This document is an excerpt from the EUR-Lex website
Document 32019R1872
Commission Implementing Regulation (EU) 2019/1872 of 7 November 2019 amending Annex I to Regulation (EC) No 798/2008 as regards the entry for Japan in the list of third countries, territories, zones or compartments from which certain poultry commodities may be imported into or transit through the Union (Text with EEA relevance)
Regolament ta’ Implimentazzjoni tal-Kummissjoni (UE) 2019/1872 tas-7 ta’ Novembru 2019 li jemenda l-Anness I tar-Regolament (KE) Nru 798/2008 rigward l-entrata għall-Ġappun fil-lista ta’ pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti fl-Unjoni jew jgħaddu bi tranżitu minnha (Test b’rilevanza għaż-ŻEE)
Regolament ta’ Implimentazzjoni tal-Kummissjoni (UE) 2019/1872 tas-7 ta’ Novembru 2019 li jemenda l-Anness I tar-Regolament (KE) Nru 798/2008 rigward l-entrata għall-Ġappun fil-lista ta’ pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti fl-Unjoni jew jgħaddu bi tranżitu minnha (Test b’rilevanza għaż-ŻEE)
C/2019/7881
ĠU L 289, 8.11.2019, p. 47–49
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 20/04/2021; Impliċitament imħassar minn 32020R0692
|
8.11.2019 |
MT |
Il-Ġurnal Uffiċjali tal-Unjoni Ewropea |
L 289/47 |
REGOLAMENT TA’ IMPLIMENTAZZJONI TAL-KUMMISSJONI (UE) 2019/1872
tas-7 ta’ Novembru 2019
li jemenda l-Anness I tar-Regolament (KE) Nru 798/2008 rigward l-entrata għall-Ġappun fil-lista ta’ pajjiżi terzi, territorji, żoni jew kumpartimenti li minnhom jistgħu jiġu importati ċerti prodotti fl-Unjoni jew jgħaddu bi tranżitu minnha
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b’mod partikolari l-frażi introduttorja tal-Artikolu 8, l-ewwel subparagrafu tal-punt 1 tal-Artikolu 8, il-punt 4 tal-Artikolu 8, u l-Artikolu 9(4) tagħha,
Wara li kkunsidrat id-Direttiva tal-Kunsill 2009/158/KE tat-30 ta’ Novembru 2009 dwar il-kondizzjonijiet tas-saħħa ta’ bhejjem li jirregolaw il-kummerċ intra-Komunitarju, u l-importazzjoni ta’ tajr u bajd għat-tfaqqis minn pajjiżi terzi (2), u b’mod partikolari l-Artikolu 23(1) tagħha,
Billi:
|
(1) |
Ir-Regolament tal-Kummissjoni (KE) Nru 798/2008 (3) jistabbilixxi r-rekwiżiti għaċ-ċertifikazzjoni veterinarja ta’ importazzjonijiet fl-Unjoni u t-tranżitu minnha, inkluż il-ħżin waqt it-tranżitu, tat-tjur u tal-prodotti tat-tjur (“il-prodotti”). Dan ir-Regolament jipprevedi li tista’ ssir importazzjoni tal-prodotti jew li dawn jgħaddu mill-Unjoni bi tranżitu biss mill-pajjiżi terzi, mit-territorji, miż-żoni u mill-kumpartimenti li hemm imniżżla fil-kolonni 1 u 3 tat-tabella fil-Parti 1 tal-Anness I tiegħu. |
|
(2) |
Ir-Regolament (KE) Nru 798/2008 jistabbilixxi wkoll il-kundizzjonijiet biex pajjiż terz, territorju, żona jew kompartiment ikunu jistgħu jitqiesu ħielsa mill-influwenza tat-tjur b’patoġeniċità għolja (l-HPAI). |
|
(3) |
