This document is an excerpt from the EUR-Lex website
Document 32019R0897
Commission Delegated Regulation (EU) 2019/897 of 12 March 2019 amending Regulation (EU) No 748/2012 as regards the inclusion of risk-based compliance verification in Annex I and the implementation of requirements for environmental protection (Text with EEA relevance.)
Regolament Delegat tal-Kummissjoni (UE) 2019/897 tat-12 ta' Marzu 2019 li jemenda r-Regolament (UE) Nru 748/2012 fir-rigward tal-inklużjoni ta' verifika tal-konformità bbażata fuq ir-riskju fl-Anness I u l-implimentazzjoni ta' rekwiżiti għall-protezzjoni ambjentali (Test b'rilevanza għaż-ŻEE.)
Regolament Delegat tal-Kummissjoni (UE) 2019/897 tat-12 ta' Marzu 2019 li jemenda r-Regolament (UE) Nru 748/2012 fir-rigward tal-inklużjoni ta' verifika tal-konformità bbażata fuq ir-riskju fl-Anness I u l-implimentazzjoni ta' rekwiżiti għall-protezzjoni ambjentali (Test b'rilevanza għaż-ŻEE.)
C/2019/1845
ĠU L 144, 3.6.2019, p. 1–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force: This act has been changed. Current consolidated version: 03/06/2019
3.6.2019 |
MT |
Il-Ġurnal Uffiċjali tal-Unjoni Ewropea |
L 144/1 |
REGOLAMENT DELEGAT TAL-KUMMISSJONI (UE) 2019/897
tat-12 ta' Marzu 2019
li jemenda r-Regolament (UE) Nru 748/2012 fir-rigward tal-inklużjoni ta' verifika tal-konformità bbażata fuq ir-riskju fl-Anness I u l-implimentazzjoni ta' rekwiżiti għall-protezzjoni ambjentali
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b'mod partikolari l-Artikolu 19(1) tiegħu,
Billi:
(1) |
Skont l-Artikolu 77 tar-Regolament (UE) 2018/1139, l-Aġenzija Ewropea għas-Sikurezza tal-Avjazzjoni (“l-Aġenzija”) trid twettaq f'isem l-Istati Membri l-funzjonijiet u l-kompiti tal-istat tad-disinn, il-manifattura jew ir-reġistrazzjoni relatati maċ-ċertifikazzjoni tad-disinn. Skont l-Artikolu 77(1)(a) flimkien mal-Artikolu 62(2)(a) tar-Regolament (UE) 2018/1139, l-Aġenzija trid tirċievi u tivvaluta l-applikazzjonijiet li jsirulha u toħroġ ċertifikati xierqa. Għal dan il-fini, l-Aġenzija trid tistabbilixxi u tinnotifika lill-applikant il-bażi taċ-ċertifikazzjoni, ir-rekwiżiti applikabbli tal-protezzjoni ambjentali u l-bażi taċ-ċertifikazzjoni tad-data tal-adegwatezza operattiva. |
(2) |
Skont ir-Regolament tal-Kummissjoni (UE) Nru 748/2012 (2), applikant irid jirċievi ċertifikat maħruġ mill-Aġenzija wara li jintwera li l-prodott li jrid jiġi ċċertifikat, jissodisfa l-bażi taċ-ċertifikazzjoni applikabbli, inkluż l-ispeċifikazzjonijiet applikabbli taċ-ċertifikazzjoni tal-ajrunavigabbiltà u r-rekwiżiti tal-protezzjoni ambjentali. L-applikanti għal dawk iċ-ċertifikati jridu juru konformità sħiħa mal-aspetti kollha tal-bażi taċ-ċertifikazzjoni stabbilita. Skont l-Artikolu 83 tar-Regolament (UE) 2018/1139, l-Aġenzija stess, jew permezz tal-awtoritajiet tal-avjazzjoni nazzjonali jew ta' entitajiet kwalifikati, trid twettaq l-investigazzjonijiet meħtieġa dwar il-prestazzjoni tal-kompiti tagħha taċ-ċertifikazzjoni. Għalkemm l-Aġenzija tivvaluta l-applikazzjonijiet, mhux meħtieġ li din twettaq investigazzjoni eżawrjenti fil-każijiet kollha skont l-Artikolu 83 tar-Regolament (UE) 2018/1139. Għalhekk, biex jittaffew aħjar xi riskji għas-sikurezza minħabba