This document is an excerpt from the EUR-Lex website
Document 32019R0973
Commission Regulation (EU) 2019/973 of 13 June 2019 amending Annexes II and III to Regulation (EC) No 396/2005 of the European Parliament and of the Council as regards maximum residue levels for bispyribac, denatonium benzoate, fenoxycarb, flurochloridone, quizalofop-P-ethyl, quizalofop-P-tefuryl, propaquizafop, tebufenozide in or on certain products (Text with EEA relevance.)
Regolament tal-Kummissjoni (UE) 2019/973 tat-13 ta' Ġunju 2019 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal bispyribac, denatonium benzoate, fenoxycarb, flurochloridone, quizalofop-P-ethyl, quizalofop-P-tefuryl, propaquizafop, tebufenozide f'ċerti prodotti jew fuqhom (Test b'rilevanza għaż-ŻEE.)
Regolament tal-Kummissjoni (UE) 2019/973 tat-13 ta' Ġunju 2019 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal bispyribac, denatonium benzoate, fenoxycarb, flurochloridone, quizalofop-P-ethyl, quizalofop-P-tefuryl, propaquizafop, tebufenozide f'ċerti prodotti jew fuqhom (Test b'rilevanza għaż-ŻEE.)
C/2019/4258
ĠU L 157, 14.6.2019, p. 3–27
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
14.6.2019 |
MT |
Il-Ġurnal Uffiċjali tal-Unjoni Ewropea |
L 157/3 |
REGOLAMENT TAL-KUMMISSJONI (UE) 2019/973
tat-13 ta' Ġunju 2019
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għal bispyribac, denatonium benzoate, fenoxycarb, flurochloridone, quizalofop-P-ethyl, quizalofop-P-tefuryl, propaquizafop, tebufenozide f'ċerti prodotti jew fuqhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b'mod partikolari l-Artikolu 14(1)(a) u l-Artikolu 49(2) tiegħu,
Billi:
(1) |
Għal fenoxycarb, flurochloridone, propaquizafop u tebufenozide l-livelli massimi ta' residwi (“MRLs”) ġew stabbiliti fil-Parti A tal-Anness III tar-Regolament (KE) Nru 396/2005. Għal quizalofop-P-ethyl u quizalofop-P-tefuryl, espress bħala quizalofop, inkluż il-quizalofop-P, l-MRLs ġew stabbiliti fil-Parti A tal-Anness III tar-Regolament (KE) Nru 396/2005. Għal bispyribac u denatonium benzoate l-ebda MRL mhu stabbilit fir-Regolament (KE) Nru 396/2005, u peress li dawn is-sustanzi attivi mhumiex inklużi fl-Anness IV ta' dak ir-Regolament, japplika l-valur prestabbilit ta' 0,01 mg/kg stabbilit fl-Artikolu 18(1)(b) tar-Regolament (KE) Nru 396/2005. |
(2) |
Għal bispyribac, l-Awtorità Ewropea dwar is-Sigurtà fl-Ikel (“l-Awtorità”) bagħtet opinjoni motivata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (2). Hija rrakkomandat li jiġi ffissat MRL għar-ross. Ma teżisti l-ebda awtorizzazzjoni oħra għal din is-sustanza. Billi ma hemmx riskju għall-konsumaturi, l-MRLs għall-prodotti l-oħra kollha jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell speċifikat tad-determinazzjoni (LOD). |
(3) |
Għal denatonium benzoate, l-Awtorità ressqet opinjoni raġunata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (3). L-awtorizzazzjonijiet eżistenti kollha għall-prodotti għall-protezzjoni tal-pjanti li fihom id-denatonium benzoate jistgħu jintużaw biss bħala ripellent fil-forestrija u mhumiex maħsuba għal applikazzjoni diretta fuq għelejjel li jittieklu. Billi ma hemmx riskju għall-konsumaturi, jenħtieġ li l-MRLs jiġu stabbiliti fl-Anness II tar-Regolament (KE) Nru 396/2005 fl-LOD speċifiku. |
(4) |
