This document is an excerpt from the EUR-Lex website
Document 32019D1598
Commission Implementing Decision (EU) 2019/1598 of 26 September 2019 amending Implementing Decision (EU) 2018/638 establishing emergency measures to prevent the introduction into and the spread within the Union of the harmful organism Spodoptera frugiperda (Smith) (notified under document C(2019) 6818)
Deċiżjoni ta' Implimentazzjoni tal-Kummissjoni (UE) 2019/1598 tas-26 ta' Settembru 2019 li temenda d-Deċiżjoni ta' Implimentazzjoni (UE) 2018/638 li tistabbilixxi miżuri ta' emerġenza li jipprevjenu l-introduzzjoni u t-tixrid ġewwa l-Unjoni tal-organiżmu ta' ħsara Spodoptera frugiperda (Smith) (notifikata bid-dokument C(2019) 6818)
Deċiżjoni ta' Implimentazzjoni tal-Kummissjoni (UE) 2019/1598 tas-26 ta' Settembru 2019 li temenda d-Deċiżjoni ta' Implimentazzjoni (UE) 2018/638 li tistabbilixxi miżuri ta' emerġenza li jipprevjenu l-introduzzjoni u t-tixrid ġewwa l-Unjoni tal-organiżmu ta' ħsara Spodoptera frugiperda (Smith) (notifikata bid-dokument C(2019) 6818)
C/2019/6818
ĠU L 248, 27.9.2019, p. 86–87
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 11/06/2023; Impliċitament imħassar minn 32023R1134
|
27.9.2019 |
MT |
Il-Ġurnal Uffiċjali tal-Unjoni Ewropea |
L 248/86 |
DEĊIŻJONI TA' IMPLIMENTAZZJONI TAL-KUMMISSJONI (UE) 2019/1598
tas-26 ta' Settembru 2019
li temenda d-Deċiżjoni ta' Implimentazzjoni (UE) 2018/638 li tistabbilixxi miżuri ta' emerġenza li jipprevjenu l-introduzzjoni u t-tixrid ġewwa l-Unjoni tal-organiżmu ta' ħsara Spodoptera frugiperda (Smith)
(notifikata bid-dokument C(2019) 6818)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-pjanti jew prodotti tal-pjanti u kontra t-tixrid tagħhom ġewwa l-Komunità (1), u b'mod partikolari t-tielet sentenza tal-Artikolu 16(3) tagħha,
Billi:
|
(1) |
Id-Deċiżjoni ta' Implimentazzjoni tal-Kummissjoni (UE) 2018/638 (2) tistabbilixxi miżuri ta' emerġenza li jipprevjenu l-introduzzjoni u t-tixrid fl-Unjoni tal-organiżmu ta' ħsara Spodoptera frugiperda (Smith) (“l-organiżmu speċifikat”), li fil-punt 22 tat-Taqsima I(a) tal-Parti A tal-Anness I tad-Direttiva 2000/29/KE, huwa elenkat bħala organiżmu ta' ħsara mhux magħruf li jseħħ fl-Unjoni. |
|
(2) |
Mill-adozzjoni tad-Deċiżjoni ta' Implimentazzjoni (UE) 2018/638, l-organiżmu speċifikat ġie introdott fl-Asja, fejn qed ikompli jinxtered. Minħabba t-tixrid rapidu, l-ambitu ġeografiku speċifikat fid-Deċiżjoni ta' Implimentazzjoni (UE) 2018/638, jenħtieġ li jitwessa' biex jinkludi l-pajjiżi terzi kollha, peress li ma hemm l-ebda ċertezza fir-rigward tat-tixrid ta' dak l-organiżmu madwar id-dinja. |
|
(3) |
Minħabba l-pass tat-tixrid tal-organiżmu speċifikat, id-data tal-iskadenza tal-miżuri ta' emerġenza jenħtieġ li tiġi estiża sat-30 ta' Ġunju 2021 biex tippermetti r-rieżami tiegħu qabel dak iż-żmien. |
|
(4) |
Din id-Deċiżjoni jenħtieġ li tapplika mill-1 ta' Ottubru 2019 sabiex il-korpi uffiċjali responsabbli, l-operaturi professjonali u l-pajjiżi terzi kkonċernati jkunu jistgħu jadattaw għal dawk ir-rekwiżiti. |
|
(5) |
Għalhekk, jenħtieġ li d-Deċiżjoni ta' Implimentazzjoni (UE) 2018/638 tiġi emendata skont dan. |
|
(6) |
Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Id-Deċiżjoni ta' Implimentazzjoni (UE) 2018/638 hija emendata kif ġej:
|
(1) |
Il-punt (b) tal-Artikolu 1 huwa sostitwit b'dan li ġej:
|
|
(2) |
It-test tal-Artikolu 8 huwa sostitwit b'dan li ġej: “Din id-Deċiżjoni għandha tapplika sat-30 ta' Ġunju 2021.”. |
Artikolu 2
Din id-Deċiżjoni għandha tapplika mill-1 ta' Ottubru 2019.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, is-26 ta' Settembru 2019.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 169, 10.7.2000, p. 1.
(2) Id-Deċiżjoni ta' Implimentazzjoni tal-Kummissjoni (UE) 2018/638 tat-23 ta' April 2018 li tistabbilixxi miżuri ta' emerġenza li jipprevjenu l-introduzzjoni u t-tixrid ġewwa l-Unjoni tal-organiżmu ta' ħsara Spodoptera frugiperda (Smith) (ĠU L 105, 25.4.2018, p. 31).