investigazzjonijiet selettivi u biex jittejbu l-effettività, it-trasparenza u l-prevedibbiltà tal-proċess taċ-ċertifikazzjoni, jenħtieġ jiġu pprovduti ċerti kriterji tal-għażla biex jiġi deċiż liema dimostrazzjonijiet tal-konformità jenħtieġ tivverifika l-Aġenzija u kif dawn isiru b'mod eżawrjenti. Jenħtieġ li dawk il-kriterji tal-għażla jkunu bbażati fuq il-prinċipji ta' ġestjoni u ta' sorveljanza tas-sikurezza stabbiliti fl-Anness 19 tal-Konvenzjoni dwar l-Avjazzjoni Ċivili Internazzjonali (il-Konvenzjoni ta' Chicago). |
(3) |
Barra minn hekk, skont ir-Regolament (UE) Nru 748/2012, id-detenturi tal-approvazzjonijiet ta' organizzazzjonijiet tad-disinn iridu jieħdu ċerti deċiżjonijiet taċ-ċertifikazzjoni, minflok l-Aġenzija tagħhom, skont it-termini tal-approvazzjoni tagħhom u skont il-proċeduri rilevanti tas-sistema tal-assigurazzjoni tad-disinn. Mill-esperjenza eżistenti bil-privileġġi eżistenti, u biex jonqas il-piż amministrattiv, filwaqt li jitqiesu r-riskji għas-sikurezza tal-avjazzjoni u r-rekwiżiti tal-protezzjoni ambjentali, jenħtieġ li d-detenturi tal-approvazzjonijiet ta' organizzazzjonijiet tad-disinn ikunu intitolati wkoll li jiċċertifikaw ċerti bidliet kbar fiċ-ċertifikati tat-tip u joħorġu ċerti ċertifikati tat-tip supplimentari. Biex jiġu limitati r-riskji għas-sikurezza tal-avjazzjoni u b'kunsiderazzjoni tar-rekwiżiti tal-protezzjoni ambjentali, jenħtieġ li dawk il-privileġġi ġodda jkolhhom x'jaqsmu biss ma' ċertifikazzjoni ta' bidliet kbar b'novità limitata u jenħtieġ jingħataw biss lil dawk id-detenturi li jistgħu jeżerċitaw tajjeb dawk il-privileġġi ġodda. Jenħtieġ li dan tal-aħħar jintwera b'evidenza ta' prestazzjoni sodisfaċenti f'bidliet kbar simili preċedenti bl-involviment tal-Aġenzija. |
(4) |
Għal raġunijiet ta' ċarezza, jenħtieġ li l-Anness I tar-Regolament (UE) Nru 748/2012 jiġi emendat b'tali mod li t-Taqsima A tkun tistabbilixxi r-rekwiżiti applikabbli biss għall-applikanti u d-detenturi ta' kull ċertifikat maħruġ jew li jrid jinħareġ b'konformità ma' dak l-Anness, u t-Taqsima B tiegħu tkun tistabbilixxi r-rekwiżiti applikabbli biss għall-awtoritajiet kompetenti, inkluż l-Aġenzija. |
(5) |
L-operaturi tal-ajru jridu jwettqu titjiriet ta' verifika wara l-manutenzjoni biex ikun żgurat il-funzjonament tajjeb ta' ċerti sistemi tal-inġenji tal-ajru li ma jistgħux jiġu verifikati fuq l-art. L-aċċidenti jew l-inċidenti serji li ġraw fil-passat waqt dawk it-titjiriet juru li ċerti titjiriet ta' verifika għall-manutenzjoni jenħtieġ ma jsirux b'ċertifikat tal-ajrunavigabbiltà (jew ċertifikat ristrett tal-ajrunavigabbiltà) iżda jenħtieġ isiru b'permess tat-titjir. Għalhekk jenħtieġ li t-titjir ta' inġenju tal-ajru għal skopijiet ta' sejbien ta' problemi jew għal verifika tal-funzjonament ta' sistema, ta' tagħmir jew ta' parti waħda jew aktar wara l-manutenzjoni, jinżied mal-lista ta' titjiriet li għalihom hemm bżonn permess tat-titjir. |
(6) |
Jenħtieġ li jissewwew ċerti inkonsistenzi bejn ir-Regolament (UE) Nru 748/2012 u r-Regolament (UE) 2018/1139 fir-rigward tal-kontenut tal-bażi taċ-ċertifikazzjoni tat-tip u l-proċess tan-notifika. |
(7) |
