This document is an excerpt from the EUR-Lex website
Document 32020D0048
Council Decision (EU) 2020/48 of 21 January 2020 amending Decision (EU) 2019/274 on the signing, on behalf of the European Union and of the European Atomic Energy Community, of the Agreement on the withdrawal of the United Kingdom of Great Britain and Northern Ireland from the European Union and the European Atomic Energy Community (Text with EEA relevance)
Deċiżjoni tal-Kunsill (UE) 2020/48 tal-21 ta’ Jannar 2020 li temenda d-Deċiżjoni (UE) 2019/274 dwar l-iffirmar, f’isem l-Unjoni Ewropea u l-Komunità Ewropea tal-Enerġija Atomika, tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Test b’rilevanza għaż-ŻEE)
Deċiżjoni tal-Kunsill (UE) 2020/48 tal-21 ta’ Jannar 2020 li temenda d-Deċiżjoni (UE) 2019/274 dwar l-iffirmar, f’isem l-Unjoni Ewropea u l-Komunità Ewropea tal-Enerġija Atomika, tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Test b’rilevanza għaż-ŻEE)
XT/21008/2020/INIT
ĠU L 16I, 21.1.2020, p. 1–2
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
ELI: http://data.europa.eu/eli/dec/2020/48/oj
21.1.2020 |
MT |
Il-Ġurnal Uffiċjali tal-Unjoni Ewropea |
LI 16/1 |
DEĊIŻJONI TAL-KUNSILL (UE) 2020/48
tal-21 ta’ Jannar 2020
li temenda d-Deċiżjoni (UE) 2019/274 dwar l-iffirmar, f’isem l-Unjoni Ewropea u l-Komunità Ewropea tal-Enerġija Atomika, tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika
(Test b’rilevanza għaż-ŻEE)
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 50 tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Fil-11 ta’ Jannar 2019, il-Kunsill adotta d-Deċiżjoni (UE) 2019/274 (1) dwar l-iffirmar tal-Ftehim dwar il-Ħruġ. |
(2) |
Permezz tad-Deċiżjoni (UE) 2019/476 (2), il-Kunsill Ewropew, bi qbil mar-Renju Unit, għall-ewwel estenda l-perijodu skont l-Artikolu 50(3) TUE sat-12 ta’ April 2019. Dak il-perijodu kien ġie estiż ulterjorment sal-31 ta’ Ottubru 2019 bid-Deċiżjoni tal-Kunsill Ewropew (UE) 2019/584 (3), meħuda bi qbil mar-Renju Unit, u mbagħad sal-31 ta’ Jannar 2020 bid-Deċiżjoni tal-Kunsill Ewropew (UE) 2019/1810 (4), meħuda bi qbil mar-Renju Unit. |
(3) |
It-tielet paragrafu tal-Artikolu 185 tal-Ftehim dwar il-Ħruġ, kif aġġornat (5), jipprevedi li, meta ssir in-notifika bil-miktub li tkun lestiet il-proċeduri interni neċessarji tagħha, l-Unjoni, fir-rigward ta’ kwalunkwe Stat Membru li jkun qajjem raġunijiet marbuta mal-prinċipji fundamentali tal-liġi nazzjonali ta’ dak l-Istat Membru, tkun tista’ tiddikjara li, matul il-perijodu ta’ tranżizzjoni, b’żieda mar-raġunijiet ta’ non-eżekuzzjoni ta’ xi mandat ta’ arrest Ewropew imsemmi fid-Deċiżjoni Kwadru tal-Kunsill 2002/584/ĠAI (6), l-awtoritajiet ġudizzjarji ta’ eżekuzzjoni ta’ dak l-Istat Membru jkunu jistgħu jirrifjutaw li jikkonsenjaw ċittadini minn tagħhom lir-Renju Unit skont xi Mandat ta’ Arrest Ewropew. F’konformità mal-Artikolu 4 tad-Deċiżjoni (UE) 2019/274, dawk l-Istati Membri li jkollhom l-intenzjoni li jużaw il-possibbiltà prevista fit-tielet paragrafu tal-Artikolu 185 tal-Ftehim dwar il-Ħruġ għandhom jinfurmaw lill-Kummissjoni u lis-Segretarjat Ġenerali tal-Kunsill bl-intenzjoni tagħhom li jagħmlu dan qabel il-15 ta’ Frar 2019. |
