EUR-Lex Access to European Union law
This document is an excerpt from the EUR-Lex website
Document 32019D0276
Decision (EU) 2019/276 of the European Parliament and of the Council of 12 December 2018 on the mobilisation of the Flexibility Instrument to reinforce key programmes for the competitiveness of the EU and to finance immediate budgetary measures to address the ongoing challenges of migration, refugee inflows and security threats
Deċiżjoni (UE) 2019/276 tal-Parlament Ewropew u tal-Kunsill tat-12 ta' Diċembru 2018 dwar il-mobilizzazzjoni tal-Istrument ta' Flessibilità biex jiġu msaħħa programmi ewlenin għall-kompetittivitá tal-UE għall-finanzjament ta' miżuri baġitarji immedjati biex jiġu indirizzati t-theddidiet kontinwi tal-migrazzjoni, tad-dħul tar-rifuġjati u tas-sigurtà
Deċiżjoni (UE) 2019/276 tal-Parlament Ewropew u tal-Kunsill tat-12 ta' Diċembru 2018 dwar il-mobilizzazzjoni tal-Istrument ta' Flessibilità biex jiġu msaħħa programmi ewlenin għall-kompetittivitá tal-UE għall-finanzjament ta' miżuri baġitarji immedjati biex jiġu indirizzati t-theddidiet kontinwi tal-migrazzjoni, tad-dħul tar-rifuġjati u tas-sigurtà
ĠU L 54, 22.2.2019, p. 3–4
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
|
22.2.2019 |
MT |
Il-Ġurnal Uffiċjali tal-Unjoni Ewropea |
L 54/3 |
DEĊIŻJONI (UE) 2019/276 TAL-PARLAMENT EWROPEW U TAL-KUNSILL
tat-12 ta' Diċembru 2018
dwar il-mobilizzazzjoni tal-Istrument ta' Flessibilità biex jiġu msaħħa programmi ewlenin għall-kompetittivitá tal-UE għall-finanzjament ta' miżuri baġitarji immedjati biex jiġu indirizzati t-theddidiet kontinwi tal-migrazzjoni, tad-dħul tar-rifuġjati u tas-sigurtà
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw il-Ftehim Interistituzzjonali tat-2 ta' Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f'materji ta' baġit u dwar ġestjoni finanzjarja tajba (1), u b'mod partikolari l-punt 12 tiegħu,
Wara li kkunsidraw il-proposta mill-Kummissjoni Ewropea,
Billi,
|
(1) |
L-Istrument ta' Flessibilità huwa maħsub biex jippermetti l-finanzjament ta' nefqa identifikata b'mod ċar li ma setgħetx tiġi ffinanzjata fil-limiti disponibbli għal intestatura waħda jew aktar. |
|
(2) |
Il-limitu massimu tal-ammont annwali disponibbli għall-Istrument ta' Flessibilità jlaħħaq il-EUR 600 000 000 (prezzijiet tal-2011), kif stipulat fl-Artikolu 11 tar-Regolament tal-Kunsill (UE, Euratom) Nru 1311/2013 (2), miżjud, fejn applikabbli b'ammonti li skadew li saru disponibbli f'konformità mat-tieni subparagrafu tal-paragrafu 1 ta dak l-Artikolu. |
|
(3) |
Sabiex jissaħħu programmi ewlenin għall-kompetittività tal-UE u jiġu indirizzati l-isfidi kontinwi tal-migrazzjoni, id-dħul tar-rifuġjati u theddid għas-sigurtà, huwa meħtieġ li jiġu mmobilizzati ammonti addizzjonali sinifikanti għall-finanzjament ta' tali programmi u miżuri bħala kwistjoni ta' urġenza. |
|
(4) |
Wara li ġew eżaminati l-possibilitajiet kollha għar-riallokazzjoni ta' approprjazzjonijiet taħt il-limiti massimi ta' nefqa tas-subintestatura 1a (Kompetittività għat-tkabbir u l-impjiegi) u l-intestatura 3 (Sigurtà u ċittadinanza), huwa meħtieġ li jiġi mobilizzat l-Istrument ta' Flessibilità biex jissupplimenta l-finanzjament disponibbli fil-baġit ġenerali tal-Unjoni għas-sena finanzjarja 2019 lil hinn mil-limiti massimi tas-subintestatura 1a bl-ammont ta' EUR 178 715 475, għat-tisħiħ ta' programmi ewlenin għall-kompetittività tal-UE u tal-intestatura 3 bl-ammont ta' EUR 985 629 138 għall-finanzjament ta' miżuri fil-qasam talmigrazzjoni, ir-refuġjati u s-sigurtà. |
|
(5) |
Abbażi tal-profil tal-pagament mistenni, l-approprjazzjonijiet ta' pagament li jikkorrispondu għall-mobilizzazzjoni tal-Istrument ta' Flessibilità jenħtieġ li jiġu mqassma matul diversi snin finanzjarji. |
|
(6) |
Sabiex ikun permess l-użu malajr tal-fondi, jenħtieġ li din id-Deċiżjoni tibda tapplika mill-bidu tas-sena finanzjarja 2019. |
ADOTTAW DIN ID-DEĊIŻJONI:
Artikolu 1
(1) Għall-baġit ġenerali tal-Unjoni għas-sena finanzjarja 2019, l-Istrument ta' Flessibilità għandu jiġi mobilizzabiex jipprovdi l-ammontta' EUR 178 715 475 f'approprjazzjonijiet ta' impenn fis-subintestatura 1a (Kompetittività għat-tkabbir u l-impjiegi) u ta' EUR 985 629 138 f'approprjazzjonijiet ta' impenji fl-Intestatura 3 (Sigurtà u ċittadinanza).
L-ammont imsemmi fl-ewwel subparagrafu għandu jintuża għat-tisħiħ ta' programmi ewlenin għall-kompetittività tal-UE u għall-finanzjament ta' miżuri biex jiġu indirizzati l-isfidi kontinwi tal-migrazzjoni, id-dħul ta' refuġjati u t-theddid għas-sigurtà.
(2) Abbażi tal-profil tal-pagament mistenni, l-approprjazzjonijiet ta' pagament li jikkorrispondu għall-mobilizzazzjoni tal-Istrument ta' Flessibilità għandhom ikunu stmati kif ġej:
|
(a) |
EUR 548 740 834 fl-2019; |
|
(b) |
EUR 257 223 207 fl-2020; |
|
(c) |
EUR 135 194 558 fl-2021; |
|
(d) |
EUR 140 942 662 fl-2022; |
|
(e) |
EUR 82 243 352 fl-2023. |
L-ammonti speċifiċi ta' approprjazzjonijiet ta' pagament għal kull sena finanzjarja għandhom jiġu awtorizzati f'konformità mal-proċedura baġitarja annwali.
Artikolu 2
Din id-Deċiżjoni għandha tidħol fis-seħħ fil-jum tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Għandha tapplika mill-1 ta' Jannar 2019.
Magħmul fi Strasburgu, it-12 ta' Diċembru 2018.
Għall-Parlament Ewropew
Il-President
A. TAJANI
Għall-Kunsill
Il-President
J. BOGNER-STRAUSS
(1) ĠU C 373, 20.12.2013, p. 1.
(2) Ir-Regolament tal-Kunsill (UE, Euratom) Nru 1311/2013 tat-2 ta' Diċembru 2013 li jistabbilixxi l-qafas finanzjarju pluriennali għas-snin 2014-2020 (ĠU L 347, 20.12.2013, p. 884).