L-Artikolu 9(2) tar-Regolament (UE) 2018/1139 jeżiġi li, fir-rigward tal-istorbju u l-emissjonijiet, l-inġenji tal-ajru u l-magni, l-iskrejjen, il-partijiet u t-tagħmir mhux installat tagħhom ikunu konformi mar-rekwiżiti tal-protezzjoni ambjentali li hemm fl-Emenda 12 tal-Volum I, fl-Emenda 9 tal-Volum II, u fil-ħarġa inizjali tal-Volum III tal-Anness 16 tal-Konvenzjoni ta' Chicago, kif applikabbli fl-1 ta' Jannar 2018. |
(8) |
Għalhekk jenħtieġ jiġi adattat l-Anness I tar-Regolament (UE) Nru 748/2012 biex ikun jirrifletti r-rekwiżiti tal-protezzjoni ambjentali li hemm fl-Anness 16 tal-Konvenzjoni ta' Chicago. Barra minn hekk, l-Anness 16 tal-Konvenzjoni ta' Chicago jipprevedi eżenzjonijiet mir-rekwiżiti tal-protezzjoni ambjentali għal magni jew inġenji tal-ajru speċifiċi, u għalhekk ir-Regolament (UE) Nru 748/2012 jenħtieġ jipprovdi l-possibbiltà li l-organizzazzjonijiet tal-produzzjoni japplikaw għand l-awtorità kompetenti tagħhom għal eżenzjonijiet mir-rekwiżiti ambjentali. |
(9) |
Minbarra dan, biex jiġu eliminati kwistjonijiet tekniċi li ġġib magħha l-applikazzjoni tal-istandards u l-prattiki rakkomandati u l-gwida relatata għaċ-ċertifikazzjoni tal-inġenji tal-ajru u tal-magni, jenħtieġ li jiġu emendati ċerti dispożizzjonijiet tar-Regolament (UE) Nru 748/2012 biex titjieb iċ-ċarezza tagħhom. |
(10) |
Għalhekk jenħtieġ li r-Regolament (UE) Nru 748/2012 jiġi emendat skont dan. |
(11) |
Jeħtieġ jingħata żmien biżżejjed lill-partijiet kollha kkonċernati biex jadattaw għall-qafas regolatorju emendat maħluq permezz tal-miżuri stipulati f'dan ir-Regolament. |
(12) |
Il-miżuri stipulati f'dan ir-Regolament huma bbażati fuq l-opinjonijiet 07/2016 (3), 01/2017 (4) u 09/2017 (5) maħruġa mill-Aġenzija skont l-Artikolu 76(1) tar-Regolament (UE) 2018/1139, |
ADOTTAT DAN IR-REGOLAMENT:
Artikolu 1
(1) |
Fl-Artikolu 1(2), jiżdied il-punt (k) li ġej:
|
(2) |
Fl-Artikolu 9, jiżdied il-paragrafu 4 li ġej: “4. B'deroga mill-paragrafu 1, l-organizzazzjoni tal-produzzjoni tista' tapplika għand l-awtorità kompetenti għal eżenzjonijiet mir-rekwiżiti ambjentali msemmija fl-ewwel subparagrafu tal-Artikolu 9(2) tar-Regolament (UE) 2018/1139 (*1). (*1) Ir-Regolament (UE) 2018/1139 tal-Parlament Ewropew u tal-Kunsill tal-4 ta' Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, p. 1).”;" |
(3) |
L-Anness I tar-Regolament (UE) Nru 748/2012 huwa emendat skont l-Anness ta' dan ir-Regolament. |
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu jibda japplika minn [OP please insert date: 9 months after date of entry into force], bl-eċċezzjoni tal-Artikolu 1(2) u l-punt 11, il-punti 13 sa 14, il-punti 23 sa 26, il-punt 28, il-punt 30, il-punt 21.B.85 fil-punt 40 u l-punt 43 tal-Anness li għandhom japplikaw minn [OP please insert date of entry into force].
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-12 ta' Marzu 2019.
Għall-Kummissjoni
Il-President
Jean-Claude JUNCKER
(1) ĠU L 212, 22.8.2018, p. 1.
(2) Ir-Regolament tal-Kummissjoni (UE) Nru 748/2012 tat-3 ta' Awwissu 2012 li jistabbilixxi regoli ta' implimentazzjoni għaċ-ċertifikazzjoni tal-airworthiness u ambjentali ta' inġenji tal-ajru u ta' prodotti, partijiet u tagħmir relatati, kif ukoll għaċ-ċertifikazzjoni ta' organizzazzjonijiet relatati mad-disinn u l-produzzjoni (ĠU L 224, 21.8.2012, p. 1).
