EUR-Lex Access to European Union law
This document is an excerpt from the EUR-Lex website
Document 32019R1293
Commission Implementing Regulation (EU) 2019/1293 of 29 July 2019 amending Implementing Regulation (EU) No 577/2013 as regards the list of territories and third countries in Annex II and the model of animal health certificate for dogs, cats and ferrets set out in Annex IV (Text with EEA relevance.)
Regolament ta' Implimentazzjoni tal-Kummissjoni (UE) 2019/1293 tad-29 ta' Lulju 2019 li jemenda r-Regolament ta' Implimentazzjoni (UE) Nru 577/2013 rigward il-lista ta' territorji u pajjiżi terzi fl-Anness II u l-mudell taċ-ċertifikat tas-saħħa tal-annimali għall-klieb, għall-qtates u għall-inmsa stabbilit fl-Anness IV (Test b'rilevanza għaż-ŻEE.)
Regolament ta' Implimentazzjoni tal-Kummissjoni (UE) 2019/1293 tad-29 ta' Lulju 2019 li jemenda r-Regolament ta' Implimentazzjoni (UE) Nru 577/2013 rigward il-lista ta' territorji u pajjiżi terzi fl-Anness II u l-mudell taċ-ċertifikat tas-saħħa tal-annimali għall-klieb, għall-qtates u għall-inmsa stabbilit fl-Anness IV (Test b'rilevanza għaż-ŻEE.)
C/2019/5490
ĠU L 204, 2.8.2019, p. 3–15
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
2.8.2019 |
MT |
Il-Ġurnal Uffiċjali tal-Unjoni Ewropea |
L 204/3 |
REGOLAMENT TA' IMPLIMENTAZZJONI TAL-KUMMISSJONI (UE) 2019/1293
tad-29 ta' Lulju 2019
li jemenda r-Regolament ta' Implimentazzjoni (UE) Nru 577/2013 rigward il-lista ta' territorji u pajjiżi terzi fl-Anness II u l-mudell taċ-ċertifikat tas-saħħa tal-annimali għall-klieb, għall-qtates u għall-inmsa stabbilit fl-Anness IV
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 576/2013 tal-Parlament Ewropew u tal-Kunsill tat-12 ta' Ġunju 2013 dwar il-movimenti mhux kummerċjali tal-annimali domestiċi u li jħassar ir-Regolament (KE) Nru 998/2003 (1), u b'mod partikolari l-Artikoli 13(2) u 25(2) tiegħu,
Billi:
(1) |
Ir-Regolament ta' Implimentazzjoni tal-Kummissjoni (UE) Nru 577/2013 (2) fost affarijiet oħra jipprevedi l-listi tat-territorji u tal-pajjiżi terzi msemmijin fl-Artikolu 13 tar-Regolament (UE) Nru 576/2013 u jipprevedi ċ-ċertifikat tas-saħħa tal-annimali li hu meħtieġ għall-moviment mhux kummerċjali ta' klieb, qtates, u inmsa minn territorji u pajjiżi terzi lejn Stat Membru. |
(2) |
Ir-Regolament ta' Implimentazzjoni (UE) Nru 577/2013 iddaħħal fil-Ftehim dwar iż-Żona Ekonomika Ewropea (ŻEE) permezz tad-Deċiżjoni Nru 66/2016 (3) tal-Kumitat Konġunt taż-ŻEE, u japplika bis-sħiħ għan-Norveġja bl-istess mod li japplika għall-Istati Membri tal-UE. |
(3) |
In-Norveġja hija elenkata fil-Parti 1 tal-Anness II tar-Regolament ta' Implimentazzjoni (UE) Nru 577/2013. Id-Deċiżjoni Nru 66/2016 tal-Kumitat Konġunt taż-ŻEE tirregola l-moviment mhux kummerċjali ta' klieb, qtates u inmsa min-Norveġja lejn Stat Membru. Għaldaqstant jeħtieġ li n-Norveġja titħassar mil-lista tat-territorji u pajjiżi terzi elenkati fil-Parti 1 tal-Anness II tar-Regolament ta' Implimentazzjoni (UE) Nru 577/2013. |
(4) |
Jeħtieġ ukoll li l-isem il-ġdid ta' dik li kienet ir-Repubblika Jugoslava tal-Maċedonja jkun rifless fil-lista tat-territorji u pajjiżi terzi elenkati fil-Parti 2 tal-Anness II tar-Regolament ta' Implimentazzjoni (UE) Nru 577/2013. |
(5) |
