EUR-Lex Access to European Union law
This document is an excerpt from the EUR-Lex website
Document 32019R1130
Commission Implementing Regulation (EU) 2019/1130 of 2 July 2019 on the uniform conditions for the harmonised application of territorial typologies pursuant to Regulation (EC) No 1059/2003 of the European Parliament and of the Council
Regolament ta' Implimentazzjoni tal-Kummissjoni (UE) 2019/1130 tat-2 ta' Lulju 2019 dwar il-kundizzjonijiet uniformi għall-applikazzjoni armonizzata ta' tipoloġiji territorjali skont ir-Regolament (KE) Nru 1059/2003 tal-Parlament Ewropew u tal-Kunsill
Regolament ta' Implimentazzjoni tal-Kummissjoni (UE) 2019/1130 tat-2 ta' Lulju 2019 dwar il-kundizzjonijiet uniformi għall-applikazzjoni armonizzata ta' tipoloġiji territorjali skont ir-Regolament (KE) Nru 1059/2003 tal-Parlament Ewropew u tal-Kunsill
C/2019/4877
ĠU L 179, 3.7.2019, p. 9–11
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
3.7.2019 |
MT |
Il-Ġurnal Uffiċjali tal-Unjoni Ewropea |
L 179/9 |
REGOLAMENT TA' IMPLIMENTAZZJONI TAL-KUMMISSJONI (UE) 2019/1130
tat-2 ta' Lulju 2019
dwar il-kundizzjonijiet uniformi għall-applikazzjoni armonizzata ta' tipoloġiji territorjali skont ir-Regolament (KE) Nru 1059/2003 tal-Parlament Ewropew u tal-Kunsill
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1059/2003 tal-Parlament Ewropew u tal-Kunsill tas-26 ta' Mejju 2003 dwar l-istabbiliment ta' klassifikazzjoni komuni ta' unitajiet territorjali għall-istatistika (NUTS) (1), u b'mod partikulari l-Artikolu 4b(5) tiegħu,
Billi:
|
(1) |
Ir-Regolament (KE) Nru 1059/2003 jikkostitwixxi l-qafas legali għall-klassifikazzjoni reġjonali tal-Unjoni sabiex ikunu possibbli l-ġbir, il-kumpilazzjoni u t-tixrid ta' statistika reġjonali armonizzata. |
|
(2) |
L-Artikolu 4b tar-Regolament (KE) Nru 1059/2003 jagħti lill-Kummissjoni s-setgħa li tistabbilixxi, fil-livell tal-Unjoni, kundizzjonijiet uniformi għall-applikazzjoni armonizzata tat-tipoloġiji territorjali msemmijin f'dak l-istess Artikolu. |
|
(3) |
Dawk il-kundizzjonijiet jenħtieġ li jiddeskrivi l-metodu għall-assenjar tat-tipoloġiji lil unitajiet amministrattivi lokali (LAUs) individwali u lil reġjunijiet tal-livell 3 tan-Nomenklatura ta' Unitajiet Territorjali għall-Istatistika (NUTS). |
|
(4) |
Meta jiġu applikati l-kundizzjonijiet uniformi, huwa importanti li jitqiesu ċ-ċirkustanzi ġeografiċi, soċjoekonomiċi, storiċi, kulturali u ambjentali. |
|
(5) |
Il-miżuri previsti f'dan ir-Regolament huma skont l-opinjoni tal-Kumitat tas-Sistema Ewropea tal-Istatistika, |
ADOTTAT DAN IR-REGOLAMENT:
Artikolu 1
Il-kundizzjonijiet uniformi għall-applikazzjoni armonizzata tat-tipoloġija bbażata fuq il-grilja kif ukoll tat-tipoloġiji tal-livell tal-LAUs u tal-livell 3 tan-NUTS għandhom ikunu dawk stabbiliti fl-Anness.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta' Lulju 2019.
Għall-Kummissjoni
Il-President
Jean-Claude JUNCKER
ANNESS
1.
Il-kundizzjonijiet uniformi għall-applikazzjoni armonizzata tat-tipoloġija bbażata fuq il-grilja għandhom ikunu kif ġej:|
Element kif stabbilit fir-Regolament (KE) Nru 1059/2003 |
Tikketti |
Kundizzjonijiet |
|
|
Tipoloġija bbażata fuq il-grilja |
“Ċelluli ta' grilja rurali” jew “Ċelluli ta' grilja b'densità baxxa” |
ċelluli ta' grilja ta' 1 km2 b'densità taħt it-300 abitant/km2 u ċelluli oħra barra mir-raggruppamenti urbani. |
|
|
“Raggruppamenti urbani” jew “Raggruppamenti b'densità moderata” |
|
Ċelluli ta' grilja ta' 1 km2 kontigwi (inkluż dijagonali) b'densità ta' mill-inqas 300 abitant/km2, u minimu ta' 5 000 abitant fir-raggruppament. |
|
|
“Ċentri urbani” jew “Raggruppamenti b'densità għolja” |
Ċelluli ta' grilja ta' 1 km2 kontigwi (mingħajr dijagonali) ġewwa r-“raggruppament urban” b'densità ta' mill-inqas 1 500 abitant/km2, u minimu ta' 50 000 abitant fir-raggruppament wara li jimtlew il-lakuni. |
||
2.