(3) L-Opinjoni 07/2016: L-infilsar tar-rekwiżiti tal-livell ta' involviment fil-Parti 21.
(4) L-Opinjoni 01/2017: Titjiriet ta' verifika tal-manutenzjoni.
(5) L-Opinjoni 09/2017: L-implimentazzjoni tal-emendi CAEP/10 dwar it-tibdil fil-klima, l-emissjonijiet u l-istorbju.
ANNESS
L-Anness I (il-Parti 21) tar-Regolament (UE) Nru 748/2012 huwa emendat kif ġej:
(1) |
il-werrej jiġi sostitwit b'dan li ġej: “Werrej 21.1. Ġenerali TAQSIMA A — REKWIŻITI TEKNIĊI SUBPARTI A — DISPOŻIZZJONIJIET ĠENERALI
SUBPARTI B — ĊERTIFIKATI TAT-TIP U ĊERTIFIKATI TAT-TIP RISTRETTI
(SUBPARTI C — MHUX APPLIKABBLI) SUBPARTI D — TIBDILIET FIĊ-ĊERTIFIKATI TAT-TIP U FIĊ-ĊERTIFIKATI TAT-TIP RISTRETTI
SUBPARTI E — ĊERTIFIKATI TAT-TIP SUPPLIMENTARI
SUBPARTI F — PRODUZZJONI MINGĦAJR L-APPROVAZZJONI TAL-ORGANIZZAZZJONI TAL-PRODUZZJONI
SUBPARTI G — APPROVAZZJONI TA' ORGANIZZAZZJONI TAL-PRODUZZJONI
SUBPARTI H — ĊERTIFIKATI TAL-AJRUNAVIGABBILTÀ U ĊERTIFIKATI TAL-AJRUNAVIGABBILTÀ RISTRETTI
SUBPARTI I — ĊERTIFIKATI TAL-ISTORBJU
SUBPARTI J — APPROVAZZJONI TA' ORGANIZZAZZJONI TAD-DISINN
SUBPARTI K — PARTIJIET U TAGĦMIR
(SUBPARTI L — MHUX APPLIKABBLI) SUBPARTI M — TISWIJIET
(SUBPARTI N — MHUX APPLIKABBLI) SUBPARTI O — AWTORIZZAZZJONIJIET TAL-ORDNI TA' STANDARD TEKNIKU EWROPEW
SUBPARTI P — PERMESS TAT-TITJIR
SUBPARTI Q — IDENTIFIKAZZJONI TA' PRODOTTI, PARTIJIET U TAGĦMIR
TAQSIMA B — PROĊEDURI GĦALL-AWTORITAJIET KOMPETENTI SUBPARTI A — DISPOŻIZZJONIJIET ĠENERALI
SUBPARTI B — ĊERTIFIKATI TAT-TIP U ĊERTIFIKATI TAT-TIP RISTRETTI
(SUBPARTI C — MHUX APPLIKABBLI) SUBPARTI D — TIBDILIET FIĊ-ĊERTIFIKATI TAT-TIP U FIĊ-ĊERTIFIKATI TAT-TIP RISTRETTI
SUBPARTI E — ĊERTIFIKATI TAT-TIP SUPPLIMENTARI
SUBPARTI F — PRODUZZJONI MINGĦAJR L-APPROVAZZJONI TAL-ORGANIZZAZZJONI TAL-PRODUZZJONI
SUBPARTI G — APPROVAZZJONI TA' ORGANIZZAZZJONI TAL-PRODUZZJONI
SUBPARTI H — ĊERTIFIKATI TAL-AJRUNAVIGABBILTÀ U ĊERTIFIKATI TAL-AJRUNAVIGABBILTÀ RISTRETTI
SUBPARTI I — ĊERTIFIKATI TAL-ISTORBJU
SUBPARTI J — APPROVAZZJONI TA' ORGANIZZAZZJONI TAD-DISINN SUBPARTI K — PARTIJIET U TAGĦMIR (SUBPARTI L — MHUX APPLIKABBLI) SUBPARTI M — TISWIJIET
(SUBPARTI N — MHUX APPLIKABBLI) SUBPARTI O — AWTORIZZAZZJONIJIET TAL-ORDNI TA' STANDARD TEKNIKU EWROPEW
SUBPARTI P — PERMESS TAT-TITJIR
SUBPARTI Q — IDENTIFIKAZZJONI TA' PRODOTTI, PARTIJIET U TAGĦMIR Appendiċijiet
|
(2) |
il-punt 21.A.14 huwa emendat kif ġej:
|
(3) |
il-punt 21.A.15 huwa emendat kif ġej:
|
(4) |
il-punt 21.A.16 A huwa revokat; |
(5) |
il-punt 21.A.16B huwa revokat; |
(6) |
il-punt 21.A.17 A huwa revokat; |
(7) |
il-punt 21.A.17B huwa revokat; |
(8) |
il-punt 21.A.18 huwa revokat; |
(9) |
il-punti 21.A.20 u 21.A.21 huma sostitwiti b'dan li ġej: “21.A.20 Demostrazzjoni tal-konformità mal-bażi taċ-ċertifikazzjoni tat-tip, mal-bażi taċ-ċertifikazzjoni tad-data tal-adegwatezza operattiva u mar-rekwiżiti tal-protezzjoni ambjentali
