Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018R1002

    Regolament ta' Implimentazzjoni tal-Kummissjoni (UE) 2018/1002 tas-16 ta' Lulju 2018 li jemenda r-Regolament ta' Implimentazzjoni (UE) 2017/1153 biex il-proċedura ta' korrelazzjoni tiġi ċċarata u ssimplifikata u li jadattah għat-tibdil fir-Regolament (UE) 2017/1151 (Test b'rilevanza għaż-ŻEE.)

    C/2018/4352

    ĠU L 180, 17.7.2018, p. 10–15 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_impl/2018/1002/oj

    17.7.2018   

    MT

    Il-Ġurnal Uffiċjali tal-Unjoni Ewropea

    L 180/10

    REGOLAMENT TA' IMPLIMENTAZZJONI TAL-KUMMISSJONI (UE) 2018/1002

    tas-16 ta' Lulju 2018

    li jemenda r-Regolament ta' Implimentazzjoni (UE) 2017/1153 biex il-proċedura ta' korrelazzjoni tiġi ċċarata u ssimplifikata u li jadattah għat-tibdil fir-Regolament (UE) 2017/1151

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (KE) Nru 443/2009 tal-Parlament Ewropew u tal-Kunsill tat-23 ta' April 2009 li jistabbilixxi standards ta' rendiment fir-rigward tal-emissjonijiet tal-vetturi ġodda tal-passiġġieri bħala parti mill-approċċ integrat Komunitarju biex jitnaqqsu l-emissjonijiet ta' CO2 minn vetturi ħfief (1), u b'mod partikolari l-ewwel sottoparagrafu tal-Artikolu 13(7) tiegħu,

    Billi:

    (1)

    Abbażi tal-esperjenza miksuba mill-implimentazzjoni tar-Regolament tal-Kummissjoni (UE) 2017/1151 (2) u tar-Regolament ta' Implimentazzjoni tal-Kummissjoni (UE) 2017/1153 (3), sar evidenti li ċerti elementi tar-Regolament tal-aħħar jenħtieġ li jiġu emendati.

    (2)

    Jeħtieġ li l-metodu eżistenti għad-definizzjoni tal-punti tat-tmiem tal-linja ta' interpolazzjoni li jintużaw biex jiġi kkalkolat il-valur tal-emissjoni ta' CO2 tal-NEDC ta' vettura individwali. Dawk il-punti tat-tmiem, li huma rrappreżentati minn vettura tat-test bl-ogħla valuri tal-emissjonijiet ta' CO2, u minn vettura tat-test bl-iktar valuri baxxi, jenħtieġ li jiġu ddefiniti sabiex id-differenza bejn l-ogħla valuri u l-iktar valuri baxxi taż-żewġ vetturi tat-test tkun ugwali għal jew ogħla minn 5 g CO2/km.

    (3)

    Sabiex jiġi evitat li l-valuri tal-emissjonijiet ta' CO2 ta' vetturi individwali jiġu stabbiliti abbażi ta' linji ta' interpolazzjoni li ma jipprovdux id-differenza minima, jixraq li din l-emenda tidħol fis-seħħ mingħajr dewmien.

    (4)

    Fejn għall-iskop ta' approvazzjoni tat-tip skont ir-Regolament (UE) 2017/1151, jintużaw familji tal-matriċi tat-tagħbija fit-triq, jenħtieġ li l-kalkolu tal-valur tal-emissjonijiet ta' CO2 ta' vettura individwali li tappartjeni għal tali familja jiġi ssimplifikat billi l-koeffiċjenti tat-tagħbija fit-triq li jridu jintużaw għall-kalkolu tal-valur ta' CO2 tal-NEDC jittieħdu mill-koeffiċjenti tat-tagħbija fit-triq tal-vettura individwali kif stabbilit skont ir-Regolament (UE) 2017/1151.

    (5)

    Sabiex jiġi żgurat output ta' korrelazzjoni li jkun sod, jixraq li jiġi miżjud l-għadd ta' ċilindri bħala input li jrid jiġi pprovdut għall-għodda ta' korrelazzjoni.