Għal fenoxycarb, l-Awtorità ressqet opinjoni raġunata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (4). Irrakkomandat li jitbaxxew l-MRLs għat-tuffieħ, il-lanġas, l-isfarġel, in-naspli, in-naspli tal-Ġappun, l-għanbaqar, l-għeneb tal-mejda, l-għeneb għall-inbid, il-bovini (muskoli, xaħam, fwied u kliewi), in-nagħaġ (muskoli, xaħam, fwied u kliewi), il-mogħoż (muskoli, xaħam, fwied u kliewi), l-ekwini (muskoli, xaħam, fwied u kliewi) u l-ħalib (bovini, nagħaġ, mogħoż u żwiemel). Għal prodotti oħrajn huwa rrakkomandat li jinżammu l-MRLs eżistenti. L-Awtorità kkonkludiet li fir-rigward tal-MRLs għal-larinġ, il-lumi, il-mandolin, il-berquq u ż-żebbuġ tal-mejda xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskji. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(5) |
Għal flurochloridone, l-Awtorità ressqet opinjoni raġunata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (5). L-Awtorità pproponiet li tibdel id-definizzjoni tar-residwu. Irakkomandat li jitbaxxew l-MRLs għall-patata, il-karrotti, il-krafes bl-għeruq/il-krafes Ġermaniżi, iz-zunnarija bajda, iż-żerriegħa tal-ġirasol u ż-żerriegħa tal-qoton. L-Awtorità kkonkludiet li dwar l-MRLs għat-tursin ta' Hamburg, il-qamħirrum, il-qamħ, il-ħnieżer (muskoli, xaħam, fwied u kliewi), il-bovini (muskoli, xaħam, fwied u kliewi), in-nagħaġ (muskoli, xaħam, fwied u kliewi), il-mogħoż (muskoli, xaħam, fwied u kliewi), l-ekwini (muskoli, xaħam, fwied u kliewi), u l-ħalib (nagħaġ u mogħoż), xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(6) |
Għal quizalofop-P-ethyl, quizalofop-P-tefuryl and propaquizafop, l-Awtorità ressqet opinjoni motivata dwar l-MRLs eżistenti f'konformità mal-Artikolu 12(1) tar-Regolament (KE) Nru 396/2005 (6). L-Awtorità pproponiet li tibdel id-definizzjoni ta' residwu u li tbaxxi l-MRLs għall-grejpfrut, il-larinġ, il-lumi, il-lajm, il-mandolin, it-tuffieħ, il-lanġas, l-isfarġel, in-naspli, in-naspli tal-Ġappun, il-berquq, iċ-ċirasa (ħelu), il-ħawħ, l-għanbaqar, l-għeneb tal-mejda, l-għeneb għall-inbid, il-frawli, it-tut, il-lampun (aħmar u isfar), il-mirtilli, il-passolina (sewda, ħamra u bajda), ir-ribes (aħdar, aħmar u isfar), il-warda Skoċċiża, il-frott tas-sebuqa, iż-żebbuġ tal-mejda, il-kumquats, il-patata, il-pitravi, il-karrotti, krafes bl-għeruq/krafes Ġermaniżi, l-għerq il-mustarda, l-artiċokks, iz-zunnarija bajda, it-tursin tuberuż/it-tursin ta' Hamburg, ir-ravanell, is-sassefrika, ir-rutabaga, it-turnips, it-tewm, il-basal, ix-shallots, il-bżar, il-brunġiel, l-okra, il-ħjar, il-gherkins, iz-zukkini, il-bettieħ, il-qara' aħmar, id-dulliegħ, il-Brussels sprouts, il-kaboċċi Ċiniżi, il-kohlrabi, il-ħass, l-escaroles/l-indivja tal-weraq wiesa', iċ-ċikwejra, il-maxxita, il-kurrat selvaġġ, il-weraq tal-karfus, it-tursin, is-salvja, il-klin, is-sagħtar, il-ħabaq u l-fjuri li jittieklu, il-weraq tar-rand, l-istragun, il-fażola (bil-miżwed), il-fażola (mingħajr miżwed), il-piżelli (bil-miżwed), il-piżelli (mingħajr miżwed), l-għads (frisk), l-ispraġ, il-krafes, il-qaqoċċ, il-kurrat, il-fażola (niexfa), l-għads (niexef), il-piżelli (niexfa), il-lupini/il-fażola tal-lupini (niexfa), iż-żerriegħa tal-qoton, iż-żebbuġ għall-produzzjoni taż-żejt taż-żebbuġa, l-infużjonijiet erbali mill-għeruq u l-għeruq tal-pitravi taz-zokkor. Għal prodotti l-oħrajn, l-Awtorità pproponiet li l-MRLs eżistenti jiżdiedu jew jinżammu kif inhuma. Hija kkonkludiet li għall-ħass tal-ħaruf/insalata tal-qamħ, il-ħass, l-iscaroles, il-ħabirxa u nebbieta u rimjiet oħra, il-krexxun, ir-rukola, il-mustarda ħamra, l-għelejjel tal-weraq żgħar tal-pjanti (inklużi speċijiet tal-brassica), l-ispinaċi, il-weraq tal-pitravi, l-infużjonijiet erbali mill-fjuri, l-infużjonijiet erbali mill-weraq u mill-ħxejjex aromatiċi, iż-żerriegħa ħwawar, il-frott ħwawar, il-ħnieżer (muskoli, xaħam, fwied u kliewi), il-bovini (muskoli, xaħam, fwied u kliewi), in-nagħaġ (muskoli, xaħam, fwied u kliewi), il-mogħoż (muskoli, xaħam, fwied u kliewi), l-ekwini (muskoli, xaħam, fwied u kliewi), il-pollam (muskoli, xaħam, u fwied), il-ħalib (bovini, nagħaġ, mogħoż u żwiemel) u l-bajd tat-tjur, xi informazzjoni ma kinitx disponibbli u li kienet meħtieġa aktar konsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. |
