu ta’ dawk il-mudelli u ta’ kwalunkwe tibdil sinifikanti fih.

    L-Artikolu 49(2) tar-Regolament (UE) Nru 648/2012

    Is-CCP ta’ pajjiż terz għandha regolarment tittestja l-aspetti ewlenin tal-proċeduri tal-inadempjenza tagħha u għandha tieħu l-passi raġonevoli kollha biex tiżgura li l-membri tal-ikklerjar kollha jifhmuhom u jkollhom arranġamenti xierqa fis-seħħ sabiex jirrispondu għal avveniment ta’ inadempjenza.

    L-Artikolu 49(3) tar-Regolament (UE) Nru 648/2012

    Is-CCP ta’ pajjiż terz tiżvela informazzjoni ewlenija dwar il-mudell tagħha tal-ġestjoni tar-riskju u s-suppożizzjonijiet adottati biex jitwettqu t-testijiet tal-istress fuq il-mudelli u l-parametri adottati biex jiġu kkalkulati r-rekwiżiti tal-marġini tagħha, il-kontribuzzjonijiet tal-fond ta’ inadempjenza, ir-rekwiżiti tal-kollateral u mekkaniżmi oħra ta’ kontroll tar-riskju.

    Saldu

    L-Artikolu 50(1) tar-Regolament (UE) Nru 648/2012

    Is-CCP ta’ pajjiż terz tuża, fejn ikun prattiku u disponibbli, flus tal-bank ċentrali biex issalda t-tranżazzjonijiet tagħha jew, fejn il-flus tal-bank ċentrali ma jintużawx, tieħu passi biex tillimita b’mod strett ir-riskji tas-saldu bi flus kontanti.

    L-Artikolu 50(2) tar-Regolament (UE) Nru 648/2012

    Is-CCP ta’ pajjiż terz għandha tiddikjara b’mod ċar l-obbligi tagħha fir-rigward tal-kunsenji ta’ strumenti finanzjarji, inklużi jekk ikollhiex obbligu li tagħmel jew tirċievi kunsenja ta’ strument finanzjarju jew li tindennizza l-parteċipanti għal telf imġarrab fil-proċess tal-kunsenja.

    L-Artikolu 50(3) tar-Regolament (UE) Nru 648/2012

    Meta CCP ta’ pajjiż terz ikollha obbligu li tagħmel jew tirċievi kunsenji ta’ strumenti finanzjarji, għandha telimina r-riskju prinċipali permezz tal-użu ta’ mekkaniżmi ta’ kunsenja kontra ħlas sal-limitu possibbli.

    Kapitolu 4: Kalkoli u rappurtar għall-finijiet tar-Regolament (UE) Nru 575/2013 tal-Parlament Ewropew u tal-Kunsill  (1)

    Kalkoli u rappurtar

    L-Artikoli 50a sa 50d tar-Regolament (UE) Nru 648/2012

    Is-CCP ta’ pajjiż terz tapplika r-rekwiżiti tar-rapportar dwar il-kalkoli tar-rekwiżiti kapitali skont il-qafas rispettiv tal-pajjiż terz applikabbli għar-regoli dwar il-kontabbiltà u r-rekwiżiti kapitali.

    (1)  Ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

    ANNESS II

    ELEMENTI IMSEMMIJA FL-ARTIKOLU 4(1)

    Dispożizzjoni tal-liġi tal-Unjoni

    L-elementi imsemmija fl-Artikolu 4(1)

    Arranġamenti tal-Interoperabilità

    L-Artikolu 51(2) tar-Regolament (UE) Nru 648/2012

    Fejn arranġament ta’ interoperabbiltà jkun stabbilit biex jipprovdi servizzi lil ċentru tan-negozjar partikolari, is-CCP ta’ pajjiż terz ikollha aċċess mhux diskriminatorju kemm għad-data li jkollha bżonn għat-twettiq tal-funzjonijiet tagħha minn dak iċ-ċentru tan-negozjar partikolari u għas-sistema tas-saldu rilevanti;

    L-Artikolu 51(3) tar-Regolament (UE) Nru 648/2012

    Is-CCP ta’ pajjiż terz tiċħad jew tillimita d-dħul f’arranġament tal-interoperabilità jew l-aċċess għal sistema ta’ forniment ta’ dejta jew ta’ saldu, direttament jew indirettament, biss sabiex tikkontrolla kwalunkwe riskju li jirriżulta minn dak l-arranġament jew l-aċċess.

