Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020D1735

    Deċiżjoni (UE) 2020/1735 tal-Bank Ċentrali Ewropew tat-12 ta’ Novembru 2020 li temenda d-Deċìżjoni (UE) 2016/2248 dwar l-allokazzjoni tad-dħul monetarju tal-banek ċentrali nazzjonali tal-Istati Membri li l-munita tagħhom hija l-euro (BĊE/2020/55)

    ĠU L 390, 20.11.2020, p. 60–62 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2020/1735/oj

    20.11.2020   

    MT

    Il-Ġurnal Uffiċjali tal-Unjoni Ewropea

    L 390/60

    DEĊIŻJONI (UE) 2020/1735 TAL-BANK ĊENTRALI EWROPEW

    tat-12 ta’ Novembru 2020

    li temenda d-Deċìżjoni (UE) 2016/2248 dwar l-allokazzjoni tad-dħul monetarju tal-banek ċentrali nazzjonali tal-Istati Membri li l-munita tagħhom hija l-euro (BĊE/2020/55)

    IL-KUNSILL GOVERNATTIV TAL-BANK ĊENTRALI EWROPEW,

    Wara li kkunsidra t-Trattat dwar il-Funzjonament tal-Unjoni Ewropea,

    Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 32 tiegħu,

    Billi:

    (1)

    Id-Deċiżjoni (UE) 2020/440 tal-Bank Ċentrali Ewropew (BĊE/2020/17) (1) tistabbilixxi programm temporanju ta’ xiri ta’ emerġenza fil-każ ta’ pandemija (PEPP) għall-finijiet tal-politika monetarja.

    (2)

    Kif huwa l-każ għal dawk l-istrumenti mixtrija bħala parti mill-programm ta’ xiri ta’ assi tas-settur pubbliku minn swieq sekondarji stabbilit mill-Bank Ċentrali Ewropew (BĊE) permezz tad-Deċiżjoni (UE) 2020/188 tal-Bank Ċentrali Ewropew (BĊE/2020/9) (2), l-istrumenti ta’ dejn maħruġa minn gvernijiet ċentrali, reġjonali jew lokali u aġenziji rikonoxxuti u strumenti ta’ dejn sostituti maħruġa minn korporazzjonijiet pubbliċi mhux finanzjarji li jinxtraw bħala parti mill-PEPP stabbiliti skont id-Deċiżjoni (UE) 2020/440 (BĊE/2020/17) għandhom jitqiesu li jiġġeneraw dħul fbir-rata ta’ referenza ddefinita fid-Deċiżjoni (UE) 2016/2248 tal-Bank Ċentrali Ewropew (BĊE/2016/36). (3)

    (3)

    Assi assenjabbli ġdid ġie stabbilit biex tiġi żgurata konsistenza fi ħdan l-iskema tad-dħul monetarju.

    (4)

    Il-Kunsill Governattiv iddeċieda fl-24 ta’ Ġunju 2020 li faċilitajiet li jipprovdu likwidità f’euro minn banek ċentrali tal-Eurosistema ma’ banek ċentrali mhux tal-Eurosistema għandhom jiġu stabbiliti bħala parti mill-miżuri ta’ risposta tal-BĊE għall-kriżi kkawżata mill-pandemija tal-marda tal-coronavirus tal-2019 (COVID-19). Id-dħul iġġenerat mill-operazzjonijiet li jipprovdu likwidità f’euro lill-banek ċentrali mhux tal-Eurosistema għandu jiġi kondiviż bejn il-banek ċentrali nazzjonali tal-Istati membri li l-munita tagħhom hija l-euro bħala parti mill-iskema ta’ dħul monetarju u l-bilanċi relevanti għandhom jiġu inklużi fid-definizzjoni ta’ assi assenjabbli stabbilita fid-Deċiżjoni (UE) 2016/2248 (BĊE/2016/36).

    (5)

    Għalhekk, id-Deċiżjoni (UE) 2016/2248 (BĊE/2016/36) għandha tiġi emendata kif meħtieġ,

    ADOTTA DIN ID-DEĊIŻJONI:

    Artikolu 1

    Emendi

    Id-Deċiżjoni (UE) 2016/2248 (BĊE/2016/36) hija emendata kif ġej:

    1.

