This document is an excerpt from the EUR-Lex website
Document 32019R1342
Commission Delegated Regulation (EU) 2019/1342 of 14 March 2019 supplementing Regulation (EU) No 305/2011 of the European Parliament and of the Council by establishing classes of performance in relation to air permeability for rooflights of plastics and glass and roof hatches (Text with EEA relevance.)
Regolament Delegat tal-Kummissjoni (UE) 2019/1342 tal-14 ta' Marzu 2019 li jissupplimenta r-Regolament (UE) Nru 305/2011 tal-Parlament Ewropew u tal-Kunsill billi jistabbilixxi l-klassijiet ta' prestazzjoni fir-rigward tal-permeabbiltà tal-arja għat-tamboċċi tal-plastik u tal-ħġieġ u għall-aperturi tas-saqaf (Test b'rilevanza għaż-ŻEE.)
Regolament Delegat tal-Kummissjoni (UE) 2019/1342 tal-14 ta' Marzu 2019 li jissupplimenta r-Regolament (UE) Nru 305/2011 tal-Parlament Ewropew u tal-Kunsill billi jistabbilixxi l-klassijiet ta' prestazzjoni fir-rigward tal-permeabbiltà tal-arja għat-tamboċċi tal-plastik u tal-ħġieġ u għall-aperturi tas-saqaf (Test b'rilevanza għaż-ŻEE.)
C/2019/2031
ĠU L 211, 12.8.2019, p. 1–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
12.8.2019 |
MT |
Il-Ġurnal Uffiċjali tal-Unjoni Ewropea |
L 211/1 |
REGOLAMENT DELEGAT TAL-KUMMISSJONI (UE) 2019/1342
tal-14 ta' Marzu 2019
li jissupplimenta r-Regolament (UE) Nru 305/2011 tal-Parlament Ewropew u tal-Kunsill billi jistabbilixxi l-klassijiet ta' prestazzjoni fir-rigward tal-permeabbiltà tal-arja għat-tamboċċi tal-plastik u tal-ħġieġ u għall-aperturi tas-saqaf
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta' Marzu 2011 li jistabbilixxi kundizzjonijiet armonizzati għall-kummerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b'mod partikolari l-Artikolu 27(1) tiegħu,
Billi:
|
(1) |
L-istandard Ewropew EN 1873 dwar it-tamboċċi tal-plastik individwali ġie adottat inizjalment mill-Kumitat Ewropew għall-Istandardizzazzjoni (CEN) fl-2005 u l-istandard Ewropew EN 14963 dwar it-tamboċċi tal-plastik kontinwi fl-2006. Dawk l-istandards armonizzati ma kienx fihom klassifikazzjoni għall-prestazzjoni tal-prodotti koperti minnu fir-rigward tal-karatteristiċi essenzjali tal-permeabbiltà tal-arja. |
|
(2) |
Sabiex jaqdu l-ħtiġijiet tas-suq aħjar, il-verżjonijiet il-ġodda ta' dawk l-istandards, EN 1873-1, EN 1873-2 u EN 1873-3, li jkopru t-tamboċċi tal-plastik u tal-ħġieġ u l-aperturi tas-saqaf, kif ukoll EN 14963 jenħtieġ li jinkludu klassifikazzjoni għall-prestazzjoni tal-prodotti koperti minnhom fir-rigward tal-karatteristiċi essenzjali tal-permeabbiltà tal-arja. Il-klassifikazzjoni jenħtieġ li tipprevedi tliet klassijiet ta' prestazzjoni. |
|
(3) |
F'konformità mal-Artikolu 27 tar-Regolament (UE) Nru 305/2011 il-klassijiet ta' prestazzjoni fir-rigward tal-karatteristiċi essenzjali tal-prodotti tal-bini jistgħu jiġu stabbiliti sew mill-Kummissjoni sew minn korp Ewropew tal-istandardizzazzjoni fuq il-bażi ta' mandat rivedut maħruġ mill-Kummissjoni. Minħabba l-ħtieġa li jiġu stabbiliti klassijiet ta' prestazzjoni addizzjonali mill-aktar fis possibbli, il-klassijiet ta' prestazzjoni ġodda jenħtieġ li jiġu stabbiliti mill-Kummissjoni. F'konformità mal-Artikolu 27(2) ta' dak ir-Regolament, dawk il-klassijiet iridu jintużaw fi standards armonizzati, |
ADOTTAT DAN IR-REGOLAMENT:
Artikolu 1
Il-klassijiet ta' prestazzjoni fir-rigward tal-permeabbiltà tal-arja għat-tamboċċi tal-plastik u tal-ħġieġ u għall-aperturi tas-saqaf, huma stabbiliti kif stipulat fl-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Marzu 2019.
Għall-Kummissjoni
Il-President
Jean-Claude JUNCKER
ANNESS
Klassijiet ta' prestazzjoni fir-rigward tal-permeabbiltà tal-arja għat-tamboċċi tal-plastik u tal-ħġieġ u għall-aperturi tas-saqaf
|
Klassi |
Valur tal-limitu inferjuri tal-Pressjoni Interna (4 Pa) |
Valur tal-limitu superjuri tal-Pressjoni Interna (100 Pa) |
||||||
|
Permeabbiltà tal-Arja (f'm3/(h,m)) |
||||||||
|
A (*1) |
< 1,4 |
< 12 |
||||||
|
B |
≥ 1,4 |
≥ 12 |
||||||
|
C |
≥ 6 |
≥ 50 |
||||||
|
Nota: Il-konfini tal-klassijiet użati f'din it-Tabella jistgħu jiġu derivati mill-formula li ġejja:
Fejn:
|
||||||||
(*1) Fil-każ tal-klassi A, minbarra d-dikjarazzjoni tal-klassi, għandu jiġi ddikjarat ukoll l-agħar kejl minn fost il-passi ta' pressjoni kollha bl-użu tal-mudell li ġej: Klassi A (pressjoni interna (100 Pa), rata ta' tnixxija vvalutata).