Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32018R0828

    Regolament Delegat tal-Kummissjoni (UE) 2018/828 tal-15 ta' Frar 2018 li jemenda r- Regolament (UE) 2015/68 fir-rigward ta' rekwiżiti marbuta mas-sistemi tal-ibbrejkar antilokk, mal-apparati ta' ħżin tal-enerġija bi pressjoni għolja u mal-konnessjonijiet idrawliċi tat-tip ta' linja waħda (Test b'rilevanza għaż-ŻEE.)

    C/2018/862

    ĠU L 140, 6.6.2018, p. 5–7 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2018/828/oj

    6.6.2018   

    MT

    Il-Ġurnal Uffiċjali tal-Unjoni Ewropea

    L 140/5

    REGOLAMENT DELEGAT TAL-KUMMISSJONI (UE) 2018/828

    tal-15 ta' Frar 2018

    li jemenda r- Regolament (UE) 2015/68 fir-rigward ta' rekwiżiti marbuta mas-sistemi tal-ibbrejkar antilokk, mal-apparati ta' ħżin tal-enerġija bi pressjoni għolja u mal-konnessjonijiet idrawliċi tat-tip ta' linja waħda

    (Test b'rilevanza għaż-ŻEE)

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 167/2013 tal-Parlament Ewropew u tal-Kunsill tal-5 ta' Frar 2013 dwar l-approvazzjoni u s-sorveljanza tas-suq ta' vetturi għall-agrikoltura u għall-forestrija (1), u b'mod partikulari l-Artikolu 17(5) tiegħu,

    Billi:

    (1)

    Il-premessa (6) tar-Regolament Delegat tal-Kummissjoni (UE) 2015/68 (2) jantiċipa li l-Kummissjoni tivvaluta r-rekwiżiti għall-immuntar tas-sistemi tal-ibbrejkjar antilokk (ABS) fuq it-tratturi b'veloċità massima tad-disinn ta' bejn 40 u 60 km/h mill-1 ta' Jannar 2020. Wara valutazzjoni ta' dak ir-rekwiżit, il-Kummissjoni kkonkludiet li t-tneħħija tar-rekwiżit tal-ABS mir-Regolament Delegat għal dawk il-vetturi tevita kostijiet finanzjarji sproporzjonati għall-industrija u għall-utenti, li fl-aħħar mill-aħħar iwasslu għal dewmien fl-użu effettiv tat-teknoloġija l-aktar reċenti tal-ibbrejkjar fis-suq. Għalhekk, ir-rekwiżit li jitwaħħlu dawk il-vetturi jiġu mgħammra bl-ABS jenħtieġ li jitħassar.

    (2)

    Il-kondizzjonijiet ta' tħaddim tal-apparati ta' ħżin tal-enerġija bi pressjoni għolja jenħtieġ li jippermetti firxa ta' pressjoni skont l-aħħar żviluppi u jipprevedi t-test korrispondenti. Il-valuri ta' limitu tal-pressjoni għandhom jenħtieġ li jiġu adattati skont dan.

    (3)

    Sabiex ikun hemm tranżizzjoni bla xkiel għall-projbizzjoni ta' konnessjonijiet idrawliċi tat-tip ta' linja waħda, l-Istati Membri u l-industrija, meta japplikaw ir-rekwiżiti tal-ibbrejkjar tar-Regolament Delegat (UE) 2015/68 għal tratturi ġodda konnessi ma' karrijiet diġà fis-servizz, filwaqt li titqies ir-rata tat-tiġdid tal-flotta ta' vetturi għall-agrikoltura u għall-forestrija rmunkati, l-applikazzjoni ta' rekwiżiti tranżizzjonali dwar konnessjonijiet idrawliċi tat-tip ta' linja waħda tal-apparati tal-ibbrejkjar u tal-agganċamenti tal-ibbrejkjar tal-karrijiet jenħtieġ li jiġi estiż sal-31 ta' Diċembru 2024.

