(1)

F'konformità mar-Regolament (UE) Nru 305/2011, il-Korpi tal-Valutazzjoni Teknika jridu jużaw il-metodi u l-kriterji pprovduti fid-Dokumenti Ewropej ta' Valutazzjoni, li r-referenzi tagħhom ġew ippubblikati f'Il-Ġurnal Uffiċjali tal-Unjoni Ewropea, għall-valutazzjoni tal-prestazzjoni tal-prodotti għall-bini koperti minn dawk id-dokumenti b'rabta mal-karatteristiki essenzjali tagħhom.

(2)

F'konformità mal-Artikolu 19 tar-Regolament (UE) Nru 305/2011, wara diversi talbiet mill-manifatturi għal Valutazzjonijiet Tekniċi Ewropej, l-organizzazzjoni tal-Korpi tal-Valutazzjoni Teknika (korpi VT) fasslet u adottat diversi Dokumenti Ewropej ta' Valutazzjoni.

(3)

Id-Dokumenti Ewropej ta' Valutazzjoni jikkonċernaw kittijiet ta' diviżjoni interna għall-użu bħala ħitan b'piż li mhux tat-tagħbija, sistemi ta' folji flessibbli li ma jidħolx ilma minnhom u li jkunu mwaħħlin mekkanikament, folja kompożita rqiqa tal-metall, mikrosferi vojta minn ġewwa u elastiċi bħala taħlita tal-konkos, assemblaġġi għat-twaħħil ta' superfiċe ċatta, u kittijiet tas-soqfa transluċidi li jifilħu lilhom infushom b'għata magħmula minn folji tal-plastik. Id-Dokumenti Ewropej ta' Valutazzjoni fihom deskrizzjoni ġenerali tal-prodott għall-bini, il-lista tal-karatteristiki essenzjali, rilevanti għall-użu maħsub tal-prodott kif previst mill-manifattur u miftiehem bejn il-manifattur u l-organizzazzjoni tal-korpi VT, kif ukoll il-metodi u l-kriterji għall-valutazzjoni tal-prestazzjoni tal-prodott b'rabta ma' dawk il-karatteristiki essenzjali.

(4)

Filwaqt li d-Dokumenti Ewropej ta' Valutazzjoni li jikkonċernaw kittijiet ta' diviżjoni interna għall-użu bħala ħitan b'piż li mhux tat-tagħbija, sistemi ta' folji flessibbli li ma jidħolx ilma minnhom u li jkunu mwaħħlin mekkanikament, u kittijiet tas-soqfa transluċidi li jifilħu lilhom infushom b'għata magħmula minn folji tal-plastik kienu nħarġu biex jieħdu post il-Linji Gwida korrispondenti li kienu jintużaw qabel għall-Approvazzjoni Teknika Ewropea (ETAGs), id-Dokumenti Ewropej ta' Valutazzjoni li jikkonċernaw folja kompożita rqiqa tal-metall, mikrosferi vojta minn ġewwa u elastiċi bħala taħlita tal-konkos, u assemblaġġi għat-twaħħil ta' superfiċe ċatta kienu bbażati unikament fuq talbiet ta' manifatturi individwali għal Valutazzjonijiet Tekniċi Ewropej.

(5)

Il-Kummissjoni vvalutat jekk id-Dokumenti Ewropej ta' Valutazzjoni mfassla mill-organizzazzjoni tal-Korpi tal-Valutazzjoni Teknika jissodisfawx it-talbiet li jridu jiġu ssodisfati b'rabta mar-rekwiżiti bażiċi għax-xogħlijiet ta' bini stabbiliti fl-Anness I tar-Regolament (UE) Nru 305/2011.

(6)

Id-Dokumenti Ewropej ta' Valutazzjoni mfassla mill-organizzazzjoni tal-Korpi tal-Valutazzjoni Teknika jissodisfaw it-talbiet li jridu jiġu ssodisfati b'rabta mar-rekwiżiti bażiċi għax-xogħlijiet ta' bini stabbiliti fl-Anness I tar-Regolament (UE) Nru 305/2011, peress li l-elementi elenkati fil-premessa 3 ta' din id-Deċiżjoni ġew inkorporati fihom kif suppost. Għalhekk, huwa xieraq li jiġu ppubblikati r-referenzi ta' dawk id-Dokumenti Ewropej ta' Valutazzjoni f'Il-Ġurnal Uffiċjali tal-Unjoni Ewropea.

(7)

Il-lista ta' Dokumenti Ewropej ta' Valutazzjoni ġiet ippubblikata bid-Deċiżjoni ta' Implimentazzjoni tal-Kummissjoni (UE) 2019/450 (2). Għal raġunijiet ta' ċarezza, jenħtieġ li r-referenzi ta' Dokumenti Ewropej ta' Valutazzjoni ġodda jiżdiedu ma' dik il-lista.

(8)

Għalhekk, jenħtieġ li d-Deċiżjoni ta' Implimentazzjoni (UE) 2019/450 tiġi emendata skont dan.

(9)

Sabiex jiġi ffaċilitat l-użu tad-Dokumenti Ewropej ta' Valutazzjoni minn kmieni kemm jista' jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha,