1.   Stat terz jista’ jressaq quddiem il-koordinatur jew koordinaturi ta’ proġett tal-PESCO talba biex jipparteċipa f’dak il-proġett. Tali talba għandu jkun fiha biżżejjed informazzjoni dettaljata dwar ir-raġunijiet għall-parteċipazzjoni fil-proġett, kif ukoll l-ambitu u l-forma tal-parteċipazzjoni proposta, fi stadji tal-proġett jekk applikabbli, u għandha tissostanzja l-issodisfar tal-kondizzjonijiet ġenerali stipulati fl-Artikolu 3.

2.   Wara li jirċievu tali talba, l-Istati Membri parteċipanti li jieħdu sehem fil-proġett (“il-membri tal-proġett”) għandhom jivvalutaw, abbażi tal-informazzjoni pprovduta minn dak l-Istat terz, jekk huwa jikkonformax mal-kondizzjonijiet ġenerali stipulati fl-Artikolu 3.

3.   Jekk il-membri tal-proġett jaqblu b’unanimità:

il-koordinatur jew il-koordinaturi tal-proġett, bl-appoġġ tas-Segretarjat tal-PESCO, għandhom javżaw lill-Kunsill u lir-Rappreżentant Għoli kif adatt. Tali avviż għandu jinkludi wkoll it-talba mressqa mill-Istat terz.

4.   Abbażi tal-avviż imsemmi fil-paragrafu 3 ta’ dan l-Artikolu, li jinkludi l-ambitu, il-forma u, jekk ikun applikabbli, l-istadji rilevanti tal-parteċipazzjoni tal-Istat terz fil-proġett, u wara opinjoni mill-Kumitat Politiku u ta’ Sigurtà, il-Kunsill għandu jieħu deċiżjoni f’konformità mal-Artikolu 46(6) TUE u l-Artikolu 9(2) tad-Deċiżjoni (PESK) 2017/2315 dwar jekk il-parteċipazzjoni tal-Istat terz f’dak il-proġett tissodisfax il-kondizzjonijiet stipulati fl-Artikolu 3 ta’ din id-Deċiżjoni.

5.   Wara deċiżjoni pożittiva mill-Kunsill kif imsemmi fil-paragrafu 4, il-koordinatur jew il-koordinaturi tal-proġett tal-PESCO għandhom jibagħtu stedina għall-parteċipazzjoni f’dak il-proġett lill-Istat terz li jkun ressaq it-talba, f’isem il-membri tal-proġett.

6.   Ladarba l-Istat terz li ressaq it-talba jkun informa lill-koordinatur jew il-koordinaturi tal-proġett tal-PESCO li huwa jaċċetta l-istedina, il-membri tal-proġett, jew il-koordinatur jew il-koordinaturi f’isimhom, għandhom jibdew negozjati ma’ dak l-Istat terz bil-ħsieb ta’ arranġament amministrattiv li għandhom jidħlu fih il-membri tal-proġett, li jaġixxu b’unanimità, u dak l-Istat terz, abbażi tal-mudell mehmuż ma’ din id-Deċiżjoni. Tali arranġament amministrattiv għandu jiżgura l-konsistenza ma’ dispożizzjonijiet tad-Deċiżjoni (PESK) 2017/2315 u d-Deċiżjoni (PESK) 2018/909.

7.   L-Istat terz li jkun ġie mistieden jipparteċipa fi proġett għandu jingħaqad mal-proġett fid-data speċifikata fl-arranġament amministrattiv imsemmi fil-paragrafu 6.

8.   Il-koordinatur jew il-koordinaturi ta’ proġett tal-PESCO għandhom jagħmlu disponibbli lill-Istati Membri kollha parteċipanti fil-PESCO l-arranġamenti amministrattivi msemmija fil-paragrafu 6 ta’ dan l-Artikolu, permezz tal-ispazju ta’ ħidma elettroniku komuni msemmi fl-Artikolu 2(2) tad-Deċiżjoni (PESK) 2018/909.

