EUR-Lex Access to European Union law
This document is an excerpt from the EUR-Lex website
Document 32018R0066
Commission Delegated Regulation (EU) 2018/66 of 29 September 2017 supplementing Regulation (EU) 2016/1011 of the European Parliament and of the Council specifying how the nominal amount of financial instruments other than derivatives, the notional amount of derivatives and the net asset value of investment funds are to be assessed (Text with EEA relevance. )
Regolament Delegat tal-Kummissjoni (UE) 2018/66 tad-29 ta' Settembru 2017 li jissupplimenta r-Regolament (UE) 2016/1011 tal-Parlament Ewropew u tal-Kunsill, li jispeċifika kif l-ammont nominali tal-istrumenti finanzjarji għajr id-derivattivi, l-ammont nozzjonali tad-derivattivi u l-valur nett tal-assi tal-fondi ta' investiment għandhom jiġu vvalutati (Test b'rilevanza għaż-ŻEE. )
Regolament Delegat tal-Kummissjoni (UE) 2018/66 tad-29 ta' Settembru 2017 li jissupplimenta r-Regolament (UE) 2016/1011 tal-Parlament Ewropew u tal-Kunsill, li jispeċifika kif l-ammont nominali tal-istrumenti finanzjarji għajr id-derivattivi, l-ammont nozzjonali tad-derivattivi u l-valur nett tal-assi tal-fondi ta' investiment għandhom jiġu vvalutati (Test b'rilevanza għaż-ŻEE. )
C/2017/6464
ĠU L 12, 17.1.2018, p. 11–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
17.1.2018 |
MT |
Il-Ġurnal Uffiċjali tal-Unjoni Ewropea |
L 12/11 |
REGOLAMENT DELEGAT TAL-KUMMISSJONI (UE) 2018/66
tad-29 ta' Settembru 2017
li jissupplimenta r-Regolament (UE) 2016/1011 tal-Parlament Ewropew u tal-Kunsill, li jispeċifika kif l-ammont nominali tal-istrumenti finanzjarji għajr id-derivattivi, l-ammont nozzjonali tad-derivattivi u l-valur nett tal-assi tal-fondi ta' investiment għandhom jiġu vvalutati
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1011 tal-Parlament Ewropew u tal-Kunsill tat-8 ta' Ġunju 2016 dwar l-indiċi użati bħala parametri referenzjarji fi strumenti finanzjarji u kuntratti finanzjarji jew dwar il-kejl tal-prestazzjoni ta' fondi ta' investiment u li jemenda d-Direttivi 2008/48/KE u 2014/17/UE u r-Regolament (UE) Nru 596/2014 (1), u b'mod partikolari l-Artikolu 20(6)(a) tiegħu,
Billi:
|
(1) |
Il-valur totali tal-istrumenti finanzjarji, tal-kuntratti finanzjarji jew tal-fondi ta' investiment li huma marbutin ma' parametru referenzjarju huwa l-kriterju ewlieni biex skont ir-Regolament (UE) 2016/1011, dan il-parametru referenzjarju jiġi kategorizzat bħala ta' importanza kritika, sinifikanti jew mhux sinifikanti. Għalhekk jenħtieġ li l-ammont nominali tal-istrumenti finanzjarji għajr id-derivattivi, l-ammont nozzjonali ta' derivattivi u l-valur nett tal-assi ta' fondi ta' investiment jiġi kkalkulat bl-istess mod fl-Unjoni kollha, sabiex il-kategorizzazzjoni konsistenti tal-parametri referenzjarji fl-Istati Membri u l-applikazzjoni uniformi tar-Regolament (UE) 2016/1011 jiġu żgurati. |
|
(2) |
Sabiex tiġi żgurata l-affidabbiltà tal-parametri referenzjarji, l-ammont nominali tal-istrumenti finanzjarji, l-ammont nozzjonali tad-derivattivi u l-valur nett tal-assi tal-fondi ta' investiment jinħtieġ li għalhekk jiġu kkalkulati bl-użu tad-dejta regolatorja meta tkun disponibbli. |
|
(3) |
Il-valur totali tal-istrumenti finanzjarji, tal-kuntratti finanzjarji jew tal-fondi ta' investiment jinħtieġ li jkun ikkalkulat billi jiġu kkunsidrati kemm ir-referenzi diretti għal dawn l-istrumenti finanzjarji, il-kuntratti finanzjarji jew il-fondi ta' investiment, kif ukoll ir-referenzi indiretti għal parametru referenzjarju f'taħlita ta' parametri referenzjarji. Meta strument finanzjarju, kuntratt finanzjarju jew fond ta' investiment ikun marbut ma' għadd ta' parametri referenzjarji, huwa xieraq li dawn il-bosta referenzi jiġu kkunsidrati fil-kalkolu tal-valur totali tal-istrumenti finanzjarji, tal-kuntratti finanzjarji u tal-fondi ta' investiment li jkunu marbutin ma' parametru referenzjarju, peress li dawn il-prodotti finanzjarji ma jiddependux biss fuq dan il-parametru referenzjarju. Għalhekk jinħtieġ li l-kalkolu tal-valur totali fil-każ ta' referenzi indiretti jiġi speċifikat, sabiex ikun direttament applikabbli u vvalutat b'mod konsistenti fl-Unjoni, |
ADOTTAT DAN IR-REGOLAMENT:
Artikolu 1
L-ammont nominali tal-istrumenti finanzjarji għajr id-derivattivi u l-unitajiet fl-impriżi għall-investiment kollettiv
L-ammont nominali ta' strumenti finanzjarji għajr id-derivattivi u l-unitajiet fl-impriżi ta' investiment kollettiv għandu jkun l-ammont nominali totali maħruġ f'valur monetarju msemmi fit-Tabella 3, fis-Sezzjoni 14 tal-Anness tar-Regolament Delegat tal-Kummissjoni (UE) 2017/585 (2).