    (4)

    Għaldaqstant ir-Regolament Delegat (UE) 2015/68 jenħtieġ li jiġi emendat skont dan.

    (5)

    Filwaqt li jitqies li dan ir-Regolament fih għadd ta' emendi importanti tar-Regolament (UE) 2015/68, meħtieġa għal applikazzjoni bla xkiel tiegħu, jenħtieġ li jidħol fis-seħħ b'urġenza,

    ADOTTAT DAN IR-REGOLAMENT:

    Artikolu 1

    Emendi fir-Regolament ta' Delega (UE) 2015/68

    Ir-Regolament ta' Delega tal-Kummissjoni (UE) 2015/68 qed jiġi emendat kif ġej:

    (1)

    L-Artikolu 16 huwa sostitwit b'dan li ġej:

    “Artikolu 16

    Rekwiżiti applikabbli għall-konnessjonijiet idrawliċi tat-tip ta' linja waħda u għat-tratturi mgħammra bihom

    1.   Ir-rekwiżiti tal-prestazzjoni applikabbli għall-konnessjonijiet idrawliċi tat-tip ta' linja waħda tal-apparati tal-ibbrejkjar u tal-agganċamenti tal-ibbrejkjar tal-karrijiet u għal tratturi mgħammra b'konnessjonijiet idrawliċi tat-tip ta' linja waħda huma stabbiliti fl-Anness XIII. Dawk ir-rekwiżiti għandhom japplikaw sal-31 ta' Diċembru 2024.

    2.   Il-manifatturi ma għandhomx jinstallaw konnessjonijiet idrawliċi tat-tip ta' linja waħda ma' tratturi ġodda wara l-31 ta' Diċembru 2024.”.

    (2)

    L-Artikolu 17 huwa emendat kif ġej:

    (a)

    it-tieni paragrafu jitħassar;

    (b)

    ir-raba' paragrafu huwa sostitwit b'dan li ġej:

    “B'effett mill-1 ta' Jannar 2025, l-awtoritajiet nazzjonali għandhom jipprojbixxu t-tqegħid fis-suq, ir-reġistrazzjoni jew id-dħul fis-servizz ta' tratturi ġodda mgħammra b'konnessjonijiet idrawliċi tat-tip ta' linja waħda.”.

    (3)

    L-Annessi I, IV u XIII tar-Regolament (UE) 2015/68 huma emendati skont l-Anness ta' dan ir-Regolament.

    Artikolu 2

    Dħul fis-seħħ

    Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament għandu jorbot fl-intier tiegħu u japplika direttament fl-Istati Membri kollha.

    Magħmul fi Brussell, il-15 ta' Frar 2018.

    Għall-Kummissjoni

    Il-President

    Jean-Claude JUNCKER

    (1)  ĠU L 60, 2.3.2013, p. 1.

    (2)  Ir-Regolament Delegat tal-Kummissjoni (UE) 2015/68 tal-15 ta' Ottubru 2014 li jissupplementa r-Regolament (UE) Nru 167/2013 tal-Parlament Ewropew u tal-Kunsill fir-rigward tar-rekwiżiti tal-ibbrejkjar tal-vettura għall-approvazzjoni tal-vetturi għall-agrikoltura u għall-forestrija (ĠU L 17, 23.1.2015, p. 1).

    ANNESS

    L-Annessi I, IV u XIII tar-Regolament Delegat (UE) 2015/68 huma emendati kif ġej:

    (1)

    L-Anness I huwa emendat kif ġej:

    (a)

    il-punt 2.2.1.21.2 jitħassar;

    (b)

    il-punt 2.2.1.23 jinbidel b'dan li ġej:

    “2.2.1.23

    		 It-tratturi għajr dawk imsemmija fil-punt 2.2.1.21.1 li huma mgħammra b'sistemi tal-ibbrejkjar antilokk għandhom jikkonformaw mar-rekwiżiti tal-Anness XI.”;

    (c)

    fil-punt 2.2.2.15.1.1, il-kliem “Din il-pressjoni ma għandhiex tkun aktar minn 11 500 kPa” jitħassru;

    (d)

    jiddaħħlu l-punti 2.2.2.15.1.1.1 u 2.2.2.15.1.1.2 li ġejjin:

    “2.2.2.15.1.1.1.

