27.2.2018   

MT

Il-Ġurnal Uffiċjali tal-Unjoni Ewropea

L 55/1

(1)

Ir-Regolament tal-Kunsill (UE) 2017/1509 (2) jġib fis-seħħ il-miżuri previsti fid-Deċiżjoni (PESK) 2016/849.

(2)

Fit-22 ta' Diċembru 2017 il-Kunsill tas-Sigurtà tan-Nazzjonijiet Uniti (“KSNU”) adotta r-Riżoluzzjoni 2397 (2017), li fiha esprima t-tħassib l-aktar serju għall-isparar ta' missila ballistika mir-Repubblika Demokratika tal-Poplu tal-Korea (“RDPK”) fit-28 ta' Novembru 2017. Il-KSNU afferma mill-ġdid li l-proliferazzjoni ta' armi nukleari, kimiċi u bijoloġiċi, u wkoll il-mezzi tat-twassil tagħhom, tikkostitwixxi theddida għall-paċi u s-sigurtà internazzjonali, u impona miżuri ġodda kontra r-RDPK. Dawk il-miżuri jkomplu jsaħħu l-miżuri restrittivi imposti bir-Riżoluzzjonijiet tal-KSNU (“UNSCR”) 1718 (2006), 1874 (2009), 2087 (2013), 2094 (2013), 2270 (2016), 2321 (2016), 2356 (2017), 2371 (2017) u 2375 (2017).

(3)

Il-KSNU ddeċieda, inter alia, li jsaħħaħ il-projbizzjoni fuq l-esportazzjoni ta' prodotti petroliferi u li jimponi projbizzjoni fuq l-importazzjoni ta' prodotti tal-ikel, makkinarju, tagħmir elettriku, ħamrija u ġebel tar-RDPK; projbizzjoni fuq l-esportazzjoni lejn ir-RDPK ta' tagħmir industrijali, makkinarju, vetturi tat-trasport u metalli industrijali; u miżuri restrittivi marittimi oħra.

(4)

Il-Kummissjoni jenħtieġ li tingħata s-setgħa li temenda l-listi ta' prodotti tal-ikel u agrikoli; makkinarju u tagħmir elettriku; ħamrija u ġebel, inkluż il-manjeżit u l-manjeżja; injam; bastimenti; u makkinarju industrijali, vetturi tat-trasport, u ħadid, azzar u metalli oħra abbażi ta' determinazzjonijiet magħmula jew mill-Kumitat tas-Sanzjonijiet jew mill-KSNU u taġġorna l-kodiċijiet tan-nomenklatura min-Nomenklatura Magħquda kif stabbiliti fl-Anness I għar-Regolament tal-Kunsill (KEE) Nru 2658/87 (3).

(5)

Sabiex tiġi żgurata l-applikazzjoni uniformi tal-miżuri marittimi fil-UNSCR 2397 (2017), huwa xieraq li jinħoloq Anness XVIII ġdid tar-Regolament (UE) 2017/1509 li fih lista ta' bastimenti li l-Kunsill għandu raġuni li jemmen li kienu involuti f'attivitajiet, jew fit-trasport ta' oġġetti, ipprojbiti mir- Riżoluzzjoni tal-KNSU 1718 (2006), 1874 (2009), 2087 (2013), 2094 (2013), 2270 (2016), 2321 (2016), 2356 (2017), 2371 (2017), 2375 (2017) jew 2397 (2017).

(6)

Is-setgħa li tiġi emendata l-lista ta' bastimenti li tinsab fl-Anness XVIII għar-Regolament (UE) 2017/1509 għandha tiġi eżerċitata mill-Kunsill sabiex tiġi żgurata l-konsistenza mal-proċess għall-adozzjoni u l-emendar tal-lista ta' bastimenti fl-Anness VI għad-Deċiżjoni (PESK) 2016/849.