Artikolu 2
L-ammont nozzjonali tad-derivattivi
L-ammont nozzjonali tad-derivattivi, imsemmi fl-Artikolu 20(6)(a) tar-Regolament (UE) 2016/1011, għandu jkun il-valur nozzjonali msemmi fit-Tabella 2, fis-Sezzjoni 20 tal-Anness tar-Regolament Delegat tal-Kummissjoni (UE) 2017/104 (3). Madankollu, fejn dan il-valur nozzjonali huwa negattiv, il-valur nozzjonali għandu jkun ugwali għall-valur assolut.
Għal tranżazzjonijiet indiċizzati tad-derivattivi tal-kreditu, il-fattur ta' indiċjar fit-Tabella 2, fis-Sezzjoni 89 tal-Anness tar-Regolament Delegat (UE) 2017/104 għandu jiġi applikat għall-valur nozzjonali.
Artikolu 3
Il-valur nett tal-assi ta' impriżi għall-investiment kollettiv
Il-valur nett tal-assi ta' impriżi għall-investiment kollettiv imsemmi fl-Artikolu 20(6)(a) tar-Regolament (UE) 2016/1011, għandu jkun wieħed minn dawn li ġejjin:
|
(a) |
għal impriżi għall-investiment kollettiv suġġetti għad-Direttiva 2009/65/UE tal-Parlament Ewropew u tal-Kunsill (4): il-valur nett tal-assi għal kull unità rrappurtata fl-aktar rapport annwali reċenti jew fir-rapport ta' nofs is-sena msemmi fl-Artikolu 68(2) ta' din id-Direttiva, immultiplikat bl-għadd ta' unitajiet; |
|
(b) |
għal impriżi tal-investiment kollettiv suġġetti għad-Direttiva 2011/61/UE tal-Parlament Ewropew u tal-Kunsill (5): l-aħħar valur nett tal-assi msemmi fl-Artikolu 104(1)(c) tar-Regolament ta' Delega tal-Kummissjoni (UE) Nru 231/2013 (6). |
Artikolu 4
L-użu ta' ammonti u valuri alternattivi
Meta l-ammonti jew il-valuri għall-kalkolu tal-valur totali tal-istrumenti finanzjarji, tal-kuntratti finanzjarji jew tal-fondi ta' investiment li huma marbutin ma' parametru referenzjarju, imsemmijin fl-Artikoli 1, 2 u 3, ma jkunux disponibbli jew ma jkunux kompluti, il-valur totali msemmi fl-Artikolu 20(1)(a) tar-Regolament (UE) 2016/1011 u l-valur medju totali msemmi fl-Artikolu 24(1)(a) ta' dan ir-Regolament għandhom jiġu kkalkulati billi jintużaw ammonti jew valuri alternattivi, inklużi indikaturi u ammonti jew valuri li jagħtu l-fornituri privati tal-informazzjoni, jew dejta pubblika kkalkulata u ppubblikata minn operaturi tas-suq, dment li dawn l-indikaturi u l-ammonti jew il-valuri jkollhom krettu ta' livell suffiċenti u jkunu affidabbli biżżejjed.
Amministratur li juża ammonti jew dejta alternattivi għandu jikkalkula l-ammont totali abbażi tal-aħjar sforz u skont l-aħjar kapaċità tagħhom, abbażi tad-dejta disponibbli.