Il-Ġappun huwa elenkat fil-Parti 1 tal-Anness I tar-Regolament (KE) Nru 798/2008 bħala pajjiż terz li huwa awtorizzat li jibgħat, mit-territorju kollu tiegħu, il-bajd u l-prodotti tal-bajd għall-importazzjoni fl-Unjoni u għat tranżitu minnha. |
|
(4) |
Il-Ġappun talab li jingħata l-awtorizzazzjoni biex jibgħat il-laħam tat-tjur għall-importazzjoni fl-Unjoni u għat-tranżitu minnha, u ressaq l-informazzjoni rilevanti. Il-Kummissjoni wettqet awditu fil-Ġappun biex tevalwa l-kontrolli tas-saħħa tal-annimali fis-seħħ għal-laħam tat-tjur maħsub għall-esportazzjoni lejn l-Unjoni. Dan kellu eżitu favorevoli. Iżda billi f’Jannar tal-2018 kien hemm tifqigħa tal-influwenza tat-tjur b’patoġeniċità għolja tas-sottotip H5N6 dan il-pajjiż ma setax jissodisfa l-kundizzjonijiet stipulati fl-Artikolu 9 tar-Regolament (KE) Nru 798/2008 biex jitqies bħala ħieles minn dik il-marda, u għaldaqstant ma kienx awtorizzat għal dak il-prodott. |
|
(5) |
Issa li għaddew 12-il xahar minn meta kien hemm l-influwenza tat-tjur b’patoġeniċità għolja, il-pajjiż jista’ jitqies li hu ħieles minn dik il-marda, skont l-Artikolu 9 tar-Regolament (KE) Nru 798/2008. Għaldaqstant, abbażi tas-sitwazzjoni epidemjoloġika attwali, jixraq li tiġi emendata l-entrata għall-Ġappun fit-tabella li tinsab fil-Parti 1 tal-Anness I tar-Regolament (KE) Nru 798/2008 biex dak il-pajjiż terz jiġi awtorizzat jibgħat il-laħam tat-tjur għall-importazzjoni fl-Unjoni u għat-tranżitu minnha. |
|
(6) |
Għalhekk jenħtieġ li l-Anness I tar-Regolament (KE) Nru 798/2008 jiġi emendat. |
|
(7) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Il-Parti 1 tal-Anness I tar-Regolament (KE) Nru 798/2008 hija emendata skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Novembru 2019.
Għall-Kummissjoni
Il-President
Jean-Claude JUNCKER
(1) ĠU L 18, 23.1.2003, p. 11.
(2) ĠU L 343, 22.12.2009, p. 74.
(3) Ir-Regolament tal-Kummissjoni (KE) Nru 798/2008 tat-8 ta’ Awwissu 2008 li jistabbilixxi lista ta’ pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fil-Komunità u r-rekwiżiti ta’ ċertifikazzjoni veterinarja (ĠU L 226, 23.8.2008, p. 1).
ANNESS
L-entrata għall-Ġappun fil-Parti 1 tal-Anness I tar-Regolament (KE) Nru 798/2008, hija sostitwita b’dan li ġej:
|
Il-kodiċi ISO u l-isem tal-pajjiż terz jew tat-territorju |
Kodiċi tal-pajjiż terz, tat-territorju, taż-żona jew tal-kumpartiment |
Deskrizzjoni tal-pajjiż terz, tat-territorju, taż-żona jew tal-kumpartiment |
Ċertifikat veterinarju |
Kundizzjonijiet speċifiċi |
Kundizzjonijiet speċifiċi |
Status tas-sorveljanza tal-influwenza tat-tjur |
Status tat-tilqim kontra l-influwenza tat-tjur |
Status tal-kontroll tas-Salmonella(6) |
||
|
Mudell(i) |
Garanziji addizzjonali |
Data tal-għeluq(1) |
Data tal-ftuħ(2) |
|||||||
|
1 |
2 |
3 |
4 |
5 |
6 |
6 A |
6B |
7 |
8 |
9 |
|
“JP — il-Ġappun |
JP-0 |
Il-pajjiż kollu |
EP, E” |
|
|
|
|
|
|
|
|
POU” |
|
|
|
|
|
|
|
|||