(7)

Tliet persuni u entità waħda li ġew iddeżinjati mill-KSNU jenħtieġ li jitneħħew mil-lista ta' persuni u entitajiet iddeżinjati awtonomament mill-Kunsill indikata fl-Anness XV għar-Regolament (UE) 2017/1509.

(8)

Id-Deċiżjoni tal-Kunsill (PESK) 2018/293 (4) emendat id-Deċiżjoni (PESK) 2016/849 sabiex tagħti effett lill-miżuri l-ġodda imposti bir-Riżoluzzjoni tal-KSNU 2397(2017).

(9)

Dawn il-miżuri jaqgħu fil-kamp ta' applikazzjoni tat-Trattat u, għalhekk, b'mod partikolari bil-ħsieb li tiġi żgurata l-applikazzjoni uniformi tagħhom fl-Istati Membri kollha, hija meħtieġa azzjoni regolatorja fil-livell tal-Unjoni.

(10)

Għalhekk jenħtieġ li r-Regolament (UE) 2017/1509 jiġi emendat skont dan,

(1)

L-Artikolu 16a huwa sostitwit b'dan li ġej:

“Artikolu 16a

1.   Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, mir-RDPK, ta' frott tal-baħar, inkluż ħut, krustaċji, molluski u invertebrati akkwatiċi oħrajn fil-forom kollha, kif elenkat fl-Anness XIa, kemm jekk ikunu joriġinaw mir-RDPK kif ukoll jekk le.

2.   Għandu jkun ipprojbit ix-xiri jew it-trasferiment, b'mod dirett jew indirett tad-drittijiet tas-sajd mir-RDPK.”;

(2)

l-Artikoli 16d, 16e u 16f huma sostitwiti b'dan li ġej:

“Artikolu 16d

Għandu jkun ipprojbit il-bejgħ, il-forniment, it-trasferiment jew l-esportazzjoni, b'mod dirett jew indirett, ta' kull prodott petrolifiku raffinat, kif elenkati fl-Anness XId, kemm jekk joriġina fl-Unjoni kif ukoll jekk le, lir-RDPK.

Artikolu 16e

1.   B'deroga mill-Artikolu 16d, l-awtoritajiet kompetenti tal-Istati Membri jistgħu jawtorizzaw tranżazzjonijiet ta' prodotti petrolifiċi raffinati li jkun determinat li huma esklussivament għal skopijiet ta' għajxien, sakemm jiġu ssodisfati l-kundizzjonijiet kollha li ġejjin:

2.   L-Istat Membru kkonċernat għandu jinnotifika lill-Istati Membri l-oħrajn u lill-Kummissjoni b'kull awtorizzazzjoni mogħtija skont il-paragrafu 1.

Artikolu 16f

Għandu jkun ipprojbit il-bejgħ, il-forniment, it-trasferiment jew l-esportazzjoni, b'mod dirett jew indirett, taż-żejt grezz, kif elenkati fl-Anness XIe, kemm jekk joriġina fl-Unjoni kif ukoll jekk le, lir-RDPK.”;

(3)

fl-Artikolu 16 g, il-paragrafu 1 huwa sostitwit b'dan li ġej:

“1.   B'deroga mill-Artikolu 16f, l-awtoritajiet kompetenti tal-Istati Membri jistgħu jawtorizzaw tranżazzjonijiet ta' żejt grezz, sakemm jiġu ssodisfati l-kundizzjonijiet kollha li ġejjin:

(4)

jiddaħħlu l-Artikoli li ġejjin:

“Artikolu 16j

Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, prodotti tal-ikel u agrikoli elenkati fl-Anness XIg mir-RDPK, kemm jekk joriġinaw mir-RDPK kif ukoll jekk le.

Artikolu 16k

Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, tal-makkinarju u tagħmir elettriku elenkati fl-Anness XIh mir-RDPK, kemm jekk joriġinaw mir-RDPK kif ukoll jekk le.

