This document is an excerpt from the EUR-Lex website
Document 32020D1805
Commission Decision (EU) 2020/1805 of 27 November 2020 amending Decisions 2014/350/EU and (EU) 2016/1349 extending the period of validity of the ecological criteria for the award of the EU Ecolabel to textile products and footwear and of the related assessment and verification requirements (notified under document C(2020) 8152) (Text with EEA relevance)
Deċiżjoni tal-Kummissjoni (UE) 2020/1805 tas-27 ta’ Novembru 2020 li temenda d-Deċiżjonijiet 2014/350/UE u (UE) 2016/1349 billi testendi l-perjodu ta’ validità tal-kriterji ekoloġiċi għall-għoti tal-Ekotikketta tal-UE lill-prodotti tessili u lix-xedd tas-saqajn u tar-rekwiżiti ta’ valutazzjoni u ta’ verifika relatati magħhom (notifikata bid-dokument C(2020) 8152) (Test b’rilevanza għaż-ŻEE)
Deċiżjoni tal-Kummissjoni (UE) 2020/1805 tas-27 ta’ Novembru 2020 li temenda d-Deċiżjonijiet 2014/350/UE u (UE) 2016/1349 billi testendi l-perjodu ta’ validità tal-kriterji ekoloġiċi għall-għoti tal-Ekotikketta tal-UE lill-prodotti tessili u lix-xedd tas-saqajn u tar-rekwiżiti ta’ valutazzjoni u ta’ verifika relatati magħhom (notifikata bid-dokument C(2020) 8152) (Test b’rilevanza għaż-ŻEE)
C/2020/8152
ĠU L 402, 1.12.2020, p. 89–90
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
1.12.2020 |
MT |
Il-Ġurnal Uffiċjali tal-Unjoni Ewropea |
L 402/89 |
DEĊIŻJONI TAL-KUMMISSJONI (UE) 2020/1805
tas-27 ta’ Novembru 2020
li temenda d-Deċiżjonijiet 2014/350/UE u (UE) 2016/1349 billi testendi l-perjodu ta’ validità tal-kriterji ekoloġiċi għall-għoti tal-Ekotikketta tal-UE lill-prodotti tessili u lix-xedd tas-saqajn u tar-rekwiżiti ta’ valutazzjoni u ta’ verifika relatati magħhom
(notifikata bid-dokument C(2020) 8152)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b’mod partikolari l-Artikolu 8(2) tiegħu,
Wara li kkonsultat mal-Bord tal-Ekotikkettar tal-Unjoni Ewropea,
Billi:
(1) |
Il-validità tal-kriterji ekoloġiċi għall-għoti tal-Ekotikketta tal-UE għall-prodotti tessili u tar-rekwiżiti ta’ valutazzjoni u ta’ verifika relatati magħhom, stabbiliti fid-Deċiżjoni tal-Kummissjoni 2014/350/UE (2), tiskadi fil-5 ta’ Diċembru 2020. |
(2) |
Il-validità tal-kriterji ekoloġiċi għall-għoti tal-Ekotikketta tal-UE għax-xedd tas-saqajn u tar-rekwiżiti ta’ valutazzjoni u ta’ verifika relatati magħhom, stabbiliti fid-Deċiżjoni tal-Kummissjoni (UE) 2016/1349 (3), tiskadi fil-5 ta’ Awwissu 2022. |
(3) |
F’konformità mal-konklużjonijiet tal-Kontroll tal-Idoneità tal-Ekotikketta tal-UE tat-30 ta’ Ġunju 2017 (4), il-Kummissjoni, flimkien mal-Bord tal-Ekotikkettar tal-UE, ivvalutat ir-rilevanza ta’ kull grupp ta’ prodotti kif ukoll ir-rilevanza u l-adegwatezza tal-kriterji ekoloġiċi attwali tagħha u tar-rekwiżiti ta’ valutazzjoni u ta’ verifika relatati magħhom qabel ma pproponiet l-estensjoni tagħha. Għad-Deċiżjonijiet 2014/350/UE u (UE) 2016/1349 din il-valutazzjoni kkonfermat ir-rilevanza u l-adegwatezza tal-gruppi ta’ prodotti, kif ukoll tal-kriterji ekoloġiċi attwali tagħhom u tar-rekwiżiti ta’ valutazzjoni u ta’ verifika tagħhom relatati magħhom. |
(4) |
