(1)

Ir-Regolament (UE) 2017/2402 tal-Parlament Ewropew u tal-Kunsill (2) emenda r-Regolament (UE) Nru 648/2012 biex idaħħal f’dak ir-Regolament ċerti kundizzjonijiet li taħthom il-kuntratti tad-derivattivi OTC konklużi minn entitajiet tal-bonds koperti b’rabta mal-bonds koperti, u kuntratti tad-derivattivi OTC konklużi minn entitajiet bi skop speċjali tat-titolizzazzjoni b’rabta mat-titolizzazzjonijiet, jistgħu jiġu eżentati mill-obbligu tal-ikklerjar.

(2)

Ir-Regolamenti Delegati tal-Kummissjoni (UE) 2015/2205 (3) u 2016/1178 (4) diġà jinkludu għadd ta’ kundizzjonijiet li taħthom il-kuntratti tad-derivattivi OTC konklużi minn entità tal-bonds koperti b’rabta ma’ bond kopert jistgħu jiġu esklużi mill-obbligu tal-ikklerjar.

(3)

Hemm grad ta’ sostitwibbiltà bejn il-kuntratti tad-derivattivi OTC konklużi minn entitajiet tal-bonds koperti b’rabta mal-bonds koperti min-naħa, u kuntratti tad-derivattivi OTC konklużi minn entitajiet bi skop speċjali tat-titolizzazzjoni b’rabta mat-titolizzazzjonijiet, min-naħa l-oħra. Sabiex jiġu evitati distorsjoni jew arbitraġġ potenzjali, it-trattament tagħhom vis-à-vis l-obbligu tal-ikklerjar jenħtieġ li jkun konsistenti.

(4)

Għaldaqstant huwa xieraq li, anki fid-dawl tal-emenda għar-Regolament (UE) Nru 648/2012 mir-Regolament (UE) 2017/2402, jitneħħew mir-Regolamenti Delegati 2015/2205 u 2016/1178, il-kundizzjonijiet kollha li taħthom il-kuntratti tad-derivattivi OTC konklużi minn entità tal-bonds koperti b’rabta ma’ bond kopert jistgħu jiġu esklużi mill-obbligu tal-ikklerjar, u dawk il-kundizzjonijiet jiddaħħlu f’Regolament Delegat ġdid li jkun fih ukoll il-kundizzjonijiet li taħthom il-kuntratti tad-derivattivi OTC konklużi minn entità bi skop speċjali tat-titolizzazzjoni b’rabta ma’ titolizzazzjoni jistgħu jiġu esklużi minn dak l-obbligu tal-ikklerjar.

(5)

Għalhekk jenħtieġ li r-Regolament Delegat (UE) 2015/2205 u r-Regolament Delegat (UE) 2016/1178 jiġu emendati skont dan.

(6)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Bankarja Ewropea, l-Awtorità Ewropea tal-Assigurazzjoni u l-Pensjonijiet tax-Xogħol u l-Awtorità Ewropea tat-Titoli u s-Swieq lill-Kummissjoni Ewropea.

(7)

L-Awtorità Bankarja Ewropea, l-Awtorità Ewropea tal-Assigurazzjoni u l-Pensjonijiet tax-Xogħol u l-Awtorità Ewropea tat-Titoli u s-Swieq għamlu konsultazzjonijiet pubbliċi miftuħin dwar l-istandards tekniċi regolatorji abbozzati li fuqhom huwa bbażat dan ir-Regolament u analizzaw il-kostijiet u l-benefiċċji potenzjali relatati. L-Awtoritajiet Superviżorji Ewropej talbu wkoll l-opinjoni tal-Grupp tal-Partijiet Bankarji Interessati stabbilit skont l-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (5), l-opinjoni tal-Grupp tal-Partijiet Interessati tal-Assigurazzjoni u tar-Riassigurazzjoni u tal-Grupp tal-Partijiet Interessati tal-Qasam tal-Pensjonijiet tax-Xogħol stabbiliti f’konformità mal-Artikolu 37 tar-Regolament (UE) Nru 1094/2010 tal-Parlament Ewropew u tal-Kunsill (6), u l-opinjoni tal-Grupp tal-Partijiet Interessati tat-Titoli u s-Swieq stabbilit f’konformità mal-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (7),

(a)

dawk il-kuntratti jkunu rreġistrati jew irrekordjati fl-aggregazzjoni ta’ kopertura tal-bond kopert skont il-leġiżlazzjoni nazzjonali dwar il-bonds koperti;

(b)

dawk il-kuntratti ma jkunux itterminati fil-każ ta’ riżoluzzjoni jew insolvenza tal-emittent tal-bonds koperti jew tal-“cover pool”;

(c)

Il-kontroparti għall-kuntratt tad-derivattivi OTC konkluż mal-emittent tal-bonds koperti jew ma’ “cover pools” għall-bonds koperti, tkun ikklassifikata tal-inqas pari passu mad-detenturi ta’ bonds koperti, għajr meta l-kontroparti tal-kuntratt tad-derivattivi OTC konkluż mal-emittenti tal-bonds koperti jew ma’ “cover pools” għall-bonds koperti tkun il-parti f’inadempjenza jew il-parti affettwata, jew iċċedi l-klassifikazzjoni ta’ pari passu;

(d)

il-bond kopert ikun soġġett għal rekwiżit regolamentari ta’ kollateralizzazzjoni ta’ minn tal-anqas 102 %.

(a)

il-kontroparti għad-derivattiva OTC konkluża minn entità bi skop speċjali tat-titolizzazzjoni b’rabta ma’ titolizzazzjoni tkun ikklassifikata tal-inqas pari passu mad-detenturi tal-aktar segment ta’ titolizzazzjoni superjuri, għajr meta l-kontroparti tad-derivattiva OTC konkluża mal-entità bi skop speċjali tat-titolizzazzjoni b’rabta mat-titolizzazzjoni tkun il-parti f’inadempjenza jew il-parti affettwata;

(b)

l-entità bi skop speċjali tat-titolizzazzjoni b’rabta mat-titolizzazzjoni li l-kuntratt tad-derivattivi tal-OTC ikun assoċjat magħha, tkun soġġetta, fuq bażi kontinwa, għal livell ta’ titjib tal-kreditu tal-aktar nota ta’ titolizzazzjoni superjuri ta’ minn tal-anqas 2 % tan-noti pendenti.