This document is an excerpt from the EUR-Lex website
Document 32020R1228
Commission Implementing Regulation (EU) 2020/1228 of 29 November 2019 laying down implementing technical standards with regard to the format of applications for registration as a securitisation repository or for extension of a registration of a trade repository pursuant to Regulation (EU) 2017/2402 of the European Parliament and of the Council (Text with EEA relevance)
Regolament ta’ Implimentazzjoni tal-Kummissjoni (UE) 2020/1228 tad-29 ta’ Novembru 2019 li jistipula standards tekniċi ta’ implimentazzjoni fir-rigward tal-format tal-applikazzjonijiet għar-reġistrazzjoni bħala repożitorju tat-titolizzazzjoni jew għall-estensjoni tar-reġistrazzjoni ta’ repożitorju tat-tranżazzjonijiet skont ir-Regolament (UE) 2017/2402 tal-Parlament Ewropew u tal-Kunsill (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2020/1228 tad-29 ta’ Novembru 2019 li jistipula standards tekniċi ta’ implimentazzjoni fir-rigward tal-format tal-applikazzjonijiet għar-reġistrazzjoni bħala repożitorju tat-titolizzazzjoni jew għall-estensjoni tar-reġistrazzjoni ta’ repożitorju tat-tranżazzjonijiet skont ir-Regolament (UE) 2017/2402 tal-Parlament Ewropew u tal-Kunsill (Test b’rilevanza għaż-ŻEE)
C/2019/8880
ĠU L 289, 3.9.2020, p. 330–334
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
3.9.2020 |
MT |
Il-Ġurnal Uffiċjali tal-Unjoni Ewropea |
L 289/330 |
REGOLAMENT TA’ IMPLIMENTAZZJONI TAL-KUMMISSJONI (UE) 2020/1228
tad-29 ta’ Novembru 2019
li jistipula standards tekniċi ta’ implimentazzjoni fir-rigward tal-format tal-applikazzjonijiet għar-reġistrazzjoni bħala repożitorju tat-titolizzazzjoni jew għall-estensjoni tar-reġistrazzjoni ta’ repożitorju tat-tranżazzjonijiet skont ir-Regolament (UE) 2017/2402 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/2402 tal-Parlament Ewropew u tal-Kunsill tat-12 ta’ Diċembru 2017 li jistabbilixxi qafas ġenerali għat-titolizzazzjoni u li joħloq qafas speċifiku għal titolizzazzjoni sempliċi, trasparenti u standardizzata (1), u b’mod partikolari l-Artikolu 10(8) tiegħu,
Billi:
|
(1) |
Format uniformi għall-applikazzjonijiet lill-Awtorità Ewropea tat-Titoli u s-Swieq (ESMA) għar-reġistrazzjoni bħala repożitorju tat-titolizzazzjoni jew għall-estensjoni tar-reġistrazzjoni ta’ repożitorju tat-tranżazzjonijiet jenħtieġ li jaċċerta li l-informazzjoni kollha meħtieġa skont ir-Regolament Delegat tal-Kummissjoni (UE) 2020/1230 [ir-Regolament Delegat tal-Kummissjoni (UE) 2020/1230] (2) tintbagħat lill-ESMA u tkun identifikata faċilment minnha. |
|
(2) |
Huwa importanti li l-informazzjoni f’dawk l-applikazzjonijiet tintbagħat f’format li jippermetti l-ħażna għall-użu u r-riproduzzjoni fil-futur. Għaldaqstant, jenħtieġ li dawn l-applikazzjonijiet jintbagħtu b’mezz li jservi fit-tul. |
|
(3) |
Sabiex tkun iffaċilitata l-identifikazzjoni tal-informazzjoni mibgħuta f’dawk l-applikazzjonijiet, jenħtieġ li jkunu pprovduti numru ta’ referenza uniku u titlu għal kull wieħed mid-dokumenti tagħhom. Għall-istess raġuni, jenħtieġ li l-applikant jintalab jidentifika kull informazzjoni mibgħuta b’referenza għad-dispożizzjoni tar-Regolament Delegat (UE) 2020/1230 li magħha jkollha x’taqsam dik l-informazzjoni. |
|
(4) |
Dan ir-Regolament huwa bbażat fuq l-abbozz tal-istandards tekniċi ta’ implimentazzjoni ppreżentat mill-ESMA lill-Kummissjoni. |
|
(5) |
F’konformità mal-Artikolu 15 tar-Regolament (UE) Nru 1095/2010 tal-Parlament Ewropew u tal-Kunsill (3), l-ESMA wettqet konsultazzjoni pubblika miftuħa dwar l-abbozz ta’ standards tekniċi regolatorji li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit mill-Artikolu 37 ta’ dak ir-Regolament, |
ADOTTAT DAN IR-REGOLAMENT:
Artikolu 1
Format tal-applikazzjoni għar-reġistrazzjoni u l-estensjoni tar-reġistrazzjoni
(1) L-applikanti għar-reġistrazzjoni bħala repożitorju tat-titolizzazzjoni skont l-Artikolu 10(5)(a) tar-Regolament (UE) 2017/2402 għandhom jikkumpilaw il-formati stabbiliti fl-Anness 1 ta’ dan ir-Regolament.