1.   Il-parteċipazzjoni ta’ Stat terz fi proġett tal-PESCO għandha tirrispetta l-arranġamenti konklużi mill-membri tal-proġett bejniethom għall-ġestjoni tal-proġett f’konformità mal-Artikolu 4(1) tad-Deċiżjoni (PESK) 2018/909. Stat terz li jipparteċipa fi proġett tal-PESCO għandu jkollu d-drittijiet u l-obbligi ddeterminati f’arranġament amministrattiv kif imsemmi fl-Artikolu 2(6) ta’ din id-Deċiżjoni li għandhom jidħlu fih il-membri tal-proġett, li jaġixxu b’unanimità, u dak l-Istat terz. Tali drittijiet u obbligi għandhom jirrispettaw il-kondizzjonijiet ġenerali stipulati fl-Artikolu 3 ta’ din id-Deċiżjoni u jistgħu jinkludu l-oqsma li ġejjin:

2.   L-Istat terz mistieden jista’ jieħu sehem fil-proċess tat-teħid ta’ deċiżjonijiet għall-implimentazzjoni tal-proġett, b’kont meħud tal-kontribut tiegħu. L-arranġamenti msemmija fil-paragrafu 1 għandhom jirrispettaw bis-sħiħ l-awtonomija tat-teħid ta’ deċiżjonijiet tal-Unjoni kif ukoll id-drittijiet u l-obbligi tal-Istati Membri parteċipanti, inkluż fir-rigward tas-salvagwardja tal-kontroll ta’ proġett u r-riżultati tiegħu fi ħdan il-qafas tal-PESCO u t-teħid ta’ deċiżjonijiet dwar membri ġodda potenzjali tal-proġett, f’konformità mad-Deċiżjoni (PESK) 2017/2315, li tistabbilixxi l-PESCO, u mas-sett komuni ta’ regoli ta’ governanza għal proġetti tal-PESCO kif jinsabu fid-Deċiżjoni (PESK) 2018/909.

1.   Il-koordinatur jew koordinaturi ta’ proġett li fih jipparteċipa Stat terz għandhom jibagħtu lis-Segretarjat tal-PESCO, f’konformità mal-proċedura u l-perijodi ta’ żmien stipulati fl-Artikolu 2(2) tad-Deċiżjoni (PESK) 2018/909, l-informazzjoni dwar il-kontribut individwali għall-proġett minn dak l-Istat terz u t-twettiq tal-impenji tiegħu lejn il-proġett, kif ukoll dwar l-issodisfar kontinwu tiegħu tal-kondizzjonijiet ġenerali stipulati fl-Artikolu 3 ta’ din id-Deċiżjoni.

2.   L-informazzjoni msemmija fil-paragrafu 1 ta’ dan l-Artikolu għandha tintbagħat darba fis-sena lill-Kunsill mis-Segretarjat tal-PESCO, fil-kuntest tar-rapport annwali dwar il-PESCO mir-Rappreżentant Għoli lill-Kunsill u bħala parti mill-informazzjoni konsolidata dwar il-proġetti tal-PESCO, kif imsemmi fl-Artikolu 2(2) tad-Deċiżjoni (PESK) 2018/909, biex jiġi żgurat li l-Kunsill ikun jista’ jeżerċita b’mod effettiv is-sorveljanza tiegħu tal-proġetti u jieħu azzjoni meta jkun meħtieġ, inkluż fir-rigward tal-issodisfar kontinwu mill-Istat terz parteċipanti fil-proġett tal-kondizzjonijiet ġenerali stipulati fl-Artikolu 3 ta’ din id-Deċiżjoni.

1.   Jekk Stat terz li jipparteċipa fi proġett tal-PESCO jkun bagħat lill-membri tal-proġett id-deċiżjoni tiegħu li jittermina l-parteċipazzjoni tiegħu, tali terminazzjoni għandha tidħol fis-seħħ ladarba l-membri tal-proġett u dak l-Istat terz ikunu laħqu ftehim dwar il-kondizzjonijiet li skonthom it-terminazzjoni ser tidħol fis-seħħ.

