EUR-Lex Access to European Union law
This document is an excerpt from the EUR-Lex website
Document 32019D0638
Council Decision (EU) 2019/638 of 15 April 2019 on the position to be taken on behalf of the European Union at the fourteenth meeting of the Conference of the Parties with regard to certain amendments to Annexes II, VIII and IX to the Basel Convention on the Control of Transboundary Movements of Hazardous Wastes and their Disposal
Deċiżjoni tal-Kunsill (UE) 2019/638 tal-15 ta' April 2019 dwar il-pożizzjoni li għandha tittieħed f'isem l-Unjoni Ewropea fl-erbatax-il laqgħa tal-Konferenza tal-Partijiet fir-rigward ta' ċerti emendi għall-Annessi II, VIII u IX għall-Konvenzjoni ta' Basilea dwar il-Kontroll tal-Movimenti li jaqsmu l-Fruntieri tal-Iskart ta' Riskju u d-Disponiment minnu
Deċiżjoni tal-Kunsill (UE) 2019/638 tal-15 ta' April 2019 dwar il-pożizzjoni li għandha tittieħed f'isem l-Unjoni Ewropea fl-erbatax-il laqgħa tal-Konferenza tal-Partijiet fir-rigward ta' ċerti emendi għall-Annessi II, VIII u IX għall-Konvenzjoni ta' Basilea dwar il-Kontroll tal-Movimenti li jaqsmu l-Fruntieri tal-Iskart ta' Riskju u d-Disponiment minnu
ST/7863/2019/INIT
ĠU L 109, 24.4.2019, p. 19–21
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
24.4.2019 |
MT |
Il-Ġurnal Uffiċjali tal-Unjoni Ewropea |
L 109/19 |
DEĊIŻJONI TAL-KUNSILL (UE) 2019/638
tal-15 ta' April 2019
dwar il-pożizzjoni li għandha tittieħed f'isem l-Unjoni Ewropea fl-erbatax-il laqgħa tal-Konferenza tal-Partijiet fir-rigward ta' ċerti emendi għall-Annessi II, VIII u IX għall-Konvenzjoni ta' Basilea dwar il-Kontroll tal-Movimenti li jaqsmu l-Fruntieri tal-Iskart ta' Riskju u d-Disponiment minnu
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 192(1), flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Il-Konvenzjoni ta' Basilea dwar il-Kontroll tal-Movimenti li jaqsmu l-Fruntieri tal-Iskart ta' Riskju u d-Disponiment minnu (il-“Konvenzjoni”) daħlet fis-seħħ fl-1992 u ġiet konkluża mill-Unjoni permezz tad-Deċiżjoni tal-Kunsill 93/98/KEE (1). |
(2) |
Ir-Regolament (KE) Nru 1013/2006 tal-Parlament Ewropew u tal-Kunsill (2) jimplimenta l-Konvenzjoni u d-Deċiżjoni tal-Kunsill tal-Organizzazzjoni għall-Kooperazzjoni u l-Iżvilupp Ekonomiku (OECD) C (2001)107/FINAL dwar ir-reviżjoni tad-Deċiżjoni C(92)39/FINAL dwar il-kontroll ta' movimenti transkonfinali ta' skart destinat għal operazzjonijiet ta' rkupru (id-“Deċiżjoni tal-OECD”) fl-Unjoni. |
(3) |
Skont il-Konvenzjoni, il-Konferenza tal-Partijiet għandha tikkunsidra u tadotta, kif meħtieġ, l-emendi għall-Konvenzjoni. L-emendi għall-Konvenzjoni għandhom jiġu adottati f'laqgħa tal-Konferenza tal-Partijiet. |
(4) |
Fl-erbatax-il laqgħa tagħha, il-Konferenza tal-Partijiet mistennija tikkunsidra u tadotta, kif meħtieġ, emendi għall-Annessi għall-Konvenzjoni Dawk l-emendi jżidu entrati għall-Annessi II u VIII għall-Konvenzjoni u jirrevedu l-entrata B3010 fl-Anness IX għall-Konvenzjoni. |
(5) |
