This document is an excerpt from the EUR-Lex website
Document 32018L1027
Commission Implementing Directive (EU) 2018/1027 of 19 July 2018 amending Council Directive 66/402/EEC as regards isolation distances for Sorghum spp. (Text with EEA relevance.)
Direttiva ta' Implimentazzjoni tal-Kummissjoni (UE) 2018/1027 tad-19 ta' Lulju 2018 li temenda d-Direttiva tal-Kunsill 66/402/KEE fir-rigward ta' distanzi ta' iżolament għal Sorghum spp (Test b'rilevanza għaż-ŻEE.)
Direttiva ta' Implimentazzjoni tal-Kummissjoni (UE) 2018/1027 tad-19 ta' Lulju 2018 li temenda d-Direttiva tal-Kunsill 66/402/KEE fir-rigward ta' distanzi ta' iżolament għal Sorghum spp (Test b'rilevanza għaż-ŻEE.)
C/2018/4358
ĠU L 184, 20.7.2018, p. 4–6
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
20.7.2018 |
MT |
Il-Ġurnal Uffiċjali tal-Unjoni Ewropea |
L 184/4 |
DIRETTIVA TA' IMPLIMENTAZZJONI TAL-KUMMISSJONI (UE) 2018/1027
tad-19 ta' Lulju 2018
li temenda d-Direttiva tal-Kunsill 66/402/KEE fir-rigward ta' distanzi ta' iżolament għal Sorghum spp
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 66/402/KEE tal-14 ta' Ġunju 1966 dwar il-marketing ta' żerriegħa tal-ġwież (1), u b'mod partikolari l-Artikolu 21a tagħha,
Billi:
(1) |
Il-kundizzjonijiet għall-produzzjoni taż-żerriegħa previsti fid-Direttiva 66/402/KEE huma bbażati fuq standards stabbiliti mill-Organizzazzjoni għall-Kooperazzjoni u l-Iżvilupp Ekonomiċi (OECD). |
(2) |
Fil-Laqgħa Annwali tal-2017 tal-OECD dwar għall-Iskemi taż-Żerriegħa, l-istandard għal distanzi ta' iżolament għall-kultivazzjoni ta' Sorghum spp. ġie emendat b'mod partikolari biex jiġu kkunsidrati żoni fejn il-preżenza ta' S. halepense jew S. sudanense hija kwistjoni partikolari ta' dakkir inkroċjat. |
(3) |
Għaldaqstant, jenħtieġ li d-Direttiva 66/402/KEE tiġi emendata skont dan. |
(4) |
Il-miżuri previsti f'din id-Direttiva huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DIRETTIVA:
Artikolu 1
Emendi għad-Direttiva 66/402/KEE
L-Anness I tad-Direttiva 66/402/KEE huwa emendat skont l-Anness ta' din id-Direttiva.
Artikolu 2
Traspożizzjoni
1. Sa mhux aktar tard mill-31 ta' Diċembru 2018, l-Istati Membri għandhom jadottaw u jippubblikaw il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Huma għandhom jikkomunikaw minnufih lill-Kummissjoni t-testi ta' dawk id-dispożizzjonijiet.
Huma għandhom japplikaw dawn id-dispożizzjonijiet mill-1 ta' Jannar 2019.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom immedjetament jikkomunikaw lill-Kummissjoni t-testi tad-dispożizzjonijiet ewlenija tal-liġi nazzjonali li huma jadottaw fil-qasam kopert b'din id-Direttiva.
Artikolu 3
Dħul fis-seħħ
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Destinatarji
Din id-Direttiva hija indirizzata lill-Istati Membri.
Magħmul fi Brussell, id-19 ta' Lulju 2018.
Għall-Kummissjoni
Il-President
Jean-Claude JUNCKER
(1) ĠU 125, 11.7.1966, p. 2309/66.
ANNESS
Il-Punt 2 tal-Anness I tad-Direttiva 66/402/KEE jinbidel b'li ġej:
“2. |
L-għelejjel għandhom jikkonformaw fir-rigward id-distanzi mis-sorsi fil-viċin tat-trab tad-dakra li jistgħu jirriżultaw f'dakkir barrani mhux mixtieq:
Id-distanzi minimi mniżżla fit-tabella hawn fuq jistgħu jiġu injorati jekk hemm protezzjoni suffiċjenti minn kwalunkwe trab tad-dakra mhux mixtieq.” |
(*1) F'dawn iż-żoni fejn il-preżenza ta' S. halepense jew S. sudanense titratta kwistjoni ta' dakkir inkroċjat partikolari, għandu japplika dan li ġej:
(a) |
l-għelejjel għandhom jipproduċu ż-żerriegħa bażika ta' Sorghum bicolor jew l-ibridi taghħa jridu jiġi iżolati mhux inqas minn 800 m 'l bogħod minn kwalunkwe sors ta' tali trab tad-dakra li jikkontamina; |
(b) |
l-għelejjel għandhom jipproduċu ż-żerriegħa ċċertifikata ta' Sorghum bicolor jew l-ibridi taghħa jridu jiġi iżolati mhux inqas minn 400 m'l bogħod minn kwalunkwe sors ta' tali trab tad-dakra li jikkontamina. |