Artikolu 16l

Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, tal-ħamrija u ġebel, inkluż il-manjeżit u l-manjeżja elenkati fl-Anness XIi mir-RDPK, kemm jekk joriġinaw mir-RDPK kif ukoll jekk le.

Artikolu 16m

Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, tal-injam elenkat fl-Anness XIj mir-RDPK, kemm jekk joriġina mir-RDPK kif ukoll jekk le.

Artikolu 16n

Għandhom ikunu pprojbiti l-importazzjoni, ix-xiri jew it-trasferiment, direttament jew indirettament, tal-bastimenti elenkati fl-Anness XIk mir-RDPK, kemm jekk joriġinaw mir-RDPK kif ukoll jekk le.

Artikolu 16o

1.   B'deroga mill-Artikoli 16j, sa 16n, l-awtoritajiet kompetenti tal-Istati Membri jistgħu jawtorizzaw l-importazzjoni, ix-xiri jew it-trasferiment ta l-oġġetti msemmija f'dawk l-Artikoli sa mhux aktar tard mill-21 ta' Jannar 2018, sakemm:

2.   L-Istat Membru kkonċernat għandu jinnotifika lill-Istati Membri l-oħra u lill-Kummissjoni b'kull awtorizzazzjoni mogħtija skont il-paragrafu 1.

Artikolu 16p

Għandu jkun ipprojbit il-bejgħ, il-forniment, it-trasferiment jew l-esportazzjoni, lir-RDPK, direttament jew indirettament, ta' kull makkinarju industrijali, u ħadid, azzar u metalli oħra elenkati fil-Parti A tal-Anness XIl, kemm jekk joriġinaw fl-Unjoni kif ukoll jekk le.

Artikolu 16q

1.   L-awtoritajiet kompetenti tal-Istati Membri jistgħu jawtorizzaw l-esportazzjoni ta' spare parts meħtieġa biex jinżamm l-operat sikur tal-inġenji tal-ajru ċivili tal-passiġġieri kummerċjali tar-RDPK tal-mudelli u t-tipi ta' inġenji tal-ajru elenkati fil-parti B tal-Anness XIl.

2.   L-Istat Membru kkonċernat għandu jinnotifika lill-Istati Membri l-oħra u lill-Kummissjoni b'kull awtorizzazzjoni mogħtija skont il-paragrafu 1.”;

(5)

l-Artikolu 34 huwa emendat kif ġej:

(6)

l-Artikoli 43 u 44 huma sostitwiti b'dan li ġej:

“Artikolu 43

1.   Għandu jkun ipprojbit:

2.   L-Anness XVIII għandu jinkludi l-bastimenti li mhumiex elenkati fl-Anness XIV, li l-Kunsill ikollu raġuni li jemmen li dawn kienu involuti f'attivitajiet, jew fit-trasport ta' oġġetti, li huma pprojbiti mill-UNSCR 1718 (2006), 1874 (2009), 2087 (2013), 2094 (2013), 2270 (2016), 2321 (2016), 2356 (2017), 2371 (2017), 2375 (2017) jew 2397 (2017).

Artikolu 44

1.   B'deroga mill-projbizzjoni fil-punt (a) tal-Artikolu 43(1), l-awtoritajiet kompetenti tal-Istati Membri tista' tawtorizza l-kiri, in-noleġġ jew il-forniment ta' servizzi ta' ekwipaġġ, dment li l-Istat Membru jkun kiseb l-approvazzjoni bil-quddiem mingħand il-Kumitat tas-Sanzjonijiet skont il-każ individwali.

