This document is an excerpt from the EUR-Lex website
Document 32020D0137
Decision (EU) 2020/137 of the European Central Bank of 22 January 2020 on the national central banks’ percentage shares in the key for subscription to the European Central Bank’s capital and repealing Decision (EU) 2019/43 (ECB/2020/3)
Deċiżjoni (UE) 2020/137 tal-Bank Ċentrali Ewropew tat-22 ta’ Jannar 2020 dwar l-ishma perċentwali tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew u li tirrevoka d-Deċiżjoni (UE) 2019/43 (BĊE/2020/3)
Deċiżjoni (UE) 2020/137 tal-Bank Ċentrali Ewropew tat-22 ta’ Jannar 2020 dwar l-ishma perċentwali tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew u li tirrevoka d-Deċiżjoni (UE) 2019/43 (BĊE/2020/3)
ĠU L 27I, 1.2.2020, p. 4–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 31/12/2023; Imħassar b' 32023D2811
|
1.2.2020 |
MT |
Il-Ġurnal Uffiċjali tal-Unjoni Ewropea |
LI 27/4 |
DEĊIŻJONI (UE) 2020/137 TAL-BANK ĊENTRALI EWROPEW
tat-22 ta’ Jannar 2020
dwar l-ishma perċentwali tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew u li tirrevoka d-Deċiżjoni (UE) 2019/43 (BĊE/2020/3)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew u b’mod partikolari l-Artikolu 29.3 u 29.4 tiegħu,
Wara li kkunsidra l-kontribut tal-Kunsill Ġenerali tal-Bank Ċentrali Ewropew skont ir-raba’ inċiż tal-Artikolu 46.2 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew,
Billi:
|
(1) |
Fid-29 ta’ Marzu 2017, ir-Renju Unit tal-Gran Brittanja u l-Irlanda ta’ Fuq (ir-“Renju Unit”) issottometta n-notifika tiegħu dwar l-intenzjoni tiegħu li joħroġ mill-Unjoni Ewropea skont l-Artikolu 50 tat-Trattat dwar l-Unjoni Ewropea. It-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea mhux se jibqgħu japplikaw għar-Renju Unit mid-data ta’ wara d-data msemmija fl-Artikolu 1(1) tad-Deċiżjoni (UE) 2019/1810 tal-Kunsill Ewropew (1). Mal-ħruġ tar-Renju Unit mill-Unjoni Ewropea, il-Bank of England (BoE) ma jibqax ikun bank ċentrali nazzjonali ta’ Stat Membru u għalhekk tas-Sistema Ewropea ta’ Banek Ċentrali. Applikazzjoni tal-Artikoli 29.3 u 29.4 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew (iktar ’il quddiem l-“Istatut tas-SEBĊ”) jeżiġi l-aġġustament tal-ponderazzjonijiet tal-iskema tal-kapital b’analoġija mad-dispożizzjonijiet stabbiliti fl-Artikolu 29.1 tal-Istatut tas-SEBĊ. |
|
(2) |
L-aħħar aġġustament tal-ponderazzjonijiet tal-iskema tal-kapital skont l-Artikolu 29.3 tal-Istatut tas-SEBĊ sar fl-2018 b’effett mill-1 ta’ Jannar 2019 skont id-Deċiżjoni (UE) 2019/43 tal-Bank Ċentrali Ewropew (BĊE/2018/27) (2), li għalhekk għandha titħassar. |
ADOTTA DIN ID-DEĊIŻJONI:
Artikolu 1
Tqarrib
Fejn il-Kummissjoni Ewropea tipprovdi dejta statistika sabiex tintuża fl-aġġustament tal-iskema tal-kapital u l-figuri ma jlaħħqux il-100 %, id-differenza għandha tkun ikkumpensata kif ġej: (i) jekk it-total ikun ta’ anqas minn 100 %, billi jiżdied 0,0001 ta’ punt perċentwali mal-iżgħar sehem (ishma) f’ordni axxendenti sakemm jintlaħaq il-100 % eżatt, jew (ii) jekk it-total ikun ogħla minn 100 %, billi jitnaqqas 0,0001 ta’ punt perċentwali f’ordni dixxendenti mill-akbar sehem (ishma) sakemm jintlaħaq eżattament il-100 %.
Artikolu 2
Ponderazzjonijiet fl-iskema tal-kapital
Il-ponderazzjoni assenjata lil kull bank ċentrali nazzjonali fl-iskema tal-kapital deskritta fl-Artikolu 29 tal-Istatut tas-SEBĊ għandha tkun skont kif ġej b’effett mill-1 ta’ Frar 2020:
|
Nationale Bank van België/Banque Nationale de Belgique |
2,9630 % |
|
Българска народна банка (Bank Nazzjonali Bulgaru) |
0,9832 % |
|
Česká národní banka |
1,8794 % |
|
Danmarks Nationalbank |
1,7591 % |
|
Deutsche Bundesbank |
21,4394 % |
|
Eesti Pank |
0,2291 % |
|
Central Bank of Ireland |
1,3772 % |
|
Bank of Greece |
2,0117 % |
|
Banco de España |
9,6981 % |
|
Banque de France |
16,6108 % |
|
Hrvatska narodna banka |
0,6595 % |
|
Banca d’Italia |
13,8165 % |
|
Central Bank of Cyprus |
0,1750 % |
|
Latvijas Banka |
0,3169 % |
|
Lietuvos bankas |
0,4707 % |
|
Banque centrale du Lussemburgu |
0,2679 % |
|
Magyar Nemzeti Bank |
1,5488 % |
|
Bank Ċentrali ta’ Malta |
0,0853 % |
|
De Nederlandsche Bank |
4,7662 % |
|
Oesterreichische Nationalbank |
2,3804 % |
|
Narodowy Bank Polski |
6,0335 % |
|
Banco de Portugal |
1,9035 % |
|
Banca Naţională a României |
2,8289 % |
|
Banka Slovenije |
0,3916 % |
|
Národná banka Slovenska |
0,9314 % |
|
Suomen Pankki |
1,4939 % |
|
Sveriges Riksbank |
2,9790 % |
Artikolu 3
Dħul fis-seħħ u revoka
1. Din id-Deċiżjoni għandha tidħol fis-seħħ fl-1 ta’ Frar 2020.
2. Id-Deċiżjoni (UE) 2019/43 (BĊE/2018/27) hija rrevokata b’effett mill-1 ta’ Frar 2020.
3. Ir-referenzi għad-Deċiżjoni (UE) 2019/43 (BĊE/2018/27) għandhom jiġu interpretati bħala referenzi għal din id-Deċiżjoni.
Magħmul fi Frankfurt am Main, it-22 ta’ Jannar 2020.
Il-President tal-BĊE
Christine LAGARDE
(1) Deċiżjoni tal-Kunsill Ewropew (UE) 2019/1810 meħuda bi qbil mar-Renju Unit tad-29 ta’ Ottubru 2019 li testendi l-perijodu taħt l-Artikolu 50(3) TUE (ĠU L 278 l, 30.10.2019, p. 1).
(2) Deċiżjoni (UE) 2019/43 tal-Bank Ċentrali Ewropew tad-29 ta’ Novembru 2018 dwar l-ishma perċentwali tal-banek ċentrali nazzjonali fl-iskema għas-sottoskrizzjoni tal-kapital tal-Bank Ċentrali Ewropew u li tirrevoka d-Deċiżjoni BĊE/2013/28 (BĊE/2018/27) ĠU L 9, 11.1.2019, p. 178