Fejn il-parteċipazzjoni ta’ Stat terz fi proġett tal-PESCO tkun ġiet itterminata, il-koordinatur jew il-koordinaturi tal-proġett, bl-appoġġ tas-Segretarjat tal-PESCO, għandhom jinformaw lill-Kunsill u lir-Rappreżentant Għoli kif adatt.

2.   Il-membri tal-proġett jistgħu jaqblu jew matul jew lilhinn mir-rieżami regolari msemmi fl-Artikolu 5 li l-parteċipazzjoni ta’ Stat terz fi proġett għandha tiġi vvalutata mill-ġdid. F’każ bħal dan, dak l-Istat terz għandu jiġi informat mill-koordinatur jew il-koordinaturi tal-proġett.

Jekk il-membri tal-proġett jiddeċiedu li jissospendu l-parteċipazzjoni ta’ Stat terz fi proġett tal-PESCO, il-koordinatur jew il-koordinaturi tal-proġett, bl-appoġġ tas-Segretarjat tal-PESCO, għandhom javżaw lill-Kunsill u lir-Rappreżentant Għoli kif adatt. Abbażi ta’ dan l-avviż u wara opinjoni mill-Kumitat Politiku u ta’ Sigurtà, il-Kunsill jista’ jiddeċiedi f’konformità mal-Artikolu 46(6) TUE u l-Artikolu 9(2) tad-Deċiżjoni (PESK) 2017/2315 li jittermina l-parteċipazzjoni tal-Istat terz fil-proġett.

3.   Jekk Stat Membru wieħed jew diversi Stati Membri jqisu li l-parteċipazzjoni ta’ Stat terz fi proġett tal-PESCO ma tibqax tissodisfa l-kondizzjonijiet ġenerali stabbiliti fl-Artikolu 3 ta’ din id-Deċiżjoni, huma jistgħu jirreferu l-kwistjoni lill-Kunsill. F’dan il-każ, għandhom isiru konsultazzjonijiet bejn l-Istati Membri kkonċernati, jiġifieri l-membri tal-proġett u l-Istat Membru jew l-Istati Membri responsabbli għar-riferiment, iffaċilitati mir-Rappreżentant Għoli. Fil-qafas ta’ dawk il-konsultazzjonijiet, li matulhom jistgħu jinstemgħu wkoll l-opinjonijiet tal-Istat terz, l-Istat Membru jew l-Istati Membri li jkunu rreferew il-kwistjoni lill-Kunsill għandhom jipprovdu lir-Rappreżentant Għoli bl-informazzjoni kollha meħtieġa bil-miktub, li tissostanzja r-raġunijiet għal tali riferiment, u għandhom jindikaw lir-Rappreżentant Għoli liema miżuri jistgħu jittieħdu biex tiġi mitigata l-kwistjoni. Ir-Rappreżentant Għoli u l-Istati Membri kkonċernati għandhom jeżaminaw flimkien il-kwistjoni u jfittxu soluzzjonijiet adegwati fi żmien xahrejn. Jekk, wara t-tlestija tal-konsultazzjonijiet, l-Istat Membru jew l-Istati Membri li jkunu rreferew il-kwistjoni lill-Kunsill xorta jqisu li l-parteċipazzjoni ta’ Stat terz fil-proġett tal-PESCO ma għadhiex tissodisfa l-kondizzjonijiet stabbiliti fl-Artikolu 3 ta’ din id-Deċiżjoni, huma jistgħu jitolbu li l-Kunsill jeżamina l-kwistjoni. F’dan il-każ, l-Istati Membri kkonċernati għandhom jipprovdu lill-Kunsill bl-informazzjoni rilevanti kollha. Abbażi ta’ dan, il-Kunsill, filwaqt li jaġixxi f’konformità mal-Artikolu 46(6) TUE, għandu jiddiskuti u jiddeċiedi dwar il-kontinwazzjoni tal-parteċipazzjoni tal-Istat terz.