2.   B'deroga mill-projbizzjonijiet fil-punti (c) u (e) tal-Artikolu 43(1), l-awtoritajiet kompetenti tal-Istati Membri, jistgħu jawtorizzaw is-sjieda, il-kiri, l-operat, in-noleġġ jew l-għoti ta' servizzi ta' klassifikazzjoni tal-bastimenti jew ta' servizzi assoċjati lil kwalunkwe bastiment li jtajjar il-bandiera tar-RDPK, jew ir-reġistrazzjoni, jew iż-żamma fuq ir-reġistru, ta' kwalunkwe bastiment li huwa proprjetà tar-RDPK jew ta' ċittadini tar-RDPK, jew ikkontrollat jew operat minnhom, dment li l-Istat Membru jkun kiseb l-approvazzjoni bil-quddiem mill-Kumitat tas-Sanzjonijiet skont il-każ individwali.

3.   B'deroga mill-projbizzjoni fil-punt (d) tal-Artikolu 43(1), l-awtoritajiet kompetenti tal-Istati Membri jistgħu jawtorizzaw lis-servizzi tal-ikklassifikar tal-bastimenti għal bastimenti elenkati fl-Anness XVIII dment li l-Istat Membru jkun kiseb l-approvazzjoni bil-quddiem mingħand il-Kumitat tas-Sanzjonijiet skont il-każ individwali.

4.   B'deroga mill-projbizzjonijiet fil-punt (e) tal-Artikolu 43(1), l-awtoritajiet kompetenti tal-Istati Membri tista' tawtorizza r-reġistrazzjoni ta' bastiment li jkun tneħħa mir-reġistru minn Stat ieħor skont il-paragrafu 12 tal-UNSCR 2397 (2017), dment li l-Istat Membru jkun kiseb l-approvazzjoni bil-quddiem mingħand il-Kumitat tas-Sanzjonijiet skont il-każ individwali.

5.   B'deroga mill-projbizzjonijiet fil-punt (f) tal-Artikolu 43(1), l-awtoritajiet kompetenti tal-Istati Membri, jistgħu jawtorizzaw il-forniment ta' servizzi ta' assigurazzjoni jew riassigurazzjoni, dment li l-Kumitat tas-Sanzjonijiet ikun stabbilixxa bil-quddiem skont il-każ individwali li l-bastiment ikun involut f'attivitajiet esklużivament għal skopijiet ta' għajxien li mhux se jintużaw minn individwi jew entitajiet tar-RDPK biex jiġġeneraw dħul jew esklużivament għal finijiet umanitarji.

6.   L-Istat Membru kkonċernat għandu jinforma lill-Istati Membri l-oħrajn u lill-Kummissjoni b'kull awtorizzazzjoni mogħtija skont il-paragrafi 1, 2, 3, 4 u 5.”;

(7)

l-Artikolu 45 huwa sostitwit b'dan li ġej:

“Artikolu 45

1.   B'deroga mill-projbizzjonijiet li joħorġu mill-UNSCRs 1718 (2006), 1874 (2009), 2087 (2013), 2094 (2013), 2270 (2016), 2321 (2016), 2356 (2017), 2371 (2017), 2375 (2017) jew 2397 (2017), l-awtoritajiet kompetenti tal-Istati Membri jistgħu jawtorizzaw kwalunkwe attività jekk il-Kumitat tas-Sanzjonijiet ikun iddetermina, skont il-każ individwali, li jkunu neċessarji sabiex jiffaċilitaw il-ħidma ta' organizzazzjonijiet internazzjonali u mhux governattivi li jkunu qegħdin iwettqu attivitajiet ta' assistenza u ta' salvataġġ fir-RDPK għall-benefiċċju tal-popolazzjoni ċivili fir-RDPK jew għal xi skop ieħor konsistenti mal-objettivi ta' dawk il-UNSCRs.

