This document is an excerpt from the EUR-Lex website
Document 32020D0555
Commission Decision (EU, Euratom) 2020/555 of 22 April 2020 amending its Rules of Procedure
Deċiżjoni tal-Kummissjoni (UE, Euratom) 2020/555 tat-22 ta’ April 2020 li temenda r-Regoli ta’ Proċedura tagħha
Deċiżjoni tal-Kummissjoni (UE, Euratom) 2020/555 tat-22 ta’ April 2020 li temenda r-Regoli ta’ Proċedura tagħha
C/2020/3000
ĠU L 127I, 22.4.2020, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.4.2020 |
MT |
Il-Ġurnal Uffiċjali tal-Unjoni Ewropea |
LI 127/1 |
DEĊIŻJONI TAL-KUMMISSJONI (UE, Euratom) 2020/555
tat-22 ta’ April 2020
li temenda r-Regoli ta’ Proċedura tagħha
IL-KUMMISSJONI EWROPEA,
Wara li kkunsidra t-Trattat dwar l-Unjoni Ewropea,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 249 tiegħu,
Wara li kkunsidraw it-Trattat li jistabbilixxi l-Komunità Ewropea tal-Enerġija Atomika, u b’mod partikolari l-Artikolu 106a tiegħu,
Billi:
|
(1) |
Il-Kummissjoni jenħtieġ li tkun tista’ tiżgura li l-proċess tat-teħid tad-deċiżjonijiet tagħha jiffunzjona bla xkiel, anke f’ċirkostanzi eċċezzjonali. |
|
(2) |
F’ċirkostanzi eċċezzjonali, jekk parti jew il-Membri kollha tal-Kummissjoni ma jitħallewx jattendu laqgħa tal-Kummissjoni personalment, il-President jista’ jistieden lil dawn biex jipparteċipaw permezz ta’ sistemi ta’ telekomunikazzjoni li jippermettu l-identifikazzjoni u l-parteċipazzjoni effettiva tagħhom. |
|
(3) |
Il-membri li jipparteċipaw f’laqgħa tal-Kummissjoni permezz ta’ sistemi ta’ telekomunikazzjoni għandhom jitqiesu bħala preżenti għall-finijiet tal-kworum. |
|
(4) |
Għall-awtentikazzjoni tal-atti adottati f’tali laqgħa l-firma tan-nota sommarja mill-President u s-Segretarju Ġenerali tal-Kummissjoni jistgħu jiġu sostitwiti bil-kunsens bil-miktub tagħhom. |
ADOTTAT DIN ID-DEĊIŻJONI:
Artikolu 1
Ir-Regoli ta’ Proċedura tal-Kummissjoni (1) huma emendati kif ġej:
|
(1) |
fl-Artikolu 5(2), jiżdied is-subparagrafu li ġej: “F’ċirkostanzi eċċezzjonali, jekk parti jew il-Membri kollha tal-Kummissjoni ma jitħallewx jattendu laqgħa tal-Kummissjoni personalment, il-President jista’ jistieden lil dawn biex jipparteċipaw permezz ta’ sistemi ta’ telekomunikazzjoni li jippermettu l-identifikazzjoni u l-parteċipazzjoni effettiva tagħhom.” |
|
(2) |
Fl-Artikolu 7, jiżdied is-subparagrafu li ġej: “Meta l-President jagħmel użu mit-tieni subparagrafu tal-Artikolu 5(2), il-Membri tal-Kummissjoni li jipparteċipaw fid-deliberazzjonijiet permezz tas-sistemi ta’ telekomunikazzjoni msemmija fih għandhom jitqiesu bħala preżenti għall-finijiet tal-kworum.” |
|
(3) |
Fl-Artikolu 10, jiżdied il-paragrafu li ġej: “4. Meta l-President jagħmel użu mit-tieni subparagrafu tal-Artikolu 5(2), il-persuni msemmija fil-paragrafi 1 sa 3 ta’ hawn fuq jistgħu jattendu l-laqgħat permezz tas-sistemi tat-telekomunikazzjoni msemmija fl-imsemmi subparagrafu.” |
|
(4) |
Fl-Artikolu 17(1), jiżdied is-subparagrafu li ġej: “Meta l-President jagħmel użu mit-tieni subparagrafu tal-Artikolu 5(2), u meta ċ-ċirkostanzi ma jippermettux li tiġi ffirmata n-nota, il-kunsens espliċitu bil-miktub tal-President u s-Segretarju Ġenerali tal-Kummissjoni jistgħu eċċezzjonalment jissostitwixxu l-firma rispettiva tagħhom u għandhom jiġu mehmuża man-nota.” |
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-22 ta’ April 2020.
Għall-Kummissjoni
Il-President
Ursula VON DER LEYEN