This document is an excerpt from the EUR-Lex website
Document 32020D0547
Decision (EU) 2020/547 of the European Parliament and of the Council of 17 April 2020 on the mobilisation of the Contingency Margin in 2020 to provide emergency assistance to Member States and further reinforce the Union Civil Protection Mechanism/rescEU in response to the COVID-19 outbreak
Deċiżjoni (UE) 2020/547 tal-Parlament Ewropew u tal-Kunsill tas-17 ta’ April 2020 dwar il-mobilizzazzjoni tal-Marġni ta’ Kontinġenza fl-2020 biex tingħata assistenza ta’ emerġenza lill-Istati Membri u biex jissaħħaħ il-Mekkaniżmu tal-Unjoni għall-Protezzjoni Ċivili/rescEU b’rispons għat-tifqigħa tal-COVID-19
Deċiżjoni (UE) 2020/547 tal-Parlament Ewropew u tal-Kunsill tas-17 ta’ April 2020 dwar il-mobilizzazzjoni tal-Marġni ta’ Kontinġenza fl-2020 biex tingħata assistenza ta’ emerġenza lill-Istati Membri u biex jissaħħaħ il-Mekkaniżmu tal-Unjoni għall-Protezzjoni Ċivili/rescEU b’rispons għat-tifqigħa tal-COVID-19
ĠU L 125, 21.4.2020, p. 5–6
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
21.4.2020 |
MT |
Il-Ġurnal Uffiċjali tal-Unjoni Ewropea |
L 125/5 |
DEĊIŻJONI (UE) 2020/547 TAL-PARLAMENT EWROPEW U TAL-KUNSILL
tas-17 ta’ April 2020
dwar il-mobilizzazzjoni tal-Marġni ta’ Kontinġenza fl-2020 biex tingħata assistenza ta’ emerġenza lill-Istati Membri u biex jissaħħaħ il-Mekkaniżmu tal-Unjoni għall-Protezzjoni Ċivili/rescEU b’rispons għat-tifqigħa tal-COVID-19
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw il-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji baġitarji u dwar ġestjoni finanzjarja tajba (1), u b’mod partikolari l-punt 14 tiegħu,
Wara li kkunsidraw il-proposta mill-Kummissjoni Ewropea,
Billi,
|
(1) |
L-Artikolu 13 tar-Regolament tal-Kunsill (UE, Euratom) Nru 1311/2013 (2) stabbilixxa Marġni ta’ Kontinġenza sa massimu ta’ 0,03 % tal-Introjtu Nazzjonali Gross tal-Unjoni, |
|
(2) |
Skont l-Artikolu 6 tar-Regolament (UE, Euratom) Nru 1311/2013, il-Kummissjoni kkalkulat l-ammont assolut tal-Marġni ta’ Kontinġenża għall-2020 (3). |
|
(3) |
Wara li jkunu eżaminaw il-possibbiltajiet finanzjarji l-oħra kollha li jirreaġixxu għal ċirkostanzi mhux previsti fi ħdan il-limitu massimu ta’ impenn tal-2020 għall-intestatura 3 (Sigurtà u ċittadinanza) tal-qafas finanzjarju pluriennali (QFP), u wara li kkunsidraw il-mobilizzazzjoni tal-Marġni Globali għall-Impenji għall-ammont sħiħ ta’ 2 392 402 163 disponibbli fl-2020 u tal-Istrument ta’ Flessibbiltà għall-ammont sħiħ ta’ EUR 1 094 414 188 disponibbli fl-2020, huwa meħtieġ li jiġi mmobilizzat il-Marġni ta’ Kontinġenza biex jiġu indirizzati l-ħtiġijiet li jirriżultaw mit-tifqigħa tal-COVID-19 billi jiżdiedu l-approprjazzjonijiet ta’ impenn fil-baġit ġenerali tal-Unjoni għas-sena finanzjarja 2020, lil hinn mil-limitu massimu tal-intestatura 3 tal-QFP. |
|
(4) |
Wara li kkunsidraw din is-sitwazzjoni partikolari ħafna, il-kundizzjoni tal-aħħar għażla fl-Artikolu 13(1) tar-Regolament (UE, Euratom) Nru 1311/2013 hija ssodisfata. |
|
(5) |
Din id-Deċiżjoni hija marbuta mal-finanzjament inkluż fil-baġit emendatorju Nru 2 tal-baġit ġenerali tal-Unjoni Ewropea 2020. Sabiex tiġi żgurata l-koerenza ma’ dak il-baġit emendatorju, din id-Deċiżjoni għandha tapplika mid-data tal-adozzjoni tagħha, |
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni għas-sena finanzjarja 2020, il-Marġni ta’ Kontinġenza għandu jiġi mmobilizzat biex jipprovdi l-ammont ta’ EUR 714 558 138 miljun f’approprjazzjonijiet ta’ impenn mal-limitu massimu tal-intestatura 3 (Sigurtà u ċittadinanza) tal-qafas finanzjarju pluriennali.
Artikolu 2
L-ammont totali ta’ EUR 714 558 138 imsemmi fl-Artikolu 1 għandu jiġi paċut mal-marġni taħt il-limitu ta’ impenn tas-sena finanzjarja 2020 tal-intestatura 5 (Amministrazzjoni) tal-qafas finanzjarju pluriennali.
Artikolu 3
Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Din għandha tapplika mis-17 ta’ April 2020.
Magħmul fi Brussell, is-17 ta’ April 2020.
Għall-Parlament Ewropew
Il-President
D. M. SASSOLI
Għall-Kunsill
Il-President
G. GRLIĆ RADMAN
(1) ĠU C 373, 20.12.2013, p. 1.
(2) Ir-Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).
(3) Komunikazzjoni tal-Kummissjoni lill-Kunsill u lill-Parlament Ewropew tal-15 ta’ Mejju 2019 dwar l-aġġustament tekniku tal-qafas finanzjarju għall-2020 f’konformità maċ-ċaqliq fl-ING (COM(2019)310).