    Din il-pressjoni baxxa fl-apparati ta' ħżin tal-enerġija idrawlika m'għandhiex taqbeż 11 500 kPa għal sistemi li jużaw apparati ta' ħżin tal-enerġija bi pressjoni massima tat-tħaddim ta' 15 000 kPa.

    2.2.2.15.1.1.2.

    Din il-pressjoni baxxa fl-apparati ta' ħżin tal-enerġija idrawlika tista taqbeż 11 500 kPa għal sistemi li jużaw apparati ta' ħżin li jkunu kkargati sa pressjoni massima tat-tħaddim ta' 15 000 kPa biex jikkonformaw mal-prestazzjoni tal-ibbrejkjar preskritta.”.

    (2)

    Fl-Anness IV, parti C (Sistemi tal-ibbrejkjar idrawliċi b'enerġija maħżuna), jiżdied il-punt 1.3.2.1.1 li ġej:

    “1.3.2.1.1.

    		 fil-każ ta' sistemi li jużaw apparat tal-ħżin tal-enerġija li kkargat mitluba għal pressjoni operattiva massima ta' aktar minn 15 000 kPa biex jikkonformaw mar-rekwiżiti tal-prestazzjoni tal-ibbrejkjar preskritta, il-pressjoni fl-apparat tal-ħżin tal-enerġija fil-bidu tat-test għandha tkun il-pressjoni massima prevista mill-manifattur.”.

    (3)

    L-Anness XIII huwa emendat kif ġej:

    (a)

    il-punt 1.1 jinbidel b'li ġej:

    “1.1.

    		 Konnessjoni idrawlika tat-tip ta' linja waħda tista' tiġi installata fuq tratturi li jkunu mgħammra bi kwalunkwe wieħed minn dawn li ġejjin:

    (a)

    kwalunkwe konnessjoni imsemmija fil-punt 2.1.4 tal-Anness I;

    (b)

    kwalunkwe konnessjoni tat-tipi msemmija fil-punti 2.1.5.1.1, 2.1.5.1.2 u 2.1.5.1.3 tal-Anness I. F'dan il-każ, sabiex jiġi evitat li jkun hemm duplikazzjoni ta' konnettur, il-konnettur maskili ta' konnessjoni idrawlika tat-tip ta' linja waħda jista' jkun il- konnettur maskili deskritti fil-punt 2.1.5.1.1 tal-Anness I, bil-kundizzjoni li l-pressjonijiet li jiġu ġġenerati fuq dak il-konnettur jikkonformaw mal-punti 1.1.1, 1.1.2 u 1.1.3”.

    (b)

    Jiddaħħlu l-punti 1.1.1., 1.1.2 u 1.1.3. li ġejjin:

    “1.1.1.

    Fil-każ li l-linja ta' kontroll u l-linja supplimentari ta' vettura rmunkata jkunu konnessi, il-pressjoni pm iġġenerata għandha tkun skont id-Dijagramma 2 tal-Appendiċi 1 tal-Anness II.

    1.1.2.

    Fil-każ li tkun konnessa vettura rmunkata b'konnessjoni idrawlika tat-tip ta' linja waħda, il-pressjoni pm iġġenerata għandha tkun skont il-punt 2 jew 3 ta' dan l-Anness.

    1.1.3.

    Id-ditezzjoni tal-linji konnessi msemmija fil-punti 1.1.1. u 1.1.2 għandha ssir b'mezzi awtomatiċi.”.
    Top