(7) |
Skont l-Artikolu 6(2) u (4) tar-Regolament (KE) Nru 396/2005, tressqet applikazzjoni għall-użu ta' quizalofop-P-ethyl fuq il-qamħirrum fil-Kanada. Skont l-Artikolu 8 tar-Regolament (KE) Nru 396/2005 din l-applikazzjoni ġiet evalwata mill-Istat Membru kkonċernat u r-rapport ta' evalwazzjoni ntbagħat lill-Kummissjoni. L-Awtorità vvalutat l-applikazzjoni u r-rapport ta' evalwazzjoni, u eżaminat b'mod partikolari r-riskji għall-konsumaturi u, fejn rilevanti, għall-annimali u tat opinjoni motivata dwar l-MRL propost (7). L-Awtorità kkonkludiet li r-rekwiżiti kollha fir-rigward tad-data ġew issodisfati u li l-modifika mitluba hija sikura għall-konsumaturi. |
(8) |
Għal tebufenozide, l-Awtorità ressqet opinjoni raġunata dwar l-MRLs eżistenti skont l-Artikolu 12(1) tar-Regolament (KE) Nru 396/2005 (8). Irakkomandat li jitnaqqsu l-MRLs għall-qastan. Għal prodotti oħrajn, l-Awtorità pproponiet li l-MRLs eżistenti jiżdiedu jew jinżammu kif inhuma. Ikkonkludiet li, fil-każ tal-MRLs għaċ-ċirasa (ħelwa), ir-ross, il-ħnieżer (fwied u kliewi), il-bovini (fwied u kliewi), in-nagħaġ (xaħam, fwied u kliewi), il-mogħoż (xaħam, fwied u kliewi), l-ekwini (fwied u kliewi), il-pollam (muskoli, xaħam u fwied), il-ħalib (bovini, nagħaġ, mogħoż u żwiemel) u l-bajd tat-tjur, xi informazzjoni ma kinitx disponibbli u li kienet meħtieġa aktar kunsiderazzjoni mill-maniġers tar-riskju. Billi ma hemmx riskju għall-konsumaturi, l-MRLs għal dawk il-prodotti jenħtieġ li jiġu stabbiliti fl-Anness II tar-Regolament (KE) Nru 396/2005 fil-livell identifikat mill-Awtorità. Se jsir rieżami ta' dawn l-MRLs; ir-rieżami se jqis l-informazzjoni disponibbli fi żmien sentejn mill-pubblikazzjoni ta' dan ir-Regolament. Fir-rigward tal-brokkoli, il-kaboċċi, il-kaboċċa Ċiniża, il-kale, il-ħass tal-ħaruf, il-ħass, l-iscaroles, il-ħabirxa u nebbieta u rimjiet oħra, il-krexxun, ir-rukola, il-mustarda ħamra, l-għelejjel tal-weraq żgħar (inkluż l-ispeċijiet tal-Brassika), l-ispinaċi, il-burdlieq, il-weraq tal-pitravi chard, il-weraq tal-għeneb u speċijiet simili, il-krexxuni tal-ilma, il-maxxita, il-ħabaq u l-fjuri li jittieklu, iż-żerriegħa tal-kolza/tal-kanola, il-kannamieli taz-zokkor, il-ħnieżer (muskoli u xaħam), il-bovini (muskoli u xaħam), in-nagħaġ (muskoli), il-mogħoż (muskoli), l-ekwini (muskoli u xaħam) u l-muskoli tal-pollam, l-Awtorità kkonkludiet li l-limiti massimi tar-residwi tal-Codex (CXL) għal dawk il-prodotti huma sikuri għall-konsumaturi. Għalhekk, jixraq li jiġu stabbiliti l-MRLs għal dawk il-prodotti fl-istess livell fl-Anness II tar-Regolament (KE) Nru 396/2005. |
(9) |
Fir-rigward ta' prodotti li fuqhom mhux awtorizzat l-użu tal-prodott għall-protezzjoni tal-pjanti kkonċernat, u li għalihom ma jeżistu l-ebda tolleranzi tal-importazzjoni jew CXLs, jenħtieġ li l-MRLs jiġu stabbiliti fl-LOD speċifiku jew jenħtieġ li japplika l-MRL prestabbilit, kif stipulat fl-Artikolu 18(1)(b) tar-Regolament (KE) Nru 396/2005. |
(10) |