    Immaniġġjar tar-riskji

    Il-Paragrafi 1 u 2 tal-Artikolu 52 tar-Regolament (UE) Nru 648/2012

    Is-CCPs li daħlu f’arranġament tal-interoperabilità għandhom:

    (a)

    ikollhom fis-seħħ politiki, proċeduri u sistemi xierqa sabiex b’mod effettiv jidentifikaw, jimmonitorjaw u jimmaniġġjaw ir-riskji li joħorġu mill-arranġament ta’ interoperabilità sabiex ikunu jistgħu jilħqu l-obbligi tagħhom fil-ħin;

    (b)

    jaqblu fuq id-drittijiet u l-obbligi rispettivi tagħhom, inkluż il-liġi applikabbli li tirregola r-relazzjonijiet tagħhom;

    (c)

    jidentifikaw, jimmonitorjaw u b’mod effettiv jimmaniġġjaw riskji ta’ kreditu u ta’ likwidità sabiex l-inadempjenza ta’ membru tal-ikklerjar ta’ kontroparti ċentrali waħda ma taffettwax kontroparti ċentrali interoperabbli;

    (d)

    jidentifikaw, jimmonitorjaw u jindirizzaw interdipendenzi u korrelazzjonijiet potenzjali li joħorġu minn arranġament tal-interoperabbiltà li jista’ jaffetwa r-riskji tal-kreditu u tal-likwidità relatati ma’ konċentrazzjonijiet ta’ membru tal-ikklerjar, u riżorsi finanzjarji miġbura flimkien.

    (e)

    meta l-mudelli tal-immaniġġjar tar-riskji użati mis-CCPs biex ikopru l-iskopertura tagħhom għall-membri tal-ikklerjar tagħhom jew l-iskoperturi reċiproċi tagħhom ikunu differenti, il-kontropartijiet ċentrali għandhom jidentifikaw dawk id-differenzi, jivvalutaw ir-riskji li jistgħu joħorġu minnhom u jieħdu l-miżuri, inklużi li jiġu żgurati riżorsi finanzjarji addizzjonali, li jistgħu jillimitaw l-impatt tagħhom fuq l-arranaġament tal-interoperabbiltà kif ukoll il-konsegwenzi potenzjali tagħhom f’termini ta’ riskji ta’ tniġġis u li jiżguraw li dawn id-differenzi ma jaffetwawx l-abilità ta’ kull kontroparti ċentrali biex timmaniġġja l-konsegwenzi tal-inadempjenza ta’ membru tal-ikklerjar.

    Għoti ta’ marġnijiet bejn il-kontropartijiet ċentrali

    L-Artikolu 53 tar-Regolament (UE) Nru 648/2012

    Is-CCP ta’ pajjiż terz għandha tiddistingwi fil-kontijiet l-assi u l-pożizzjonijiet miżmumin għall-kont tal-kontropartijiet ċentrali li tkun daħlet magħhom f’arranġament tal-interoperabbiltà.

    Is-CCP ta’ pajjiż terz tipprovdi biss marġnijiet inizjali lil dik is-CCP taħt arranġament ta’ kollateral finanzjarju ta’ garanzija li permezz tiegħu s-CCP ma għandhiex dritt ta’ użu fuq il-marġini pprovduti mis-CCP l-oħra.

    Il-kollateral riċevut fil-forma ta’ strumenti finanzjarji huwa protett f’wieħed minn dawn il-modi:

    (i)

    jiġi ddepożitat ma’ operaturi ta’ sistemi ta’ saldu tat-titoli li jiżguraw il-protezzjoni sħiħa ta’ dawk l-istrumenti finanzjarji;

    (ii)

    jew inkella jistgħu jintużaw arranġamenti oħra sikuri ħafna ma’ istituzzjonijiet finanzjarji awtorizzati;

    L-assi jkunu għad-dispożizzjoni tas-CCP riċeventi biss f’każ ta’ inadempjenza tas-CCP li tkun ipprovdiet il-kollateral fil-kuntest ta’ arranġament tal-interoperabbiltà.

    F’każ ta’ inadempjenza tas-CCP li tkun irċeviet il-kollateral fil-kuntest ta’ arranġament tal-interoperabbiltà, il-kollateral provdut għandu jingħata lura fil-pront lis-CCP li tkun ipprovdietu.
    Top