This document is an excerpt from the EUR-Lex website
Document 32018R0690
Commission Implementing Regulation (EU) 2018/690 of 7 May 2018 amending Implementing Regulation (EU) No 540/2011 as regards the conditions of approval of the active substance fenazaquin (Text with EEA relevance. )
Regolament ta' Implimentazzjoni tal-Kummissjoni (UE) 2018/690 tas-7 ta' Mejju 2018 li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva fenażakwin (Test b'rilevanza għaż-ŻEE. )
Regolament ta' Implimentazzjoni tal-Kummissjoni (UE) 2018/690 tas-7 ta' Mejju 2018 li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva fenażakwin (Test b'rilevanza għaż-ŻEE. )
C/2018/2646
ĠU L 117, 8.5.2018, p. 3–5
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
8.5.2018 |
MT |
Il-Ġurnal Uffiċjali tal-Unjoni Ewropea |
L 117/3 |
REGOLAMENT TA' IMPLIMENTAZZJONI TAL-KUMMISSJONI (UE) 2018/690
tas-7 ta' Mejju 2018
li jemenda r-Regolament ta' Implimentazzjoni (UE) Nru 540/2011 fir-rigward tal-kundizzjonijiet għall-approvazzjoni tas-sustanza attiva fenażakwin
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b'mod partikolari l-Artikolu 13(2)(c) tiegħu,
Billi:
(1) |
Id-Direttiva ta' Implimentazzjoni tal-Kummissjoni 2011/39/UE (2) inkludiet il-fenażakwin bħala sustanza attiva fl-Anness I tad-Direttiva tal-Kunsill 91/414/KEE (3). |
(2) |
Is-sustanzi attivi inklużi fl-Anness I tad-Direttiva 91/414/KEE jitqiesu li ġew approvati skont ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta' Implimentazzjoni tal-Kummissjoni (UE) Nru 540/2011 (4). |
(3) |
L-approvazzjoni tas-sustanza attiva fenażakwin, kif stipulata fil-Parti A tal-Anness tar-Regolament ta' Implimentazzjoni (UE) Nru 540/2011, kienet ristretta għall-użi bħala akariċida fuq pjanti ornamentali fis-serer. |
(4) |
Skont l-Artikolu 7(1) tar-Regolament (KE) Nru 1107/2009, fid-19 ta' Settembru 2011, Gowan Comércio Internacional e Serviços Limitada, il-produttur tas-sustanza attiva, ressaq applikazzjoni lill-Istat Membru relatur maħtur, il-Ġreċja, biex jitlob emenda għall-kundizzjonijiet tal-approvazzjoni tal-fenażakwin sabiex titneħħa r-restrizzjoni u tippermetti l-użi fuq l-għeneb, iċ-ċitru, il-frott taż-żerriegħa u l-frott tal-għadma. L-Istat Membru relatur sab li l-applikazzjoni kienet ammissibbli. |
(5) |
L-Istat Membru relatur ħejja addendum mal-abbozz tar-rapport ta' valutazzjoni, u ressqu lill-Awtorità Ewropea dwar is-Sigurtà fl-Ikel (“l-Awtorità”) u lill-Kummissjoni fl-14 ta' Frar 2012. |
(6) |
L-Awtorità ċċirkolat l-addendum mal-abbozz tar-rapport ta' valutazzjoni lill-applikant u lill-Istati Membri għall-kummenti tagħhom, u qegħditu għad-dispożizzjoni tal-pubbliku skont l-Artikolu 12(1) tar-Regolament (KE) Nru 1107/2009. |
(7) |
Fid-19 ta' Marzu 2013, l-Awtorità nnotifikat lill-Kummissjoni bil-konklużjoni (5) tagħha dwar jekk hux mistenni li l-użi ġodda tas-sustanza attiva fenażakwin jissodisfawx il-kriterji tal-approvazzjoni previsti fl-Artikolu 4 tar-Regolament (KE) Nru 1107/2009. Il-Kummissjoni bagħtet l-abbozz emendat tar-rapport ta' reviżjoni lill-applikant għall-kummenti tiegħu fis-17 ta' Settembru 2013, kif ukoll lill-Kumitat Permanenti dwar il-Katina Alimentari u s-Saħħa tal-Annimali fit-2 ta' Ottubru 2013. Il-Kumitat Permanenti ma setax jikkonkludi jekk huwiex xieraq li jimmodifika l-kundizzjonijiet tal-approvazzjoni tal-fenażakwin, kif mitlub mill-applikant. |
(8) |
Wara eżami ulterjuri tad-dossier, il-Kummissjoni ħejjiet abbozz ta' addendum mar-rapport ta' reviżjoni oriġinali, kif ukoll abbozz ta' Regolament dwar il-fenażakwin. Il-Kummissjoni ressqet l-abbozz ta' addendum u l-abbozz ta' Regolament lill-Kumitat Permanenti dwar il-Pjanti, l-Annimali, l-Ikel u l-Għalf fit-13 ta' Diċembru 2017. |
(9) |
Il-Kummissjoni stiednet lill-applikant iressaq il-kummenti tiegħu dwar l-abbozz ta' addendum tar-rapport ta' reviżjoni għall-fenażakwin. L-applikant ressaq il-kummenti tiegħu, u dawn ġew eżaminati bir-reqqa. |
(10) |
