This document is an excerpt from the EUR-Lex website
Document 32019D0304
Council Decision (EU) 2019/304 of 18 February 2019 concerning the notification by the United Kingdom of Great Britain and Northern Ireland of its wish no longer to take part in some of the provisions of the Schengen acquis which are contained in Council Regulation (EC) No 377/2004 on the creation of an immigration liaison officers network
Deċiżjoni tal-Kunsill (UE) 2019/304 tat-18 ta' Frar 2019 dwar in-notifika mir-Renju Unit tal-Gran Brittanja u l-Irlanda ta' Fuq tax-xewqa tiegħu li ma jibqax jieħu sehem f'xi dispożizzjonijiet tal-acquis ta' Schengen li jinsabu fir-Regolament tal-Kunsill (KE) Nru 377/2004 dwar il-ħolqien ta' network bejn l-uffiċjali għall-komunikazzjoni dwar l-immigrazzjoni
Deċiżjoni tal-Kunsill (UE) 2019/304 tat-18 ta' Frar 2019 dwar in-notifika mir-Renju Unit tal-Gran Brittanja u l-Irlanda ta' Fuq tax-xewqa tiegħu li ma jibqax jieħu sehem f'xi dispożizzjonijiet tal-acquis ta' Schengen li jinsabu fir-Regolament tal-Kunsill (KE) Nru 377/2004 dwar il-ħolqien ta' network bejn l-uffiċjali għall-komunikazzjoni dwar l-immigrazzjoni
ST/5979/2019/INIT
ĠU L 51, 22.2.2019, p. 7–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.2.2019 |
MT |
Il-Ġurnal Uffiċjali tal-Unjoni Ewropea |
L 51/7 |
DEĊIŻJONI TAL-KUNSILL (UE) 2019/304
tat-18 ta' Frar 2019
dwar in-notifika mir-Renju Unit tal-Gran Brittanja u l-Irlanda ta' Fuq tax-xewqa tiegħu li ma jibqax jieħu sehem f'xi dispożizzjonijiet tal-acquis ta' Schengen li jinsabu fir-Regolament tal-Kunsill (KE) Nru 377/2004 dwar il-ħolqien ta' network bejn l-uffiċjali għall-komunikazzjoni dwar l-immigrazzjoni
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra l-proposta mill-Kummissjoni Ewropea,
Wara li kkunsidra l-Protokoll Nru 19 dwar l-acquis ta' Schengen integrat fil-qafas tal-Unjoni Ewropea, anness mat-Trattat dwar l-Unjoni Ewropea u mat-Trattat dwar il-Funzjonament tal-Unjoni Ewropea, u b'mod partikolari l-Artikolu 5(3) tiegħu,
Wara li kkunsidra n-notifika, skont l-Artikolu 5(2) tal-Protokoll Nru 19 dwar l-acquis ta' Schengen integrat fil-qafas tal-Unjoni Ewropea, mill-Gvern tar-Renju Unit tal-Gran Brittanja u l-Irlanda ta' Fuq, permezz tal-ittra tiegħu lill-President tal-Kunsill tal-1 ta' Ottubru 2018, tax-xewqa tiegħu li ma jiħux sehem fil-proposta għal Regolament tal-Parlament Ewropew u tal-Kunsill dwar il-ħolqien ta' netwerk Ewropew bejn uffiċjali għall-komunikazzjoni dwar il-migrazzjoni,
Billi:
|
(1) |
Ir-Renju Unit ħa sehem fir-Regolament tal-Kunsill (KE) Nru 377/2004 (1), kif emendat bir-Regolament (UE) Nru 493/2011 tal-Parlament Ewropew u tal-Kunsill tal-5 ta' April 2011 (2). |
|
(2) |
Fl-1 ta' Ottubru 2018, qabel l-iskadenza meħtieġa ta' tliet xhur, ir-Renju Unit innotifika lill-President tal-Kunsill dwar ix-xewqa tiegħu li ma jiħux sehem fl-adozzjoni tar-riformulazzjoni tar-Regolament (KE) Nru 377/2004 proposta mill-Kummissjoni fis-16 ta' Mejju 2018 u li l-Kunsill irċieva fil-lingwi meħtieġa kollha fit-2 ta' Lulju 2018. |
|
(3) |
Ir-Regolament (KE) Nru 377/2004 għandu l-għan li jsaħħaħ il-kooperazzjoni bejn l-uffiċjali għall-komunikazzjoni dwar l-immigrazzjoni stazzjonati f'pajjiżi terzi, partikolarment billi jistipula obbligu li jiġu stabbiliti netwerks lokali jew reġjonali bejn l-uffiċjali għall-komunikazzjoni dwar l-immigrazzjoni, kif ukoll billi jippromwovi l-użu ta' għodda elettronika ddedikata għall-iskambji regolari tal-informazzjoni fin-netwerks lokali u billi jistabbilixxi sistema ta' rapportar dwar l-attività tan-netwerks tal-uffiċjali għall-komunikazzjoni dwar l-immigrazzjoni permezz ta' rapporti tal-presidenza darbtejn fis-sena, mingħajr il-ħtieġa tal-użu ta' xi sistemi operazzjonali jew interazzjoni diretta ma' xi dispożizzjonijiet legali li jinsabu f'xi strumenti legali oħrajn li huma parti mill-acquis ta' Schengen. |
