This document is an excerpt from the EUR-Lex website
Document 32020D0200
Political and Security Committee Decision (CFSP) 2020/200 of 11 February 2020 on the appointment of the Head of Mission of the European Union Monitoring Mission in Georgia (EUMM Georgia) and repealing Decision (CFSP) 2018/2075 (EUMM Georgia/1/2020)
Deċiżjoni tal-Kumitat Politiku u ta' Sigurtà (PESK) 2020/200 tal-11 ta’ Frar 2020 dwar il-ħatra tal-Kap tal-Missjoni ta' Monitoraġġ tal-Unjoni Ewropea fil-Georgia (EUMM Georgia) u li tħassar id-Deċiżjoni (PESK) 2018/2075 (EUMM Georgia/1/2020)
Deċiżjoni tal-Kumitat Politiku u ta' Sigurtà (PESK) 2020/200 tal-11 ta’ Frar 2020 dwar il-ħatra tal-Kap tal-Missjoni ta' Monitoraġġ tal-Unjoni Ewropea fil-Georgia (EUMM Georgia) u li tħassar id-Deċiżjoni (PESK) 2018/2075 (EUMM Georgia/1/2020)
ST/5379/2020/REV/1
ĠU L 42, 14.2.2020, pp. 15–16
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 14/12/2022
|
14.2.2020 |
MT |
Il-Ġurnal Uffiċjali tal-Unjoni Ewropea |
L 42/15 |
DEĊIŻJONI TAL-KUMITAT POLITIKU U TA' SIGURTÀ (PESK) 2020/200
tal-11 ta’ Frar 2020
dwar il-ħatra tal-Kap tal-Missjoni ta' Monitoraġġ tal-Unjoni Ewropea fil-Georgia (EUMM Georgia) u li tħassar id-Deċiżjoni (PESK) 2018/2075 (EUMM Georgia/1/2020)
IL-KUMITAT POLITIKU U TA' SIGURTÀ,
Wara li kkunsidra t-Trattat dwar l-Unjoni Ewropea, u b'mod partikolari t-tielet paragrafu tal-Artikolu 38 tiegħu,
Wara li kkunsidra d-Deċiżjoni tal-Kunsill 2010/452/PESK tat-12 ta' Awwissu 2010 dwar il-Missjoni ta' Monitoraġġ tal-Unjoni Ewropea fil-Georgia, EUMM Georgia (1), u b'mod partikolari l-Artikolu 10(1) tagħha,
Billi:
|
(1) |
Skont l-Artikolu 10 tad-Deċiżjoni 2010/452/PESK, il-Kumitat Politiku u ta' Sigurtà (KPS) huwa awtorizzat, f'konformità mat-tielet paragrafu tal-Artikolu 38 tat-Trattat, sabiex jieħu d-deċiżjonijiet rilevanti għall-fini tal-eżerċizzju tal-kontroll politiku u tat-tmexxija strateġika tal-Missjoni ta' Monitoraġġ tal-Unjoni Ewropea fil-Georgia (EUMM Georgia), inkluż id-deċiżjoni dwar il-ħatra ta' Kap tal-Missjoni. |
|
(2) |
Fit-3 ta' Diċembru 2018 il-Kunsill adotta d-Deċiżjoni (PESK) 2018/1884 (2), li testendi l-mandat tal-EUMM Georgia sal-14 ta' Diċembru 2020. |
|
(3) |
Fis-7 ta' Diċembru 2018 il-KPS adotta d-Deċiżjoni (PESK) 2018/2075 (3), li testendi l-mandat tas-Sur Erik HØEG bħala l-Kap tal-EUMM Georgia mill-15 ta' Diċembru 2018 sal-14 ta' Diċembru 2020. |
|
(4) |
Fis-17 ta' Jannar 2020, ir-Rappreżentant Għoli tal-Unjoni għall-Affarijiet Barranin u l-Politika ta' Sigurtà ppropona l-ħatra tas-Sur Marek SZCZYGIEL bħala Kap tal-EUMM Georgia sal-14 ta' Diċembru 2020. |
|
(5) |
Għaldaqstant jenħtieġ li d-Deċiżjoni (PESK) 2018/2075 titħassar, |
ADOTTA DIN ID-DEĊIŻJONI:
Artikolu 1
Is-Sur Marek SZCZYGIEL huwa b'dan maħtur Kap tal-Missjoni ta' Monitoraġġ tal-Unjoni Ewropea fil-Georgia (EUMM Georgia) mill-15 ta' Marzu 2020 sal-14 ta' Diċembru 2020.
Artikolu 2
Id-Deċiżjoni (PESK) 2018/2075 hija b'dan imħassra.
Artikolu 3
Din id-Deċiżjoni għandha tidħol fis-seħħ fil-jum tal-adozzjoni tagħha.
Hija għandha tapplika mill-15 ta' Marzu 2020.
Magħmul fi Brussell, il-11 ta’ Frar 2020.
Għall-Kumitat Politiku u ta' Sigurtà
Il-President
S. FROM EMMESBERGER
(1) ĠU L 213, 13.8.2010, p. 43.
(2) Deċiżjoni tal-Kunsill (PESK) 2018/1884 tat-3 ta' Diċembru 2018 li testendi u temenda d-Deċiżjoni 2010/452/PESK dwar il-Missjoni ta' Monitoraġġ tal-Unjoni Ewropea fil-Georgia, EUMM Georgia (ĠU L 308, 4.12.2018, p. 41).
(3) Deċiżjoni tal-Kumitat Politiku u ta' Sigurtà (PESK) 2018/2075 tas-7 ta' Diċembru 2018 li testendi l-mandat tal-Kap tal-Missjoni ta' Monitoraġġ tal-Unjoni Ewropea fil-Georgia (EUMM Georgia) (EUMM GEORGIA/1/2018) (ĠU L 331, 28.12.2018, p. 217).