    (6)

    Jenħtieġ li tinħataf l-opportunità biex jiġu kkoreġuti xi żbalji editorjali fit-test.

    (7)

    Il-miżuri previsti f'dan ir-Regolament huma skont l-opinjoni tal-Kumitat dwar it-Tibdil fil-Klima,

    ADOTTAT DAN IR-REGOLAMENT:

    Artikolu 1

    L-Anness I tar-Regolament ta' Implimentazzjoni (UE) 2017/1153 huwa emendat skont l-Anness ta' dan ir-Regolament.

    Artikolu 2

    Dan ir-Regolament għandu jidħol fis-seħħ fis-seba' jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, is-16 ta' Lulju 2018.

    Għall-Kummissjoni

    Il-President

    Jean-Claude JUNCKER

    (1)  ĠU L 140, 5.6.2009, p. 1.

    (2)  Ir-Regolament tal-Kummissjoni (UE) 2017/1151 tal-1 ta' Ġunju 2017 li jissupplimenta r-Regolament (KE) Nru 715/2007 tal-Parlament Ewropew u tal-Kunsill dwar l-approvazzjoni tat-tip ta' vetturi bil-mutur fir-rigward tal-emissjonijiet ta' vetturi ħfief għall-passiġġieri u ta' vetturi kummerċjali (Euro 5 u Euro 6) u dwar l-aċċess għal informazzjoni dwar it-tiswija u l-manutenzjoni tal-vetturi, li jemenda d-Direttiva 2007/46/KE tal-Parlament Ewropew u tal-Kunsill, ir-Regolament tal-Kummissjoni (KE) Nru 692/2008 u r-Regolament tal-Kummissjoni (UE) Nru 1230/2012 u li jħassar ir-Regolament (KE) Nru 692/2008 (ĠU L 175, 7.7.2017, p. 1).

    (3)  Ir-Regolament ta' Implimentazzjoni tal-Kummissjoni (UE) 2017/1153 tat-2 ta' Ġunju 2017 li jistabbilixxi metodoloġija biex jiġu determinati l-parametri ta' korrelazzjoni meħtieġa biex tiġi riflessa l-bidla fil-proċedura tat-test regolatorju u li jemenda r-Regolament (UE) Nru 1014/2010 (ĠU L 175, 7.7.2017, p. 679).

    ANNESS

    L-Anness I għar-Regolament ta' Implimentazzjoni (UE) 2017/1153 huwa emendat kif ġej:

    (1)

    it-tielet paragrafu tal-punt 2.3.1 huwa sostitwit b'dan li ġej:

     

    “MRO hija l-massa tal-vettura f'kundizzjoni li taħdem kif definita fl-Artikolu 3(1)(d) tar-Regolament (KE) Nru 443/2009 għall-vetturi H, L u R rispettivament.”;

    (2)

    il-punt 2.3.8.1 huwa sostitwit b'dan li ġej:

    “2.3.8.1.   Fil-każ ta' tagħbijiet fit-triq tad-WLTP li jiġu stabbiliti skont il-paragrafi 1-4 u 6 tas-Sottoanness 4 tal-Anness XXI tar-Regolament (UE) 2017/1151

    Il-koeffiċjenti tat-tagħbija fit-triq tal-NEDC għandhom jiġu kkalkolati skont il-formuli speċifikati fil-punt 2.3.8.1.1 (għall-vettura H) u fil-punt 2.3.8.1.2 (għall-vettura L) u fil-punti (a) u (b) li ġejjin.

    Sakemm ma jiġix speċifikat mod ieħor, il-formuli għandhom japplikaw kemm fil-każ tas-simulazzjonijiet kif ukoll fil-każ tat-testijiet fiżiċi tal-vetturi.

    L-awtorità tal-approvazzjoni tat-tip jew, fejn ikun applikabbli, is-servizz tekniku, għandhom jivverifikaw jekk il-faċilità tal-mina tar-riħ imsemmija fil-paragrafu 3.2.3.2.2.3 fis-Sottoanness 7 tal-Anness XXI tar-Regolament (UE) 2017/1151 hijiex ikkwalifikata biex tistabbilixxi b'mod akkurat il-valuri Δ(Cd × Af). Jekk il-faċilità tal-mina tar-riħ ma tkunx ikkwalifikata, l-ogħla valur ta' reżistenza ajrudinamika għandu japplika għall-vetturi kollha fil-familja.