2.   L-Istat Membru kkonċernat għandu jinforma lill-Istati Membri l-oħra u lill-Kummissjoni b'kull awtorizzazzjoni mogħtija skont il-paragrafu 1.”;

(8)

jiddaħħal il-paragrafu li ġej:

“Artikolu 45a

1.   Sakemm mhux previst mod ieħor f'dan ir-Regolament, u b'deroga mill-projbizzjonijiet li joħorġu mill-UNSCRs 1718 (2006), 1874 (2009), 2087 (2013), 2094 (2013), 2270 (2016), 2321 (2016), 2356 (2017), 2371 (2017), 2375 (2017) jew 2397 (2017), l-awtoritajiet kompetenti tal-Istati Membri jistgħu jawtorizzaw, skont il-każ, kwalunkwe attività li tkun neċessarja għall-funzjonament tal-missjonijiet diplomatiċi jew karigi konsulari fir-RDPK skont il-Konvenzjonijiet ta' Vjenna tal-1961 u l-1963, jew ta' organizzazzjonijiet internazzjonali li jgawdu minn immunitajiet skont id-dritt internazzjonali fir-RDPK.

2.   L-Istat Membru kkonċernat għandu jinforma lill-Istati Membri l-oħra u lill-Kummissjoni b'kull awtorizzazzjoni mogħtija skont il-punt (b) tal-paragrafu 1.”

(9)

il-punt (b) tal-Artikolu 46 huwa sostitwit b'dan li ġej:

(10)

l-Artikolu 47(2) huwa sostitwit b'dan li ġej:

“2.   Fejn il-Kunsill jiddeċiedi li jissoġġetta persuna fiżika jew ġuridika, entità jew korp għall-miżuri msemmija fl-Artikolu 34(1), (2) jew (3), jew li jiddiżenja bastiment skont l-Atikolu 32, huwa għandu jemenda l-Annessi XV, XVI, XVII u XVIII kif meħtieġ.”;

(10)

jiddaħħal l-Artikolu li ġej:

“Artikolu 47a

1.   L-Annessi XV, XVI u XVIII għandhom jiġu rieżaminati regolarment u mill-inqas kull 12-il xahar.

2.   L-Annessi XIII, XIV, XV, XVI, XVII u XVIII għandhom jinkludu r-raġunijiet għall-elenkar tal-persuni, l-entitajiet, il-korpi jew il-bastimenti kkonċernati.

3.   L-Annessi XIII, XIV, XV, XVI, XVII u XVIII għandhom jinkludu wkoll, fejn disponibbli, informazzjoni neċessarja biex jiġu identifikati l-persuni fiżiċi jew ġuridiċi, l-entitajiet, il-korpi jew il-bastimenti kkonċernati. Fir-rigward ta' persuni fiżiċi, tali informazzjoni tista' tinkludi l-ismijiet, inklużi l-psewdonimi, id-data u l-post ta' twelid, iċ-ċittadinanza, in-numri tal-passaporti u tal-karti tal-identità, is-sess, l-indirizz jekk magħruf, u l-funzjoni jew il-professjoni. Fir-rigward ta' persuni ġuridiċi entitajiet u korpi, tali informazzjoni tista' tinkludi l-ismijiet, il-post u d-data tar-reġistrazzjoni, in-numru tar-reġistrazzjoni u l-post tan-negozju.”;

(12)

fl-Artikolu 53(1), il-punt (a) huwa sostitwit b'dan li ġej:

(13)

it-test indikat fl-Anness I għal dan ir-Regolament jiddaħħal bħala l-Anness XIg;

(14)

it-test indikat fl-Anness II għal dan ir-Regolament jiddaħħal bħala l-Anness XIh;

(15)

it-test indikat fl-Anness III għal dan ir-Regolament jiddaħħal bħala l-Anness XIi;

(16)

it-test indikat fl-Anness IV għal dan ir-Regolament jiddaħħal bħala l-Anness XIj;

(17)

it-test indikat fl-Anness V għal dan ir-Regolament jiddaħħal bħala l-Anness XIk;

(18)

it-test indikat fl-Anness VI għal dan ir-Regolament jiddaħħal bħala l-Anness XIl;

(19)

L-Anness XV hu emendat f'konformità mal-Anness VII għal dan ir-Regolament;

(20)

it-test indikat fl-Anness VIII għal dan ir-Regolament jiddaħħal bħala l-Anness XVIII.