(2) Ir-repożitorji tat-tranżazzjonijiet li japplikaw għal estensjoni tar-reġistrazzjoni skont l-Artikolu 10(5)(b) tar-Regolament (UE) 2017/2402 għandhom jikkumpilaw il-formati stabbiliti fl-Anness 2 ta’ dan ir-Regolament.
(3) Għall-finijiet tal-paragrafi 1 u 2, l-applikazzjonijiet għandhom jintbagħtu:
|
(a) |
b’mezz li jservi fit-tul kif definit fl-Artikolu 2(1)(m) tad-Direttiva 2009/65/KE tal-Parlament Ewropew u tal-Kunsill (4); |
|
(b) |
b’numru ta’ referenza uniku assenjat għal kull dokument inkluż fl-applikazzjoni. |
Artikolu 2
Id-dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Novembru 2019.
Għall-Kummissjoni
Il-President
Jean-Claude JUNCKER
(1) ĠU L 347, 28.12.2017, p. 35.
(2) Ir-Regolament Delegat tal-Kummissjoni (UE) 2020/1230 tad-29 ta’ Novembru 2019 li jissupplimenta r-Regolament (UE) 2017/2402 tal-Parlament Ewropew u tal-Kunsill fir-rigward tal-istandards tekniċi regolatorji li jispeċifikaw id-dettalji tal-applikazzjoni għar-reġistrazzjoni ta’ repożitorju tat-titolizzazzjoni u d-dettalji tal-applikazzjoni simplifikata għal estensjoni tar-reġistrazzjoni ta’ repożitorju tat-tranżazzjonijiet (Ara l-paġna 345 ta’ dan il-Ġurnal Uffiċjali).
(3) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 176/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
(4) Id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).
ANNESS I
Formats għall-applikazzjoni għar-reġistrazzjoni bħala repożitorju tat-titolizzazzjoni
Tabella 1
Informazzjoni ġenerali
|
Data tal-applikazzjoni |
|
Isem korporattiv tar-repożitorju tat-titolizzazzjoni |
|
Lok tal-inkorporazzjoni u l-ambitu tal-attività tan-negozju |
|
Identifikatur ta’ entità ġuridika (LEI) irreġistrat mal-Global Legal Entity Identifier Foundation |
|
Indirizz ġuridiku tar-repożitorju tat-titolizzazzjoni |
|
Indirizz ġuridiku ta’ kwalunkwe sussidjarja tar-repożitorju tat-titolizzazzjoni |
|
Indirizz ġuridiku ta’ kwalunkwe fergħa tar-repożitorju tat-titolizzazzjoni |
|
Lokalizzatur uniformi tar-riżorsi (URL) tas-sit web tar-repożitorju tat-titolizzazzjoni |
|
Tipi ta’ titolizzazzjoni, metodi ta’ trasferiment tar-riskju u tipi ta’ skoperturi sottostanti li għalihom ir-repożitorju applikant iressaq applikazzjoni għar-reġistrazzjoni |
|
Jekk l-applikant ikun awtorizzat jew irreġistrat minn awtorità kompetenti fl-Istat Membru li fih ikun stabbilit, isem l-awtorità u kwalunkwe numru ta’ referenza relatat mal-awtorizzazzjoni jew mar-reġistrazzjoni |
|
Isem il-persuna/i responsabbli mill-applikazzjoni |
|
Dettalji ta’ kuntatt tal-persuna/i responsabbli mill-applikazzjoni |
|
Isem il-persuna/i responsabbli mill-konformità tar-repożitorju tat-titolizzazzjoni (jew kwalunkwe membru tal-persunal ieħor involut fil-valutazzjonijiet tal-konformità għar-repożitorju tat-titolizzazzjoni) |
|
Dettalji ta’ kuntatt tal-persuna/i responsabbli mill-konformità tar-repożitorju tat-titolizzazzjoni, jew kwalunkwe membru tal-persunal ieħor involut fil-valutazzjonijiet tal-konformità għar-repożitorju tat-titolizzazzjoni, b’rabta mal-forniment tiegħu tas-servizzi ewlenin ta’ titolizzazzjoni |
|
Isem l-impriża prinċipali |
|
LEI rreġistrat mal-Global Legal Entity Identifier Foundation ta’ kwalunkwe impriża prinċipali |
|
Indirizz ġuridiku ta’ kwalunkwe impriża prinċipali |
|
Isem l-awtorità superviżorja responsabbli għal kwalunkwe impriża prinċipali |
|
Numru ta’ referenza tal-awtorità superviżorja responsabbli għal kwalunkwe impriża prinċipali |
|
Isem kwalunkwe impriża prinċipali finali |
|
LEI rreġistrat mal-Global Legal Entity Identifier Foundation ta’ kwalunkwe impriża prinċipali finali |
|
Indirizz ġuridiku ta’ kwalunkwe impriża prinċipali finali |
|
Isem l-awtorità superviżorja responsabbli għal kwalunkwe impriża prinċipali finali |
|
Numru ta’ referenza tal-awtorità superviżorja responsabbli għal kwalunkwe impriża prinċipali finali |
Tabella 2
Referenzi tad-dokument (1)
|
Id-dispożizzjoni tar-Regolament Delegat tal-Kummissjoni (UE) 2020/1230 li fiha r-rekwiżit ta’ informazzjoni b’rabta mad-dokument |
Numru ta’ referenza uniku tad-dokument |
Titlu tad-dokument |
Kapitolu jew taqsima jew paġna tad-dokument fejn hija pprovduta l-informazzjoni jew raġuni għaliex l-informazzjoni mhix ipprovduta |
(1) Għall-informazzjoni kollha meħtieġa fir-Regolament Delegat tal-Kummissjoni (UE) 2020/1230 bl-eċċezzjoni tal-punti minn (a) sa (c), (e), (f), (h) u (i) tal-Artikolu 2(2) u tal-Artikolu 7(2) tiegħu.
