This document is an excerpt from the EUR-Lex website
Document 32019D2012
Commission Implementing Decision (EU) 2019/2012 of 29 November 2019 on exemptions under Article 14 of Commission Regulation (EC) No 29/2009 laying down requirements on data link services for the single European sky (Text with EEA relevance)
Deċiżjoni ta’ Implimentazzjoni tal-Kummissjoni (UE) 2019/2012 tad-29 ta’ Novembru 2019 dwar l-eżenzjonijiet skont l-Artikolu 14 tar-Regolament tal-Kummissjoni (KE) Nru 29/2009 li jistabbilixxi rekwiżiti dwar servizzi ta’ kollegament tad-data għall-Ajru Uniku Ewropew (Test b’rilevanza għaż-ŻEE)
Deċiżjoni ta’ Implimentazzjoni tal-Kummissjoni (UE) 2019/2012 tad-29 ta’ Novembru 2019 dwar l-eżenzjonijiet skont l-Artikolu 14 tar-Regolament tal-Kummissjoni (KE) Nru 29/2009 li jistabbilixxi rekwiżiti dwar servizzi ta’ kollegament tad-data għall-Ajru Uniku Ewropew (Test b’rilevanza għaż-ŻEE)
C/2019/8721
ĠU L 312, 3.12.2019, p. 95–100
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
3.12.2019 |
MT |
Il-Ġurnal Uffiċjali tal-Unjoni Ewropea |
L 312/95 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2019/2012
tad-29 ta’ Novembru 2019
dwar l-eżenzjonijiet skont l-Artikolu 14 tar-Regolament tal-Kummissjoni (KE) Nru 29/2009 li jistabbilixxi rekwiżiti dwar servizzi ta’ kollegament tad-data għall-Ajru Uniku Ewropew
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-punt (a) tal-Artikolu 44(1) tiegħu,
Fir-rigward tar-Regolament tal-Kummissjoni (KE) Nru 29/2009 tas-16 ta’ Jannar 2009 li jistabbilixxi rekwiżiti dwar servizzi ta’ kollegament tad-data għall-Ajru Uniku Ewropew (2), u b’mod partikolari l-Artikolu 14 tiegħu,
Billi:
|
(1) |
Skont l-Artikolu 14 tar-Regolament (KE) Nru 29/2009 tagħha, il-Kummissjoni jeħtieġ li teżamina t-talbiet għall-eżenzjoni mir-rekwiżiti tal-Artikolu 3(2) għall-kombinazzjonijiet ta’ tipi/mudelli ta’ inġenji tal-ajru li jkunu waslu sat-tmiem il-ħajja ta’ produzzjoni tagħhom u li jiġu prodotti f’numri limitati u għall-kombinazzjonijiet ta’ tipi/mudelli ta’ inġenji tal-ajru li għalihom il-kostijiet meħtieġa biex jitfasslu mill-ġdid ikunu sproporzjonati minħabba li d-disinn ikun antik. |
|
(2) |
Jenħtieġ li l-eżenzjonijiet iżommu l-objettiv stabbilit fil-premessa (8) tar-Regolament (KE) Nru 29/2009 li mill-inqas 75 % tat-titjiriet jenħtieġ li jiġu mgħammra b’kapaċità ta’ kollegament tad-data. |
|
(3) |