Il-Kummissjoni kkonsultat lil-laboratorji ta' referenza tal-Unjoni Ewropea dwar ir-residwi tal-pestiċidi fir-rigward tal-bżonn li jiġu adattati ċerti limiti ta' determinazzjoni. Għal diversi sustanzi, dawk il-laboratorji kkonkludew li għal ċertu prodotti bażiċi l-iżvilupp tekniku jeżiġi li jiġu stabbiliti limiti speċifiċi ta' determinazzjoni. |
(11) |
Abbażi tal-opinjonijiet motivati tal-Awtorità u filwaqt li jitqiesu l-fatturi rilevanti tas-suġġett ikkunsidrat, l-emendi xierqa tal-MRLs jissodisfaw ir-rekwiżiti tal-Artikolu 14(2) tar-Regolament (KE) Nru 396/2005. |
(12) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ u tqiesu l-kummenti tagħhom. |
(13) |
Għalhekk, jenħtieġ li r-Regolament (KE) Nru 396/2005 jiġi emendat skont dan. |
(14) |
Biex jippermetti l-kummerċjalizzazzjoni, l-ipproċessar u l-konsum normali tal-prodotti, jenħtieġ li dan ir-Regolament jipprevedi miżuri tranżizzjonali għall-prodotti li ġew immanifatturati qabel ma ġew modfikati l-MRLs u li l-informazzjoni dwarhom turi li nżamm livell għoli ta' protezzjoni tal-konsumaturi. |
(15) |
Jenħtieġ li jitħalla jgħaddi perjodu raġonevoli ta' żmien qabel ma jibdew japplikaw l-MRLs immodifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu konformi mar-rekwiżiti l-ġodda li jirriżultaw mill-modifika tal-MRLs. |
(16) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati skont l-Anness ta' dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat b'dan ir-Regolament għandu jibqa' japplika għal prodotti li ġew manifatturati fl-Unjoni jew li ġew importati fl-Unjoni qabel l-4 ta' Jannar 2020.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-4 ta' Jannar 2020.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta' Ġunju 2019.
Għall-Kummissjoni
Il-President
Jean-Claude JUNCKER
(2) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for bispyribac according to Article 12 of Regulation (EC) No 396/2005. EFSA Journal 2018;16(1):5142.
(3) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for denathonium benzoate according to Article 12 of Regulation (EC) No 396/2005. EFSA Journal 2018;16(3):5232.
(4) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for fenoxycarb according to Article 12 of Regulation (EC) No 396/2005. EFSA Journal 2018;16(1):5155.
(5) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for flurochloridone according to Article 12 of Regulation (EC) No 396/2005. EFSA Journal 2018;16(1):5144.
(6) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for quizalofop-P-ethyl, quizalofop-P-tefuryl and propaquizafop according to Article 12 of Regulation (EC) No 396/2005. EFSA Journal 2017;15(12):5050.
(7) L-Awtorità Ewropea dwar is-Sigurtà fl-Ikel; Setting of import tolerance for quizalofop-P-ethyl in genetically modified maize. EFSA Journal 2018;16(4)5250.
(8) L-Awtorità Ewropea dwar is-Sigurtà fl-Ikel; Reasoned opinion on the review of the existing maximum residue levels for tebufenozide according to Article 12 of Regulation (EC) No 396/2005. EFSA Journal 2018;16(2):5190.
ANNESS
L-Annessi II u III tar-Regolament (KE) Nru 396/2005 huma emendati kif ġej:
(1) |
Fl-Anness II jiżdiedu l-kolonni li ġejjin għal bispyribac, denatonium benzoate, fenoxycarb, flurochloridone, quizalofop u tebufenozide: “Ir-residwi tal-pestiċidi u l-livelli massimi tar-residwi (mg/kg)
|
(2) |
Fil-Parti A tal-Anness III jitħassru l-kolonni għal fenoxycarb, flurochloridone, quizalofop, propaquizafop u tebufenozide. |
(*1) Limitu tal-kwantifikazzjoni analitika
(1) Il-lista sħiħa tal-prodotti li joriġinaw mill-pjanti u mill-annimali u li għalihom japplikaw l-MRLs, tinsab fl-Anness I.