Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020D1385

    Deċiżjoni tal-Kunsill (PESK) 2020/1385 tal-1 ta’ Ottubru 2020 li temenda d-Deċiżjoni (PESK) 2015/1333 dwar miżuri restrittivi fid-dawl tas-sitwazzjoni fil-Libja

    ĠU L 320, 2.10.2020, p. 9–10 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2020/1385/oj

    2.10.2020   

    MT

    Il-Ġurnal Uffiċjali tal-Unjoni Ewropea

    L 320/9

    DEĊIŻJONI TAL-KUNSILL (PESK) 2020/1385

    tal-1 ta’ Ottubru 2020

    li temenda d-Deċiżjoni (PESK) 2015/1333 dwar miżuri restrittivi fid-dawl tas-sitwazzjoni fil-Libja

    IL-KUNSILL TAL-UNJONI EWROPEA,

    Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

    Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

    Billi:

    (1)

    Fil-31 ta’ Lulju 2015, il-Kunsill adotta d-Deċiżjoni (PESK) 2015/1333 (1) dwar miżuri restrittivi fid-dawl tas-sitwazzjoni fil-Libja.

    (2)

    Fis-27 ta’ Marzu 2020, il-Kunsill adotta d-Deċiżjoni (PESK) 2020/458 (2).

    (3)

    Il-miżuri restrittivi li jikkonċernaw persuna waħda jenħtieġ li jiġu estiżi b’perijodu ieħor ta’ sitt xhur u jenħtieġ li jitħassru l-entrati għal żewġ persuni.

    (4)

    Għaldaqstant jenħtieġ li d-Deċiżjoni (PESK) 2015/1333 tiġi emendata skont dan,

    ADOTTA DIN ID-DEĊIŻJONI:

    Artikolu 1

    Id-Deċiżjoni (PESK) 2015/1333 hija emendata kif ġej:

    (1)

    fl-Artikolu 17, il-paragrafi 3 u 4 huma sostitwiti b’dawn li ġejjin:

    “3.   Il-miżuri msemmija fl-Artikolu 8(2) għandhom japplikaw fir-rigward tal-entrata 15 fl-Anness II sat-2 ta’ April 2021.

    4.   Il-miżuri msemmija fl-Artikolu 9(2) għandhom japplikaw fir-rigward tal-entrata 20 fl-Anness IV sat-2 ta’ April 2021.”;

    (2)

    l-Anness II u l-Anness IV huma emendati skont l-Anness għal din id-Deċiżjoni.

    Artikolu 2

    Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Magħmul fi Brussell, l-1 ta’ Ottubru 2020.

    Għall-Kunsill

    Il-President

    M. ROTH

    (1)  Id-Deċiżjoni tal-Kunsill (PESK) 2015/1333 tal-31 ta’ Lulju 2015 dwar miżuri restrittivi fid-dawl tas-sitwazzjoni fil-Libja, u li tħassar id-Deċiżjoni 2011/137/PESK (ĠU L 206, 1.8.2015, p. 34).

    (2)  Id-Deċiżjoni tal-Kunsill (PESK) 2020/458 tas-27 ta’ Marzu 2020 li temenda d-Deċiżjoni (PESK) 2015/1333 dwar miżuri restrittivi fid-dawl tas-sitwazzjoni fil-Libja (ĠU L 97, 30.3.2020, p. 13).

    ANNESS

    Id-Deċiżjoni (PESK) 2015/1333 hija emendata kif ġej:

    (1)

    fl-Anness II (Lista ta’ persuni u entitajiet imsemmija fl-Artikolu 8(2)), l-entrata 14 (dwar SALEH ISSA GWAIDER, Agila) u l-entrata 16 (dwar ABU SAHMAIN, Nuri) jitħassru mil-lista li tinsab fil-Parti A (Persuni);

    (2)

    fl-Anness IV (Lista ta’ persuni u entitajiet imsemmija fl-Artikolu 9(2)), l-entrata 19 (dwar SALEH ISSA GWAIDER, Agila) u l-entrata 21 (dwar ABU SAHMAIN, Nuri) jitħassru mil-lista li tinsab fil-Parti A (Persuni).
    Top