Il-Kummissjoni rċeviet it-talbiet għall-eżenzjonijiet tal-Istati Membri u kkonsultat l-partijiet ikkonċernati. Wara li twettaq l-eżami ta’ dawk it-talbiet mill-Kummissjoni abbażi tal-kriterji stabbiliti fl-Artikolu 14(3) tar-Regolament (KE) Nru 29/2009, jenħtieġ li l-eżenzjonijiet jingħataw. |
|
(4) |
Il-Kummissjoni eżaminat mill-ġdid l-eżenzjonijiet mogħtija skont id-Deċiżjoni tal-Kummissjoni C(2011) 2611 finali tal-20 ta’ Mejju 2011 dwar l-eżenzjonijiet skont l-Artikolu 14 tar-Regolament (KE) Nru 29/2009 u d-Deċiżjoni ta’ Implimentazzjoni tal-Kummissjoni C(2011) 9074 finali tad-9 ta’ Diċembru 2011 dwar l-eżenzjonijiet skont l-Artikolu 14 tar-Regolament (KE) Nru 29/2009 abbażi tal-kriterji stabbiliti fl-Artikolu 14(3) tar-Regolament (KE) Nru 29/2009. Wara li kkonsultat l-partijiet ikkonċernati, il-Kummissjoni sabet li kien jeħtieġ li dawk l-atti jiġu kkonsolidati f’Deċiżjoni ta’ Implimentazzjoni waħda. Għalhekk, id-Deċiżjoni C(2011) 2611 finali u d-Deċiżjoni ta’ Implimentazzjoni C(2011) 9074 finali jenħtieġ li jitħassru. |
|
(5) |
Il-miżuri previsti f’din id-Deċiżjoni huma skont l-opinjoni tal-Kumitat imsemmi fl-Artikolu 127(1) tar-Regolament (UE) 2018/1139, |
ADOTTAT DIN ID-DEĊIŻJONI:
Artikolu 1
Il-kombinazzjonijiet ta’ tipi/mudelli ta’ inġenji tal-ajru li ġejjin għandhom ikunu eżentati b’mod permanenti mir-rekwiżiti tal-Artikolu 3(2) tar-Regolament (KE) Nru 29/2009:
|
(a) |
kombinazzjonijiet ta’ tipi/mudelli ta’ inġenji tal-ajru speċifikati fl-Anness I; |
|
(b) |
kombinazzjonijiet ta’ tipi/mudelli ta’ inġenji tal-ajru speċifikati fl-Anness II li nħarġilhom l-ewwel ċertifikat individwali tal-ajrunavigabbiltà tagħhom qabel il-5 ta’ Frar 2020. |
Artikolu 2
Il-kombinazzjonijiet ta’ tipi/mudelli ta’ inġenji tal-ajru li ġejjin għandhom ikunu eżentati mir-rekwiżiti tal-Artikolu 3(2) tar-Regolament (KE) Nru 29/2009 sal-5 ta’ Frar 2022:
|
(a) |
kombinazzjonijiet ta’ tipi/mudelli ta’ inġenji tal-ajru speċifikati fl-Anness II li nħarġilhom l-ewwel ċertifikat individwali tal-ajrunavigabbiltà fil-5 ta’ Frar 2020 jew qabel. |
|
(b) |
kombinazzjonijiet ta’ tipi/mudelli ta’ inġenji tal-ajru speċifikati fl-Anness III. |
Artikolu 3
Id-Deċiżjoni C(2011) 2611 finali u d-Deċiżjoni ta’ Implimentazzjoni C(2011) 9074 finali huma mħassra.
Artikolu 4
Din id-Deċiżjoni għandha tidħol fis-seħħ fil-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, id-29 ta’ Novembru 2019.