Il-kundizzjonijiet uniformi għall-applikazzjoni armonizzata tat-tipoloġiji fil-livell tal-LAUs għandhom ikunu kif ġej:|
Element kif stabbilit fir-Regolament (KE) Nru 1059/2003 |
Tikketti |
Kundizzjonijiet |
|
|
Grad ta' urbanizzazzjoni (DEGURBA) |
“Żoni urbani” |
“Bliet” jew “Żoni b'densità għolja ta' popolazzjoni” |
Unitajiet territorjali fil-livell tal-LAUs fejn mill-inqas 50 % tal-popolazzjoni tgħix f'ċentri urbani. |
|
“Bliet żgħar u subborgi” jew “Żoni b'densità intermedja ta' popolazzjoni” |
Unitajiet territorjali fil-livell tal-LAUs fejn inqas minn 50 % tal-popolazzjoni tgħix f'ċelluli ta' grilja rurali, u inqas minn 50 % tgħix f'ċentri urbani. |
||
|
“Żoni rurali” jew “Żoni b'popolazzjoni baxxa” |
Unitajiet territorjali fil-livell tal-LAUs fejn mill-inqas 50 % tal-popolazzjoni tgħix f'ċelluli ta' grilja rurali. |
||
|
Żoni urbani funzjonali |
“Żoni urbani funzjonali” |
“Bliet” |
Unitajiet territorjali fil-livell tal-LAUs iddefiniti bħala “Bliet” jew “Żoni b'densità għolja ta' popolazzjoni” |
|
“Żona għall-ivvjaġġar” |
Unitajiet territorjali fil-livell tal-LAUs li minnhom tal-anqas 15 % tal-popolazzjoni impjegata tivvjaġġa lejn il-belt, bl-inklużjoni ta' enklavi u l-esklużjoni ta' esklavi. |
||
|
Żoni kostali |
“Żoni kostali” |
Unitajiet territorjali fil-livell tal-LAUs li jmissu mal-baħar jew li mill-inqas 50 % tas-superfiċe tagħhom tinsab inqas minn 10 km 'il bogħod mill-baħar. Jiżdiedu l-enklavi (LAUs mhux kostali mdawrin b'LAUs kostali li jmissu magħhom). |
|
|
“Żoni mhux kostali” |
Unitajiet territorjali fil-livell tal-LAUs li mhumiex “Żoni kostali”, jiġifieri li ma jmissux mal-baħar u li inqas minn 50 % tas-superfiċe tagħhom tinsab inqas minn 10 km 'il bogħod mill-baħar. |
||
3.
Il-kundizzjonijiet uniformi għall-applikazzjoni armonizzata tat-tipoloġiji fil-livell 3 tan-NUTS għandhom ikunu kif ġej:|
Element kif stabbilit fir-Regolament (KE) Nru 1059/2003 |
Tikketti |
Kundizzjonijiet |
|
Tipoloġija urbana-rurali |
“Reġjuni fil-biċċa l-kbira urbani” |
Reġjuni tal-livell 3 tan-NTUS fejn mill-inqas 80 % tal-popolazzjoni tgħix f'raggruppamenti urbani. |
|
“Reġjuni intermedji” |
Reġjuni tal-livell 3 tan-NTUS fejn aktar minn 50 % iżda inqas minn 80 % tal-popolazzjoni tgħix f'raggruppamenti urbani. |
|
|
“Reġjuni fil-biċċa l-kbira rurali” |
Reġjuni tal-livell 3 tan-NTUS fejn mill-inqas 50 % tal-popolazzjoni tgħix f'ċelluli ta' grilja rurali. |
|
|
Tipoloġija metropolitana |
“Reġjuni metropolitani” |
Reġjun wieħed, jew aggregazzjoni ta' reġjuni, tal-livell 3 tan-NUTS fejn mill-inqas 50 % tal-popolazzjoni tgħix f'żoni urbani funzjonali ta' mill-inqas 250 000 abitant. |
|
“Reġjuni mhux metropolitani” |
Reġjuni tal-livell 3 tan-NUTS li mhumiex “reġjuni metropolitani”. |
|
|
Tipoloġija kostali |
“Reġjuni kostali” |
Reġjuni tal-livell 3 tan-NUTS li jmissu mal-baħar, jew dawk fejn mill-inqas 50 % tal-popolazzjoni tgħix inqas minn 50 km mix-xatt, kif ukoll ir-reġjun tal-livell 3 tan-NUTS Hamburg (il-Ġermanja). |
|
“Reġjuni mhux kostali” |
Reġjuni tal-livell 3 tan-NUTS li mhumiex “Reġjuni kostali”. |