Ma ġiex iddemostrat li jista' jkun mistenni li l-prodotti għall-protezzjoni tal-pjanti li fihom il-fenażakwin jissodisfaw b'mod ġenerali r-rekwiżiti stabbiliti fl-Artikolu 4 tar-Regolament (KE) Nru 1107/2009, għajr jekk tinżamm biss ir-restrizzjoni prevista bħalissa għall-użu fis-serra. Għaldaqstant, jixraq li tinżamm ir-restrizzjoni għall-użu fis-serer biss, kif iddefinit fl-Artikolu 3(27) tar-Regolament (KE) Nru 1107/2009. |
(11) |
Dwar użu rappreżentattiv wieħed jew aktar ta' mill-inqas prodott wieħed għall-protezzjoni tal-pjanti li fih is-sustanza attiva, ġie stabbilit li meta l-prodott għall-protezzjoni tal-pjanti jintuża fuq l-għalla li tista' tittiekel, il-kriterji għall-approvazzjoni previsti fl-Artikolu 4 tar-Regolament (KE) Nru 1107/2009 huma ssodisfati. Għaldaqstant, jixraq li ma tinżammx ir-restrizzjoni għall-użu tal-fenażakwin fuq pjanti ornamentali biss. |
(12) |
Skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu, u fid-dawl tal-għarfien xjentifiku u tekniku attwali, jeħtieġ u jixraq li jiġu emendati l-kundizzjonijiet tal-approvazzjoni tas-sustanza attiva fenażakwin, filwaqt li tinżamm soġġetta għal ċerti kundizzjonijiet u restrizzjonijiet. Għaldaqstant, jenħtieġ li r-Regolament (UE) Nru 540/2011 jiġi emendat skont dan. |
(13) |
Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emenda tar-Regolament ta' Implimentazzjoni (UE) Nru 540/2011
L-Anness tar-Regolament ta' Implimentazzjoni (UE) Nru 540/2011 huwa emendat skont l-Anness ta' dan ir-Regolament.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta' Mejju 2018.
Għall-Kummissjoni
Il-President
Jean-Claude JUNCKER
(1) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta' Ottubru 2009 dwar it-tqegħid fis-suq ta' prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).
(2) Id-Direttiva ta' Implimentazzjoni tal-Kummissjoni 2011/39/UE tal-11 ta' April 2011 li temenda d-Direttiva tal-Kunsill 91/414/KEE biex jiġi inkluż il-fenażakwin bħala sustanza attiva u li temenda d-Deċiżjoni tal-Kummissjoni 2008/934/KE (ĠU L 97, 12.4.2011, p. 30).
(3) Id-Direttiva tal-Kunsill 91/414/KEE tal-15 ta' Lulju 1991 li tikkonċerna t-tqegħid fis-suq ta' prodotti għall-protezzjoni tal-pjanti (ĠU L 230, 19.8.1991, p. 1).
(4) Ir-Regolament ta' Implimentazzjoni tal-Kummissjoni (UE) Nru 540/2011 tal-25 ta' Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f'dak li għandu x'jaqsam mal-lista ta' sustanzi attivi approvati (ĠU L 153, 11.6.2011, p. 1).
(5) L-Awtorità Ewropea dwar is-Sigurtà fl-Ikel; Conclusion on the peer review of the pesticide risk assessment of the active substance fenazaquin. EFSA Journal 2013;11(4):3166. [80 pp.] doi:10.2903/j.efsa.2013.3166.
ANNESS
It-test tal-kolonna “Dispożizzjonijiet speċifiċi” tar-ringiela 342, fenażakwin, tal-Parti A tal-Anness tar-Regolament ta' Implimentazzjoni (UE) Nru 540/2011, huwa sostitwit b'dan li ġej:
“PARTI A
L-użi bħala akariċida fis-serer biss jistgħu jkunu awtorizzati.
PARTI B
Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, il-konklużjonijiet tar-rapport ta' reviżjoni dwar il-fenażakwin, u b'mod partikolari l-Appendiċijiet I u II tiegħu, kif iffinalizzati mill-Kumitat Permanenti dwar il-Katina Alimentari u s-Saħħa tal-Annimali fil-11 ta' Marzu 2011, kif ukoll il-konklużjonijiet tal-addendum mar-rapport ta' reviżjoni fuq il-fenażakwin, u b'mod partikolari l-Appendiċijiet I u II tiegħu, kif iffinalizzati mill-Kumitat Permanenti dwar il-Pjanti, l-Annimali, l-Ikel u l-Għalf fit-22 ta' Marzu 2018, għandhom jiġu kkunsidrati.
F'din il-valutazzjoni ġenerali, l-Istati Membri għandhom jagħtu attenzjoni partikolari għal dan li ġej:
(a) |
il-protezzjoni tal-organiżmi akkwatiċi; |
(b) |
il-protezzjoni tal-operaturi, filwaqt li jiġi żgurat li l-kundizzjonijiet tal-użu jinkludu l-applikazzjoni ta' tagħmir ta' protezzjoni personali xieraq; |
(c) |
il-protezzjoni tan-naħal; |
(d) |
ir-riskju għan-naħal u għan-naħal bagħli li jiġi rilaxxat għad-dakkir, meta s-sustanza attiva tintuża fis-serer; |
(e) |
ir-riskju għall-konsumaturi, b'mod partikolari mir-reżidwi ġġenerati matul l-ipproċessar; |
(f) |
il-kundizzjonijiet tal-użu biex jiġi evitat l-esponiment għar-reżidwi tal-fenażakwin fir-rigward tal-għelejjel għall-konsum mill-bniedem u mill-annimali. |
Fejn xieraq, il-kundizzjonijiet tal-użu għandhom jinkludu miżuri ta' mitigazzjoni tar-riskju.”