Għall-Kummissjoni
Il-President
Jean-Claude JUNCKER
ANNESS I
EŻENZJONIJIET IMSEMMIJA FIL-PUNT (a) TAL-ARTIKOLU 1
|
It-tip/serje/mudell tal-inġenju tal-ajru |
Manifattur |
Deżinjazzjoni tat-tip tal-ICAO |
|
AN-12 kollha |
Antonov |
AN12 |
|
AN-124 100 |
Antonov |
A124 |
|
IL-76 kollha |
Ilyushin |
IL76 |
|
A300 kollha |
Airbus |
A30B A306 A3ST |
|
A310 kollha |
Airbus |
A310 |
|
A-319/-320/-321 bl-ewwel Ċertifikat ta’ Ajrunavigabbiltà maħruġ bejn l-1 ta’ Jannar 1995 u l-5 ta’ Lulju 1999, b’dawn id-dati inklużi. |
Airbus |
A319 A320 A321 |
|
A340 kollha |
Airbus |
A342 A343 A345 A346 |
|
A318-112 |
Airbus |
A318 |
|
AVROLINER (RJ-100) |
AVRO |
RJ1H |
|
AVROLINER (RJ-85) |
AVRO |
RJ85 |
|
BA146-301 |
British Aerospace |
B463 |
|
B717-200 |
Boeing |
B712 |
|
B737-300 |
Boeing |
B733 |
|
B737-400 |
Boeing |
B734 |
|
B737-500 |
Boeing |
B735 |
|
B747-400 |
Boeing |
B744 |
|
B757-200 |
Boeing |
B752 |
|
B757-300 |
Boeing |
B753 |
|
B767-200 |
Boeing |
B762 |
|
B767-300 |
Boeing |
B763 |
|
B767-400 |
Boeing |
B764 |
|
MD-82 |
Boeing |
MD82 |
|
MD-83 |
Boeing |
MD83 |
|
MD-11 kollha |
Boeing |
MD11 |
|
CL-600-2B19 (CRJ100/200/440) |
Bombardier |
CRJ1/CRJ2 |
|
Dornier 328-100 |
Dornier |
D328 |
|
Dornier 328-300 |
Dornier |
J328 |
|
Fokker 70 |
Fokker |
F70 |
|
Fokker 100 |
Fokker |
F100 |
|
Serje King Air (90/100/200/300) |
Beechcraft |
BE9L BE20 B350 |
|
Hercules L-382-G-44K-30 |
Lockheed |
C130 |
|
SAAB 2000/SAAB SF2000 |
SAAB |
SB20 |
ANNESS II
EŻENZJONIJIET IMSEMMIJA FIL-PUNT (b) TAL-ARTIKOLU 1 U FIL-PUNT (a) TAL-ARTIKOLU 2
|
It-Tip/Serje/Mudell tal-Inġenju tal-Ajru |
Manifattur |
Deżinjazzjoni tat-tip tal-ICAO |
|
Serje A330 200/300 |
Airbus |
A332/A333 |
|
Global Express/5000 BD-700-1A10/1A11 |
Bombardier |
GLEX/GL5T |
|
CL-600-2C10 (CRJ-700) |
Bombardier |
CRJ7 |
|
C525C, CJ4 |
Cessna |
C25C |
|
C560XL (Citation XLS+) |
Cessna |
C56X |
|
Falcon 2000 kollha |
Dassault |
F2TH |
|
Falcon 900 kollha |
Dassault |
F900 |
|
EMB-500 (Phenom 100) |
Embraer |
E50P |
|
EMB-505 (Phenom 300) |
Embraer |
E55P |
|
EMB-135BJ (Legacy 600) |
Embraer |
E35L |
|
EMB-135EJ (Legacy 650) |
Embraer |
E35L |
|
EMB-145 (135/140/145) |
Embraer |
E135 E145, E45X |
|
PC-12 |
Pilatus |
PC12 |
ANNESS III
EŻENZJONIJIET IMSEMMIJA FIL-PUNT (b) TAL-ARTIKOLU 2
|
It-Tip/Serje/Mudell tal-Inġenju tal-Ajru |
Manifattur |
Deżinjazzjoni tat-tip tal-ICAO |
|
A318 (ACJ) |
Airbus |
A318 |
|
A319 (ACJ) |
Airbus |
A319 |
|
A320 (ACJ) |
Airbus |
A320 |
|
A321 (ACJ) |
Airbus |
A321 |
|
B737-700IGW (BBJ) |
Boeing |
B737 |
|
B737-800 (BBJ2) |
Boeing |
B738 |
|
B737-900ER (BBJ3) |
Boeing |
B739 |
|
B767-300F |
Boeing |
B763 |
|
ERJ 190-100ECJ |
Embraer |
E190 |