Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32020D0490

    Deċiżjoni tal-Kunsill (PESK) 2020/490 tat-2 ta’ April 2020 li temenda d-Deċiżjoni 2014/932/PESK rigward miżuri restrittivi fid-dawl tas-sitwazzjoni fil-Jemen

    ST/6827/2020/INIT

    ĠU L 105, 3.4.2020, p. 7–8 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/dec/2020/490/oj

    3.4.2020   

    MT

    Il-Ġurnal Uffiċjali tal-Unjoni Ewropea

    L 105/7

    DEĊIŻJONI TAL-KUNSILL (PESK) 2020/490

    tat-2 ta’ April 2020

    li temenda d-Deċiżjoni 2014/932/PESK rigward miżuri restrittivi fid-dawl tas-sitwazzjoni fil-Jemen

    IL-KUNSILL TAL-UNJONI EWROPEA,

    Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

    Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

    Billi:

    (1)

    Fit-18 ta’ Diċembru 2014, il-Kunsill adotta d-Deċiżjoni 2014/932/PESK (1) rigward miżuri restrittivi fid-dawl tas-sitwazzjoni fil-Jemen.

    (2)

    Fil-25 ta’ Frar 2020, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2511 (2020) fejn esprima tħassib dwar l-isfidi politiċi, ta’ sigurtà, ekonomiċi u umanitarji li għaddejjin fil-Jemen, u tenna l-appell tiegħu biex il-partijiet kollha fil-Jemen isolvu d-differenzi tagħhom permezz ta’ djalogu u konsultazzjoni.

    (3)

    Ir-Riżoluzzjoni tal-Kunsill tas-Sigurtà tan-Nazzjonijiet Uniti (UNSCR) 2511 (2020) tisħaq dwar l-importanza li tiġi ffaċilitata l-assistenza umanitarja u tistipula li l-Kumitat stabbilit mill-paragrafu 19 ta’ UNSCR 2140 (2014) jista’, skont il-każ, jeżenta kwalunkwe attività mill-miżuri ta’ sanzjonijiet imposti mill-Kunsill tas-Sigurtà fil-UNSCR 2140 (2014) u fil-UNSCR 2216 (2015) jekk il-Kumitat jiddetermina li eżenzjoni bħal din tkun meħtieġa biex tiġi ffaċilitata l-ħidma tan-Nazzjonijiet Uniti u organizzazzjonijiet umanitarji oħrajn fil-Jemen jew għal kwalunkwe skop ieħor konsistenti mal-objettivi ta’ dawk ir-Riżoluzzjonijiet.

    (4)

    L-UNSCR 2511 (2020) tafferma wkoll li l-vjolenza sesswali f’konflitt armat, jew ir-reklutaġġ jew l-użu ta’ tfal f’konflitt armat bi ksur tad-dritt internazzjonali, jistgħu jikkostitwixxu att, kif speċifikat fil-paragrafu 18(c) tal-UNSCR 2140 (2014), u għalhekk att sanzjonabbli ta’ involviment fi jew għoti ta’ appoġġ lil atti li jheddu l-paċi, is-sigurtà jew l-istabbiltà tal-Jemen, kif deskritt fil-paragrafu 17 ta’ dik ir-Riżoluzzjoni.

    (5)

    Hija meħtieġa aktar azzjoni mill-Unjoni biex jiġu implimentati ċerti miżuri f’din id-Deċiżjoni.

    (6)

    Għalhekk jenħtieġ li d-Deċiżjoni 2014/932/PESK tiġi emendata skont dan,

    ADOTTA DIN ID-DEĊIŻJONI:

    Artikolu 1

    Id-Deċiżjoni 2014/932/PESK hija emendata kif ġej:

    (1)

    fl-Artikolu 2a(1), il-punt (c) huwa sostitwit b’dan li ġej:

    “(c)

    l-ippjanar, id-direzzjoni jew it-twettiq ta’ atti li jiksru l-liġi internazzjonali applikabbli dwar id-drittijiet tal-bniedem jew il-liġi umanitarja internazzjonali, jew atti li jikkostitwixxu abbużi tad-drittijiet tal-bniedem, inkluż vjolenza sesswali f’konflitt armat, jew ir-reklutaġġ jew l-użu ta’ tfal f’konflitt armat li jiksru l-liġi internazzjonali, fil-Jemen; jew”;

    (2)

    fl-Artikolu 2b(1), il-punt (c) huwa sostitwit b’dan li ġej:

    “(c)

    l-ippjanar, id-direzzjoni jew it-twettiq ta’ atti li jiksru l-liġi internazzjonali applikabbli dwar id-drittijiet tal-bniedem jew il-liġi umanitarja internazzjonali, jew atti li jikkostitwixxu abbużi tad-drittijiet tal-bniedem, inkluż vjolenza sesswali f’konflitt armat, jew ir-reklutaġġ jew l-użu ta’ tfal f’konflitt armat li jiksru l-liġi internazzjonali, fil-Jemen; jew”;

    (3)

    jiddaħħal l-Artikolu li ġej:

    “Artikolu 6a

    B’deroga mill-miżuri imposti mill-UNSCR 2140 (2014) u l-UNSCR 2216 (2015), dment li l-Kumitat tas-Sanzjonijiet ikun iddetermina skont il-każ li tkun meħtieġa eżenzjoni biex tiġi ffaċilitata l-ħidma tan-Nazzjonijiet Uniti u ta’ organizzazzjonijiet umanitarji oħrajn fil-Jemen jew għal kwalunkwe skop ieħor li jkun konsistenti mal-objettivi ta’ dawk ir-Riżoluzzjonijiet, l-awtorità kompetenti ta’ Stat Membru għandha tagħti l-awtorizzazzjoni meħtieġa.”.

    Artikolu 2

    Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

    Magħmul fi Brussell, it-2 ta’ April 2020.

    Għall-Kunsill

    Il-President

    A. METELKO-ZGOMBIĆ

    (1)  Id-Deċiżjoni tal-Kunsill 2014/932/PESK tat-18 ta’ Diċembru 2014 rigward miżuri restrittivi fid-dawl tas-sitwazzjoni fil-Jemen (ĠU L 365, 19.12.2014, p. 147).

    Top