This document is an excerpt from the EUR-Lex website
Document 32018L0217
Commission Directive (EU) 2018/217 of 31 January 2018 amending Directive 2008/68/EC of the European Parliament and of the Council on the inland transport of dangerous goods by adapting Section I.1 of its Annex I to scientific and technical progress
Direttiva tal-Kummissjoni (UE) 2018/217 tal-31 ta' Jannar 2018 li temenda d-Direttiva 2008/68/KE tal-Parlament Ewropew u tal-Kunsill dwar it-trasport intern ta' oġġetti perikolużi, permezz tal-adattament tat-Taqsima I.1 tal-Anness I tagħha mal-progress xjentifiku u tekniku
Direttiva tal-Kummissjoni (UE) 2018/217 tal-31 ta' Jannar 2018 li temenda d-Direttiva 2008/68/KE tal-Parlament Ewropew u tal-Kunsill dwar it-trasport intern ta' oġġetti perikolużi, permezz tal-adattament tat-Taqsima I.1 tal-Anness I tagħha mal-progress xjentifiku u tekniku
C/2018/0465
ĠU L 42, 15.2.2018, p. 52–53
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
15.2.2018 |
MT |
Il-Ġurnal Uffiċjali tal-Unjoni Ewropea |
L 42/52 |
DIRETTIVA TAL-KUMMISSJONI (UE) 2018/217
tal-31 ta' Jannar 2018
li temenda d-Direttiva 2008/68/KE tal-Parlament Ewropew u tal-Kunsill dwar it-trasport intern ta' oġġetti perikolużi, permezz tal-adattament tat-Taqsima I.1 tal-Anness I tagħha mal-progress xjentifiku u tekniku
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Id-Direttiva 2008/68/KE tal-Parlament Ewropew u tal-Kunsill tal-24 ta' Settembru 2008 dwar it-trasport intern ta' oġġetti perikolużi (1), u b'mod partikolari l-Artikolu 8(1) tagħha,
Billi:
(1) |
It-Taqsima I.1 tal-Anness I tad-Direttiva 2008/68/KE tirreferi għad-dispożizzjonijiet stipulati fil-ftehim internazzjonali dwar it-trasport bit-triq ta' oġġetti perikolużi kif iddefiniti fl-Artikolu 2 ta' dik id-Direttiva. |
(2) |
Id-dispożizzjonijiet ta' dak il-ftehim internazzjonali jeħtieġ li jiġu aġġornati regolarment skont l-Artikolu 14 tal-Ftehim Ewropew dwar it-trasport internazzjonali ta' oġġetti perikolużi bit-triq (ADR). L-aħħar verżjoni emendata tal-ftehim internazzjonali se tapplika b'seħħ mit-3 ta' Jannar 2018. |
(3) |
Jenħtieġ għalhekk li t-Taqsima I.1 tal-Anness I tad-Direttiva 2008/68/KE tiġi emendata skont dan. |
(4) |
Il-miżuri previsti f'din id-Direttiva huma skont l-opinjoni tal-Kumitat dwar it-trasport ta' oġġetti perikolużi, |
ADOTTAT DIN ID-DIRETTIVA:
Artikolu 1
Fl-Anness I tad-Direttiva 2008/68/KE it-Taqsima I.1 tinbidel b'dan li ġej:
“I.1 ADR
Fl-Annessi A u B tal-ADR, kif applikabbli b'effett mit-3 ta' Jannar 2018, huwa mifhum li l-frażi “parti kontraenti” hija mibdula bil-frażi “Stat Membru” kif xieraq.”.
Artikolu 2
1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi neċessarji biex jikkonformaw ma' din id-Direttiva sa mhux aktar tard mit-3 ta' Lulju 2018. Huma għandhom jikkomunikaw minnufih lill-Kummissjoni t-testi ta' dawk id-dispożizzjonijiet.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet prinċipali tad-dritt nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, il-31 ta' Jannar 2018.
Għall-Kummissjoni
Il-President
Jean-Claude JUNCKER
(1) ĠU L 260, 30.9.2008, p. 13.