Il-proposti biex jiġu emendati l-Annessi II, VIII u IX għall-Konvenzjoni, imressqa min-Norveġja, tqassmu lill-Partijiet fis-26 ta' Ottubru 2018. Korrezzjoni tal-proposta biex jiġi emendat l-Anness IX tqassmet lill-Partijiet fis-6 ta' Diċembru 2018. Skont il-proposti, l-iskart tal-plastik li jeħtieġ kunsiderazzjoni speċjali u l-iskart tal-plastik perikoluż, kif stabbilit f'entrati ġodda fl-Annessi II u VIII għall-Konvenzjoni, jaqa' taħt is-sistema ta' kontroll tal-Konvenzjoni, filwaqt li l-iskart tal-plastik mhux perikoluż li jaqa' taħt entrata riveduta B3010 fl-Anness IX ikompli jiġi nnegozjat bejn il-pajjiżi soġġett għall-kundizzjonijiet attwali skont il-Konvenzjoni. |
(6) |
Jenħtieġ li l-Unjoni tappoġġa l-objettivi tal-emendi proposti tal-Annessi għall-Konvenzjoni peress li dawn jikkontribwixxu: għat-titjib tal-kontrolli fuq l-esportazzjonijiet tal-iskart tal-plastik; għall-prevenzjoni tal-esportazzjonijiet tal-iskart tal-plastik lejn pajjiżi li ma għandhomx infrastrutturi adegwati għall-ġbir effettiv u ġestjoni tal-iskart li tirrispetta l-ambjent; għall-appoġġ tal-ġestjoni tal-iskart tal-plastik li tkun tirrispetta l-ambjent; għat-tnaqqis tar-riskju li l-iskart tal-plastik jispiċċa fl-ambjent; u għall-prevenzjoni tal-problema ambjentali globali tal-iskart fil-baħar. Madankollu, jenħtieġ li l-Unjoni tipproponi u tappoġġa bidliet għall-emendi proposti tal-Annessi għall-Konvenzjoni proposti min-Norveġja, bil-ħsieb li jiġi ċċarat il-kamp ta' applikazzjoni ta' dawk l-emendi u li jittejjeb it-test, kif ukoll li tiġi ffissata data xierqa għall-applikazzjoni ta' dawk l-emendi li tkun aktar tard minn dik prevista fl-Artikolu 18 tal-Konvenzjoni, u b'hekk jiġu ffaċilitati l-implimentazzjoni u l-infurzar tagħhom. |
(7) |
Huwa xieraq li tinżamm is-sitwazzjoni attwali għall-vjeġġi ta' skart tal-plastik mhux perikoluż, inkluż ċerti taħlitiet ta' skart tal-plastik mhux perikoluż, fl-UE u ż-ŻEE, u għaldaqstant li ma tintużax is-sistema ta' kontroll li tirriżulta miż-żieda ta' entrata fl-Anness II għall-Konvenzjoni għal vjeġġi bħal dawn. Għal dak il-għan, jenħtieġ li l-Unjoni, sa fejn ikun meħtieġ, tuża l-proċeduri stabbiliti fid-Deċiżjoni tal-OECD u l-proċedura għall-parteċipazzjoni fi ftehimiet jew arranġamenti bilaterali, multilaterali jew reġjonali li jirrigwardaw il-moviment tal-iskart ta' riskju jew skart ieħor li jaqsam il-fruntieri mal-Partijiet u ma' min mhux parti skont il-Konvenzjoni biex jiġi żgurat li ma jiġi impost l-ebda kontroll addizzjonali fuq vjeġġi ta' skart tal-plastik mhux perikoluż, inkluż ċerti taħlitiet ta' skart tal-plastik mhux perikoluż, fl-Unjoni u fiż-ŻEE, bħala riżultat tal-adozzjoni tal-emenda għall-Anness II għall-Konvenzjoni jew ir-reviżjoni tal-entrata B3010 fl-Anness IX għall-Konvenzjoni. |
(8) |
Huwa xieraq li tiġi stabbilita l-pożizzjoni li għandha tittieħed f'isem l-Unjoni fl-erbatax-il laqgħa tal-Konferenza tal-Partijiet fir-rigward tal-emendi għall-Annessi II, VIII u IX għall-Konvenzjoni, peress li dawk l-emendi jkunu vinkolanti fuq l-Unjoni u jkollhom il-kapaċità li jinfluwenzaw b'mod deċiżiv il-kontenut tad-dritt tal-Unjoni, jiġifieri r-Regolament (KE) Nru 1013/2006, |
ADOTTA DIN ID-DEĊIŻJONI:
Artikolu 1
1. Il-pożizzjoni li għandha tittieħed f'isem l-Unjoni fl-erbatax-il laqgħa tal-Konferenza tal-Partijiet għall-Konvenzjoni ta' Basilea dwar il-Kontroll tal-Movimenti li jaqsmu l-Fruntieri tal-Iskart ta' Riskju u d-Disponiment minnu (“il-Konvenzjoni”) għandha tkun li tappoġġa tal-adozzjoni tal-emendi għall-Annessi II, VIII u IX għall-Konvenzjoni biex jiżdiedu u jiġu riveduti entrati li jikkonċernaw l-iskart tal-plastik, soġġett għall-kunsiderazzjonijiet li ġejjin:
(a) |
L-Unjoni tappoġġa l-emendi proposti min-Norveġja għaż-żieda ta' entrata ġdida għall-iskart tal-plastik mhux perikoluż (li għandha tkun soġġetta għas-sistema ta' kontroll tal-Konvenzjoni) fl-Anness II għall-Konvenzjoni, dment li jiġi ċċarat li dik l-entrata tkopri wkoll taħlitiet ta' skart tal-plastik mhux perikoluż u li dik l-entrata l-ġdida hija definita b'mod ċar, fost l-oħrajn, permezz ta' formulazzjoni ċara tal-entrata B3010 fl-Anness IX għall-Konvenzjoni, bil-ħsieb li jiġu ffaċilitati l-implimentazzjoni u l-infurzar tal-obbligi tal-Partijiet b'rabta maż-żieda tal-entrata l-ġdida għall-iskart tal-plastik mhux perikoluż fl-Anness II għall-Konvenzjoni; |
(b) |
L-Unjoni tappoġġa l-emendi proposti min-Norveġja għaż-żieda ta' entrata ġdida għall-iskart tal-plastik perikoluż (li għandha tkun soġġetta għas-sistema ta' kontroll) fl-Anness VIII għall-Konvenzjoni, dment li jiġi ċċarat li dik l-entrata tkopri wkoll taħlitiet ta' skart tal-plastik perikoluż; |
(c) |
L-Unjoni tappoġġa l-proposta min-Norveġja għar-reviżjoni tal-entrata B3010 għall-iskart tal-plastik mhux perikoluż (li ma għandhiex tkun soġġetta għas-sistema ta' kontroll, sakemm tali skart ma jkunx fih xi materjal li jappartjeni f'kategorija fl-Anness I għall-Konvenzjoni sal-punt li jwasslu biex juri karatteristika perikoluża fl-Anness III għall-Konvenzjoni) fl-Anness IX għall-Konvenzjoni, dment li dik il-proposta tiġi emendata bil-ħsieb li:
|
(d) |
L-Unjoni tipproponi u tappoġġa l-iffissar ta' data xierqa għall-applikazzjoni tal-emendi li tkun aktar tard mid-data prevista fl-Artikolu 18 tal-Konvenzjoni. |
2. F'każ li ż-żieda ta' entrata ġdida għall-iskart tal-plastik mhux perikoluż fl-Anness II jew li r-reviżjoni tal-entrata B3010 fl-Anness IX għall-Konvenzjoni, jew it-tnejn li huma, jiġu adottati fl-erbatax-il laqgħa tal-Konferenza tal-Partijiet għall-Konvenzjoni l-Unjoni għandha, sa fejn ikun meħtieġ, tieħu l-passi meħtieġa skont id-Deċiżjoni tal-OECD u l-Artikolu 11 tal-Konvenzjoni biex tiżgura li l-kontrolli attwali fuq il-vjeġġi ta' skart tal-plastik mhux perikoluż, inkluż ċerti taħlitiet ta' skart tal-plastik mhux perikoluż, f l-Unjoni u fiż-ŻEE, jibqgħu mhux affettwati.
Artikolu 2
L-irfinar tal-pożizzjoni msemmija fl-Artikolu 1 jista' jiġi miftiehem, fid-dawl ta' żviluppi fl-erbatax-il laqgħa tal-Konferenza tal-Partijiet, mir-rappreżentanti tal-Unjoni, f'konsultazzjoni mal-Istati Membri, matul laqgħat ta' koordinazzjoni fuq il-post, mingħajr deċiżjoni ulterjuri tal-Kunsill.
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fil-Lussemburgu, il-15 ta' April 2019.
Għall-Kunsill
Il-President
P. DAEA
(1) Deċiżjoni tal-Kunsill 93/98/KEE tal-1 ta' Frar 1993 dwar it-tmiem, f'isem il-Komunità, tal-Konvenzjoni dwar il-kontroll tal-moviment barra l-konfini ta' skart perikoluż u r-rimi tiegħu (Konvenzjoni ta' Basel) (ĠU L 39, 16.2.1993, p. 1).
(2) Regolament (KE) Nru 1013/2006 tal-Parlament Ewropew u tal-Kunsill tal-14 ta' Ġunju 2006 dwar vjeġġi ta' skart (ĠU L 190, 12.7.2006, p. 1).