This document is an excerpt from the EUR-Lex website
Document 32019D2190
European Council Decision (EU) 2019/2190 of 19 December 2019 appointing two members of the Executive Board of the European Central Bank
Deċiżjoni tal-Kunsill Ewropew (UE) 2019/2190 tad-19 ta’ Diċembru 2019 li taħtar żewġ membri tal-Bord Eżekuttiv tal-Bank Ċentrali Ewropew
Deċiżjoni tal-Kunsill Ewropew (UE) 2019/2190 tad-19 ta’ Diċembru 2019 li taħtar żewġ membri tal-Bord Eżekuttiv tal-Bank Ċentrali Ewropew
ST/36/2019/INIT
ĠU L 330, 20.12.2019, p. 52–52
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
20.12.2019 |
MT |
Il-Ġurnal Uffiċjali tal-Unjoni Ewropea |
L 330/52 |
DEĊIŻJONI TAL-KUNSILL EWROPEW (UE) 2019/2190
tad-19 ta’ Diċembru 2019
li taħtar żewġ membri tal-Bord Eżekuttiv tal-Bank Ċentrali Ewropew
IL-KUNSILL EWROPEW,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 283(2) tiegħu,
Wara li kkunsidra r-rakkomandazzjoni tal-Kunsill tal-Unjoni Ewropea (1),
Wara li kkunsidra l-opinjoni tal-Parlament Ewropew (2),
Wara li kkunsidra l-opinjonijiet tal-Kunsill Governattiv tal-Bank Ċentrali Ewropew (3),
Billi:
|
(1) |
Is-Sur Benoît COEURÉ inħatar membru tal-Bord Eżekuttiv tal-Bank Ċentrali Ewropew għal mandat ta' tmien snin mill-1 ta' Jannar 2012. Il-mandat tiegħu jiskadi fil-31 ta' Diċembru 2019. |
|
(2) |
Is-Sinjura Sabine LAUTENSCHLÄGER inħatret membru tal-Bord Eżekuttiv tal-Bank Ċentrali Ewropew għal mandat ta' tmien snin mis-27 ta' Jannar 2014. Permezz ta' ittra datata s-26 ta' Settembru 2019, il-President tal-Bank Ċentrali Ewropew informa lill-President tal-Kunsill Ewropew bid-deċiżjoni tas-Sinjura Sabine LAUTENSCHLÄGER li tirriżenja mill-pożizzjoni tagħha fil-Bord Eżekuttiv b'effett mill-31 ta' Ottubru 2019, qabel it-tmiem tal-mandat tagħha. |
|
(3) |
Għaldaqstant huwa neċessarju li jinħatru żewġ membri ġodda tal-Bord Eżekuttiv tal-Bank Ċentrali Ewropew. |
|
(4) |
Il-Kunsill Ewropew jixtieq jaħtar lis-Sur Fabio PANETTA u s-Sinjura Isabel SCHNABEL li, fil-fehma tiegħu, jissodisfaw ir-rekwiżiti kollha stabbiliti fl-Artikolu 283(2) tat-Trattat, |
ADOTTA DIN ID-DEĊIŻJONI:
Artikolu 1
Huma b'dan maħturin membri tal-Bord Eżekuttiv tal-Bank Ċentrali Ewropew għal mandat ta' tmien snin mill-1 ta' Jannar 2020:
|
— |
Is-Sur Fabio PANETTA, |
|
— |
Is-Sa Isabel SCHNABEL. |
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, id-19 ta’ Diċembru 2019.
Għall-Kunsill Ewropew
Il-President
C. MICHEL
(1) ĠU C 351, 17.10.2019, p. 1; ĠU C 385, 13.11.2019, p. 1.
(2) Opinjonijiet mogħtija fis-17 ta' Diċembru 2019 (għadhom mhux ippubblikati fil-Ġurnal Uffiċjali).
(3) Opinjoni mogħtija fit-23 ta' Ottubru 2019 (ĠU C 373, 5.11.2019, p. 2); opinjoni mogħtija fil-11 ta' Diċembru 2019 (għadha mhux ippubblikata fil-Ġurnal Uffiċjali).