21.A.21 Rekwiżiti għall-ħruġ ta' ċertifikat tat-tip jew ta' ċertifikat tat-tip ristrett
|
(10) |
il-punt 21.A.23 huwa revokat; |
(11) |
fil-punt 21.A.31(a), il-punt 4 hu sostitwit b'dan li ġej:
|
(12) |
il-punt 21.A.33 huwa sostitwit b'dan li ġej: “21.A.33 Spezzjonijiet u testijiet
|
(13) |
il-punt 21.A.41 huwa sostitwit b'dan li ġej: “21.A.41 Ċertifikat tat-tip Iċ-ċertifikat tat-tip u ċ-ċertifikat tat-tip ristrett għandhom jinkludu d-disinn tat-tip, il-limitazzjonijiet operatorji, l-iskeda informattiva taċ-ċertifikat tat-tip dwar l-ajrunavigabbiltà u l-emissjonijiet, il-bażi applikabbli taċ-ċertifikazzjoni tat-tip u r-rekwiżiti tal-protezzjoni ambjentali li magħhom l-Aġenzija tirreġistra l-konformità, u kull kundizzjoni jew limitazzjoni oħra preskritta għall-prodott fl-ispeċifikazzjonijiet taċ-ċertifikazzjoni u r-rekwiżiti tal-protezzjoni ambjentali applikabbli. Iċ-ċertifikat tat-tip u ċ-ċertifikat tat-tip ristrett ta' inġenju tal-ajru għandhom ikunu jinkludu l-bażi taċ-ċertifikazzjoni tad-data tal-adegwatezza operattiva applikabbli, id-data tal-adegwatezza operattiva, kif ukoll l-iskeda informattiva taċ-ċertifikat tat-tip tal-istorbju. L-iskeda informattiva taċ-ċertifikat tat-tip u taċ-ċertifikat tat-tip ristrett ta' inġenju tal-ajru għandhom ikunu jinkludu r-rekord tal-konformità tal-emissjonijiet tas-CO2, u l-iskeda informattiva taċ-ċertifikat tat-tip tal-magna għandha tinkludi r-rekord ta' konformità tal-emissjonijiet tal-egżost.”; |
(14) |
il-punt 21.A.91 hu sostitwit b'dan li ġej: “21.A.91 Klassifikazzjoni tal-bidliet f'ċertifikat tat-tip Bidliet f'ċertifikat tat-tip jiġu kklassifikati bħala minuri u maġġuri. “Bidla minuri” ma għandha l-ebda effett apprezzabbli fuq il-massa, il-bilanċ, is-saħħa strutturali, l-affidabbiltà, il-karatteristiċi operattivi, id-data tal-adegwatezza operattiva, jew fuq karatteristiċi oħra li jaffettwaw l-ajrunavigabbiltà tal-prodott jew il-karatteristiċi ambjentali tiegħu. Mingħajr preġudizzju għall-punt 21.A.19, il-bidliet l-oħra kollha huma “bidliet maġġuri” skont din is-Subparti. Il-bidliet maġġuri u minuri għandhom jiġu approvati b'konformità mal-punti 21.A.95 jew 21.A.97 kif xieraq, u għandhom jiġu identifikati b'mod adegwat.” |
(15) |
il-punt 21.A.93 hu sostitwit b'dan li ġej: “21.A.93 Applikazzjoni
|
(16) |
il-punti 21.A.95, 21.A.97 u 21.A.101 huma sostitwiti b'dan li ġej: “21.A.95 Rekwiżiti għall-approvazzjoni ta' bidla minuri
21.A.97 Rekwiżiti għall-approvazzjoni ta' bidla maġġuri
21.A.101 Il-bażi taċ-ċertifikazzjoni tat-tip, il-bażi taċ-ċertifikazzjoni tad-data tal-adegwatezza operattiva u r-rekwiżiti tal-protezzjoni ambjentali għal bidla maġġuri fiċ-ċertifikat tat-tip
|
(17) |
il-punt 21.A.103 huwa revokat; |
(18) |