|
(4) |
Il-proposta tas-16 ta' Mejju 2018 għal riformulazzjoni tar-Regolament (KE) Nru 377/2004, filwaqt li għandha l-għan li żżid il-koordinazzjoni u twassal għall-aħjar użu tal-uffiċjali għall-komunikazzjoni dwar l-immigrazzjoni, inklużi l-uffiċjali għall-komunikazzjoni dwar l-immigrazzjoni ġodda stazzjonati f'pajjiżi terzi, sabiex ikun hemm rispons aħjar għall-prijoritajiet tal-UE fil-qasam tal-migrazzjoni, ma jitlaqx min-natura tar-Regolament (KE) Nru 377/2004 attwali, f'dak li jirrigwarda l-interazzjoni speċifika tiegħu mal-partijiet l-oħrajn tal-acquis ta' Schengen. |
|
(5) |
Il-proposta għal riformulazzjoni tar-Regolament (KE) Nru 377/2004, bħar-Regolament (KE) Nru 377/2004 attwali, għaldaqstant tista' titqies bħala miżura awtonoma fl-acquis ta' Schengen, li ma tinteraġġix operazzjonalment ma' strumenti legali oħrajn li huma parti mill-acquis ta' Schengen. |
|
(6) |
F'dan il-każ eċċezzjonali, u fid-dawl tan-natura awtonoma fl-acquis ta' Schengen tar-Regolament (KE) Nru 377/2004 attwali, jista' jitqies li, jekk ir-Renju Unit ma jibqax jieħu sehem f'dan ir-Regolament attwali, jew f'xi emenda ulterjuri tiegħu, iżda jkompli jieħu sehem fil-bqija tal-acquis ta' Schengen li bħalissa jieħu sehem fih skont id-Deċiżjoni tal-Kunsill 2000/365/KE (3), dan ikun jiżgura l-akbar sehem possibbli tar-Renju Unit mingħajr ma tiġi affettwata l-operabbiltà prattika tal-partijiet l-oħra tal-acquis ta' Schengen u filwaqt li tiġi rrispettata l-koerenza tagħhom. |
|
(7) |
Għaldaqstant jenħtieġ li l-Artikolu 8(2) tad-Deċiżjoni 2000/365/KE, b'konformità mal-Artikolu 5(3) tal-Protokoll Nru 19, ma jibqax japplika għar-Renju Unit tal-Gran Brittanja u l-Irlanda ta' Fuq f'dak li jirrigwarda r-Regolament (KE) Nru 377/2004 attwali, u kwalunkwe emenda ulterjuri tiegħu, inkluża l-proposta għal riformulazzjoni tar-Regolament (KE) Nru 377/2004, mid-dħul fis-seħħ tar-riformulazzjoni proposta tar-Regolament (KE) Nru 377/2004. |
|
(8) |
B'konsegwenza, il-punt 6 tal-Anness I tad-Deċiżjoni tal-Kunsill 2004/926/KE (4), f'dak li jirrigwarda r-Regolament (KE) Nru 377/2004, b'konformità mal-Artikolu 5(3) tal-Protokoll 19, jenħtieġ li jieqaf japplika mid-dħul fis-seħħ tar-riformulazzjoni proposta, |
ADOTTA DIN ID-DEĊIŻJONI:
Artikolu 1
Id-Deċiżjoni 2000/365/KE u l-punt 6 tal-Anness I tad-Deċiżjoni 2004/926/KE għandhom jieqfu japplikaw għar-Renju Unit tal-Gran Brittanja u l-Irlanda ta' Fuq fir-rigward tar-Regolament tal-Kunsill (KE) Nru 377/2004 u kwalunkwe emenda ulterjuri tiegħu mid-dħul fis-seħħ tar-riformulazzjoni proposta tar-Regolament tal-Parlament Ewropew u tal-Kunsill dwar il-ħolqien ta' network Ewropew bejn l-uffiċjali ta' komunikazzjoni dwar l-immigrazzjoni.
Artikolu 2
Din id-Deċiżjoni għandha tidħol fis-seħħ fil-jum ta' wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, it-18 ta' Frar 2019.
Għall-Kunsill
Il-President
F. MOGHERINI
(1) Regolament tal-Kunsill (KE) Nru 377/2004 tad-19 ta' Frar 2004 dwar il-ħolqien ta' network bejn l-uffiċjali għall-komunikazzjoni dwar l-immigrazzjoni(ĠU L 64, 2.3.2004, p. 1).
(2) Regolament (UE) Nru 493/2011 tal-Parlament Ewropew u tal-Kunsill tal-5 ta' April 2011 li jemenda r-Regolament tal-Kunsill (KE) Nru 377/2004 dwar il-ħolqien ta' netwerk bejn l-uffiċjali ta' komunikazzjoni dwar l-immigrazzjoni (ĠU L 141, 27.5.2011, p. 13).
(3) Deċiżjoni tal-Kunsill 2000/365/KE tad-29 ta' Mejju 2000 dwar it-talba tar-Renju Unit tal-Gran Brittanja u Irlanda ta' Fuq biex jieħu parti f'xi dispożizzjonijiet tal-acquis ta' Schengen (ĠU L 131, 1.6.2000, p. 43).
(4) Deċiżjoni tal-Kunsill 2004/926/KE tat-22 ta' Diċembru 2004 dwar id-dħul b'effett ta' partijiet tal-acquis ta' Schengen mir-Renju Unit tal-Gran Brittanja u l-Irlanda ta' Fuq (ĠU L 395, 31.12.2004, p. 70).