ANNESS II
Formats għall-applikazzjoni għal estensjoni tar-reġistrazzjoni ta’ repożitorju tat-tranżazzjonijiet
Tabella 1
Informazzjoni ġenerali
|
Data tal-applikazzjoni |
|
Data tar-reġistrazzjoni tal-applikant bħala repożitorju tat-tranżazzjonijiet |
|
Isem korporattiv tar-repożitorju tat-titolizzazzjoni |
|
Identifikatur ta’ entità ġuridika (LEI) irreġistrat mal-Global Legal Entity Identifier Foundation |
|
Indirizz ġuridiku tar-repożitorju tat-titolizzazzjoni |
|
Indirizz ġuridiku ta’ kwalunkwe sussidjarja tar-repożitorju tat-titolizzazzjoni |
|
Indirizz ġuridiku ta’ kwalunkwe fergħa tar-repożitorju tat-titolizzazzjoni |
|
Lokalizzatur uniformi tar-riżorsi (URL) tas-sit web tar-repożitorju tat-titolizzazzjoni |
|
Identifikatur ta’ Entità Ġuridika (LEI) irreġistrat mal-Global Legal Entity Identifier Foundation |
|
Tipi ta’ titolizzazzjoni, metodi ta’ trasferiment tar-riskju u tipi ta’ skoperturi sottostanti li għalihom ir-repożitorju applikant iressaq applikazzjoni għar-reġistrazzjoni |
|
Jekk l-applikant ikun awtorizzat jew irreġistrat minn awtorità kompetenti fl-Istat Membru li fih ikun stabbilit, isem l-awtorità u kwalunkwe numru ta’ referenza relatat mal-awtorizzazzjoni jew mar-reġistrazzjoni |
|
Isem il-persuna/i responsabbli mill-applikazzjoni |
|
Dettalji ta’ kuntatt tal-persuna/i responsabbli mill-applikazzjoni |
|
Isem il-persuna/i responsabbli mill-konformità tar-repożitorju tat-titolizzazzjoni, jew kwalunkwe membru tal-persunal ieħor involut fil-valutazzjonijiet tal-konformità għar-repożitorju tat-titolizzazzjoni, b’rabta mal-forniment tiegħu tas-servizzi ewlenin ta’ titolizzazzjoni |
|
Dettalji ta’ kuntatt tal-persuna/i responsabbli mill-konformità tar-repożitorju tat-titolizzazzjoni (jew kwalunkwe membru tal-persunal ieħor involut fil-valutazzjonijiet tal-konformità għar-repożitorju tat-titolizzazzjoni) |
Tabella 2
Referenzi tad-dokument (1)
|
Id-dispożizzjoni tar-Regolament Delegat tal-Kummissjoni (UE) 2020/1230 li fiha r-rekwiżit ta’ informazzjoni b’rabta mad-dokument. |
Numru ta’ referenza uniku tad-dokument |
Titlu tad-dokument |
Kapitolu jew taqsima jew paġna tad-dokument fejn hija pprovduta l-informazzjoni jew raġuni għaliex l-informazzjoni mhix ipprovduta |
(1) Għall-informazzjoni kollha meħtieġa fir-Regolament Delegat tal-Kummissjoni (UE) 2020/1230 bl-eċċezzjoni tal-punti minn (a) sa (c), (e), (f), (h) u (i) tal-Artikolu 2(2) u tal-Artikolu 7(2) tiegħu.