    (a)

    Il-koeffiċjenti tat-tagħbija fit-triq tad-WLTP u l-valuri tal-massa tat-test imsemmija fil-formuli stabbiliti fil-punti 2.3.8.1.1 u 2.3.8.1.2 għandhom ikunu dawk li jirriżultaw mill-vetturi H u L kif stabbilit għall-familja tal-interpolazzjoni skont il-paragrafu 5 tas-Sottoanness 7 tal-Anness XXI tar-Regolament (UE) 2017/1151.

    (b)

    Minkejja l-punt (a), fejn id-domanda għall-enerġija taċ-ċiklu tal-vettura H u/jew L tad-WLTP ma tirriżultax fl-ogħla, jew rispettivament, fid-domanda l-iktar baxxa għall-enerġija taċ-ċiklu tal-vettura H u/jew L tal-NEDC, il-koeffiċjenti tat-tagħbija fit-triq tal-NEDC għandhom jiġu stabbiliti skont wieħed mill-punti li ġejjin:

    (i)

    abbażi tal-vettura individwali fil-familja tal-interpolazzjoni bl-ogħla, jew rispettivament, bl-inqas domanda għall-enerġija taċ-ċiklu tal-NEDC;

    (ii)

    abbażi tal-kombinazzjoni tal-ogħla, jew rispettivament, tal-inqas waħda mill-karatteristiki rilevanti tat-tagħbija fit-triq, jiġifieri r-reżistenza ajrudinamika, ir-reżistenza għad-dawrien u l-massa, meħuda minn kwalunkwe vettura individwali fil-familja tal-interpolazzjoni.

    L-għażla tal-proċedura stabbilita fil-punti (i) jew (ii) għandha ssir mill-manifattur.

    Il-punt (b) għandu japplika għal approvazzjonijiet tat-tip ġodda tal-emissjonijiet mogħtija mill-1 ta' Jannar 2019, jew minn data iktar kmieni fuq talba tal-manifattur.”

    (3)

    fil-punt 2.3.8.1.1, dan li ġej jiddaħħal bħala l-ewwel paragrafu:

    “Fejn din il-proċedura ta' kalkolu tintuża għal vettura individwali skont il-punt 4.2.1.4.2, it-tagħbija fit-triq tad-WLTP u l-massa tat-test li jikkorrispondu għall-vettura individwali tal-NEDC għandhom jintużaw bl-influwenza tat-tagħmir fakultattiv imneħħija.”

    (4)

    il-paragrafu finali tal-punt 2.3.8.1.1(c) huwa sostitwit b'dan li ġej:

    “Fejn il-fattur F*2w,H ikun il-koeffiċjent tat-tagħbija fit-triq F2 stabbilit għat-test tad-WLTP tal-vettura H li minnha tneħħa l-effett tat-tagħmir fakultattiv kollu.”;

    (5)

    il-paragrafu finali tal-punt 2.3.8.1.2(c) huwa sostitwit b'dan li ġej:

    “Fejn il-fattur F*2w,L ikun il-koeffiċjent tat-tagħbija fit-triq F2 stabbilit għat-test tad-WLTP tal-vettura L li minnha tneħħa l-effett tat-tagħmir fakultattiv kollu.”

    (6)

    il-punt 2.3.8.2.1(b) huwa sostitwit b'dan li ġej:

    “(b)   Il-koeffiċjenti tat-tagħbija fit-triq tal-NEDC fejn ma jintużawx valuri tal-NEDC tabulati

    Fil-każ ta' vetturi ddisinjati għal massa massima mgħobbija teknikament permissibbli ugwali għal jew ogħla minn 3 000 kg, il-koeffiċjenti tat-tagħbija fit-triq tal-NEDC jistgħu, fuq talba tal-manifattur, jiġu stabbiliti skont il-punt 2.3.8.1.”;

    (7)

    jiżdied il-punt 2.3.8.3 li ġej:

