(1)

L-Anness III tar-Regolament tal-Kummissjoni (KE) Nru 1235/2008 (2) jistabbilixxi l-lista ta' pajjiżi terzi li s-sistemi tal-produzzjoni u l-miżuri tal-kontroll tagħhom għall-produzzjoni organika ta' prodotti agrikoli huma rikonoxxuti bħala ekwivalenti għal dawk stabbiliti fir-Regolament (KE) Nru 834/2007.

(2)

Skont l-informazzjoni mogħtija mill-Awstralja, l-isem u l-indirizz tal-Internet tal-awtorità kompetenti nbidlu.

(3)

Skont l-informazzjoni mogħtija mill-Kanada, l-indirizzi tal-Internet tal-korpi tal-kontroll “Oregon Tilth Incorporated” u “TransCanada Organic Certification Services” inbidlu. Barra minn hekk, ir-rikonoxximent tal-korp tal-kontroll “Organic Certifiers” ġie rtirat.

(4)

Skont l-informazzjoni mogħtija mill-Indja, l-isem tal-awtorità kompetenti tagħha nbidel.

(5)

Skont l-informazzjoni mogħtija mill-Ġappun, ir-rikonoxximent tal-korpi tal-kontroll “Japan Eco-system Farming Association” u “The Mushroom Research Institute of Japan” ġie rtirat.

(6)

Skont l-informazzjoni mogħtija minn New Zealand, l-isem tal-korp tal-kontroll “BioGro New Zealand” u l-indirizzi tal-Internet tal-korpi kollha ta' kontroll inbidlu.

(7)

Skont l-informazzjoni mogħtija mir-Repubblika tal-Korea, l-indirizzi tal-Internet tal-korpi tal-kontroll “Jeonnam bioindustry foundation” u “Green Environmentally-Friendly certification center” inbidlu. Barra minn hekk, ir-rikonoxximent tal-korp tal-kontroll “Controlunion” ġie rtirat.

(8)

Skont l-informazzjoni mogħtija mill-Iżvizzera, l-isem u l-indirizz tal-Internet tal-korp tal-kontroll “IMOswiss AG” inbidlu.

(9)

L-Anness IV tar-Regolament (KE) Nru 1235/2008 jistabbilixxi l-lista tal-awtoritajiet tal-kontroll u tal-korpi tal-kontroll li huma kompetenti biex iwettqu kontrolli u joħorġu ċertifikati f'pajjiżi terzi għall-fini ta' ekwivalenza.

(10)

Il-Kummissjoni rċeviet u eżaminat talba mingħand “Agricert- Certificação de Produtos Alimentares lda” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li hu ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A u D għall-Eġittu, il-Guinea u l-Mozambique.

(11)

Il-Kummissjoni rċeviet u eżaminat talba mingħand “Albinspekt” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A, B u D għall-Armenja, il-Bożnija-Ħerzegovina, il-Montenegro, l-Eks-Repubblika Jugoslava tal-Maċedonja u s-Serbja, u għall-kategorija tal-prodotti B għall-Iran, il-Każakistan, il-Moldova, it-Turkija u l-Ukrajna.

(12)

Il-Kummissjoni rċeviet u eżaminat talba mingħand “Bioagricert- S.r.l” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A, D u E għall-Każakistan, u għall-kategorija tal-prodotti B għall-Polineżja Franċiża u għall-kategoriji tal-prodotti A u D għall-Filippini.

(13)

Il-Kummissjoni rċeviet u eżaminat talba minn “Bio.inspecta AG” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li hu ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A u D għall-Alġerija, il-Kambodja, iċ-Chad u t-Tuneżija.

(14)

Fis-6 ta' Settembru 2018, l-IOAS, korp ta' akkreditazzjoni fil-qasam tal-produzzjoni organika, infurmat lill-Kummissjoni bid-deċiżjoni tagħha li tirtira l-akkreditazzjoni ta' “Bolicert Ltd” minħabba li dan il-korp tal-kontroll naqas milli jsolvi n-nuqqasijiet ta' konformità fin-numru massimu ta' perjodi ta' sottomissjoni permess taħt il-proċedura ta' valutazzjoni tal-IOAS. Barra minn hekk, l-awditjar li wettqet il-Kummissjoni f'“Bolicert Ltd” fil-Bolivja f'Mejju 2017 żvela nuqqasijiet fl-istandard tal-produzzjoni organika u fil-miżuri ta' kontroll. Fid-dawl ta' din is-sitwazzjoni, il-Kummissjoni talbet lil “Bolicert Ltd” biex tipprovdi ċertifikat ta' akkreditazzjoni validu u biex tieħu l-miżuri adegwati biex jiġu indirizzati n-nuqqasijiet. Meta jitqies li “Bolicert Ltd” naqset milli tieħu azzjoni ta' rimedju xierqa u f'waqtha biex tindirizza n-nuqqasijiet u milli tipprovdi lill-Kummissjoni b'ċertifikat ta' akkreditazzjoni validu, il-Kummissjoni ddeċidiet, skont l-Artikolu 12(2)(d), (e) u (f) tar-Regolament (KE) Nru 1235/2008, li tirtira lil “Bolicert Ltd” mil-lista tal-korpi tal-kontroll u tal-awtoritajiet tal-kontroll għall-fini ta' ekwivalenza.

(15)

Il-Kummissjoni rċeviet u eżaminat talba mingħand “Ecocert SA” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A u D għal-Libanu, għall-kategorija tal-prodotti B għall-Haiti, il-Moldova u t-Tanzanija, għall-kategorija tal-prodotti E għas-Sri Lanka u għall-kategorija tal-prodotti F għall-Kenja. Barra minn hekk, jidher li r-rikonoxximent tagħha għall-kategorija tal-prodotti C irid jiġi rtirat fir-rigward tal-Brunei, iċ-Ċili, iċ-Ċina, l-Ekwador, Hong Kong, il-Honduras, l-Indja, il-Ġappun, ir-Repubblika tal-Korea, il-Marokk, Monaco, Madagascar, il-Mozambique, il-Perù, it-Tajlandja, it-Tuneżija, it-Turkija, l-Istati Uniti u l-Vjetnam.

(16)

Il-Kummissjoni talbet lil “Ekoagros” biex tipprovdi informazzjoni addizzjonali dwar l-attivitajiet koperti fir-rapport annwali tagħha b'konformità mal-Artikolu 12(1)(b) tar-Regolament (KE) Nru 1235/2008. B'mod partikolari, “Ekoagros” intalbet tipprovdi informazzjoni dwar kif in-nuqqasijiet ta' konformità tal-operaturi li ttieħdu minn korpi tal-kontroll oħrajn fl-Ukrajna ġew indirizzati b'konformità mal-Artikolu 92 tar-Regolament tal-Kummissjoni (KE) Nru 889/2008 (3). Barra minn hekk, Ekoagros intalbet tispjega kif ġew implimentati l-kontrolli addizzjonali għal ċerti prodotti li joriġinaw fl-Ukrajna, il-Każakistan u r-Russja. “Ekoagros” naqset milli tipprovdi tweġibiet sodisfaċenti lill-Kummissjoni. Għalhekk, l-entrata ta' “Ekoagros” għall-Ukrajna fl-Anness IV tar-Regolament (KE) Nru 1235/2008 jenħtieġ li tiġi sospiża sakemm tingħata informazzjoni sodisfaċenti.

(17)

Il-Kummissjoni rċeviet u eżaminat talba mingħand “IBD Certificações Ltda” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li hu ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A, D u E għar-Russja u li jiġi rtirat ir-rikonoxximent tagħha għall-kategoriji tal-prodotti C għall-Brażil.

(18)

Il-Kummissjoni rċeviet u eżaminat talba mingħand “Letis S.A.” biex jinbidel l-indirizz tagħha u jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li huwa ġġustifikat li jitwessa' l-ambitu ġeografiku tar-rikonoxximent tagħha għall-kategorija tal-prodotti A għall-Użbekistan, għall-kategoriji tal-prodotti A u D għall-Ażerbajġan, il-Belarussja, l-Eġittu, il-Kosta tal-Avorju, il-Kirgiżistan, il-Marokk, it-Turkmenistan u l-Emirati Għarab Magħquda, għall-kategoriji tal-prodotti B u C għall-Costa Rica u għall-kategoriji tal-prodotti A, B, C u D għall-Belize, il-Brażil, il-Kolombja, ir-Repubblika Dominicana, il-Gwatemala, il-Honduras, il-Panama u El Salvador.

(19)

Il-Kummissjoni rċeviet talba mingħand “Oregon Tilth” biex jiġi rtirat ir-rikonoxximent tagħha għaċ-Ċina.

(20)

Il-Kummissjoni rċeviet u eżaminat talba mingħand “Organic Control System” biex jiġu emendati l-ispeċifikazzjonijiet tagħha. Abbażi tal-informazzjoni li rċeviet, il-Kummissjoni kkonkludiet li hu ġġustifikat li jitwessa' l-ambitu ġeografiku tar-rikonoxximent tagħha għall-kategoriji tal-prodotti A, D u E għall-Eks-Repubblika Jugoslava tal-Maċedonja.

(21)

Il-Kummissjoni rċeviet talba mingħand “ORSER” biex jiġi rtirat ir-rikonoxximent tagħha għan-Nepal.

(22)

“Soil Association Certification Limited” innotifikat lill-Kummissjoni li nbidel l-indirizz tagħha.

(23)

Għalhekk, l-Annessi III u IV tar-Regolament (KE) Nru 1235/2008 jenħtieġ li jiġu emendati skont dan.

(24)

Il-miżuri previsti f'dan ir-Regolament huma skont l-opinjoni tal-Kumitat għall-produzzjoni organika,