This document is an excerpt from the EUR-Lex website
Document 32019R0698
Commission Regulation (EU) 2019/698 of 30 April 2019 amending Annexes III and V to Regulation (EC) No 1223/2009 of the European Parliament and of the Council on cosmetic products (Text with EEA relevance.)
Regolament tal-Kummissjoni (UE) 2019/698 tat-30 ta' April 2019 li jemenda l-Annessi III u V tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE.)
Regolament tal-Kummissjoni (UE) 2019/698 tat-30 ta' April 2019 li jemenda l-Annessi III u V tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi (Test b'rilevanza għaż-ŻEE.)
C/2019/3123
ĠU L 119, 7.5.2019, p. 66–69
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
7.5.2019 |
MT |
Il-Ġurnal Uffiċjali tal-Unjoni Ewropea |
L 119/66 |
REGOLAMENT TAL-KUMMISSJONI (UE) 2019/698
tat-30 ta' April 2019
li jemenda l-Annessi III u V tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta' Novembru 2009 dwar il-prodotti kożmetiċi (1),u b'mod partikolari l-Artikolu 31(1) tiegħu,
Billi:
|
(1) |
Is-sustanza 1-(4-Klorofenossi)-1-(imidażol-1-il)-3,3-dimetilbutan-2-on, li ġiet assenjata l-isem ta' Klimbażolu skont in-Nomenklatura Internazzjonali tal-Ingredjenti Kożmetiċi (INCI), fil-preżent hija permessa bħala preservattiv fil-prodotti kożmetiċi b'konċentrazzjoni massima ta' 0,5 % fi preparazzjoni lesta għall-użu. Hija elenkata fl-entrata 32 tal-Anness V tar-Regolament (KE) Nru 1223/2009. Skont l-Artikolu 14(1)(d)(ii) tar-Regolament (KE) Nru 1223/2009, il-Klimbażolu jista' jinsab ukoll fi prodotti kożmetiċi maħsuba għal xi użu ieħor għajr bħala preservattiv, iżda biss fil-limitu ta' konċentrazzjoni stipulata fl-entrata 32 tal-Anness V. |
|
(2) |
Fil-laqgħa plenarja tiegħu fil-21 u t-22 ta' Ġunju 2018, f'addendum mal-opinjonijiet preċedenti tiegħu dwar il-Klimbażolu (2), il-Kumitat Xjentifiku dwar is-Sikurezza tal-Konsumatur (SCCS) ikkonkuda li skont xenarju ta' esponiment aggregat, il-Klimbażolu huwa sikur meta jintuża bħala preservattiv fil-kremi tal-wiċċ, fil-lozjonijiet tax-xagħar u fil-prodotti għall-kura tas-saqajn f'konċentrazzjoni massima ta' 0,2 %, u meta jintuża bħala preservattiv fix-xampujiet li jitlaħalħu f'konċentrazzjoni massima ta' 0,5 %. |
|
(3) |
L-SCCS ikkonkluda wkoll li skont xenarju ta' esponiment aggregat, il-Klimbażolu huwa sikur meta jintuża f'aġent kontra l-brija f'xampujiet li jitlaħalħu f'konċentrazzjoni massima ta' 2 %. |
|
(4) |
Fid-dawl tal-addendum, hemm riskju potenzjali għas-saħħa tal-bniedem li jirriżulta mill-użu tal-Klimbażolu bħala preservattiv jew bħala mhux preservattiv fil-konċentrazzjoni massima ta' 0,5 % permessa attwalment fil-prodotti kożmetiċi kollha. Għaldaqstant, jenħtieġ li l-użu tal-Klimbażolu jiġi permess biss fil-kremi tal-wiċċ, fil-lozjonijiet tax-xagħar, fil-prodotti għall-kura tas-saqajn u fix-xampujiet li jitlaħalħu. Jenħtieġ li l-konċentrazzjoni massima tkun ta' 0,2 % għall-kremi tal-wiċċ, għal-lozjonijiet tax-xagħar u għall-prodotti għall-kura tas-saqajn, u 0,5 % għax-xampujiet li jitlaħalħu. |
|
(5) |
Jenħtieġ li l-użu tal-Klimbażolu bħala mhux preservattiv jiġi ristrett għax-xampujiet li jitlaħalħu meta s-sustanza tintuża bħala aġent kontra l-brija. Għal dan l-użu, jenħtieġ li l-konċentrazzjoni massima tkun ta' 2 %. |
|
(6) |
Għaldaqstant, jenħtieġ li r-Regolament (KE) Nru 1223/2009 jiġi emendat skont dan. |
|
(7) |
Jenħtieġ li l-industrija tingħata perjodu raġonevoli ta' żmien biex tadatta għar-rekwiżiti l-ġodda billi tagħmel l-aġġustamenti meħtieġa fil-formulazzjonijiet tal-prodott sabiex tiżgura li jitqiegħdu fis-suq biss il-prodotti li jikkonformaw mar-rekwiżiti l-ġodda. Jenħtieġ li l-industrija tingħata wkoll perjodu raġonevoli ta' żmien biex tirtira mis-suq dawk il-prodotti li ma jikkonformawx mar-rekwiżiti l-ġodda. |
|
(8) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DAN IR-REGOLAMENT:
Artikolu 1
L-Anness III tar-Regolament (KE) Nru 1223/2009 huwa emendat skont l-Anness I ta' dan ir-Regolament.