Fost affarijiet oħra, ir-Regolament (UE) Nru 576/2013 jipprevedi li l-klieb, il-qtates u l-insma li jinġarru lejn Stat Membru minn territorju jew pajjiż terz għal skopijiet mhux kummerċjali jridu jkunu konformi ma' kull miżura tas-saħħa preventiva għall-mard b'infezzjonijiet oħrajn barra r-rabja li tkun ġiet adottata skont l-Artikolu 19(1) tiegħu, u li jridu jkollhom magħhom dokument tal-identifikazzjoni fil-format ta' ċertifikat tas-saħħa tal-annimali. Il-Parti 1 tal-Anness IV tar-Regolament ta' Implimentazzjoni tal-Kummissjoni (UE) Nru 577/2013 tistabbilixxi l-mudell taċ-ċertifikat tas-saħħa tal-annimali. |
(6) |
Barra minn hekk, wara r-rieżami obbligatorju tar-Regolament ta' Delega tal-Kummissjoni (UE) Nru 1152/2011 (4), tar-Regolament Delegat adottat tal-Kummissjoni (UE) 2018/772 (5) li fost affarijiet oħra jistipula r-regoli għall-kategorizzazzjoni tal-Istati Membri jew ta' partijiet minnhom, rigward l-eliġibbiltà tagħhom biex japplikaw miżuri preventivi tas-saħħa biex jikkontrollaw l-infezzjoni tal-Echinococcus multilocularis fil-klieb. Ir-Regolament (UE) 2018/772 ħassar ir-Regolament ta' Delega (UE) Nru 1152/2011 b'effett mill-1 ta' Lulju 2018. |
(7) |
Il-lista tal-Istati Membri li jikkonformaw mar-regoli għall-kategorizzazzjoni stabbiliti fir-Regolament Delegat (UE) 2018/772 fit-territorju kollu tagħhom jew f'partijiet minnu hija stabbilita fl-Anness tar-Regolament ta' Implimentazzjoni tal-Kummissjoni (UE) 2018/878 (6). |
(8) |
Għaldaqstant jixraq li r-referenzi għar-Regolament ta' Delega (UE) Nru 1152/2011 jiġu sostitwiti minn referenzi għar-Regolament Delegat (UE) 2018/772 u għar-Regolament ta' Implimentazzjoni (UE) 2018/878 fil-mudell taċ-ċertifikat tas-saħħa fl-Anness IV tar-Regolament ta' Implimentazzjoni (UE) Nru 577/2013. |
(9) |
Għalhekk jenħtieġ li l-Annessi II u IV tar-Regolament ta' Implimentazzjoni tal-Kummissjoni (UE) Nru 577/2013 jiġu emendati skont dan. |
(10) |
Biex ikun evitat tfixkil fil-movimenti ta' klieb, qtates u inmsa, jenħtieġ li sat-28 ta' Frar 2020 jiġi awtorizzat l-użu taċ-ċertifikati tas-saħħa tal-annimali maħruġin skont il-Parti 1 tal-Anness IV tar-Regolament ta' Implimentazzjoni (UE) Nru 577/2013 kif emendata bir-Regolament ta' Implimentazzjoni tal-Kummissjoni (UE) 2016/561 (7). |
(11) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Ir-Regolament ta' Implimentazzjoni (UE) Nru 577/2013 huwa emendat kif ġej:
(1) |
Il-Parti 1 tal-Anness II hija sostitwita bit-test mogħti fl-Anness I ta' dan ir-Regolament. |
(2) |
Il-Parti 2 tal-Anness II hija sostitwita bit-test mogħti fl-Anness II ta' dan ir-Regolament. |
(3) |
Il-Parti 1 tal-Anness IV hija sostitwita bit-test mogħti fl-Anness III ta' dan ir-Regolament. |
Artikolu 2
Għal perjodu tranżizzjonali sat-28 ta' Frar 2020, l-Istati Membri għandhom jawtorizzaw id-dħul ta' klieb, qtates u inmsa minn territorju jew minn pajjiż terz għal skopijiet mhux kummerċjali li jkollhom magħhom ċertifikat tas-saħħa tal-annimali li jkun inħareġ sa mhux aktar tard mill-31 ta' Ottubru 2019 f'konformita mal-mudell stabbilit fil-Parti 1 tal-Anness IV tar-Regolament ta' Implimentazzjoni (UE) Nru 577/2013 kif emendat mir-Regolament ta' Implimentazzjoni (UE) 2016/561.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Novembru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta' Lulju 2019.