Amministratur li juża ammonti jew dejta alternattivi għandu jipprovdi lill-awtorità kompetenti b'deskrizzjoni speċifika bil-miktub tas-sorsi ta' dejta użati meta jinnotifika lil din l-awtorità kompetenti skont l-Artikolu 24(3) tar-Regolament (UE) 2016/1011.
Artikolu 5
Munita
L-ammonti u l-valuri msemmija fl-Artikoli 1, 2 u 3 għandhom jintwerew f'EUR. Meta jkun meħtieġ, l-ammonti jew il-valuri għandhom jiġu kkonvertiti skont ir-rata tal-kambju ta' referenza esterna tal-euro tal-ġurnata, ippubblikata mill-Bank Ċentrali Ewropew.
Artikolu 6
Referenza indiretta għal parametru referenzjarju f'taħlita ta' parametri referenzjarji
Meta parametru referenzjarju jintuża indirettament f'taħlita ta' parametri referenzjarji, l-ammonti jew valuri għall-finijiet tal-livelli limitu msemmija fl-Artikolu 20(1) u fl-Artikolu 24(1)(a) tar-Regolament (UE) 2016/1011 għandhom ikunu waħda minn dawn li ġejjin:
|
(a) |
il-piż tal-parametri referenzjarji, f'termini ta' perċentwali, fit-taħlita tal-parametri referenzjarji, immultiplikata bl-ammont jew bil-valur totali, jew bil-valur medju, kif applikabbli, tal-istrument finanzjarju jew tal-fond ta' investiment inkwistjoni, fejn dan il-piż huwa speċifikat b'mod ċar jew jista' jiġi kkalkulat abbażi ta' informazzjoni oħra disponibbli; |
|
(b) |
l-ammont jew il-valur totali jew il-valur medju, kif applikabbli, tal-istrument finanzjarju jew tal-fond ta' investiment inkwistjoni diviż bl-għadd ta' parametri referenzjarji fit-taħlita tal-parametri referenzjarji, fejn il-piż reali tal-parametru referenzjarju ma jkunx speċifikat jew lanqas ma jista' jiġi approssimat. |
Artikolu 7
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta' Settembru 2017
Għall-Kummissjoni
Il-President
Jean-Claude JUNCKER
(1) ĠU L 171, 29.6.2016, p. 1.
(2) Ir-Regolament Delegat tal-Kummissjoni (UE) 2017/585 tal-14 ta' Lulju 2016 li jissupplimenta r-Regolament (UE) Nru 600/2014 tal-Parlament Ewropew u tal-Kunsill fir-rigward tal-istandards tekniċi regolatorji għall-istandards u l-formati tad-dejta ta' referenza tal-istrumenti finanzjarji u l-miżuri tekniċi marbutin ma' arranġamenti li għandhom isiru mill-Awtorità Ewropea tat-Titoli u s-Swieq u l-awtoritajiet kompetenti (ĠU L 87, 31.3.2017, p. 368).
(3) Ir-Regolament Delegat tal-Kummissjoni (UE) 2017/104 tad-19 ta' Ottubru 2016 li jemenda r-Regolament Delegat (UE) Nru 148/2013 li jissupplimenta r-Regolament (UE) Nru 648/2012 tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tad-dejta dwar it-tranżazzjonijiet fir-rigward ta' standards tekniċi regolatorji dwar id-dettalji minimi tad-dejta li trid tiġi rrappurtata lir-repożitorji tad-dejta dwar it-tranżazzjonijiet (ĠU L 17, 21.1.2017, p. 1).
(4) Id-Direttiva 2009/65/KE tal-Parlament Ewropew u tal-Kunsill tat-13 ta' Lulju 2009 dwar il-koordinazzjoni ta' liġijiet, regolamenti u dispożizzjonijiet amministrattivi fir-rigward tal-impriżi ta' investiment kollettiv f'titoli trasferibbli (UCITS) (ĠU L 302, 17.11.2009, p. 32).
(5) Id-Direttiva 2011/61/UE tal-Parlament Ewropew u tal-Kunsill tat-8 ta' Ġunju 2011 dwar Maniġers ta' Fondi ta' Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1).
(6) Ir-Regolament ta' Delega tal-Kummissjoni (UE) Nru 231/2013 tad-19 ta' Diċembru 2012 li jissupplimenta d-Direttiva 2011/61/UE tal-Parlament Ewropew u tal-Kunsill fir-rigward tal-eżenzjonijiet, il-kundizzjonijiet ġenerali tal-operat, id-depożitarji, l-ingranaġġ, it-trasparenza u s-superviżjoni (ĠU L 83, 22.3.2013, p. 1).