Artikolu 2
Fl-Anness V tar-Regolament (KE) Nru 1223/2009, l-entrata 32 hija sostitwita bit-test stabbilit fl-Anness II ta' dan ir-Regolament.
Artikolu 3
1. Mis-27 ta' Novembru 2019, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on għall-finijiet għajr dawk ta' preżervazzjoni u li ma jikkonformawx mar-restrizzjonijiet stabbiliti f'dan ir-Regolament, ma għandhomx jitqiegħdu fis-suq tal-Unjoni.
Mis-27 ta' Frar 2020, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on għall-finijiet għajr dawk ta' preżervazzjoni u li ma jikkonformawx mar-restrizzjonijiet stabbiliti f'dan ir-Regolament, ma għandhomx ikunu disponibbli fis-suq tal-Unjoni.
2. Mis-27 ta' Novembru 2019, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on għall-finijiet ta' preżervazzjoni u li ma jikkonformawx mal-kondizzjonijiet stabbiliti f'dan ir-Regolament, ma għandhomx jitqiegħdu fis-suq tal-Unjoni.
Mis-27 ta' Frar 2020, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on għall-finijiet ta' preżervazzjoni u li ma jikkonformawx mal-kondizzjonijiet stabbiliti f'dan ir-Regolament, ma għandhomx ikunu disponibbli fis-suq tal-Unjoni.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
L-Artikolu 2 għandu japplika mis-27 ta' Novembru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta' April 2019.
Għall-Kummissjoni
Il-President
Jean-Claude JUNCKER
(1) ĠU L 342, 22.12.2009, p. 59.
(2) Addendum mal-opinjonijiet xjentifiċi dwar il-klimbażolu (P64) ref. SCCS/1506/13 u SCCS/1590/17, il-verżjoni finali adottata fil-21 u t-22 ta' Ġunju 2018, SCCS/1600/18.
ANNESS I
Fl-Anness III tar-Regolament (KE) Nru 1223/2009, tiżdied l-entrata li ġejja:
|
In-numru ta' referenza |
Identifikazzjoni tas-sustanza |
Restrizzjonijiet |
Liema kliem għandu jintuża fil-kondizzjonijiet tal-użu u t-twissijiet |
|||||
|
Isem kimiku/INN |
L-isem tal-Glossarju ta' Ingredjenti Komuni |
Numru CAS |
Numru KE |
Tip ta' prodott, partijiet tal-ġisem |
Konċentrazzjoni massima fil-preparazzjoni lesta għall-użu |
Oħrajn |
||
|
a |
b |
c |
d |
e |
f |
g |
h |
i |
|
“310 |
1-(4-Klorofenossi)-1-(imidażol-1-il)-3,3-dimetilbutan-2-on (*1) |
Klimbażolu |
38083-17-9 |
253-775-4 |
Xampù kontra l-brija li jitlaħaħ (*2) |
2,0 % (*2) |
Għall-finijiet oħra għajr dawk li jfixklu l-iżvilupp tal-mikroorganiżmi fil-prodott. Dan l-iskop irid ikun ovvju mill-preżentazzjoni tal-prodott. (*2) |
|
(*1) Sabiex jintuża bħala preservattiv, ara l-entrata 32 tal-Anness V.
(*2) Mis-27 ta' Novembru 2019, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on u li ma jikkonformawx ma' dawk ir-restrizzjonijiet, ma għandhomx jitqiegħdu fis-suq tal-Unjoni.
Mis-27 ta' Frar 2020, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on u li ma jikkonformawx ma' dawk ir-restrizzjonijiet, ma għandhomx ikunu disponibbli fis-suq tal-Unjoni.”
ANNESS II
|
Referenzi ta' referenza |
Identifikazzjoni tas-Sustanza |
Kondizzjonijiet |
Liema kliem għandu jintuża fil-kondizzjonijiet tal-użu u t-twissijiet |
|||||||||||||||||||||
|
Isem kimiku/INN |
Isem tal-Glossarju ta' Ingredjenti Komuni |
Numru CAS |
Numru KE |
Tip ta' prodott, Partijiet tal-ġisem |
Konċentrazzjoni massima fil-preparazzjoni lesta għall-użu |
Oħrajn |
|
|||||||||||||||||
|
a |
b |
c |
d |
e |
f |
g |
h |
i |
||||||||||||||||
|
“32 |
1-(4-Klorofenossi)-1-(imidażol-1-il)-3,3-dimetilbutan-2-on (*1) |
Klimbażolu |
38083-17-9 |
253-775-4 |
|
|
|
|
||||||||||||||||
(*1) Għal użu ieħor għajr bħala preservattiv, ara l-entrata 310 tal-Anness III.
(*2) Mis-27 ta' Novembru 2019, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on u li ma jikkonformawx ma' dawk il-kondizzjonijiet, ma għandhomx jitqiegħdu fis-suq tal-Unjoni.
Mis-27 ta' Frar 2020, il-prodotti kożmetiċi li fihom is-sustanza 1-(4-Klorofenossi)-1-(imidażol-1-il)-3,3-dimetilbutan-2-on u li ma jikkonformawx ma' dawk il-kondizzjonijiet, ma għandhomx ikunu disponibbli fis-suq tal-Unjoni.”