Għall-Kummissjoni
Il-President
Jean-Claude JUNCKER
(1) ĠU L 178, 28.6.2013, p. 1.
(2) Ir-Regolament ta' Implimentazzjoni tal-Kummissjoni (UE) Nru 577/2013 tat-28 ta' Ġunju 2013 dwar il-mudell tad-dokumenti tal-identifikazzjoni għall-moviment mhux kummerċjali ta' klieb, qtates u inmsa, l-istabbiliment ta' listi ta' territorji u pajjiżi terzi u l-format, it-tqassim u r-rekwiżiti lingwistiċi tad-dikjarazzjonijiet li jiċċertifikaw il-konformità ma' ċerti kundizzjonijiet stipulati fir-Regolament (UE) Nru 576/2013 tal-Parlament Ewropew u tal-Kunsill (ĠU L 178, 28.6.2013, p. 109).
(3) Id-Deċiżjoni tal-Kumitat Konġunt taż-ŻEE Nru 66/2016 tad-29 ta' April 2016 li temenda l-Anness I (Kwistjonijiet veterinarji u fitosanitarji) tal-Ftehim ŻEE [2017/2017] (ĠU L 300, 16.11.2017, p. 1).
(4) Ir-Regolament ta' Delega tal-Kummissjoni (UE) Nru 1152/2011 tal-14 ta' Lulju 2011 li jissupplimenta r-Regolament (KE) Nru 998/2003 tal-Parlament Ewropew u tal-Kunsill dwar miżuri sanitarji preventivi għall-kontroll tal-infezzjoni Echinococcus multilocularis fil-klieb (ĠU L 296, 15.11.2011, p. 6).
(5) Ir-Regolament Delegat tal-Kummissjoni (UE) 2018/772 tal-21 ta' Novembru 2017 li jissupplimenta r-Regolament (UE) Nru 576/2013 tal-Parlament Ewropew u tal-Kunsill dwar miżuri sanitarji preventivi għall-kontroll tal-infezzjoni Echinococcus multilocularis fil-klieb, u li jħassar ir-Regolament ta' Delega (UE) Nru 1152/2011 (ĠU L 130, 28.5.2018, p. 1).
(6) Ir-Regolament ta' Implimentazzjoni tal-Kummissjoni (UE) 2018/878 tat-18 ta' Ġunju 2018 li jadotta l-lista tal-Istati Membri, jew partijiet tat-territorju tal-Istati Membri, li jikkonformaw mar-regoli għall-kategorizzazzjoni stabbilita fl-Artikolu 2(2) u (3) tar-Regolament Delegat (UE) 2018/772 dwar l-applikazzjoni ta' miżuri sanitarji preventivi għall-kontroll tal-infezzjoni Echinococcus multilocularis fil-klieb (ĠU L 155, 19.6.2018, p. 1).
