EUR-Lex Access to European Union law
This document is an excerpt from the EUR-Lex website
Document 32019D2167
Commission Implementing Decision (EU) 2019/2167 of 17 December 2019 approving the Network Strategy Plan for the air traffic management network functions of the single European sky for the period 2020-2029
Deċiżjoni ta’ Implimentazzjoni tal-Kummissjoni (UE) 2019/2167 tas-17 ta’ Diċembru 2019 li tapprova l-Pjan Strateġiku tan-Netwerk għall-funzjonijiet tan-netwerk tal-ġestjoni tat-traffiku tal-ajru tal-ajru uniku Ewropew għall-perjodu 2020–2029
Deċiżjoni ta’ Implimentazzjoni tal-Kummissjoni (UE) 2019/2167 tas-17 ta’ Diċembru 2019 li tapprova l-Pjan Strateġiku tan-Netwerk għall-funzjonijiet tan-netwerk tal-ġestjoni tat-traffiku tal-ajru tal-ajru uniku Ewropew għall-perjodu 2020–2029
C/2019/8926
ĠU L 328, 18.12.2019, p. 89–89
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
18.12.2019 |
MT |
Il-Ġurnal Uffiċjali tal-Unjoni Ewropea |
L 328/89 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2019/2167
tas-17 ta’ Diċembru 2019
li tapprova l-Pjan Strateġiku tan-Netwerk għall-funzjonijiet tan-netwerk tal-ġestjoni tat-traffiku tal-ajru tal-ajru uniku Ewropew għall-perjodu 2020–2029
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 551/2004 tal-Parlament Ewropew u tal-Kunsill tal-10 ta’ Marzu 2004 dwar l-organizzazzjoni u l-użu ta’ spazju tal-ajru fl-ajru uniku Ewropew (ir-Regolament tal-ispazju tal-ajru) (1), u b’mod partikolari l-Artikolu 6(4) tiegħu,
Billi:
|
(1) |
Ir-Regolament tal-Kummissjoni (UE) Nru 677/2011 (2) u r-Regolament ta’ Implimentazzjoni tal-Kummissjoni (UE) 2019/123 (3) jipprevedu li l-Maniġer tan-Netwerk maħtur skont dawk ir-Regolamenti huwa meħtieġ li jistabbilixxi l-Pjan Strateġiku għan-Netwerk u jżommu aġġornat. |
|
(2) |
Ir-Regolament (UE) Nru 677/2011 u r-Regolament ta’ Implimentazzjoni (UE) 2019/123 jirrikjedu li l-Pjan Strateġiku tan-Netwerk jiġi adottat mill-Kummissjoni wara li dan jiġi approvat mill-Bord tat-Tmexxija tan-Netwerk. |
|
(3) |
Fis-27 ta’ Ġunju 2019, il-Bord tat-Tmexxija tan-Netwerk approva l-Pjan Strateġiku tan-Netwerk għall-perjodu li jibda mill-2020 sal-2029. Dak il-perjodu huwa allinjat mal-perjodi referenzjarji rilevanti u jkopri l-perjodu tal-ħatra tal-Maniġer tan-Netwerk. |
|
(4) |
Jenħtieġ li l-Pjan Strateġiku tan-Netwerk jiġi approvat. |
|
(5) |
Din id-deċiżjoni jenħtieġ li tidħol fis-seħħ bħala kwistjoni ta’ urġenza qabel il-bidu tal-perjodu kopert mill-Pjan Strateġiku tan-Netwerk. |
|
(6) |
Il-miżuri stipulati f’din id-Deċiżjoni huma skont l-opinjoni maħruġa mill-Kumitat dwar l-Ajru Uniku, stabbilit bl-Artikolu 5 tar-Regolament (KE) Nru 549/2004 tal-Parlament Ewropew u tal-Kunsill (4), |
ADOTTAT DIN ID-DEĊIŻJONI:
Artikolu 1
Il-Pjan Strateġiku tan-Netwerk 2020–2029, kif approvat mill-Bord tat-Tmexxija tan-Netwerk fil-25 laqgħa tiegħu fis-27 ta’ Ġunju 2019 (5), huwa approvat.
Artikolu 2
Din id-Deċiżjoni għandha tidħol fis-seħħ l-għada tal-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, is-17 ta’ Diċembru 2019.
Għall-Kummissjoni
Il-President
Ursula VON DER LEYEN
(1) ĠU L 96, 31.3.2004, p. 20.
(2) Ir-Regolament tal-Kummissjoni (UE) Nru 677/2011 tas-7 ta’ Lulju 2011 li jistabbilixxi regoli dettaljati għall-implimentazzjoni tal-funzjonijiet tan-netwerk tal-ġestjoni tat-traffiku tal-ajru (ATM) u li jemenda r-Regolament (UE) Nru 691/2010 (ĠU L 185, 15.7.2011, p. 1).
(3) Ir-Regolament ta’ Implimentazzjoni tal-Kummissjoni (UE) 2019/123 tal-24 ta’ Jannar 2019 li jistabbilixxi regoli dettaljati għall-implimentazzjoni tal-funzjonijiet tan-netwerk tal-ġestjoni tat-traffiku tal-ajru (ATM) u li jħassar ir-Regolament tal-Kummissjoni (UE) Nru 677/2011 (ĠU L 28, 31.1.2019, p. 1).
(4) Ir-Regolament (KE) Nru 549/2004 tal-Parlament Ewropew u tal-Kunsill tal-10 ta’ Marzu 2004 li jippreskrivi l-qafas għall-ħolqien tal-ajru uniku Ewropew (ir-Regolament qafas) (ĠU L 96, 31.3.2004, p. 1).
(5) Il-Pjan Strateġiku tan-Netwerk għall-funzjonijiet tan-netwerk tal-ġestjoni tat-traffiku tal-ajru tal-ajru uniku Ewropew għall-perjodu 2020–2029, ippubblikat bħala d-dokument NMB/19/25/7 fuq is-sit web tal-Maniġer tan-Netwerk: https://www.eurocontrol.int/network-manager#key-documents