4.   L-arranġamenti amministrattivi msemmija fl-Artikolu 2(6) għandhom jiddeterminaw il-kondizzjonijiet li skonthom Stat terz jista’ jittermina l-parteċipazzjoni tiegħu fi proġett tal-PESCO u l-kondizzjonijiet li skonthom il-membri tal-proġett jistgħu jiddeċiedu li jissospendu l-parteċipazzjoni ta’ Stat terz fi proġett tal-PESCO. Tali arranġamenti għandhom jiddeterminaw b’mod partikolari d-drittijiet u l-obbligi, rispettivament, tal-membri tal-proġett u tal-Istat terz li l-parteċipazzjoni tiegħu tkun ġiet itterminata minn dak l-Istat terz jew mill-Kunsill jew tkun ġiet sospiża mill-membri tal-proġett, inkluż fir-rigward tal-aspetti finanzjarji ta’ tali terminazzjoni jew sospensjoni, it-taxxi, il-proprjetà intellettwali u l-elementi l-oħra rilevanti għat-terminazzjoni jew is-sospensjoni.

1.   Il-kondizzjonijiet u l-proċeduri li skonthom l-entitajiet jistgħu jkunu involuti fl-implimentazzjoni ta’ proġetti tal-PESCO mhumiex regolati minn din id-Deċiżjoni ħlief kif stabbilit f’dan l-Artikolu. Id-Deċiżjoni (PESK) 2018/909 għandha tiġi rieżaminata sal-31 ta’ Diċembru 2020, f’konformità mal-ewwel paragrafu tal-Artikolu 9 tagħha, b’mod partikolari fir-rigward tat-tali kondizzjonijiet u proċeduri.

2.   Soġġett għal kwalunkwe kondizzjoni u proċedura li tirregola l-involviment ta’ entitajiet fi proġetti tal-PESCO li jistgħu jiġu stabbiliti skont ir-rieżami tad-Deċiżjoni (PESK) 2018/909 kif imsemmi fil-paragrafu 1 ta’ dan l-Artikolu:

3.   Id-Deċiżjoni (PESK) 2018/909 għandha tiġi applikata b’mod konsistenti ma’ din id-Deċiżjoni.

4.   Meta l-membri ta’ proġett jiddeċiedu dwar l-għażla ta’ entitajiet, f’konformità mal-Artikolu 7(1) tad-Deċiżjoni (PESK) 2018/909, huma għandhom jieħdu kont debitu tal-interessi ta’ sigurtà u ta’ difiża tal-Unjoni u tal-Istati Membri tagħha.

5.   Il-membri ta’ proġett għandhom jiżguraw trasparenza sħiħa fil-konfront tal-Istati Membri parteċipanti kollha fir-rigward tal-involviment ta’ entitajiet f’dak il-proġett, permezz ta’ spazju ta’ ħidma elettroniku komuni msemmi fl-Artikolu 2(2) tad-Deċiżjoni (PESK) 2018/909.

6.   Jekk Stat Membru jqis li l-interessi ta’ sigurtà u ta’ difiża tiegħu jew tal-Unjoni jistgħu jiġu mhedda bl-involviment ta’ entità fl-implimentazzjoni ta’ proġett tal-PESCO, huwa jista’ jirreferi l-kwistjoni lill-Kunsill li jista’ jitlob informazzjoni addizzjonali mill-membri tal-proġett, bil-għan li jivvaluta s-sitwazzjoni.

7.   Id-Deċiżjoni (PESK) 2018/909 għandha tiġi adattata, f’konformità mat-tieni paragrafu tal-Artikolu 9 tagħha, sabiex jittieħed kont tal-kondizzjonijiet ġenerali għall-parteċipazzjoni ta’ Stati terzi fi proġetti individwali tal-PESCO kif previst f’din id-Deċiżjoni.