    L-Artikolu 3(1)(b)(iii) huwa mibdul b’dan li ġej:

    “(iii)

    strumenti ta’ dejn maħruġa minn gvernijiet ċentrali, reġjonali u lokali u aġenziji rikonoxxuti u strumenti ta’ dejn sostituti maħruġa minn korporazzjonijiet pubbliċi mhux finanzjarji miżmuma għall-finijiet tal-politika monetarja taħt id-Deċiżjoni (UE) 2020/188 tal-Bank Ċentrali Ewropew (BĊE/2020/9) (*1) jew id-Deċiżjoni (UE) 2020/440 tal-Bank Ċentrali Ewropew (BĊE/2020/17) (*2).

    (*1)  Id-Deċiżjoni (UE) 2020/188 tal-Bank Ċentrali Ewropew tat-3 ta’ Frar 2020 dwar programm ta’ xiri ta’ assi tas-settur pubbliku minn swieq sekondarji (BĊE/2020/9) (ĠU L 39, 12.2.2020, p. 12)."

    (*2)  Id-Deċiżjoni (UE) 2020/440 tal-Bank Ċentrali Ewropew tal-24 ta’ Marzu 2020 dwar programm temporanju ta’ xiri ta’ emerġenza fil-każ ta’ pandemija (BĊE/2020/17) (ĠU L 91, 25.3.2020, p. 1).”;"

    2.

    L-Anness II huwa emendat skont l-Anness ta’ din id-Deċiżjoni.

    Artikolu 2

    Dħul fis-seħħ

    Din id-deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Hija għandha tapplika mill-31 ta’ Diċembru 2020.

    Magħmul fi Frankfurt am Main, it-12 ta’ Novembru 2020.

    Il-President tal-BĊE

    Christine LAGARDE

    (1)  Id-Deċiżjoni (UE) 2020/440 tal-Bank Ċentrali Ewropew tal-24 ta’ Marzu 2020 dwar programm temporanju ta’ xiri ta’ emerġenza fil-każ ta’ pandemija (BĊE/2020/17) (ĠU L 91, 25.3.2020, p. 1).

    (2)  Id-Deċiżjoni (UE) 2020/188 tal-Bank Ċentrali Ewropew tat-3 ta’ Frar 2020 dwar programm ta’ xiri ta’ assi tas-settur pubbliku minn swieq sekondarji (BĊE/2020/9) (ĠU L 39, 12.2.2020, p. 12).

    (3)  Id-Deċiżjoni (UE) 2016/2248 tal-Bank Ċentrali Ewropew tat-3 ta’ Novembru 2016 dwar l-allokazzjoni tad-dħul monetarju tal-banek ċentrali nazzjonali ta’ Stati Membri li l-munita tagħhom hija l-euro (BĊE/2016/36) (ĠU L 347, 20.12.2016, p. 26).

    ANNESS

    L-Anness II tad-Deċiżjoni (UE) 2016/2248 (BĊE/2016/36) hija emendata kif ġej:

    1.

    fit-Taqsima A, jiddaħħal il-paragrafu 9a li ġej:

    “9a.

    		 Bilanċi relatati ma’ imgħax akkumulat fuq kupuni fuq titoli indeboliti miżmuma għall-finijiet tal-politika monetarja (bl-eċċezzjoni ta’ imgħax akkumulat fuq kupun fuq kwalunkwe titoli indebiliti msemmija fil-punt (b) tal-Artikolu 3(1) ta’ din id-Deċiżjoni) (parti mill-partita ta’ assi 11.5 tal-HBS).”

    2.

    fit-Taqsima A, qed jiżdied il-paragrafu 11 li ġej:

    “11.

    		 Pretensjonijiet kontra banek ċentrali mhux tal-Eurosistema li huma relatati ma’ operazzjonijiet li jipprovdu likwidità (parti tal-partita tal-assi 4.1 tal-HBS jew parti minn assi mhux fuq il-karta tal-bilanċ).”
    Top