(7) Ir-Regolament ta' Implimentazzjoni tal-Kummissjoni (UE) 2016/561 tal-11 ta' April 2016 li jemenda l-Anness IV tar-Regolament ta' Implimentazzjoni (UE) Nru 577/2013 fejn jikkonċerna l-mudell taċ-ċertifikat tas-saħħa tal-annimali għall-klieb, għall-qtates u għall-inmsa li jiddaħħlu fi Stat Membru minn territorju jew minn pajjiż terz għal skopijiet mhux kummerċjali (ĠU L 96, 12.4.2016, p. 26).
ANNESS I
“PARTI 1
Lista tat-territorji u tal-pajjiżi terzi msemmijin fl-Artikolu 13(1) tar-Regolament (UE) Nru 576/2013
Kodiċi tal-ISO |
Territorju jew pajjiż terz |
AD |
Andorra |
CH |
l-Iżvizzera |
FO |
il-Gżejjer Faeroe |
GI |
Ġibiltà |
GL |
Greenland |
IS |
l-Iżlanda |
LI |
il-Liechtenstein |
MC |
Monaco |
SM |
San Marino |
VA |
l-Istat tal-Belt tal-Vatikan” |
ANNESS II
“PARTI 2
Lista tat-territorji u tal-pajjiżi terzi msemmijin fl-Artikolu 13(2) tar-Regolament (UE) Nru 576/2013
Kodiċi tal-ISO |
Territorju jew pajjiż terz |
It-territorji inklużi |
AC |
il-Ġżira ta' Ascension |
|
AE |
l-Emirati Għarab Magħquda |
|
AG |
Antigua u Barbuda |
|
AR |
l-Arġentina |
|
AU |
l-Awstralja |
|
AW |
Aruba |
|
BA |
il-Bożnija-Ħerzegovina |
|
BB |
Barbados |
|
BH |
il-Bahrain |
|
BM |
Bermuda |
|
BQ |
Bonaire, Sint Eustatius u Saba (il-Gżejjer BES) |
|
BY |
il-Belarussja |
|
CA |
il-Kanada |
|
CL |
iċ-Ċilì |
|
CW |
Curaçao |
|
FJ |
Fiġi |
|
FK |
il-Gżejjer Falkland |
|
HK |
Hong Kong |
|
JM |
il-Ġamajka |
|
JP |
il-Ġappun |
|
KN |
Saint Kitts u Nevis |
|
KY |
il-Gżejjer Cayman |
|
LC |
Saint Lucia |
|
MS |
Montserrat |
|
MK |
il-Maċedonja ta' Fuq |
|
MU |
Mauritius |
|
MX |
il-Messiku |
|
MY |
il-Malasja |
|
NC |
New Caledonia |
|
NZ |
New Zealand |
|
PF |
il-Polineżja Franċiża |
|
PM |
Saint Pierre u Miquelon |
|
RU |
ir-Russja |
|
SG |
Singapore |
|
SH |
Saint Helena |
|
SX |
Sint Maarten |
|
TT |
Trinidad u Tobago |
|
TW |
it-Tajwan |
|
US |
l-Istati Uniti tal-Amerka |
AS — is-Samoa Amerikana GU — Guam MP — il-Gżejjer Mariana tat-Tramuntana PR — Puerto Rico VI — il-Gżejjer Verġni tal-Istati Uniti” |
VC |
Saint Vincent u l-Grenadini |
|
VG |
il-Gżejjer Verġni Brittaniċi |
|
VU |
Vanuatu |
|
WF |
Wallis u Futuna |
|
ANNESS III
“PARTI 1
Mudell taċ-ċertifikat tas-saħħa tal-annimali għall-moviment mhux kummerċjali ta' klieb, qtates u inmsa lejn Stat Membru minn territorju jew pajjiż terz skont l-Artikolu 5(1) u (2) tar-Regolament (UE) Nru 576/2013