Barra minn hekk, f’konformità mal-konklużjonijiet tal-Kontroll tal-Idoneità tal-Ekotikketta tal-UE tat-30 ta’ Ġunju 2017, il-Kummissjoni, flimkien mal-Bord tal-Ekotikkettar tal-UE, qed tissuġġerixxi soluzzjonijiet biex ittejjeb is-sinerġiji fost il-gruppi ta’ prodotti u biex iżżid l-użu tal-Ekotikketta tal-UE, inkluż ir-raggruppament tal-gruppi ta’ prodotti li huma relatati mill-qrib ma’ xulxin fejn ikun xieraq u l-iżgurar li, matul il-proċess ta’ reviżjoni, tingħata attenzjoni xierqa lill-koerenza bejn il-politiki, il-leġiżlazzjoni u l-evidenza xjentifika rilevanti tal-UE. |
(5) |
Sabiex tiġi ffaċilitata aktar it-tranżizzjoni lejn ekonomija aktar ċirkolari, il-kriterji tal-Ekotikketta tal-UE għall-prodotti tessili u għax-xedd tas-saqajn se jiġu riveduti f’konformità mal-Pjan ta’ Azzjoni l-ġdid dwar l-Ekonomija Ċirkolari għal Ewropa aktar nadifa u kompetittiva (5). Għalhekk huwa xieraq li tiġi estiża l-validità tal-kriterji tal-Ekotikketta tal-UE stabbiliti fid-Deċiżjonijiet 2014/350/UE u (UE) 2016/1349 sal-istess data ta’ tmiem sabiex il-Kummissjoni tkun tista’ tirrevedi dawn iż-żewġ gruppi ta’ prodotti flimkien, u tiggruppahom jekk dan jitqies possibbli. |
(6) |
Sabiex jitħalla ż-żmien meħtieġ għal finalizzazzjoni sħiħa tal-proċess ta’ reviżjoni u sabiex tiġi pprovduta perspettiva affidabbli li tippermetti l-kontinwità tas-suq għad-detenturi ta’ liċenzji attwali u futuri li sadanittant ikunu jistgħu jżommu l-benefiċċji tal-Ekotikketta tal-UE fuq il-prodotti ppremjati tagħhom, il-perjodu ta’ validità tal-kriterji attwali għall-prodotti tessili u għax-xedd tas-saqajn u tar-rekwiżiti ta’ valutazzjoni u ta’ verifika relatati magħhom jenħtieġ li jiġi estiż sal-31 ta’ Diċembru 2025. |
(7) |
Għalhekk, id-Deċiżjonijiet 2014/350/UE u (UE) 2016/1349 jenħtieġ li jiġu emendati skont dan. |
(8) |
Il-miżuri previsti f’din id-Deċiżjoni huma skont l-opinjoni tal-Kumitat stabbilit bl-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
L-Artikolu 6 tad-Deċiżjoni 2014/350/UE huwa sostitwit b’dan li ġej:
“Artikolu 6
Il-kriterji ekoloġiċi għall-grupp ta’ prodotti “prodotti tessili” u r-rekwiżiti ta’ valutazzjoni u ta’ verifika relatati magħhom għandhom jibqgħu validi sal-31 ta’ Diċembru 2025.”.
Artikolu 2
L-Artikolu 4 tad-Deċiżjoni (UE) 2016/1349 huwa sostitwit b’dan li ġej:
“Artikolu 4
Il-kriterji ekoloġiċi għall-grupp ta’ prodotti “xedd tas-saqajn” u r-rekwiżiti ta’ valutazzjoni u ta’ verifika relatati magħhom għandhom jibqgħu validi sal-31 ta’ Diċembru 2025.”.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, is-27 ta’ Novembru 2020.
Għall-Kummissjoni
Virginijus SINKEVIČIUS
Membru tal-Kummissjoni
(2) Id-Deċiżjoni tal-Kummissjoni 2014/350/UE tal-5 ta’ Ġunju 2014 li tistabbilixxi l-kriterji ekoloġiċi għall-għoti tal-Ekotikketta tal-UE għall-prodotti tessili (ĠU L 174, 13.6.2014, p. 45).
(3) Id-Deċiżjoni tal-Kummissjoni (UE) 2016/1349 tal-5 ta’ Awwissu 2016 li tistabbilixxi l-kriterji ekoloġiċi għall-għoti tal-Ekotikketta tal-UE għax-xedd tas-saqajn (ĠU L 214, 9.8.2016, p. 16).
(4) Ir-Rapport tal-Kummissjoni lill-Parlament Ewropew u lill-Kunsill dwar ir-rieżami tal-implimentazzjoni tar-Regolament (KE) Nru 1221/2009 tal-Parlament Ewropew u tal-Kunsill tal-25 ta’ Novembru 2009 dwar il-parteċipazzjoni volontarja ta’ organizzazzjonijiet fi skema Komunitarja ta’ ġestjoni u verifika ambjentali (EMAS) u tar-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (COM(2017) 355 final).
(5) Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Pjan ta’ Azzjoni ġdid dwar l-Ekonomija Ċirkolari għal Ewropa aktar nadifa u kompetittiva (COM(2020) 98 final).