    “2.3.8.3.   L-estensjonijiet ta' approvazzjonijiet tal-emissjonijiet mogħtija skont ir-Regolament (UE) 2017/1151

    Fejn approvazzjoni tal-emissjonijiet skont ir-Regolament (UE) 2017/1151 tiġi estiża minħabba ż-żieda ta' vetturi ġodda fil-familja tal-interpolazzjoni ta' CO2 b'emissjonijiet ta' CO2 tal-NEDC li jkunu ogħla minn dawk tal-vettura H jew inqas minn dawk tal-vettura L, għandhom japplikaw il-punti li ġejjin għall-iskop tal-korrelazzjoni:

    (a)

    Fejn id-differenza bejn il-vetturi H u L tal-NEDC tal-familja tal-interpolazzjoni kkonċernata tkun ugwali għal jew ogħla minn 5 g ta' CO2/km, il-linja ta' interpolazzjoni tal-NEDC stabbilita għal dik il-familja tista' tiġi estiża, diment li l-emissjonijiet ta' CO2 tal-NEDC stabbiliti skont il-punt 3 ta' dan l-Anness abbażi ta' data tal-input meħuda mit-test tad-WLTP imsemmi fil-punt 3.1.1 tal-Anness I tar-Regolament (UE) 2017/1151, ikunu ugwali għal jew inqas mill-emissjonijiet ta' CO2 stabbiliti abbażi tal-linja ta' interpolazzjoni tal-NEDC;

    (b)

    Fejn id-differenza bejn il-vetturi H u L tal-NEDC tkun inqas minn 5 g ta' CO2/km, il-linja ta' interpolazzjoni ma tistax tiġi estiża.

    Fil-każ (a), l-emissjonijiet ta' referenza ta' CO2 għandhom jiġu stabbiliti mingħajr l-għażla msemmija fil-punti 3.1.1.2 u 3.2.6 ta' dan l-Anness.

    Fil-każ (b), jew fil-każ li l-emissjonijiet ta' referenza ta' CO2 imsemmija fil-punt (a) ikunu ogħla mil-linja ta' interpolazzjoni eżistenti, il-vetturi H u L tal-NEDC għandhom jiġu stabbiliti skont il-punti 2 u 3 ta' dan l-Anness.

    Il-punt (a) għandu japplika fir-rigward ta' estensjonijiet għal tipi ġodda mogħtija mill-1 ta' Jannar 2019, jew minn data iktar kmieni fuq talba tal-manifattur.”

    (8)

    it-Tabella 1 tal-punt 2.4 hija emendata kif ġej:

    (a)

    fl-entrata 66, it-test tal-ewwel kolonna huwa sostitwit b'dan li ġej:

    “In-numru tal-identifikazzjoni tal-familja tal-interpolazzjoni”

    (b)

    tiżdied l-entrata 68 li ġejja:

    “68

    Numru ta' ċilindri

    —

    Id-dikjarazzjoni tal-manifattur

    Numru (Irid jiġi pprovdut sa mhux iktar tard mill-1 ta' Jannar 2019)”

    (9)

    fil-punt 3.1.1.1(c), il-punt (i) huwa sostitwit b'dan li ġej:

    “(i)

    		 in-numru tal-identifikazzjoni tal-familja tal-interpolazzjoni”

    (10)

    il-punt 3.3.4 għandu jitħassar;

    (11)

    il-punt 4.2.1.4 huwa sostitwit b'dan li ġej:

    “4.2.1.4.   Il-kalkolu tat-tagħbija fit-triq għal vettura individwali f'familja ta' interpolazzjoni tad-WLTP

    4.2.1.4.1.   Il-koeffiċjenti tat-tagħbija fit-triq derivati mill-vetturi H u L tal-NEDC

    Il-koeffiċjenti tat-tagħbija fit-triq F0,n, F1,n u F2,n għall-vetturi H u L stabbiliti skont il-punt 2.3.8 jissejħu F0n,H, F1n,H u F2n,H u F0n,L, F1n,L u F2n,L rispettivament.