il-punti 21.A.111 u 21.A.112 A huma sostitwiti b'dan li ġej: “21.A.111 Kamp ta' Applikazzjoni Din is-Subparti tistabbilixxi l-proċedura għall-approvazzjoni ta' bidliet maġġuri fiċ-ċertifikat tat-tip bil-proċeduri ta' ċertifikat tat-tip supplimentari, u tistabbilixxi d-drittijiet u l-obbligi tal-applikanti għal dawk iċ-ċertifikati, u tad-detenturi tagħhom. F'din is-Subparti, ir-referenzi għaċ-ċertifikati tat-tip jinkludu ċ-ċertifikati tat-tip kif ukoll iċ-ċertifikati tat-tip ristretti. 21.A.112 A Eliġibbiltà Kull persuna fiżika jew ġuridika li tkun uriet, jew tinsab fil-proċess li turi, il-kapaċità tagħha b'konformità mal-punt 21.A.112B, tista' tapplika għal ċertifikat tat-tip supplimentari skont il-kundizzjonijiet stabbiliti f'din is-Subparti.”; |
(19) |
il-punt 21.A.112B huwa emendat kif ġej:
|
(20) |
il-punt 21.A.113 huwa emendat kif ġej:
|
(21) |
il-punt 21.A.114 huwa revokat; |
(22) |
il-punt 21.A.115 hu sostitwit b'dan li ġej: “21.A.115 Rekwiżiti għall-approvazzjoni ta' bidliet maġġuri fil-forma ta' ċertifikat tat-tip supplimentari
|
(23) |
fil-punt 21.A.130, il-punt (b) għandu jinbidel b'dan li ġej:
|
(24) |
fil-punt 21.A.145, il-punti (b) u (c) jinbidlu b'dan li ġej:
|
(25) |
fil-punt 21.A.147, il-punt (a) jinbidel b'dan li ġej:
|
(26) |
fil-punt 21.A.174, il-punt (b) għandu jiġi sostitwit b'dan li ġej:
|
(27) |
il-punt 21.A.231 hu sostitwit b'dan li ġej: “21.A.231 Kamp ta' Applikazzjoni Din is-Subparti tistabbilixxi l-proċedura għall-approvazzjoni ta' organizzazzjonijiet tad-disinn u regoli li jirregolaw id-drittijiet u l-obbligi tal-applikanti u tad-detenturi ta' dawn l-approvazzjonijiet. F'din is-Subparti, ir-referenzi għaċ-ċertifikati tat-tip jinkludu ċ-ċertifikati tat-tip u ċ-ċertifikati tat-tip ristretti.”; |
(28) |
il-punt 21.A.251 hu sostitwit b'dan li ġej: “21.A.251 Termini tal-approvazzjoni It-termini tal-approvazzjoni għandhom jidentifikaw it-tipi ta' xogħol tad-disinn, il-kategoriji tal-prodotti, tal-partijiet u tat-tagħmir li għalihom l-organizzazzjoni tad-disinn għandha approvazzjoni ta' organizzazzjoni tad-disinn, u l-funzjonijiet u d-dmirijiet li l-organizzazzjoni għandha l-approvazzjoni biex twettaq fejn jidħlu l-ajrunavigabbiltà, l-adegwatezza operattiva u l-karatteristiċi ambjentali tal-prodotti. Għall-approvazzjonijiet ta' organizzazzjoni tad-disinn li jkopru ċ-ċertifikazzjoni tat-tip jew awtorizzazzjoni ta' Ordni ta' Standard Tekniku Ewropew (ETSO) għal unitajiet ta' potenza awżiljari (APUs), it-termini tal-approvazzjoni għandu jkun fihom ukoll il-lista tal-prodotti jew tal-APUs. Dawk it-termini għandhom jinħarġu bħala parti minn approvazzjoni ta' organizzazzjoni tad-disinn.” |
(29) |
il-punt 21.A.258 huwa emendat kif ġej:
|
(30) |
il-punt 21.A.263 hu sostitwit b'dan li ġej: “21.A.263 Privileġġi
|
(31) |
il-punt 21.A.265 hu sostitwit b'dan li ġej: “21.A.265 Obbligi tad-detentur Id-detentur ta' approvazzjoni ta' organizzazzjoni tad-disinn għandu, fl-ambitu tat-termini tal-approvazzjoni tiegħu, kif stabbiliti mill-Aġenzija:
|
(32) |
il-punt 21.A.431 A huwa emendat kif ġej:
|
(33) |
il-punt 21.A.432B huwa emendat kif ġej:
|
(34) |
jiddaħħal il-punt 21.A.432C li ġej: “21.A.432C Applikazzjoni għall-approvazzjoni ta' disinn tat-tiswija
|
(35) |
il-punti 21.A.433 u 21.A.435 huma sostitwiti b'dan li ġej: “21.A.433 Rekwiżiti għall-approvazzjoni ta' disinn tat-tiswija
21.A.435 Klassifikazzjoni u approvazzjoni tad-disinji tat-tiswija
|
(36) |
il-punt 21.A.437 huwa revokat; |
(37) |
il-punti 21.A.604, 21.A.605 u 21.A.606 huma sostitwiti b'dan li ġej: “21.A.604 Awtorizzazzjoni tal-ETSO għal Unità ta' Potenza Awżiljari (APU) Fir-rigward ta' awtorizzazzjoni tal-ETSO għal APU:
21.A.605 Rekwiżiti tad-data
21.A.606 Rekwiżiti għall-ħruġ ta' awtorizzazzjoni tal-ETSO Biex tinħareġ awtorizzazzjoni tal-ETSO, l-applikant għandu:
|
(38) |
fil-punt 21.A.701, jiżdied il-punt (16):
|
(39) |
fil-punt 21.B.5, il-punt (a) jinbidel b'dan li ġej:
|
(40) |
Is-Subparti B tat-Taqsima B hija ssostitwita b'dan li ġej: “SUBPARTI B — ĊERTIFIKATI TAT-TIP U ĊERTIFIKATI TAT-TIP RISTRETTI 21.B.70 Speċifikazzjonijiet taċ-ċertifikazzjoni L-Aġenzija, b'konformità mal-Artikolu 76(3) tar-Regolament (UE) 2018/1139, għandha toħroġ speċifikazzjonijiet taċ-ċertifikazzjoni u speċifikazzjonijiet dettaljati oħra, inkluż speċifikazzjonijiet taċ-ċertifikazzjoni għall-ajrunavigabbiltà, għad-data tal-adegwatezza operattiva, u għall-protezzjoni ambjentali, li l-awtoritajiet kompetenti, l-organizzazzjonijiet u l-persunal ikunu jistgħu jużaw biex juru l-konformità ta' prodotti, partijiet u tagħmir mar-rekwiżiti essenzjali rilevanti stabbiliti fl-Annessi II, IV u V ta' dak ir-Regolament, kif ukoll ma' dawk għall-protezzjoni ambjentali stabbiliti fl-Artikolu 9(2) u fl-Anness III ta' dak ir-Regolament. Dawn l-ispeċifikazzjonijiet għandhom ikunu dettaljati u speċifiċi biżżejjed biex lill-applikanti juruhom il-kundizzjonijiet li skonthom jinħarġu, jiġu emendati jew jiġu ssupplimentati ċ-ċertifikati. 21.B.75 Kundizzjonijiet speċjali
21.B.80 Bażi taċ-ċertifikazzjoni tat-tip għal ċertifikat tat-tip jew ċertifikat tat-tip ristrett L-Aġenzija għandha tistabbilixxi l-bażi taċ-ċertifikazzjoni tat-tip u tinnotifikaha lill-applikant għal ċertifikat tat-tip jew għal ċertifikat tat-tip ristrett. Il-bażi taċ-ċertifikazzjoni tat-tip għandha tkun magħmula minn:
21.B.82 Bażi taċ-ċertifikazzjoni tad-data tal-adegwatezza operattiva għal ċertifikat tat-tip jew ċertifikat tat-tip ristrett ta' inġenju tal-ajru L-Aġenzija għandha tistabbilixxi l-bażi taċ-ċertifikazzjoni tad-data tal-adegwatezza operattiva u tinnotifikaha lill-applikant għal ċertifikat tat-tip jew ċertifikat tat-tip ristrett ta' ingenju tal-ajru. Il-bażi taċ-ċertifikazzjoni tad-data tal-adegwatezza operattiva għandha tkun magħmula minn:
21.B.85 Definizzjoni tar-rekwiżiti applikabbli tal-protezzjoni ambjentali u l-ispeċifikazzjonijiet taċ-ċertifikazzjoni għal ċertifikat tat-tip jew ċertifikat tat-tip ristrett
21.B.100 Livell ta' involviment
21.B.103 Ħruġ ta' ċertifikat tat-tip jew ta' ċertifikat tat-tip ristrett
|
(41) |
Is-Subparti D tat-Taqsima B hija ssostitwita b'dan li ġej: “21.B.105 Bażi taċ-ċertifikazzjoni tat-tip, rekwiżiti tal-protezzjoni ambjentali u bażi taċ-ċertifikazzjoni tad-data tal-adegwatezza operattiva għal bidla maġġuri fiċ-ċertifikat tat-tip L-Aġenzija għandha tistabbilixxi l-bażi taċ-ċertifikazzjoni tat-tip applikabbli, ir-rekwiżiti tal-protezzjoni ambjentali, u fil-każ ta' bidla li taffettwa d-data tal-adegwatezza operattiva, il-bażi taċ-ċertifikazzjoni tad-data tal-adegwatezza operattiva stabbilita b'konformità mal-punt 21.A.101 u għandha tinnotifika dwar dan lill-applikant fil-każ ta' bidla maġġuri fiċ-ċertifikat tat-tip. 21.B.107 Ħruġ ta' approvazzjoni ta' bidla f'ċertifikat tat-tip
|
(42) |
Is-Subparti E tat-Taqsima B hija ssostitwita b'dan li ġej: “F'din is-Subparti, ir-referenzi għaċ-ċertifikati tat-tip jinkludu ċ-ċertifikati tat-tip u ċ-ċertifikati tat-tip ristretti. 21.B.109 Bażi taċ-ċertifikazzjoni tat-tip, rekwiżiti tal-protezzjoni ambjentali u bażi taċ-ċertifikazzjoni tad-data tal-adegwatezza operattiva għal ċertifikat tat-tip supplimentari L-Aġenzija għandha tistabbilixxi l-bażi taċ-ċertifikazzjoni tat-tip applikabbli, ir-rekwiżiti tal-protezzjoni ambjentali, u fil-każ ta' bidla li taffettwa d-data tal-adegwatezza operattiva, il-bażi taċ-ċertifikazzjoni tad-data tal-adegwatezza operattiva stabbilita b'konformità mal-punt 21.A.101, u għandha tinnotifika dwar dan lill-applikant fil-każ ta' ċertifikat tat-tip supplimentari. 21.B.111 Ħrug ta' ċertifikat tat-tip supplimentari
|
(43) |
Il-punt 21.B.326 huwa sostitwit b'dan li ġej: “21.B.326 Ċertifikat tal-ajrunavigabbiltà L-awtorità kompetenti tal-Istat Membru tar-reġistrazzjoni għandha toħroġ ċertifikat tal-ajrunavigabbiltà:
|
(44) |
Is-Subparti M tat-Taqsima B hija ssostitwita b'dan li ġej: “21.B.450 Il-bażi taċ-ċertifikazzjoni tat-tip u r-rekwiżiti tal-protezzjoni ambjentali fil-każ ta' approvazzjoni ta' disinn tat-tiswija L-Aġenzija għandha tiddeżinja kwalunkwe emenda tal-bażi taċ-ċertifikazzjoni tat-tip inkorporata b'referenza, kif applikabbli, fiċ-ċertifikat tat-tip, fiċ-ċertifikat tat-tip supplimentari jew fl-awtorizzazzjoni tal-ETSO għal APU, li l-Aġenzija jidhrilha li huma meħtieġa biex jinżamm livell tas-sikurezza daqs dak stabbilit qabel, u għandha tinnotifika dan lill-applikant għal disinn tat-tiswija. 21.B.453 Ħruġ ta' approvazzjoni tad-disinn tat-tiswija
|
(45) |
Is-Subparti O tat-Taqsima B hija ssostitwita b'dan li ġej: “21.B.480 Ħruġ ta' awtorizzazzjoni tal-ETSO L-Aġenzija għandha toħroġ awtorizzazzjoni tal-ETSO, diment li:
|