(4) |
Meta jitqiesu d-diversi estensjonijiet tal-perijodu skont l-Artikolu 50(3) TUE jkun xieraq li tiġi emendata d-Deċiżjoni (UE) 2019/274 biex jiġi stabbilit perijodu limitat ġdid li matulu l-Istati Membri li jkollhom l-intenzjoni li jużaw dik il-possibbiltà prevista fit-tielet paragrafu tal-Artikolu 185 jkun jenħtieġ li jinfurmaw b’dan lill-Kummissjoni u lis-Segretarjat Ġenerali tal-Kunsill. F’din l-okkażjoni, ikun xieraq li tiġi aġġornata r-referenza għall-paragrafu rilevanti tal-Artikolu 185 tal-Ftehim dwar il-Ħruġ. |
(5) |
Id-Deċiżjoni (UE) 2019/274 jenħtieġ għalhekk li tiġi emendata skont dan. |
(6) |
Kif previst fl-Artikolu 50(4) tat-TUE, ir-Renju Unit ma ħa sehem la fid-diskussjonijiet tal-Kunsill li jikkonċernaw din id-deċiżjoni u lanqas fl-adozzjoni tagħha, |
ADOTTA DIN ID-DEĊIŻJONI:
Artikolu 1
L-Artikolu 4 tad-Deċiżjoni (UE) 2019/274 huwa sostitwit b’dan li ġej:
“Artikolu 4
Dawk l-Istati Membri li jkollhom l-intenzjoni li jużaw il-possibbiltà prevista fit-tielet paragrafu tal-Artikolu 185 tal-Ftehim għandhom jinfurmaw lill-Kummissjoni u lis-Segretarjat Ġenerali tal-Kunsill bl-intenzjoni tagħhom li jagħmlu dan qabel it-28 ta’ Jannar 2020.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, il-21 ta’ Jannar 2020.
Għall-Kunsill
Il-President
A. METELKO-ZGOMBIĆ
(1) Id-Deċiżjoni tal-Kunsill (UE) 2019/274 tal-11 ta’ Jannar 2019 dwar l-iffirmar, f’isem l-Unjoni Ewropea u l-Komunità Ewropea tal-Enerġija Atomika, tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 47I, 19.2.2019, p. 1).
(2) Id-Deċiżjoni tal-Kunsill Ewropew (UE) 2019/476 meħuda bi qbil mar-Renju Unit, tat-22 ta’ Marzu 2019, li testendi l-perijodu skont l-Artikolu 50(3) tat-TUE (ĠU L 80 I, 22.3.2019, p. 1).
(3) Id-Deċiżjoni tal-Kunsill Ewropew (UE) 2019/584 meħuda bi qbil mar-Renju Unit, tal-11 ta’ April 2019, li testendi l-perijodu skont l-Artikolu 50(3) tat-TUE (ĠU L 101, 11.4.2019, p. 1).
(4) Id-Deċiżjoni tal-Kunsill Ewropew (UE) 2019/1810 meħuda bi qbil mar-Renju Unit, tad-29 ta’ Ottubru 2019, li testendi l-perijodu skont l-Artikolu 50(3) tat-TUE (ĠU L 278 I, 30.10.2019, p. 1).
(5) Il-verżjoni adattata tal-Ftehim dwar il-Ħruġ kienet ippubblikata fil-ĠU C 384 I, 12.11.2019, p. 1.
(6) Id-Deċiżjoni Kwadru tal-Kunsill 2002/584/ĠAI tat-13 ta’ Ġunju 2002 dwar il-mandat ta’ arrest Ewropew u l-proċeduri ta’ konsenja bejn l-Istati Membri (ĠU L 190, 18/7/2002, p. 1).