    Il-koeffiċjenti tat-tagħbija fit-triq f0n,ind, f1n,ind u f2n,ind għal vettura individwali għandhom jiġu kkalkolati skont il-formula li ġejja:

    Formula 1(a)

    Formula

    Għal approvazzjonijiet tat-tip ġodda tal-emissjonijiet mogħtija mill-1 ta' Jannar 2019, jew qabel dik id-data, fuq talba tal-manifattur, il-koeffiċjenti tat-tagħbija fit-triq għandhom jiġu kkalkolati skont il-formula li ġejja:

    Formula 1(b)

    Formula

    Or, if (TMn,H · RRn,H – TMn,L · RRn,L ) = 0, or, where applicable, (RMn,H · RRn,H – RMn,L · RRn,L ) = 0, Formula 2 shall apply:

    Formula 2

    f 0 n,ind = F 0 n,H – ΔF 0 n

    f 1 n,ind = F 1 n,H

    Formula

    or, if Δ[Cd × Af]LH,n = 0, Formula 3 shall apply:

    Formula 3

    f 2 n,ind = F 2 n,H – ΔF 2 n

    where:

    ΔF 0,n = F 0n,H – F 0 n,L

    ΔF 2,n = F 2n,H – F 2 n,L

    4.2.1.4.2.   Il-koeffiċjenti tat-tagħbija fit-triq derivati mill-koeffiċjenti tat-tagħbija fit-triq tad-WLTP ta' vetturi individwali

    Mill-1 ta' Jannar 2019 għall-approvazzjonijiet tat-tip ġodda, u mill-1 ta' Jannar 2020 għall-vetturi ġodda kollha mdaħħla fis-servizz, jew qabel dawk id-dati fuq talba tal-manifattur, it-tagħbijiet fit-triq tal-NEDC għal vettura individwali għandhom jiġu derivati mill-koeffiċjenti tat-tagħbija fit-triq tad-WLTP ta' dik il-vettura fi kwalunkwe wieħed mill-każijiet li ġejjin:

    (a)

    jekk il-valur tal-emissjonijiet ta' CO2, id-domanda għall-enerġija taċ-ċiklu, jew kwalunkwe wieħed mill-koeffiċjenti tat-tagħbija fit-triq f0, f1 jew f2 ikkalkolati skont il-punt 4.2.1.4.1, iridu jiġu estrapolati mill-vettura H jew L tal-NEDC;

    (b)

    jekk il-koeffiċjenti tat-tagħbija fit-triq għall-vetturi H u L tal-NEDC ikunu derivati minn familji differenti tat-tagħbija fit-triq;

    (c)

    jekk il-vettura individwali tkun parti minn familja tat-tagħbija fit-triq li tkun differenti mill-familja tat-tagħbija fit-triq tal-vettura H u/jew L tal-NEDC;

    (d)

    jekk il-vettura individwali tkun parti minn familja tal-matriċi tat-tagħbija fit-triq.

    Il-koeffiċjenti tat-tagħbija fit-triq tal-NEDC għandhom, fil-każijiet (a) sa (d), jiġu kkalkolati skont il-formuli stabbiliti fil-punt 2.3.8.1.1, fejn ir-referenzi għall-vettura H għandhom jitqiesu bħala referenzi għall-vettura individwali.

    Fil-każ (a), l-estrapolazzjoni ta' CO2 tista' ssir biss jekk id-differenza bejn il-vetturi H u L tal-NEDC tkun ugwali għal jew ogħla minn 5 g ta' CO2/km. F'dak il-każ, il-linja ta' interpolazzjoni tista' tiġi estrapolata b'massimu ta' 3 g ta' CO2/km 'il fuq mill-emissjonijiet ta' CO2 tal-vettura H, jew inqas mill-emissjonijiet ta' CO2 tal-vettura L. Jekk l-estrapolazzjoni taqbeż 3 g ta' CO2/km, jew id-differenza bejn il-vettura H u L tal-NEDC tkun inqas minn 5 g ta' CO2/km, il-manifattur għandu jistabbilixxi linja ta' interpolazzjoni ġdida għal dik il-familja tal-interpolazzjoni skont il-punti 2 u 3 ta' dan l-Anness.”

    (12)

    il-punt 4.2.1.4a. jitħassar.
    Top